Albisteak
Udazkenerako dantza ikastaro eskaintza berria Dantzan Ikasin
Udazkenerako dantza ikastaro eskaintza berri batekin dator Dantzan Ikasi. Zuberoako dantzak Jean Mixel Bedaxagar, Fernando Aristizabal eta Jexux Larrearekin, Argia taldearen oinarriak eta sorkuntza emariak Juan Antonio Urbeltz eta Iñaki Arregirekin, eta dantzaren mugimenduaren analisian eta dantzaren pedagogia Aiko taldearekin dira azaroa eta abenduan egingo diren ikastaroak.
dantzancom 2009/10/15 Gehiago Irakurri…
Gernika lan berria Gernikan bertan aurkeztuko du Aukeran-ek
'Gernika, mihise gaineko dantza' estreinatuko du Aukeran konpainiak larunbatean Gernikan. Urriaren 17an, Gernikako Lizeo Antzokiak hartuko du Aukeran konpainiaren lan berriaren estreinaldi ofiziala.
dantzancom 2009/10/15 Gehiago Irakurri…
Alicia Amatrain Espainiako dantzaren sarirako hautagaia
Gipuzkoako Dantza Profesionalen Elkarteak gaur jakitera eman nahi du babes kanpaina bat burutzen ari dela, 2009 Nazio mailako Dantzaren Sarirako, Antzezpen kategorian, Stuttgart-eko Balleteko Dantzari Nagusia den Alicia Amatriainen hautagaitzaren alde. Irailaren hasieratik Elkartea hainbat erakunde, elkarte eta dantzarigaz harremanetan jarri da Alicia Amatriainen hautagaitza babestu dezaten.
Gipuzkoako Dantza Profesionalen Elkartea 2009/10/15 Gehiago Irakurri…
Dantza emanaldiak Nafarroako "Udazkeneko bira"ren baitan
Udazkeneko bira Nafarroako Gobernuak antolatzen duen antzerki, musika, zinema eta dantza programa bat da. 200 eta 1000 biztanle arteko herri eta kontzejuekin elkarlanean antolatzen du eta urria, azaroa eta abenduan egiten dira emanaldiak Nafarroako hainbat herritan. Hemen dantzarekin zerikusia duten emanaldiak bildu ditugu.
dantzan.com 2009/10/13 Gehiago Irakurri…
Nafarroako merinalde guztietako dantzak, bihar, Tuteran
Tuterako Beterri peñak antolatuta, Nafarroako merinalde guztietako dantza taldeak elkartuko dira bihar Erriberako hiriburuan haien dantzak erakusteko. Erriberriko merinaldeko ordezkari Makaia izanen da, Tuterakoa Barde Ribera, Iruñekoa Duguna, Nafarroa Beherekoa Arrola, Lizarrakoa Francisco Beruete, Zangozakoa Rocamador. Tuterako San Juango paloteadoko taldeak talde gonbidatu gisa ariko da.
dantzan.com 2009/10/09 Gehiago Irakurri…
Leire Ituarteren estreinaldia La Fundicion-en
La Fundicion-en gauzatzen ari den egoitza programaren emaitza aurkeztera doa Leire Ituarte asteburuan. Urriaren 10ean eta 11an, 20.00etan bi pieza eskainiko ditu: "Look at me, Bang Bang" eta "Azul en tres actos".
dantzancom 2009/10/08 Gehiago Irakurri…
Euskal Herriko dantza eta inauterietako janzkerak, akuareletan
"Janzkera Euskal Herrian: motak, jantziak, dantzak, inauteria" izeneko akuarela erakusketa antolatu du Atarrabiako udalak. Jose Mari Pastor "Artzai" margolariaren lanak erakutsiko dituzte bertan. "Artzai"k Euskal Herriko folklorearekin lotutako margolan askoren egile da eta honakoan, bere hainbat lanekin osatu dute erakusketa hau.
dantzan.com 2009/10/08 Gehiago Irakurri…
ABBEk Igor Yebra ekarriko du 09/10 denboraldiari hasiera emateko
Asociacion Bilbao Ballet Elkarteak (ABBEk), 09-10 denboraldiari hasiera emateko, Bordeleko Opera Nazionalaren Balleteko dantzari izarra den Igor Yebra aurkezten du aparteko gala batean. Bilboko dantzariak, ABBE kideen eskariari erantzunez, gainezka dagoen bere agendan hutsunea bilatu du lehen mailako ekitaldi honen erabateko antolaketaz arduratzeko.
Iratxe de Arantzibia 2009/10/07 Gehiago Irakurri…
Euskal koreografoen I. Jaialdia egingo da Berlinen
Euskal koreografoen I. jaialdia anolatu dute Berlinen urriaren 16tik 18ra. Irakurraldiak eta dantza bilduko dituzte hiru emanalditan. Harkaitz Cano, Karmele Jaio eta Michael Kasper ariko dira irakurle eta Ertza, Kukai eta Mikel Aristegiren konpainiak ariko dira dantzan.
dantzan.com 2009/10/07 Gehiago Irakurri…
Antton Bastida, Eresoinkako txistulari izan zena hil da
Asteburu honetan, Antton Bastida txistulari donostiarra hil da, 91 urte zituela. Antton Bastidaren txistulari jarduna, gerra garaian, ordurako atzerrian zegoen Eusko Jaurlaritzak eratutako Eresoinka talde kulturalagatik da, batik bat, ezaguna. Talde hura, jakina denez, Europako antzokietan barna ibili zen "enbajadore" lanetan, kulturaren bidez euskaldunen egoera azaltzen eta salatzen, europarren bihotza bigundu nahian; dantzari, txistulari, kantari eta hainbat laguntzailez osatutako talde erraldoia zen Eresoinka.
Xabier Etxabe 2009/10/07 Gehiago Irakurri…