Hemen zaude: EIZIE »  EIZIE Elkartea »  Bazkide izan nahi al duzu?

Bazkide izan nahi al duzu?

Baldintza hauetako bat bete beharko da EIZIEko kide izateko :

Baldintza profesionalak

a) Itzultzaile edo interprete izateko ikasketak egin izana, Euskal Herriko zein kanpoko edozein unibertsitate edo eskolatan.
b) Euskarara edo euskaratik bi liburu itzuli eta argitaratu izana, edo bi libururen parekotzat jo daitekeen orri-kopurua itzuli izana.
c) Itzultzaile edo zuzentzaile lanpostu batean gutxienez urte betean jardun izana, betiere sorburu hizkuntza edo xede hizkuntza euskara izanik.
d) Interprete lanetan gutxienez 50 orduz jardun izana, sorburu hizkuntza edo xede hizkuntza euskara izanik.

Hizkuntzazko baldintzak

EIZIEko kide izan nahi duenak euskaraz badakiela frogatu beharko du, era hauetako batean:

a) agiri ofizialen baten bitartez,
b) itzulpenen bat (20 orrialde gutxienez) euskaratik edo euskarara egina duela frogatuta.

Egiaztagiriak

Aurreko bi ataletan aipatu diren baldintza guztiak agirien bidez frogatu behar dira.
Nolanahi ere, Elkartearen helburuekin bat etorriz, itzulpengintzaren edota interpretazioaren inguruan jarduna izan arren aurreko baldintzak egiaztagiriekin behar bezala frogatu ezin badira, hiru elkartekideren abala aurkeztu beharko da.

Baldintzetako bat edo gehiago betetzen badituzu, bidali zure eskaria EIZIEra idatziz (Zuzendaritza Batzordeari), honako agiri hauekin batera:
- bazkide-fitxa
- Itzulpen fitxa
- NAren kopia
- bi argazki
- curriculum vitae