Hemen zaude: Hasiera Albisteak artikulua
'Ahotsak' Abesbatza, Pergaminoko Euskal Etxearen beste kultur proposamen bat komunitatearekiko

'Ahotsak' Abesbatza, Pergaminoko Euskal Etxearen beste kultur proposamen bat komunitatearekiko

2009/12/08

2007. urtean jaio zen Pergaminon 'Ahotsak' Abesbatza Martin Aguilar musikari gaztearen gidaritzapean. Nahiz eta bere aldetik sortu, gaur egun Pegaminoko Lagun Onak Euskal Etxea ordezkatzen du bai euskal komunitateak antolatutako ekitaldietan baita toki edo nazio mailan egiten diren koruen topaketetan ere. 'Taldea gaztea da oraindik baina lan handia egiten ari gara' azaltzen dio bere zuzendariak EuskalKultura.com-i, eta gehitzen du: 'Urte hauetan beste abesbatza batzuekin egoteko aukera guztiak aprobetxatu ditugu eta oso aberasgarria izan da. Pergaminoko kultur arloan ere gure ekarpena egiten ari garela uste dugu'. Euren errepertorioa zabala da oso, eta euskal abestiez gain, Argentinako eta Hego Amerikako kanta klasikoak ere interpretatzen dituzte. 2009an, bestalde, Mendelssohn-en sei lied-en ziklo bat prestatu du.

Gehiago Irakurri…

Gabonak euskal postalekin zoriontzeko eta Olentzerori gutunak 'online' bidali ahal izateko baliabide sorta

Gabonak euskal postalekin zoriontzeko eta Olentzerori gutunak 'online' bidali ahal izateko baliabide sorta

Gabonetako postalak bidaltzeko ohitura garai berriekin aldatu egin da eta gero eta gehiago dira egun hauek gerturatu ahala internet bidez bidaltzen diren postalak erabiltzen dituztenak lagun eta senideak zoriontzeko. Olentzero ere denboraren poderioz modernizatu egin da eta berak ere posta elektronikoz irakurtzen ditu opariak jasotzeko irrikitan dauden haurren gutunak. Olentzero eta euskal Eguberria islatzen duten postal birtualak eskaintzen dituzten webguneen esteka multzoa bildu ditugu hurrengo lerroetan.

Gehiago Irakurri…

Euskarazko Produktuen Katalogoa, euskaraz erregalatzeko 11 iradokizun, kontsultagai paperean zein sarean

Euskarazko Produktuen Katalogoa, euskaraz erregalatzeko 11 iradokizun, kontsultagai paperean zein sarean

2009/12/07

Euskarazko Produktuen Katalogo berria hemen da jada bere paperezko eta interneteko edizioetan: Euskal Herri osoan zehar 240.000 ale banatuko dira eta, bestalde, era birtualean Katalogoa.org webgunean kontsulta daiteke. Aurten webguneak produktuen bilatzaile bat ere eskaintzen du eta katalogoaren pdf bertsioa jaisteko modua. Euskarazko musika, zinema, literatura, informatika edota jolasgintzan ekoiztutako azkeneko produktuak erraz atxemateko aukera. Produktuaz ematen dituen jakingarriak: izena, egilea, ekoizlea, prezioa, adina, urtea eta (askotan) non erosi internetez.

Gehiago Irakurri…

Atzoko Euskararen Egunarekin hasita hilaren 19ra arte luzatuko da Erroman 'Dicembre in Salsa Basca 09' ekimena

Atzoko Euskararen Egunarekin hasita hilaren 19ra arte luzatuko da Erroman 'Dicembre in Salsa Basca 09' ekimena

2009/12/04

Atzoko Euskararen Egunarekin hasita abenduaren 19ra arte eratu du Erroman 'Associazione Culturale Euskara' elkarteak 'Dicembre in Salsa Basca 2009' egitaraua. Atzokoan, Euskararen Nazioarteko Egunarekin bat eginez, Donostiatik etorritako Asier Oyarzabal sukaldariaren pintxoek abiatu zuten bi aste baino gehiago luzatuko den programa. Hilaren 19an Maite Arroitajauregi eibartarraren kontzertuarekin amaituko den euskal kultur erakuslehio honek "gastronomia, hitzaldiak, soinu mapa, dokumentariak, jaia, zinema, kontzertuak eta instalazioak" bezalako proposamenak egingo ditu Erroman kulturaren zenbait arlotan zer eskainia daukaten artista eta sortzaile euskaldunen eskutik.

Gehiago Irakurri…

Catalan nafar kontseilaria Argentinara ari da, Rosarioko nafar Olinpiaden itxiera-ekitaldian partaide izateko

Catalan nafar kontseilaria Argentinara ari da, Rosarioko nafar Olinpiaden itxiera-ekitaldian partaide izateko

2009/12/04

Alberto Catalán Higueras, Hezkuntza eta Erakunde Harremanen Sailburua eta Nafarroako Gobernuko bozeramailea, Argentinara bidaiatuko da asteburu honetan Buenos Aireseko Nafar Etxearen 114. urteurrenaren ospakizuneko ekitaldietan parte hartzera. Ondoren Mar del Platara ere hurbilduko da, Nafar Gobernuaren diruak partitzen dituen 'Fundacion Navarra Solidaria' elkartearen laguntza partitze ekitaldi batean egoteko. Era berean Rosarioko Nafar Etxeak antolatu dituen Olinpiaden bukaerara ere bertaratuko da, Argentina eta Txileko Nafar Etxeen Federazioarekin bilduz.

