Hemen zaude: Hasiera Bideoak
Dokumentu Akzioak

Bideoak

Maila bat gorago
Momentu hunkigarriak Txinan, euskaraz eta bertsotan

Momentu hunkigarriak Txinan, euskaraz eta bertsotan

2009/02/23

Momentu hunkigarriak bizi izan dira Txinan, Shanghaiko Euskal Etxean, otsailaren 15ean, Juanito Sarasola bertako bazkide, fundatzaile eta lagunari egin zaion omenaldian. Elkartekideek 'Urrezko Abakoa' izeneko saria eman zioten, ohorezko aurreskua dantzatu eta, horra hor zeinen ezusteko polit eta pertsonala, hiru bertso kantatu zizkioten, aho batez, Amets Arzallus bertsolariari berarentzat propio eskatutakoak. Joan den 18an, honen guztiaren berri eman genuen artikulu batean (bertsoen hitzak ere hor daude). Orain, momentu horretako bideoa dakarkigu. Zorion bero-beroak Juanito Sarasolari, sariagatik eta honelako lagunak izateagatik [bideoan, Shanghaiko Euskal Etxeko lehendakari Estibalitz Gete, Juanito Sarasola (abakoa eskuetan) eta Mikel Usandizaga, 'master of bertso-ceremonies'; beheko argazkian Estibalitz Gete, Juanito Sarasola eta Alex Arriola, Txinako EEko iazko Zuzendaritzako kidea]

Read More…

'Ai zer plazera' kantuaren karaokea: musika eta hitzak

'Ai zer plazera' kantuaren karaokea: musika eta hitzak

2009/02/02

Euskal kantutegiko doinu edo aire ezagunenetakoa eta sentituenetakoa da 'Ai zer plazera' [bai, erre bakar batez], Euskal Herriko eta Diasporako euskaldunek noiznahi eta nonahi kantatua. Hona ekarri dugun bertsio honetan, Erramun Martikorena baigorriarra (Diasporarekin familia lotura sakonak dituena, ama ere Kaliforniako euskalduna baitzuen) kantari. Erramunen ahots paregabea audioan eta hitz xiberotarrak pantailan, kantatzeko eta hitzak ere ikasteko gomita edo gonbidapen irekia duzu hau. Goza ezazu, irakurle!

Read More…

Jota eta Lantz Zortzikoa Txileko Nafar Etxeko dantzarien eskutik

Jota eta Lantz Zortzikoa Txileko Nafar Etxeko dantzarien eskutik

2009/01/26

Txileko Santiagoko Nafar Etxeko dantzariak dira. Irudiak joan den urriaren 12an, Hispanitatearen Egunean, Santiagoko Estadio Español-en egin zen jaialdikoak dira. Jota eta Lantz Zortzikoa ari dira dantzatzen (bideoa Maite Otondo)

Read More…

Donostiako danborrada... bizi-bizi Argentinako Canuelasen

Donostiako danborrada... bizi-bizi Argentinako Canuelasen

2009/01/16

Urtero ohoratzen dute Buenos Aires probintziako Cañuelas herriko 'Denak Bat' Euskal Etxekoek Donostiako danborrada eta ederki jotzen dituzte Sarriegiren aireak bertakotze bidean ipini duten euskal-argentinar festa gisa ospatuz. Herriko plazan egiten dute, eta iazkoan herriko alkatea, euskal erroduna bera ere, bertaratu eta eskertu zien Euskal Etxekoei itsasoz bi aldeetako kulturak biltzen egiten duten lan eskerga. Munduan, Donostian eta Euskal Herrian ezezik, Argentinan, Katalunian, Venezuelan, Ingalaterran, Espainian, Estatu Batuetan, Mexikon... eta beste hamaika tokitan ospatzen dute donostiarren edo euskaldunen danborrada (bideoa EuskalKultura.com)

Read More…

Hator Hator, Ortzaizeko ikastolako haurrek kantatua, Baxenabarren

Hator Hator, Ortzaizeko ikastolako haurrek kantatua, Baxenabarren

2008/12/29

Baxenabarren, Ortzaizeko ikastolako haurrak kantari jalgi dira urte guziz herriko karriketan. Ekarri dugun bideo hau iazkoa da, nahiz eta haurrek gabon kanta klaikoetako bat kantatzen duten: Hator Hator kantatzen dute. Zorionak eta Urte Berri On!

