Hemen zaude: Hasiera Albisteak gastronomia
New York Times-ek Eder Montero, NYeko 'Txikito' jatetxeko chefa, aditu aipatzen du gaur artikulu batean

New York Times-ek Eder Montero, NYeko 'Txikito' jatetxeko chefa, aditu aipatzen du gaur artikulu batean

2009/11/25

New York Times egunkariak aditu gisa aipatzen du Eder Montero euskal sukaldaria gaurko alean patata tortilari buruz argitara eman duen artikulu batean. Gastronomia alorrean ere erreferentzia den egunkariak Elaine Louie kazetariaren patata omeletari buruzko artikulua kaleratzen du, eta bertan aditu gisa islatzen du New Yorken 'Txikito' jatetxeko sukaldari eta ugazaba den euskal chef honen iritzia tortila on bat nola egin behar den azaltzerakoan.

Gehiago Irakurri…

La Platako Euzko Etxeak Idiazabal gazta dastaketa antolatu zuen, Jatorri Izendapeneko aditu baten eskutik

La Platako Euzko Etxeak Idiazabal gazta dastaketa antolatu zuen, Jatorri Izendapeneko aditu baten eskutik

2009/10/23

La Platako Euzko Etxea ezaugarri hauetan ezohikoa den ekitaldi baten egoitza izan da hilabete honetan, izan ere Idiazabal gazta dastaketa bat antolatu baitzuen, probestuz hirian zela bisitari Victor Manuel Rodriguez Rivera, Idiazabal Gaztaren Jatorri Izendapeneko Dastaketa Batzordeko kidea. Ekitaldiak euskal gazta honi buruzko jendaurreratzea eta azalpen guztiez eta ilustrazio ugariz hornitutako aurkezpena bildu zuen, azpimota desberdinak azalduz eta, bistan da, hori guztia gazta dastatuz, oso era didaktiko, erakargarri eta ulerterrezean.

Gehiago Irakurri…

Martin Berasategiren urratsa Asian: astelehenean zabaldu zuen Shanghain 'Restaurant Martin' jatetxea

Martin Berasategiren urratsa Asian: astelehenean zabaldu zuen Shanghain 'Restaurant Martin' jatetxea

2009/09/30

Hiru Michelin izar dituen Martin Berasategi euskal sukaldari ospetsuak jatetxe berria zabaldu du joan den astelehenean, Espainiako estatutik kanpo irekitzen duen lehena, non eta Shanghain, Txinako hiriburu ekonomikoan. Irailaren 28an [txinatar egutegiaren arabera oparotasuna eta zorte ona ekarriko duten faktoreak biltzen dituen eguna] ateak irekita, bere euskal sukaldaritza --eta baita pintxoak ere-- dastatu nahi dituenak badu bertan biltoki polita. Hirurogei pertsona dauzka lanean --gehienak bertakoak-- eta sukaldeburu gisa Maxime Fanton eta Yago Marquez gazteak, luxuzko eraikin eta inguru lakudun eder batek lagunduta lanean. A, eta pintxo barra ere badauka.

Gehiago Irakurri…

Lekurik ez da geratzen bihar New Orleans-en (AEB) egingo den euskal sagardo eta txakolin dastaketarako

Lekurik ez da geratzen bihar New Orleans-en (AEB) egingo den euskal sagardo eta txakolin dastaketarako

2009/09/16

Badirudi azken bolada honetan euskal ardo eta edariak, eta bereziki txakolina eta sagardoa bide polita egiten ari direla Estatu Batuetara, bertako zaleen artean apreziazioa eta izen hazkorra lortuz. Azken urte eta hilabeteotan bat baino gehiago izan dira Estatu Batuetako geografian han-hemenka antolatutako dastaketak, eta egunkarietan kritikariek idatzitako laudorio eta loriatze artikuluak. Gaurkoan, beste dastaketa baten berri behar dugu eman, dagoeneko sarrera guztiak salduta dituen dastaketa gainera: bihar osteguna izango da, irailak 17, New Orleans-en. Berezitasun gisa, kupel oso bat daukatela dastatzeko, zuzenean Getariako Ameztoi txakolin upategitik iritsia. Euskal moldeko pintxoz lagundurik zerbitzatuko dute.

Gehiago Irakurri…

2008ko Gurrutxaga Txakolina, 'Wine of the week' aukeratu du AEBetako Los Angeles Times egunkari ospetsuak

2008ko Gurrutxaga Txakolina, 'Wine of the week' aukeratu du AEBetako Los Angeles Times egunkari ospetsuak

2009/08/19

Ez daukagu geuk txakolinarekin obsesiorik, baina egiari zor, nazioartean --eta Estatu Batuetan bereziki-- gero eta oihartzun handiagoa eta trataera hobea ematen ari zaizkie txakolinei, eta halaxe gertatua da aste honetan ere, Los Angeles Times egunkariak --AEBetako hiru garrantzitsuenetakoa berau-- 'Wine of the Week' (Asteko Ardoa) gisa hautatua baitu, kasu honetan 2008ko Gurrutxaga txakolin xuria, Bizkaiko Txakolina jatorri izendapenari atxikia. Beraz, lehenengo eta behin zorionak Gurrutxagakoei, eta ondotik txakolingileei eta oro har euskal ardogintzari ere, euskal produktuak euren kalitateagatik, eta gero eta hobe egiten ari den merkaturatze eta zabalkundeari esker ere apreziatuak eta estimatuak baitira Estatu Batuetakoa bezain merkatu lehiakor eta zorrotza den batean.

