Hemen zaude: Hasiera Albisteak berri gehiago
Larunbatean hasiko da Txileko Santiagoko Euzko Etxean I. Euskal Pilota Trinkete Txapelketa

Larunbatean hasiko da Txileko Santiagoko Euzko Etxean I. Euskal Pilota Trinkete Txapelketa

Atzo bertan aukeztu zuten Abadiñon larunbatetik aurrera Santiagoko Euzko Etxean egingo den I. Euskal Pilota Trinkete Txapelketan parte hartuko duen Euskal Herriko selekzioa. Neska eta mutil gazte hauekin batera Santiagon Dominikar Errepublika, Venezuela, Txile, Uruguai, Mexiko, Argentina, AEB eta Boliviako pilotariak ariko dira. Txapelketa irailaren 6a arte luzatuko da eta Munduko Pilota Batzarrak antolatu du. Nahiz eta antolatzaileek esan pilotari gazteei lehiatzeko aukera emateko helburuarekin egiten dela, Nazioarteko Pilota Federazioak (FIPV) txapelketa onartzen ez duela eta partaideei zigorrak ezarriko dizkiela iragarri du.

Gehiago Irakurri…

Okzitaniako Tolosako Denak Bat-ek haur eta helduen dantza ikastaroetara biltzera deitzen du webgune berritik

Okzitaniako Tolosako Denak Bat-ek haur eta helduen dantza ikastaroetara biltzera deitzen du webgune berritik

Euskal, biarnes eta Frantziako Tolosa (Toulouse) hiriko lagun talde batek Euskal Herriko dantza, musika eta kulturari buruzko elkarte bat sortzea erabaki zuen 1954an: Denak Bat Taldea. Euskal inauterietan aditua da gaur egun taldea eta kide berriak bildu nahian ateak ireki nahi dizkie gazte zein helduei, eta internetez. Taldeak aurrerapausoa eman du oraintsu eta webgune berria sortu du bere jarduera kulturalak hedatzeko. Taldearen sorrera eta historia bildu du bertara, ekitaldien agenda, argazki galeria eta elkarteko arduradunen datuak eskaintzen ditu, besteak beste.

Gehiago Irakurri…

La Platako Hargatik! Euzko Etxeko aldizkari elebidunak elkartearen azken ekitaldien berri dakar, baita sarean ere

La Platako Hargatik! Euzko Etxeko aldizkari elebidunak elkartearen azken ekitaldien berri dakar, baita sarean ere

Argentinako La Platatik mundura, bertako Euzko Etxea-k bere ekimenen berri ematen du, paperean zein internet bidez, 'Hargatik!' aldizkarian. Elkarteko euskara taldeak egiten duen berri boletinak gainera ezaugarri bereizgarria du, zoritxarrez Argentinako toki gutxietan ikusten dena: informazioa euskaraz eta gazteleraz eman du. Azken zenbakiak iragan hilabeteetan elkarteak egindako jarduerei buruzko informazioa biltzen du, tartean San Fermin jaia eta, esaterako, Jon Baguesen mintzaldia, eta baita ere historia eta gai orokorrei buruzko artikuluak.

Gehiago Irakurri…

Euskal Herrian eta Diasporan dena prest San Inazio eguna ospatzeko; Boisen gaur bertan ekingo diote jaiari

Euskal Herrian eta Diasporan dena prest San Inazio eguna ospatzeko; Boisen gaur bertan ekingo diote jaiari

San Inazioren omenezko jai eguna datorren astean, uztailaren 31n, ospatuko da Gipuzkoa eta Bizkaiko herri eta hiri gehienetan eta Diasporan ere hainbat euskal etxe eta komunitatek parte hartuko dute hamaika ekitaldi antolatuz. AEBetako Boiseko 'San Inazio Festival' delako hitzordua izango da seguruenik goiztiarrena: gaur bertan hasi eta igandera bitartean garatuko baita hiri estatubatuarrean. Datozen egunotan makina bat euskaldun bilduko da mundu osoan saninaziotara, izan Madrilgo Euskal Etxean (Espainian), Miamiko Txoko Alain (AEBetan), Mexikoko Euskal Etxean, Argentinako euskal etxe mordoan, hala nola Buenos Aireseko 'Laurak Bat', Mar del Platako 'Denak Bat', Arrecifeseko 'Euskaldunak Denak Bat', San Nicolaseko 'Euskal Etxea', Rosarioko 'Zazpirak Bat', La Platako 'Euzko Etxea', Chacoko 'Kotoiaren Lurra', Necocheako 'Euzko Etxea'n... edo beste hainbat herrialdetako euskal etxeetan: Txile, Venezuela, Australia, Peru, Uruguain...

Gehiago Irakurri…

FEVAren Gastronomia Proiektuak Borja Blazquez sukaldari donostiarrak emango duen klasean parte hartzeko gonbitea egiten du

FEVAren Gastronomia Proiektuak Borja Blazquez sukaldari donostiarrak emango duen klasean parte hartzeko gonbitea egiten du

Argentinako FEVA euskal etxeen elkarteak Gastronomia Proiektua sustatzen du eta horren barruan Borja Blazquezek sukaldari donostiarrak Buenos Aireseko Laurak Baten ikastaroa emango du datorren ostegunean. Ikastaroa dohainik izango da baina Blazquezek proposatuta partehartzaileek jaki ez galkorrak eraman beharko dituzte. Biltzen den janaria Jose C. Pazeko itsuentzako eta elbarrientzako 503. eskolarentzat izango da.