Gehiago Irakurri…

'Ibai Txori' Euskal Etxeko dantzariek musika eta dantzak atera dituzte Concepción del Uruguayko kaleetara

'Ibai Txori' Euskal Etxeko dantzariek musika eta dantzak atera dituzte Concepción del Uruguayko kaleetara

Concepción del Uruguay-n, Entre Ríos probintzia argentinarrean, 'Ibai Txori' Euskal Etxeko euskaldunak ere urteko azken ekintzak burutzen dabiltza. Joan den azaroaren 28an, eta eguraldi txarragatik astebete atzeratu ondoren, hiru eta hamabi urte arteko neska-mutilek osatutako bertako dantza taldea herriko oinezkoen kalera atera da urtean zehar ikasitakoa euren komunitateari erakustera. Erantzun ezin hobea jaso dute dantzari gazteek zein beren zuzendari Oscar Ardaiz Albak ere. 'Euskal Herriarekiko daukagun sentimenduari eutsi eta plazaratzeko sortu dugu dantza tailerra, eta gure euskal kultura ezagutarazteko, jakina', azaldu dio Lucia Arcelus euskal etxeko lehendakariak EuskalKultura.com-i.

Gehiago Irakurri…

Eusko Jaurlaritzak sei beka deitu ditu, Mexiko, Argentina, Txile, Kolonbia, AEBetan eta Gasteizen aritzeko

Eusko Jaurlaritzak sei beka deitu ditu, Mexiko, Argentina, Txile, Kolonbia, AEBetan eta Gasteizen aritzeko

2009/12/03

Euskal Etxeetako kideek ere parte hartu dezakete, bai. Eusko Jaurlaritzak Kanpo Harremanetan eta Kanpoko Euskal Gizatalde eta Etxeen eremurako sei "espezializazio beka" deitu ditu", Eusko Jaurlaritzak Mexiko, Txile, Argentina, Kolonbia eta Estatu Batuetan dituen Ordezkaritzetan, eta Gasteizen, Kanpo Harremanetarako Idazkari Nagusian, jarduteko. Diru aldetik, hornidura, Ordezkaritzen kasuan 25.492 euro eta 27.810 euro bitartekoa da, Gasteizen salbu, hor 15.450ekoa baita. Euskal Autonomi Erkidegoan bizi diren herritarrek eta Euskal Etxeetako kideek ere har dezakete parte. Eskabideak aurkezteko epea abenduaren 28an bukatuko da.

Gehiago Irakurri…

Pozik Saltako Gure Etxea-koak euren lehen urtemugan: proiektuz jositako programa aurkeztu dute 2010erako

Pozik Saltako Gure Etxea-koak euren lehen urtemugan: proiektuz jositako programa aurkeztu dute 2010erako

Gaur urtea bete da 'Gure Etxea' Euskal Etxeak bere sortze bilera ofiziala egin zuenetik Salta-n, izen bereko probintzia argentinarreko hiriburuan. Hamabi hilabete hauetan gogor eta ilusioz lan egin duten Euskal Etxearen sortzaileek "poztasun ikaragarria" eta "harrotasun ezkutaezina" sentitzen dutela diote, eta horrek indarrak ematen dizkiela lan egiten jarraitzeko. Izan ere, iazko abenduaren 3an sortu zen Euskal Etxeak --San Frantzisko Xabier egunean eta Euskararen Egunean-- aurkeztua du dagoeneko 2010erako aurreratu nahi dituen gaien zerrenda.

Gehiago Irakurri…

Urgell sailburuaren bisita Mexikora, Euskal Etxeko buruzagiekin bilduz, Guadalajarako Liburu Azoka ikusteko

Urgell sailburuaren bisita Mexikora, Euskal Etxeko buruzagiekin bilduz, Guadalajarako Liburu Azoka ikusteko

2009/12/03

Bisitari Blanca Urgell, Eusko Jaurlaritzako Kultura sailburua, Mexikon, Guadalajarako Nazioarteko Liburu Azoka dela eta --joan den 28tik datorren igandera arte zabalik Jalisco estatuko hiriburuan-- bidaia berean Mexiko DFko Euskal Etxeko ordezkariekin eta, lektoretza programa medio, Euskara eta Euskal Kultura irakasten duten unibertsitate mexikarretako buruzagiekin bilduko delarik, besteak beste. Guadalajarakoa munduko lehenengo azoka gisa dago kontsideratua espainolez, eta bigarrena, orokorrean, Frankfurteko Azokaren ondotik. Aurten gutxienez hamasei dira bertan partaide diren Euskal Herriko argitaletetxeak.

Gehiago Irakurri…

Aurrez aurre edo sarea erabiliz, EHko eta Diasporako euskaldunek Euskararen Eguna ospatuko dute

Aurrez aurre edo sarea erabiliz, EHko eta Diasporako euskaldunek Euskararen Eguna ospatuko dute

Bihar, Abenduaren 3a, Xabierko Frantziskoren Eguna, Euskararen Nazioarteko Eguna (ENE) ospatuko dute Euskal Herriko eta mundu zabaleko hainbat euskaldunek. 1949an sortu zuen Eusko Ikaskuntzak Euskararen Eguna, oihartzun berezi batez munduko euskal komunitateetan. ‘Klik egiozu euskarari’ lelopean, aurtengo edizioaren helburua interneten eta sare sozialetan euskararen erabilera areagotzea da. Eusko Ikaskuntzaren webgunean sortu den blog-ean, euskararen aldeko mezua uzten dutenei ‘Kukuxumusu’ arropa markak propio diseinatutako berrehun elastiko zozketatuko dira.

Gehiago Irakurri…