Inkscape marrazketa bektorialak jorratzeko programaren 0.47 bertsioa datorren ekainean kaleratzekotan denez, dagokion euskaraketa ere eguneratzen ari gara. Piskanaka mezu berriak euskaratu ditugu, baina badaude mezu batzuk nahiko bereziak direnak: irudi geometriko batzuei dagokienak alegia.

Hori dela eta, hau albiste bat baino gehiago laguntza eskaera bat da :)

Izan lehena artikuluari iruzkina sortzen

Euslinux 2009 proiekturako euskaratu nuen Audacious musika erreproduzigailuaren fitxategia igaro den Aste Santuak baino lehenago bidali nien garatzaileei. Aste Santuetan berriz, oporretan nengoela... Audacious-en pluginen (audacious-plugins) mezuak euskaratu nituen (baita beste aplikazio bat eguneratu ere, baina oraindik zalantza batzuk finkatu beharrean nagoenez ez dut horri buruz hitzegingo ;P), eta gaur goizean bidali diot Tony-ri (arduradunetariko bat) Audacious-en iturburuan sartzeko asmoarekin.

Bidalitako fitxategiak hasiera batean oraindik kaleratu gabe dagoen Audacious-en 2.0 bertsioarentzako daude prestatuta. Beraz, espero dut epe laburrean GNU/Linux-eko banaketa guztietan erabilgarri egotea euskarazko bertsioa :)

Izan lehena artikuluari iruzkina sortzen