150 bono inguru saldu dira dagoeneko, baita Zestoako saiorako lehenbiziko sarrerak ere. 750 bertsozale biltzeko aukera du Gurutzeaga pilotalekuak.
Sarrerarik gabe gelditzeko edo iilaran egotea saihesteko sortu du Bertsozale Elkarteak www.bertsosarrerak.eu ataria. Ostegun gauean itxiko da txapelketako lehen saioko sarrerak erosteko aukera.
Oihana Bartra, Uxue Alberdi, Iñaki Gurrutxaga, Miren Artetxe, Odei Barroso eta Jone Uriak izango dute Txapelketa Nagusia hasteko ardura. Arratsaldeko bostak eta erdietan izango da zita Uztapide plazan dagoen Gurutzeaga pilotalekuan.
Aste honetan, bestetik, honako ahots-deia entzuteko aukera izango da irratietan Zestoako final-laurdena iragartzeko. Zestoako soinu-deia
Bihartik salgai izango dira Leitzako eta Bilboko saioetako sarrerak www.bertsosarrerak.eu atarian.
Mintzola Etxea
Txapelketa Nagusia larunbatean hasiko da
Urriak 3, larunbata. Zestoako Uztapide plazan dagoen Gurutzeaga pilotalekua. Arratsaldeko 17:30ak. Bertsolari Txapelketa Nagusia 2009 hasiko da. Ez da kasualitatea. Bertsolari handi baten jaioterria da: Manuel Olaizola “Uztapide”rena. Hiru aldiz izan zen txapeldun; 1962,1965 eta 1967. urteetan.
Datozen lau urteetarako txapelduna aukeratzeko lehia 44 bertsolariren arteakoa izango da, larunbatean hasi eta abenduaren 13ra arte luzatuko den txapelketan. Lehenengoak taula gainera igotzen Iñaki Gurrutxaga, Jone Uria, Miren Artetxe, Oihana Bartra, Uxue Alberdi eta Odei Barroso. Aurkezle lanetan Inazio Usarralde ibiliko da.
Bizkaitik bi, Gipuzkoatik bi eta Iparraldetik beste bi bertsolari taula gainean. 19 urte ditu partaiderik gazteenak eta 28 zaharrenak. Lau bertsolarik, gainera, lehenengoz kantatuko dute Txapelketa Nagusian. Saioari buruzko informazio gehiago hemen.
Sarrerak internetez ostegunera arte
Internet bidez sarrerak eskuratzeko aukera dute nahi duten bertsozaleek txapelketan. Antolaketak www.bertsosarrerak.eu ataria sortu du horretarako. Dagoeneko, Zestoako saiorako, 200 sarrera saldu dira. Internet bidezko salmenta ostegun (urriak 1) gauerdira arte izango da aktibatuta. Gero, saio egunean Gurutzeaga pilotalekuko txarteldegian bakarrik egongo dira salgai beste sarrerak. Zestoan 750 bertsozale batzeko asmoa dauka Bertsozale Elkarteak.
Internet bidez sarrera eskuratu dutenek, garrantzitsua da jakitea, etxean inprimatuta eraman behar dutela sarrera.