Euskal Herria ezagutu :
Urduñan hasi eta, hamabost egunen buruan
Zarautzen utziko gaituzten ibilbideek, Euskal Herria apur bat hobeto
ezagutzeko aukera paregabea eskainiko digute. Egun bakoitzean, bataz
beste, 65 bat kilometro egingo ditugu bizikletaz, trafiko gutxiko
errepideetatik edo mendi pistetatik gehien-gehienak, eta, bidean,
nahi beste geldialdi egingo ditugu interesgarri deritzegun lekuak
bisitatu ahal izateko.
Ibilbidea :
Ibilbideak
lasai asko egingo ditugu, beti ere
partaideon erritmoari jarraiki,
eta, behar izatekotan, laguntza-furgoneta izango dugu etaparen bat laburtu
ahal izateko. Etapa gehienetan
gainera, ibilbide alternatiboak proposatuko dira, nahi duenak
bide laburragoa egin ahal izan
dezan. Eta, erosoago ibiltzeko, motxilak, dendak eta gainerako
pisu guztia furgonetan eramango
dugu. Gauak barnetegiren batean,
kanpinetan eta eskoletan emango
ditugu. Beti ere eguneko nekea arintzeko
dutxa beroa hartu ahal izango dugun lekuetan.
Norberak lo zakua eta esterila eraman beharko
ditu. Etapa bakoitzaren ibilbidea eta ikusiko diren lekuei buruzko
informazioa dakarren liburuxka bana izango dugu.
Mintza praktika :
Barnetegi honetan ez da eskolarik egongo,
nahikoa nekatuko baikara bizikletaz ibiltzen. Baina, helburua
euskaraz berba egiten trebatzea denez, tokian tokiko hiztunekin
harremanetan jarriko gara, eta, toki batzuetan jarduera kulturalen
bat ere proposatuko dizuegu: diaporamak, erakustaldiak... Horrez
gain, jakina, bidaia osoan taldean izango diren irakasle biek
euskara kontuetan laguntzeko eta zalantzak argitzeko prest izango
ditugu. Irakasle bat gidari izango dugu (besteak furgoneta eramango
du).
Lo egiteko lekuak :
Gauak barnetegiren batean, kanpinetan eta
eskoletan emango ditugu. Beti ere eguneko nekea arintzeko dutxa
beroa hartu ahal izango dugun lekuetan. Norberak lo zakua eta
esterila eraman beharko ditu.
Otorduak :
Sukaldari bi etorriko dira bide osoan
gurekin afariak eta gosariak prestatzeko. Ibilbidean zehar indarrak
hartzeko egingo diren bestelako otorduak guztion artean antolatuko
ditugu, eta, erosoago ibil gaitezen, furgonetak geratuko garen
lekuetara janaria eta edaria eramango digu.
|
Urduña-Murgia-Zarate-Ubidea-Otxandio
(52 Km.)
2. eguna:
Otxandio-Legutio-Landa-Agurain-Opakua (67 Km.)
3. eguna:
Opakua-Urbasa-Lizarraga mendatea-Lakuntza-Etxarri (64 km.)
4. eguna :
Etxarri-Uharte Arakil-Irurtzun-Latasa-Larraintzar (55 km.)
5. eguna:
Larraintzar-Egozkue-Zubiri-Erro-Nagore-Lakabe (59 km.)
6. eguna :
Lakabe-Agoitz-Urrotz-Ardanaz-Tabarre-Irunberi (50 km.)
7. eguna:
Irunberri-Nabaskoze-Burgi-Bidangoze-Gortza-Orontze (66 km.)
8. eguna:
Orontze-Otsagabia-Tapla-Irati-Orbaizeta-Orbara-Garralda (69 km.)
9. eguna:
Garralda-Orbaizeta-Azpegi-Harpea-Garralda (52 km.)
10. eguna:
Garralda-Orreaga-Donibane Garazi-Baigorri-Urepele (72 km.)
11. eguna:
Urepele-Esnazu-Urkiaga-Artesiaga-Irurita-Mugaire-Elizondo (66
km.)
12. eguna:
Elizondo-Amaiur-Ainhoa-Sara-Lesaka-Arantza (68 km.)
13. eguna:
Arantza-Doneztebe-Saldias-Erbiti-Beruete-Lekunberri (72 km.)
14. eguna:
Lekunberri-Madotz-Uhartel-Aralar-Lekunberri (59 km.)
15. eguna:
Lekunberri-Leitza-Andoain-Asteazu-Aia-Zarautz (77 km.)
Atseden egunak :
Bidaia
lasaiago egiteko asmoz, bi egunetan atsedena hartuko dugu. Egun horietan
bizikletaz ibili nahi duenarentzat ingurua hobeto
ezagutzeko ibilbideak proposatuko ditugu, eta, nahi duenak, atseden
hatzeko parada hartu ahal izango du.
Prezioa:
411 € .Prezio honen barruan
trasteak eramateko furgoneta, lo egiteko lekuak, jatordu guztiak,
ibilaldiaren inguruko materiala (mapak, liburuxkak, ...) eta
irakasle-gidariak sartuko dira.
Informazio gehiago:
Telefonoa: 944159512
(Joseba)
|
