Koru Kantuaren Nazioarteko Festibala

2009-10-18

Ohiduraren era mugimenduaren artean

Aurten, Maurice Ravel kontserbatorioko Laetitia Casabianca koru zuzendariak festibalarekin bat egin du aholkulari artistiko bezala. Bere ekimenez, jaialdian ohiko koru kantuak entzungai izanen dira tokiko abesbatzen parte hartzeari esker. Bestalde, sorkuntzak preziatzen ahalko dira ere, mugimenduan ari diren taldeak gomitatu bait dituzte, hots espazioarekin eta eszenaratzearekin jostatzen diren taldeak.

Urte guziz bezala, kontzertuak parte hartzen duten herrien elizetan iraganen dira (Azkaine, Ziburu, Urruña eta Donibane-Lohizune).

Kontzertu - gaualdiak

Festibalaren estreinatzeko, urriaren 23an Donibane Lohizunen, El Cor de teatre kataluniako talde eroa arituko da, "El Concert" deitu ikusgarri berria aurkezten.

Bihotzez

Urriaren 25ean, Ziburun bidaiatzeko parada izanen da Baionako Xaramelarekin. Hauek, Hego Ameriketako programa bat eskainiko digute Les Mochicas taldearen soinu-tresna tradizionalen laguntzarekin. Hauekin batera, koru lehiaketa handienak (Tolosa, Arrezo...) irabazi dituen Landarbaso abesbatzako (Errenteria) 40 kantariak arituko dira atzoko eta gaurko euskal kantuak eskaintzen.

Urriaren 26an, Azkainen Bihotzez, Getariako gizon koruko 30 bat ahots entzuten ahalko dira XXI. mendeko koru nagusienetarik bat bilakatzen ari den Hungariako Discantus koruarekin batera. Gaualdi aberasgarria, zalantzarik gabe.

2008ko ekainean estreinatu Hegalda sorkuntzaren afitxa

Urriaren 29an, Urruñan, Euskal kultur erakundearen partaidetzarekin antolatu gaualdi bat. Egitarauan, Limousin aldeko Méliades taldeko emazteak eta Tarbes aldeko Vox Bigerri taldearen kantu tradizionalak. Bestalde, Peïo Çabalette-ren, "Hegalda" obra ikusteko parada izan da ere. Obra hau sei gizon ahots eta sei soinu tresnentzat egina izan da.

Urriaren 30ean aldiz, festibalari amaiera emanen dion gaualdia eginen da Donibane Lohizunen. Aipatzekoa, 2009ko Maribor-eko (Eslovenia) sari nagusia irabazi duen Donostiako Kup Taldearen, eta 2008ko Miltenberg-eko (Alemania) sariaren irabazlea den Italiako Coro Musicanovaren arteko topaketa.

Xehetasunak :

• Egitaraua eta xehetasunak : www.chantchoralpaysbasque.net