Eusko Jaurlaritza - Gobierno Vasco

Kultura Saila

euskadi.net

Hasiera

Hemen zaude:
  1. Hasiera
  2.  
  3. Kulturaren Euskal Kontseilua
  4.  
  5. Kulturaren Euskal Plana

W3C-WAI-k web edukirako ezarritako 1.0 Erabilerraztasun Jarraibideetako A mailari dagokion ikonoa

Kulturaren Euskal Plana - Plana


Plana




Kulturaren Euskal Kontseiluaren  lan egitasmoaren funtsezko osagaia, oinarrian dagoena, aurkezten ari garen Kulturaren Euskal Plana (KEP) da. Plan horrek EAEn euskal kulturaren gainean ikuspegi estrategikoei, jarduera irizpideei eta lehentasunei buruz eragile publiko eta pribatuen arteko adostasuna islatu nahi du. Euskal herritarren zerbitzura dagoen tresna da, kultur kudeaketaren ikuspegi interbentzionista eta inposatzailea arbuiatzen duena.
Talde-lanaren fruitu moduan lortutako adostasuna eta etengabeko hobekuntza xede dituen tresna da.

Plana, zalantzarik gabe, Eusko Jaurlaritzaren plana da, eta erakunde horren jarduerak bideratu eta konpromisoak ezarriko ditu. Baina hori baino gehiago ere bada.

Lehenik, filosofia bat da, gure herriko erakunde eta eragile guztientzat esparru orokor bat. Izan ere, Euskal Autonomia Erkidegoan, maila horretan, aurreneko bateratze-lan kolektiboa izan da. Gainera, dokumentuek, taldeek, hausnarketek erreferentzia orokor izateko asmo hori ageri zuten, beren aberastasunean erakundeak epel utziko ez dituzten diagnostikoak eta lehentasunak azalera ekarriz.

Bigarrenik, ildo nagusi horiek garatzeko konpromisoa ere bada, jarduerak koordinatu eta adostu, baliabideak zentzuz banatu edo sinergiak sortu nahi dituzten erakunde zenbaiten bitartez, beti ere erakundeen eskumenetan sartu gabe eta eragile sozial edo pribatuen erabakietan nahastu gabe.

Eskumenek eta erantzukizunek Planaren aurretik zeuden leku berean jarraitzen dute, baina Planak segurki sektore eta lurraldeko garapenak testuinguru egokiagoetan gauza daitezen lagunduko du.

Kulturaren Euskal Plana :
Gaztelania 
(pdf, 200 kB) -  euskara (pdf, 200 kB), 
ingelesa (pdf, 200 kB) - frantsesa (pdf, 200 kB).

Azken eguneratzea: 2005/11/30