Hemen zaude: Hasiera Albisteak euskal etxeak
Buenos Aireseko Eusketxek bi bidaia zozketatzen ditu Euskal Herrira: lagundu, agian bidaiatzeko

Buenos Aireseko Eusketxek bi bidaia zozketatzen ditu Euskal Herrira: lagundu, agian bidaiatzeko

2009/11/17

Euskal Herria ezagutzea gustatuko litzaizuke? Buenos Airesko 'Eusketxe' Eusko Kultur Etxeak aurten ere 200 bonu salduko dituela adierazi du, bildutako diruarekin programatutako ekitaldiei eta Etxeko mantenimenduari eutsi ahal izateko. Bono hauetako bakoitzarekin, Euskal Herrira egingo diren bi bidaien zozketan parte hartzen da, edo nahi izanez gero joan-etorriak balioko lukeen ordainaren zozketan. Laguntzeko modu bikaina, sari bikain bat eskuratzeko aukerarekin, gainera.

Gehiago Irakurri…

Saladilloko 'Itxaropen' Euskal Etxeak herriko Udaletxearekin batera Jolasen Eguna antolatu zuen

Saladilloko 'Itxaropen' Euskal Etxeak herriko Udaletxearekin batera Jolasen Eguna antolatu zuen

Udaberri bete-betean, Saladilloko euskaldunak kaleetara atera ziren eta herriko komunitate osoa jolasteko ekintza batean parte hartzera gonbidatu zuten. Udaletxeko lankide antolatutako ekitaldi honetan, herri kirolak ez ezik, mota askotako ikuskizunak ere ikusi ahal izan ziren Nuestra Señora del Carmen Parkean, tartean estatua bizidunak, magoak eta murgak. Hitzordua joan den azaroaren 8an izan zen, arratsaldeko 4etatik aurrera, eta antolatzaileak poz-pozik daude deialdiak arrakasta handia izan zuelako. 'Duela urte batzuk udaberriaren eguna ospatzeko piknika antolatu genuen', azaldu zuen Hector Altamira euskal etxeko lehendakariak; 'aurten, berriz, euskal kulturaren beste alde batzuk ere erakutsi nahi genituen'.

Gehiago Irakurri…

Santa Fe-ko Gure Etxeak antzinako euskal kultura gerturatu zuen bertako Simón de Iriondo eskolara

Santa Fe-ko Gure Etxeak antzinako euskal kultura gerturatu zuen bertako Simón de Iriondo eskolara

2009/11/16

Santa Feko Gizataldeen Jaialdia --16. edizioa izan du aurtengoa-- ospatu baino lehen egin ziren ekintzen barruan, hiriko Gure Etxea Euskal Etxeak erakusketa bat burutu zuen Euskal Herriko geografia, historia eta kulturaren inguruan Simón de Iriondo Eskola Nazionalean. 'Gizarteak eskoletara doaz' egitasmoa, tailer moduan egiteko ekintza sorta, herriko Kultura Idazkaritzak aurkeztu zuen.

Gehiago Irakurri…

Kultur lehiaketa eta urteurren afaria Lapridako 'Lagunen Etxea' Euskal Etxearen 20. urtebetetzea ospatzeko

Kultur lehiaketa eta urteurren afaria Lapridako 'Lagunen Etxea' Euskal Etxearen 20. urtebetetzea ospatzeko

Bi hamarkada daramatzate Lapridako euskaldunek Euskal Herriko kultura zabaltzen Buenos Aires hiriburutik ia 500 kilometrora dagoen hiri honetan. Urtean zehar, hitzaldiak, topaketak, dantzaldiak, kultur lehiaketak… mota askotako ekimenak antolatzen dituzte 'Lagunen Etxea'-koek euskaldunen historia eta ohiturak hedatzen. Aurreko urteetan bezala, aurten ere kultur lehiaketa batean parte hartzeko gonbitea luzatzen dute euskal etxeko kideek, Eusko Txokoa liburutegien arduradunekin batera. Horretaz gain, urtemuga berezi hau ospatzeko, esker emate elizkizuna eta afari berezi bat egingo dute azaroaren 28an.

Gehiago Irakurri…

General Rodriguezeko Eusko Aterpea EEko 'Hitz nagusiak' zikloak segitzen du auzokideei hitza ematen

General Rodriguezeko Eusko Aterpea EEko 'Hitz nagusiak' zikloak segitzen du auzokideei hitza ematen

Historiaren lekuko direnak, komunitatearen zerbitzuan dabiltzanak, herriari bere ekarpena egin diotenak… Hauek guztiek beren lekua dute Eusko Aterpeak antolatutako 'Hitz nagusiak' erreportaje zikloan. Euskal etxeko kideen eskutik laster lau urte beteko dituen ekimen honek hasierako arrakastarekin jarraitzen du auzokideei merezitako omenaldia egiten. Azkenekoan, Alfredo Juan Malatini eta Juana Rodriguezi. Biak interes handiko pasadizoak kontatzeko aukera izan zuten euskal etxeko egoitzan joan den urriaren 10ean, eta saio guztietan egiten den bezala, elkarrizketak grabatu eta digitalizatu zituzten guztion eskura jarri ahal izateko. Esan dezagun, bestetik, Eusko Aterpeak 10 ospatu dituela atzo.

