(Lo sentimos pero este contenido no está disponible en su idioma.). Política lingüistica en Eke.org

Euskal Rock Erradikalaren garaia (1983-1993)

Euskal rocka ipar Euskal Herrian sortu baldin bada ere, bereziki hego Euskal Herrian garatu da.

Jatorri sozialak

Garai hartan, giro sozial eta politikoa oraino nahasia da.
Francoren hiltzean lorturiko autonomiak ez ditu independentisten gogoak asetzen. Bestalde, 1980 hamarkadaren hasieran, hego Euskal Herriak gaitzeko krisia ekonomikoa jasaiten du.

Hertzainak taldeko Gari kantaria (arg. Aitor Bayo - Argia Astekaria)

Hori guzia dela eta, Euskal Herriko hiri anitzetan, gazteek beren haserrea 70. hamarkadako punk ingelesaren eragina daukan rock baten bitartez adierazten dute : « Euskal Rock Erradikala » sortzen da.

Talde mitikoak

Hiritartasuna eta oldartze politikoa isladatzen duen rocka. Hertzainak mugimendu hartako talde nagusienetarik bat izan da.

Kortatu taldearen ibilbidea guztiz aipagarria da.
1980. hamarkada hasieran, Fermin Muguruzak eta bere anaia Iñigok Kortatu taldea sortzen dute. 1985ean argitaratu lehen diskoan, euskarazko bi kantu daude bakarrik. Beren nahiaren arabera, euskarak gero eta prentsentzia handiagoa ukan du beren diskoetan eta 1988an argitaratu "Kolpez Kolpe" (1988) osoki euskaraz kantatua da. Bere musika alai, militante eta kontra-kulturalarekin, Kortatu belaunaldi oso baten ikurra bilakatu da. « Azken guda dantza » diskoa munduko zuzeneko lan hoberenetan sailkatu du Maximum Rock’n’Roll musika aldizkari amerikar ospetsuak.

Fermin Muguruza Negu Gorriak taldearekin (arg. Aitor Bayo - Argia Astekaria)

Negu Gorriak 1990ean sortzen da Kortaturen hautsetatik. Fermin Muguruza hortan da, Iñigo bere anaia ere, baina ere Kaki Arkarazo, Mikel « Anestesia » eta Mikel « Bap ». Taldearen xedea argia da : euskal gazteriaren konzientzia piztea, gazteria hori batzea eta euskal herriaren nortasuna "ozenki" adieraztea. Negu Gorriak euskal rock talde eraginkorrenetarik bat bezala ikusia da. Rockaren, raparen, reggae-aren eta joera berrien arteko aparteko nahasketa horrekin, euskarazko rockari, nazioarte mailan agertzeko aukera eman dio.

Itoiz (1978-1988) taldeak aldiz, pop musika ondare izigarria utzi du, "Rock Erradikaletik" at. Taldeak beti lehentasuna eman die poesiari eta musika kalitateari, ezen ez hitzen mezuei. Alabaina, The Doors taldearen eraginpean, J-C Perez-en taldeak ez du iñoiz mezu politikorik eman nahi ukan eta indar guziak testuen poesian eta musika ikerketan ezarri ditu. Bere iraunkortasunari eta sormen gaitasunari esker, Itoiz, euskal rockaren eta orokorki euskal kantagintzaren mito handienetarik bat dugu.

Euskal kantua

"Euskal Herrian, ikusi ahal izan dut, bizi ahal izan dut, kantuak eta musikak ez dute deus ikustekorik ikusgarrien munduarekin. Bakarrik herri baten biziaren adierazpen naturala dira."  
Miguel Angel Estrellas, piano-jolea

  • Irakurri Euskal Herritik kanpoko idazle batzuen beste aipamen zenbait, euskaldunetaz eta mendez-mende erakutsi duten musika dohainetaz.
  • "Irudiak kantari" fitxa telekargatu. Euskaraz ala Frantsesez. 1945etik geroztikako euskal kantua hobeki ulertzeko gida. Euskal kultur erakundeak disko azalez osatu erakusketaren gida zen.  
  • Kantuketan erakusketan entzungai diren kantu batzuen hautaketa(erreferentziekin) Euskara-frantsesa ala Euskara-Gaztelera
Internet baliabideak