Gehiago Irakurri…

Eusko Jaurlaritzak fresatzeko makina bat eman zion astelehenean Las Floreseko 1go Eskola Teknikoari

Eusko Jaurlaritzak fresatzeko makina bat eman zion astelehenean Las Floreseko 1go Eskola Teknikoari

Eusko Jaurlaritzak fresatzeko makinen hainbat dohaintza egin ditu aurten, Argentinako eskola teknikoentzako. Lan-pieza baten azaletik metala kentzeko askotariko ahoak erabiltzen dituen tresna hau jaso duen azkeneko zentroa Las Floreseko (Argentina) 1go Eskola Teknikoa izan da. Dohaintza ekitaldian Loretako Euskaldunak Euskal Etxeko arduradun eta kideak, eta Cesar Arrondo irakaslea aritu ziren. Azken hau fresatzeko tresna emateaz arduratu zen eta 'Gaurkotasuna eta Euskal Kultura' gaiari buruzko hitzaldia eskaini zien zentroko ikasleei.

Gehiago Irakurri…

Gernikako Gaudeamus Korala Austriako Olinpiadetan lortutako urrezko bi dominekin itzuli da Euskal Herrira

Gernikako Gaudeamus Korala Austriako Olinpiadetan lortutako urrezko bi dominekin itzuli da Euskal Herrira

Gaudeamus Korala talde bizkaitarrak urrezko bi domina eta zilarrezko beste bat lortu zituen Austrian hilaren 9tik 19ra bitartean egin ziren Abesbatza Olinpiadetako bosgarren edizioan. Bi taldetan banatutako 8 eta 20 urte bitarteko haurrek hiru kategoriatan parte hartu zuten: Erlijiosoa, Polifonia eta Haur Polifonia. Gogor saiatu dira gernikarrak hain maila handiko ekitaldiraino iristeko, baina emaitza ere handia eta 'oso ona' izan dela aitortu du abesbatzako zuzendari Julia Foruriak.

Gehiago Irakurri… [ Erantzun bat ]

Chascomuseko Zingirako Euskaldunak EEak euskal dantza erakustaldia egin zuen San Fermin jaiaren ospakizunean

Chascomuseko Zingirako Euskaldunak EEak euskal dantza erakustaldia egin zuen San Fermin jaiaren ospakizunean

Nazioartean ospe handia duen San Fermin jaiaren ospakizunak mirespena jasotzen jarraitzen du munduan zehar, besteak beste Diasporan dauden euskal etxeei esker. Chascomuseko Zingirako Euskaldunakek, adibidez, santua euskal dantza erakustaldi batekin omendu zuen. Ekitaldian Aurreskua, San Migel eta Ezpatadantza bezalako dantzak ikusi ahal izan ziren eta jaia girotzeko zapi gorri tradizionalak salgai jarri zituzten Txikien Amen Taldekoek.

Gehiago Irakurri…

Argentinar xake jokalari gazteek Urrundik Euskal Elkarteak antolatu zuen Txapelketan parte hartu zuten

Argentinar xake jokalari gazteek Urrundik Euskal Elkarteak antolatu zuen Txapelketan parte hartu zuten

Argentinako Entre Rioseko Urrundik Euskal Etxeak eta Paranako Xake Biltokiak probintziarteko Xake Eskolen arteko topaketa antolatu zuten uztailaren 12an euskal elkartearen egoitzan. Ekitaldian 50 neska-mutil baino gehiagok parte hartu eta egunean zehar xakemate, endroke eta beste mugimenduek hartu zuten euskal elkartea. Mauricio Daros eta Franco Zamboni izan ziren garaile kategoria bakoitzean. Herriko zenbait hedabidek jardunaldia jarraitu zuten.

Gehiago Irakurri…

Sanferminetako giroa Montevideoko Haize Hegoa EEko urteko Lehen Tabernaren ospakizuneraino iritsi zen

Sanferminetako giroa Montevideoko Haize Hegoa EEko urteko Lehen Tabernaren ospakizuneraino iritsi zen

Astebeteko eromenaren ostean normaltasuna bueltatu egin da Iruñeko kaleetara, baina Diasporatik nafar santuaren omenez egindako ospakizunen berri iristen zaigu oraindik. Montevideoko (Uruguai) Haize Hegoa Euskal Etxeak, adibidez, ez zuen jai ospetsuaz gozatzeko aukera galdu nahi izan eta 'San Fermin Taberna' izeneko topaketa antolatu zuten. Bertan euskal etxeko kide eta lagunek euskara praktikatu eta elkarrekin afaldu zuten eta gazteenek gezurrezko zezen batekin 'entzierroa' egin zuten, oihu eta algara artean.

Gehiago Irakurri…