Gehiago Irakurri…

Gastronomia, musika, kultura eta kirol ekitaldiak, Tandileko Gure Etxea EEaren 60. urteurrena ospatzeko

Gastronomia, musika, kultura eta kirol ekitaldiak, Tandileko Gure Etxea EEaren 60. urteurrena ospatzeko

Gaurtik aurrera eta hilabete batez, hamaika ekintza antolatu dira Tandilen, bertako 'Gure Etxea' Euskal Etxearen 60. urteurrena ospatzeko. Ekitaldiekin bat egin nahi dutenek, mus eta pala txapelketa, hitzaldi eta ikastaroak eta bestelako bazkari, afari eta irtenaldietaz gozatzeko aukera izango dute. Musika eta kultura alorreko hitzorduak ere ez dira faltako, eta Euskararen Eguna ere urtero abenduaren 3an denez, toki berezia egingo zaio urteurreneko ospakizunetan.

Gehiago Irakurri…

Victoriako 'Haritz' Euskal Etxearen standak 4. saria jaso zuen bertako 2009ko Nekazaritza Erakusketan

Victoriako 'Haritz' Euskal Etxearen standak 4. saria jaso zuen bertako 2009ko Nekazaritza Erakusketan

Duela bi urte eskas Victoria herriko euskaldunek 'Haritz' Euskal Etxearen oinarriak ezarri zituzten Parana ibai ondoko hiri honetan. 2007ko irailean, eta lehen ekitaldi bezala, jaio berria zen euskal etxeko kideek plaka bat ipini eta haritz bat landatu zuten herriko Immigranteen Enparantzan. Bi urte pasatu dira eta epe honetan Victoriako euskaldunek hamaika ekintza antolatu eta hamaika ekintzetan hartu dute parte. Eguneroko lan horren ahalegina fruituak ematen hasi dela bistan dago: euskal komunitateak altxatutako standak 4. saria jaso zuen urrian 2tik 4ra arte ospatu zen Nekazaritza Erakusketan.

Gehiago Irakurri…

Literatura eta musika alorreko zenbait proposamen dakartza Bartzelonan EH Sona jaialdiak: baita, gaur, futbola ere

Literatura eta musika alorreko zenbait proposamen dakartza Bartzelonan EH Sona jaialdiak: baita, gaur, futbola ere

Atzo arratsaldean IK Irakurle Klubaren sasoin berria zabaldu ondoren, literatura eta musika alorreko proposamenekin segitzen du Bartzelonan Euskal Herria Sona jaialdiak. Aurreko larunbatean hiriburu katalanean abiatutako euskal kultur programa horrek etxean gelditzeko aitzekia kenduko dio bat baino gehiagori. Bihar eta asteburuan eskainiko diren musika emanaldiekin, gaurko egunak bestelako proposamena egiten du, edo egiten die futbolzale eta athleticzaleei: Euskal Etxeko Txokoan Nacional-Athletic partida emango dute, iluntzeko bederatzietatik aurrera.

Gehiago Irakurri…

Ines Longina da Baraderoko Euskal Etxeko lehendakari, ostegunean hauteskundeak egin ondotik

Ines Longina da Baraderoko Euskal Etxeko lehendakari, ostegunean hauteskundeak egin ondotik

2009/11/03

Joan den ostegunean, urriaren 29an, egin ziren Baraderon, Buenos Airesko probintzia argentinarrean, bertako euskal Etxeko Zuzendaritza Batzordea berritzeko hauteskundeak eta, ondorioz, agintealdi berrian elkartea gobernatuko duen ekipoko buru Ines Longina, Elorduy-ren emaztea (sic) hautatu zuten, eta berarekin batera Griselda Esconjauregui, idazkari, eta Daniel Ibarra diruzain, beste zenbait batzordekideren artean.

Gehiago Irakurri…

400 partaide Trenque Lauquengo Euskal Sustraiak EEak antolatutako Urdaiazpiko Jaiaren I. edizioan

400 partaide Trenque Lauquengo Euskal Sustraiak EEak antolatutako Urdaiazpiko Jaiaren I. edizioan

Laurehun bat lagun bildu ziren joan den urriaren 17an Trenque Lauquengo Barrio Alegre Klubean Euskal Sustraiak Euskal Etxeak antolatutako Urdaiazpiko Jaia ospatzeko. 'Euskal festa handi baten oinarriak ezarri nahi genituen gure herrian. Horretarako euskal etxeko lagunek lagundu ziguten antolaketan', azaldu dio EuskalKultura.com-i erakundeko kide batek. Ordu txikiak arte iraun zuen jai honetan, etxeko hestebeteak, afarirako propio prestatuak, jan ahal izan ziren. Tartean, Euskal Sustraiak-eko dantzariek Arin Arin eta San Petrike dantzatu zituzten. 'Oso arrakastatsua izan da jaia eta komunitatearen erantzuna ezin hobea', adierazi dute antolatzaileek. 'Hori dela eta jadanik jarri dugu datorren urterako hitzorduaren data. 2010rean Urdaiazpiko Jaia urriaren 16an izango da'.

Gehiago Irakurri…