Gehiago Irakurri…

'Sukalde' da Gure Etxea euskal etxe argentinarrak eta Tandilgo herriak daukaten jatetxe berriaren izena

'Sukalde' da Gure Etxea euskal etxe argentinarrak eta Tandilgo herriak daukaten jatetxe berriaren izena

2009/05/27

Jantoki berri bat inauguratu zuen joan den otsailean Tandilgo Euskal Etxeak. Hiru bazkidek --Jorge Cavigliak, Javier Legarretak eta Eneko Elejaldek-- daramate proiektua aurrera, eta “poz-pozik daude, ireki dutenetik jendea oso gustura ateratzen delako”, adierazi diote euskal etxekoek Euskalkultura.com-i. Jatetxe berria euskal etxeko egoitzaren barruan dago, Sarmiento kaleko 1079.an, eta asteazkenetik iganderako ordutegian ematen ditu Euskal Herriko plater tipikoak. Gisa honetara, beste proposamen gastronomiko bat sortzen da Tandil hirian eta euskal komunitatean: Sukalde.

Gehiago Irakurri…

Sanz presidentea Pennsylvaniako gobernadorearekin bildu zen energia berriztagarriei buruz hitz egiteko

Sanz presidentea Pennsylvaniako gobernadorearekin bildu zen energia berriztagarriei buruz hitz egiteko

2009/01/22

Miguel Sanz Nafarroako Gobernuko presidentea Edward G. Rendell Pennsylvaniako Estatuko gobernadorearekin bildu da energia berriztagarriei buruz hitz egiteko, Estatu Batuetako V. Nafar Astean parte hartzen ari den nafar ordezkaritza ofizialak daraman bisita programaren baitan. Sanzekin batera bere gobernuko zenbait kontseilari eta kide eta, besteak beste, Yolanda Barcina Iruñeko alkatea partaide duen ordezkaritzak nafar ardoen sustapenerako ekitaldi batean ere hartu zuen parte asteazkenean, "zezenekin korrika" lelopean, New Yorkeko jatetxe batean.

Gehiago Irakurri…

Madrilgo hamar jatetxe nafar bi astez arituko dira nafar mozkinez osatutako menu bereziak eskaintzen

Madrilgo hamar jatetxe nafar bi astez arituko dira nafar mozkinez osatutako menu bereziak eskaintzen

2008/11/18

Atzodanik eta hilabetea bukatu arte Madrilgo hamar jatetxe nafar Foru Erkidegoko Gobernuak bultzatu duen ekimen bateko partaide bilakatu du eta Nafarroako lur, zelai eta erreketako produktuetan oinarritutako platerak eskainiz zabalduko dituzte ateak, horren aukera bereziki emanez euren baitara inguratzen zaizkien bezeroei. Hauek dira hamar tokiok: Asador Ox's, El Txistu, La Costa Navarra, La Favorita, La Manduca de Azagra, La Ribera Navarra, Pedro Larumbe, Príncipe de Viana, Señorío de Alcocer eta Sula.

Gehiago Irakurri…

Pintxoen tradizioa Patagoniako hego puntara iritsi da: bertako Euskal Etxeak pintxo lehiaketa antolatu du

Pintxoen tradizioa Patagoniako hego puntara iritsi da: bertako Euskal Etxeak pintxo lehiaketa antolatu du

2008/10/31

Pintxoen tradizio euskalduna Río Gallegos-eraino, Patagoniako puntan, iritsi da, eta gelditzeko gainera, bertako 'Hegoalde Argentinarra' Euskal Etxeak gustukoa baitu oso. Joan den asteko ostegunean, "munduko pintxo lehiaketarik australena" gisa aldarrikatzen duten ekimena antolatu zuten bertako euskaldunek, Euskal Etxearen egoitzan, epaimahai zorrotz eta ekinbidez profesionala barne. 'Izaskun' izeneko pintxoak irabazi zuen, César Arizmendi eta Alicia Mercau-ren sortua. Gustura dastatu zuten bertaratutakoek.

Gehiago Irakurri…

'Villegas-ko Euskaldunak' EEak General Villegas Partiduko I. Pintxo Txapelketarako deia luzatu du

'Villegas-ko Euskaldunak' EEak General Villegas Partiduko I. Pintxo Txapelketarako deia luzatu du

2008/10/07

Buenos Aires pobintzia argentinarreko General Villegas herriko 'Villegas-ko Euskaldunak' Euskal Etxeak bertako Partiduko Lehenengo Pintxo Lehiaketa antolatu du, partaidetza euskal etxeko kide direnei eta ez direnei zuzendurik. 'Pintxoa' euskal gastronomiari loturiko ideia da, Euskal Herriko taberna eta kantinetan arras zabaldua. 'Sukaldaritza miniaturan' ere deitu izan diote pintxoen arteari, ikusiz zer nolako garapen eta sofistikazioa lortu duen azkeneko urteotan.

Gehiago Irakurri…