MUNDO VASCO. Aurkezpen bat egin zuen joan den 10ean, osteguna, Argentinan Chacabuco herritik herrialde osorako bokazioz ateratzen den Mundo Vasco aldizkariak. Buenos Airesko Iparraldeko Euskal Etxean izan zen eta Mundo Vascoko zuzendari Luis Aramburu mintzatu zen. Ekimenaz bideo labur erakutsi eta aldizkariaz hitz batzuk esan ondoren, Roberto Arizmendiren '¡Gora Vasco!' dokumentala eman zen. Ondotik, lehenik Aramburuk berak filma komentatu eta publikoa ere solastu zen; tartean dokumentaleko protagonista, Guillermo Larregui 'El Vasco de la Carretilla', ezagutu zuen edo hurbileko izan zuen batek ere ekarri zuen bere lekukotasuna.
