Hemen zaude: Hasiera Albisteak artículos
Bertan behera Argentinar EEetan ADNa batzeko plana; Bahia Blancako Euskal Astean batuko dituzte azkenak

Bertan behera Argentinar EEetan ADNa batzeko plana; Bahia Blancako Euskal Astean batuko dituzte azkenak

Atzo bertan jakin zenez, Euskal Herriko Unibertsitateko (EHU) bi pertsonak Argentinako hainbat euskal etxetan ADN laginak biltzeko ezarria zeukaten plana bertan behera utzi du astelehenetik aurrera EHUko Farmazia Fakultateak eta, beraz, asteburu honetan Bahia Blancan ipiniko duten mahaian egingo dute azken bilketa, ondoren Euskal Herrira itzultzeko. Bahia Blancakoa azken aukera izango denez, Norma Rios ekimeneko kolaboratzaile argentinarrak deialdia luzatu die Euskal Astera doazen euskal-argentinarrei euren denborako minutu batzuk hartu eta ADN lagina bertan eman eta erantzun beharreko galderak erantzun ditzaten.

Gehiago Irakurri…

Necochean dira Euskal Herritik 'Hator Hona' programan parte hartuko duten zazpi gazteak

Necochean dira Euskal Herritik 'Hator Hona' programan parte hartuko duten zazpi gazteak

Necochean dira aurtengo 'Hator Hona' programako zazpi partaideak. Euskal Etxean euskal kultura tailerrak ematen ari dira Aitziber Iraola, Gorka Segurola, Jon Basaguren, Andrea Losada, Jone Arriolabengoa, Iratxe Garrido eta Leire Saldias. Uztailaren 18an iritsi ziren Euskal Herriko zazpi gazteak eta bertan izango dira dantza, kirola, musika eta euskara irakasten abuztuaren 9ra arte. Gazteei ongietorria emateko Euskal Etxeko kide eta zuzendaritzakoek jai berezi bat eskaini zieten.

Gehiago Irakurri…

Kirmen Uriberen bi olerki irakurgai Chicago, Boston, Los Angeles, New York eta AEBetako beste hiri batzuetan

Kirmen Uriberen bi olerki irakurgai Chicago, Boston, Los Angeles, New York eta AEBetako beste hiri batzuetan

2009/07/08

Kirmen Uribe idazle euskaldunaren bi poema hautatu ditu Estatu Batuetako 'Poetry Society of America'k (AEBetako Poesia Elkartea) Boston, New York, San Francisco, Los Angeles eta Estatu Batuetako beste hiri batzuetan irakurgai ager daitezen, Estatu Batuetako zenbait egile prestigiotsuen lanen ondoan. Poesia zabaltzeko esperientzia berri hau milioika jenderengana iritsiko da teknologia erabiliz eta bertan lehenengoz lekua topatu du euskal poesiak, modu normalizatuan eta gainerakoen artean bat gehiago gisa.

Gehiago Irakurri…

Berrehun bat dantzari bildu ziren Cañuelaseko Denak Batek eratutako Aberri Eguneko Dantzari Topaketan

Berrehun bat dantzari bildu ziren Cañuelaseko Denak Batek eratutako Aberri Eguneko Dantzari Topaketan

Cañuelaseko Dantzari Topaketak berezko lekua lortu du Argentinako euskal dantzarien urteko egutegian. Orain dela hiru urte Denak Bat euskal etxekoei Aberri Eguna dantzarien topaketa batekin ospatzea bururatu zitzaien. Hasieran erronka handiegia zirudien, Argentinan dauden distantziengatik, baina urteak pasa ahala gainditu egin da erronka hori eta aurten hainbat etxeetako berrehun bat dantzari elkartzea lortu da. Topaketa martxoaren azkeneko asteburuan gauzatu zen eta izandako arrakastarekin hitzorduak berretsi egin du bere lekua Argentinako euskal komunitatearen urteroko ekitaldi esanguratsuen artean.

Gehiago Irakurri…

Sarako Idazleen Biltzarra eta liburu azoka da gaur, EuskalKultura.com stand batekin partaide

Sarako Idazleen Biltzarra eta liburu azoka da gaur, EuskalKultura.com stand batekin partaide

2009/04/13

Urtero bezala Bazko astelehenez, Idazleen Biltzarra bilduko du gaur Sarako herriak (Lapurdi), aurtengoan ere EuskalKultura.com-ek bere stand propioa bertan. Idazleen eta irakurleen arteko harreman zuzeneko eguna da urtero Sarakoa. Ateak goizeko 10etan zabalduko dira Sarako Kiroldegian eta egun osoan izango dira zabalik, arratsalde erdian, bostak-seiak irian itxi arte. Iparraldeko hamaika euskal idazleekin mintzatzeko aukera ezin hobea, eta bertan egiten den euskal kulturak bizi duen unea neurtzeko hitzordu egokia.