Read More…

William Petersen (Grissom, CSI) euskaraz hitzez eta kantuz

William Petersen (Grissom, CSI) euskaraz hitzez eta kantuz

2008/12/19

William Petersen CSI telesaileko protagonista euskaraz mintzo da, ondoren ingelesez eta azkenik 'Goiko Median elurra dago' kantua kantatzen du bideo honetan. Gaztea zenean, 1974-75 urteetan Euskal Herrian bizi izan zen geroztik aktore ospetsua bilakatu den Peterson, Oñatin izan ere, eta orduko oroitzapen eztiak aipatzen ditu bideoan. Irudiak Ibarretxe lehendakariak euskal gizarteari 2008ko abenduaren 19an Gasteizen eskaini dion harrera ekitaldian eman dira.

Read More…

Entzun nahi Kirmen Uribe bere poema bat irakurtzen NYen?

Entzun nahi Kirmen Uribe bere poema bat irakurtzen NYen?

2008/12/15

Kirmen Uribek 'Kukua' poema irakurri zuen 2004ko urriaren 16ean New Yorkeko Bowery aretoan. Berarekin Mikel Urdangarin, Rafa Rueda eta Bingen Mendizabal musikariak aritu ziren, eta Elizabeth Macklin poetak lagundu zuen itzultzaile lanetan. Irudiak Arkaitz Basterraren 'A way to look at the world' dokumentalaren parte dira.

Read More…

Txikiak sokatiran Euskal Echean

Txikiak sokatiran Euskal Echean

2008/12/09

FEVAk antolatuta 2008ko Haurren Topaketa egin zen Llavallolgo Euskal Echea ikastetxean eta bertara bildu zirenek hamaika joko eta jardueratan parte hartzeko aukera izan zuten. Iruditan, sokatiran izan zen lehia bizia (bideoa euskalkultura.com)

Read More…

Mikel Laboari azken agurra

Mikel Laboari azken agurra

2008/12/01

Mikel Laboa kantari donostiarra eta euskal kulturaren ikono ezaguna, gaur goizaldean hil da Donostian, 74 urte zituela. Laboari Gipuzkoako Urrezko Domina egotzi zioten berriki, gipuzkoar Foru Aldundiak ematen duen sari nagusiena, eta pertsonalki jasotzeko asmoa agertu zuen, abenduaren 23an egin behar zen ekitaldan. Gu guztion ondare bilakatutako 'Txoria txori' bere kantaren doinuekin eman nahi diogu azken agurra Laboari.

Read More…

Salbatu nahi diozu bizitza 18 hilabeteko Sebastian haurrari?

Salbatu nahi diozu bizitza 18 hilabeteko Sebastian haurrari?

2008/12/01

Sebastian 'Sebby' Moustirats 18 hilabeteko haur euskal kaliforniar bat da, aiton-amonak Mehaineko baxenabartarrak. Sebby tipia oso osasun egoera txarrean dago, Wiskott-Aldrich Sindromea (WAS) izeneko eritasuna baitauka eta odol transfusioak etengabe egin behar baitizkiote. Joan den astean, bere egoera larriagotu egin da eta hezurmuin transplante baten beharrean dago. Emaile konpatible bat behar du, eta emaile hori errazago topa omen daiteke euskaldunen artean. Eskatzen dena, zera da, bost minutu hartzen dituen listu lagin test bat egitea, jakiteko konpatiblea zaren ala ez jakiteko (test hori Estatu Batuetan, Euskal Herrian, Argentinan edo nonahi egin daiteke). Mila esker aldez aurretik (bideoaren hasiera ingelesez da, ondoren Sebastian tipiaren argazkiak bere familiarekin. Honi guztiari buruz xehetasun gehiago, euskaraz, beheko artikuluan, eta beste zenbait hizkuntzetan www.savesebby.com webgunean)

Read More…

Bideoak

Atal honetan diasporarekin zerikusia duten bideoak gehituko ditugu. Batzuk guk geuk sortutakoak; beste batzuk, sarean aurkitu ditugunak.