Euskararen erabilera lan munduan. Erabilera planen metodologia. 1996ko abenduaren 12an egindako mintegira aurkeztutako txostenak, Eusko Jaurlaritza, Vitoria-Gasteiz, 1997, ISBN 84-457-1164-4.
Lan-munduan euskararen erabilerari buruzko mintegian aurkeztutako txostenak jasotzen dira. Liburuaren lehen atalean enpresa pribatuetako mikroplanak jorratzen dira eta bigarrenean, aldiz, herri-administrazioko mikroplanak.
Euskara arlo sozioekonomikoan, Eusko Jaurlaritza, Vitoria-Gasteiz, 1998, ISBN 84-457-1289-6.
Liburuxka hau enpresei, era ulergarri eta errazean, lan-mundua eta euskara elkartzeko bideak erakutsi eta eskaintzeko argitaratu da. Bertan, euskararen erabilera-planei buruzko oinarrizko informazioa eskaintzen da: zergatik eta nola egin euskararen erabilera-planak, nolakoak diren eta horretaz non lor daitekeen informazio gehiago. Azkenik, euskarak arlo ekonomikoan jokatu behar duen paperari buruz EAEko lan-munduan ezagunak diren batzuen iritziak eskaintzen dira.
|