Gutxienez 2 gauetarako, osorik alokatzen den landa etxe bat da. Luiaondon kokaturik dago, 700 biztanleko herrialdean, Aiara-Ayala Bailaran, Arabako ipar-mendebaldean eta Bizkaiako muga inguruan. Luiaondo Bilbotik 25kmtara dago eta Vitoria-Gasteiztik 45 kmtara. Komunikabideak oso onak dira, bai karretera bidez, eta bai trenbide edo autobus bidez. Herriak barruko garraiobide zerbitzua eskaintzen du eta RENFE aldiriko garraioko geltokia, Bilboruntz. Luiaondok hainbat zerbitzu eskaintzen ditu, hala nola, jatetxea, tabernak, elikadurarako 2 saltoki, tabako denda, pilotalekua eta bolera (aiaratar modalitatea). Urdinetxek 6 gela ditu, 2 bikoitz bainugelaz hornituak, 4 gela bikoitz, gela bikoitzean bihurgarri diren 2 areto, elkarbanatzeko 4 bainugela, 4 kotxerentzako ahalmena duen garajea, haurrentzako joko gela eta ping-pong areto bat, 1200m2ko lorategi bat atari eta barbakoarekin. Etxea guztiz hornitua dago, egongeletan 2 telebista ditu eta beste 2, gela bikoitzetan; baita DVDa, CD eta canal +. Sukaldea guztiz horniturik dago. Etxetik bertatik senderismoa, mountain-bike… burutu daitezke eta honez gain Gorbea, Sierra Salvada, Nervión ibaiaren jaiotza eta abarretara hurbiltzeko aukera dago. Bestetik, Herriko Turismo bulegoak bisitaldi gidatuak antolatzen ditu Txakoliko upeltegira, Ouejanako Ayalatarren Monastegi eta Dorretxera, Aiarako erakustokietara ibilbideak (Laudioko gastronomikoa, Amurrioko zeramika eta Artziniegako Etnografikoa); Bestetik, herriko arkitektura zibil eta erlijiosoa, Artziniega eta Orduñako alde zaharra ikuskatzeko bisitaldi espezifikoak eta abar. Urdinetxe ezagutzera animatzen zaitugu, bere barnealdearen berotasunaz gozatzeaz gain, Aiara-Ayalak txunditu egingo baitzaitu.