Gehiago Irakurri…

Euskal Etxeentzako 2009ko laguntza deialdia argitaratuta; eskabideak aurkezteko epea maiatzaren 5a arte

Euskal Etxeentzako 2009ko laguntza deialdia argitaratuta; eskabideak aurkezteko epea maiatzaren 5a arte

Eusko Jaurlaritzak gaurko Euskal Herriko Agintaritzaren Aldizkarian (EHAA) argitaratu du aurtengo euskal etxe eta atzerriko federazioei zuzenduriko laguntza deialdia. Laguntza hauek eskatu nahi dituzten euskal etxe eta elkarteek bihartik hasi eta maiatzaren 5a bitartean dute epea. Laguntza deialdi honetarako erabiliko den zuzkidura milioi bat bostehun eta hogeitasei mila zazpirehun eta bost eurotako da. Deialdiaren oinarriak eta eskabideak aurkezteko inprimakiak www.euskadi.net webgunean edo EHAAn eskuratu daitezke.

Gehiago Irakurri…

Mondragon Unibertsiteak Txilen ekintzailetza ikastaro bat jarriko du abian; %100eko bekak daude

Mondragon Unibertsiteak Txilen ekintzailetza ikastaro bat jarriko du abian; %100eko bekak daude

2009/02/09

Mondragon Unibertsitateak eta Txileko Fundación Minera Los Pelambres eta Choapa Emprende erakundeek Ekintzailetza, Berrikuntza eta Elkarkidetza Ikastaro Aurreratu bat abiatuko dute datorren martxoan Santiagotik 200 kilometro iparraldera dagoen Choapa eskualdean. Ikastaroa hango enpresari txikiei eta lizeoetako irakasle tekniko zein funtzionari publikoei zuzendua da. Zazpi hilabeteko iraupena izango du, eta 20 proiektu onenen egileek hiru astetako egonaldia egingo dute Euskal Herrian. Ikasleek ikastaroa osotasunean ordaintzen duten bekak jasoko dituzte, baina bertan parte hartu nahi dutenek azkar ibili beharko dute, eskabideak aurkezteko epea larunbat honetan, otsailaren 14ean bukatuko delako.

Gehiago Irakurri…

Serafín Barojaren 'Pudente, lehen euskal opera' estreinatuko dute gaur gauean Bahia Blanca, Argentinan

Serafín Barojaren 'Pudente, lehen euskal opera' estreinatuko dute gaur gauean Bahia Blanca, Argentinan

2008/11/28

Ezohiko ikuskizun batez gozatu hal izango dute gaur gauean Bahia Blancako (Argentina) biztanleek. Rosana Entizne eta Miguel Mendiondoren gidaritzapean, Unión Vasca Euskal Etxeko talde guztiek --tartean dantza taldeak, abesbatzak, euskara ikasleek eta beste hainbat kidek-- ‘Pudente’ lehen euskal opera taularatuko dute bertako Udal Antzokian. “Hasieran umorezko bertsio bat egitea pentsatu genuen --kontatu dio Rosana Entizne Union Vascako euskara irakasle eta ekimeneko arduradun den Euskalkultura.com-i--, baina Euskal Etxeko antzerki irakasle den Miguel Mendiondori izugarri gustatu zitzaion istorioa eta bere horretan gauzatzeari ekin genion. Oraingoz, behin bakarrik antzeztuko dugu, Bahía Blancan, baina izugarri gustatuko litzaiguke beste herri batzuetara eramatea”.

Gehiago Irakurri…

Juan Mari Beltran-en Uruguai eta Argentinako bideoak: 'Azkenean, denok gara Orhiko xori hura bezala'

Juan Mari Beltran-en Uruguai eta Argentinako bideoak: 'Azkenean, denok gara Orhiko xori hura bezala'

2008/09/18

“Diasporaren mugimendua naturala iruditzen zait. Orhiko Xoria kantak esaten duen bezala, denok dauzkagu gure sustraiak. Baina zure jaioterria utzi behar baduzu ezin zara beste leku batean bizi sustrai berririk errotu gabe. Orhiko xoria, azken batean, denok gara. Horrexegatik sentitzen dut Diaspora oso naturala dela. Eta egon ere bizirik dago”. Musikari donostiarraren iritzi beretsua dute antza Uruguai eta Argentinan bere kontzertuetara bildu diren lagunek, izan ere, birako mementu hunkigarrienetakoak 'Orhiko Xoria' kanta jo zuten bakoitzean izan zirela aitortu baitio Beltranek EuskalKultura.com-i.

Gehiago Irakurri…