Hemen zaude: Hasiera Albisteak bizi
Euskarazko Produktuen Katalogoa, euskaraz erregalatzeko 11 iradokizun, kontsultagai paperean zein sarean

Euskarazko Produktuen Katalogoa, euskaraz erregalatzeko 11 iradokizun, kontsultagai paperean zein sarean

2009/12/07

Euskarazko Produktuen Katalogo berria hemen da jada bere paperezko eta interneteko edizioetan: Euskal Herri osoan zehar 240.000 ale banatuko dira eta, bestalde, era birtualean Katalogoa.org webgunean kontsulta daiteke. Aurten webguneak produktuen bilatzaile bat ere eskaintzen du eta katalogoaren pdf bertsioa jaisteko modua. Euskarazko musika, zinema, literatura, informatika edota jolasgintzan ekoiztutako azkeneko produktuak erraz atxemateko aukera. Produktuaz ematen dituen jakingarriak: izena, egilea, ekoizlea, prezioa, adina, urtea eta (askotan) non erosi internetez.

Gehiago Irakurri…

Catalan nafar kontseilaria Argentinara ari da, Rosarioko nafar Olinpiaden itxiera-ekitaldian partaide izateko

Catalan nafar kontseilaria Argentinara ari da, Rosarioko nafar Olinpiaden itxiera-ekitaldian partaide izateko

2009/12/04

Alberto Catalán Higueras, Hezkuntza eta Erakunde Harremanen Sailburua eta Nafarroako Gobernuko bozeramailea, Argentinara bidaiatuko da asteburu honetan Buenos Aireseko Nafar Etxearen 114. urteurrenaren ospakizuneko ekitaldietan parte hartzera. Ondoren Mar del Platara ere hurbilduko da, Nafar Gobernuaren diruak partitzen dituen 'Fundacion Navarra Solidaria' elkartearen laguntza partitze ekitaldi batean egoteko. Era berean Rosarioko Nafar Etxeak antolatu dituen Olinpiaden bukaerara ere bertaratuko da, Argentina eta Txileko Nafar Etxeen Federazioarekin bilduz.

Gehiago Irakurri…

Eusko Ikaskuntzak deitzen duen ENE (Euskararen Nazioarteko Eguna) Saria, NABOrentzat 2009ko edizioan

Eusko Ikaskuntzak deitzen duen ENE (Euskararen Nazioarteko Eguna) Saria, NABOrentzat 2009ko edizioan

2009/12/03

Eusko Ikaskuntzak 2006tik hona urtero deitu duen ENE (Euskararen Nazioarteko Eguna) izeneko saria, NABO (North American Basque Organizations - Ipar Ameriketako Euskal Erakundeak) Estatu Batuak eta Kanadako euskal etxeak biltzen dituen elkarteari egokitu zaio aurten, 2009ko edizioan. Saria urtero ematen du ezagutzera Eusko Ikaskuntzak Abenduaren 3an, Euskararen Nazioarteko Egunean, eta berau errezibitzeko ospearekin batera, ENE izeneko Nestor Basterretxearen estatuatxoa ere badakar. Zorionak, beraz, NABOko lagunei.

Gehiago Irakurri…

Eusko Jaurlaritzak sei beka deitu ditu, Mexiko, Argentina, Txile, Kolonbia, AEBetan eta Gasteizen aritzeko

Eusko Jaurlaritzak sei beka deitu ditu, Mexiko, Argentina, Txile, Kolonbia, AEBetan eta Gasteizen aritzeko

2009/12/03

Euskal Etxeetako kideek ere parte hartu dezakete, bai. Eusko Jaurlaritzak Kanpo Harremanetan eta Kanpoko Euskal Gizatalde eta Etxeen eremurako sei "espezializazio beka" deitu ditu", Eusko Jaurlaritzak Mexiko, Txile, Argentina, Kolonbia eta Estatu Batuetan dituen Ordezkaritzetan, eta Gasteizen, Kanpo Harremanetarako Idazkari Nagusian, jarduteko. Diru aldetik, hornidura, Ordezkaritzen kasuan 25.492 euro eta 27.810 euro bitartekoa da, Gasteizen salbu, hor 15.450ekoa baita. Euskal Autonomi Erkidegoan bizi diren herritarrek eta Euskal Etxeetako kideek ere har dezakete parte. Eskabideak aurkezteko epea abenduaren 28an bukatuko da.

Gehiago Irakurri…

Urgell sailburuaren bisita Mexikora, Euskal Etxeko buruzagiekin bilduz, Guadalajarako Liburu Azoka ikusteko

Urgell sailburuaren bisita Mexikora, Euskal Etxeko buruzagiekin bilduz, Guadalajarako Liburu Azoka ikusteko

2009/12/03

Bisitari Blanca Urgell, Eusko Jaurlaritzako Kultura sailburua, Mexikon, Guadalajarako Nazioarteko Liburu Azoka dela eta --joan den 28tik datorren igandera arte zabalik Jalisco estatuko hiriburuan-- bidaia berean Mexiko DFko Euskal Etxeko ordezkariekin eta, lektoretza programa medio, Euskara eta Euskal Kultura irakasten duten unibertsitate mexikarretako buruzagiekin bilduko delarik, besteak beste. Guadalajarakoa munduko lehenengo azoka gisa dago kontsideratua espainolez, eta bigarrena, orokorrean, Frankfurteko Azokaren ondotik. Aurten gutxienez hamasei dira bertan partaide diren Euskal Herriko argitaletetxeak.

Gehiago Irakurri…

Datorren asteleheneraino luzatu da Chascomusen urtarrilean egingo den Udalekuan izena emateko epea

Datorren asteleheneraino luzatu da Chascomusen urtarrilean egingo den Udalekuan izena emateko epea

2009/12/02

Datorren asteleheneraino, abenduaren 7raino, luzatu dute antolatzaileek izena emateko epea. Aukera bakarra da --orain arte lehena-- Argentinan euskal udaleku batean parte hartzeko, antolatzaile eta begiraleak Euskal Herritik etorriak batzuk eta beste batzuk argentinarrak izanik. Udalekuak ohiko kanpamentuetako ezaugarriak dauzka, baina euskal gaien inguruan antolatuta dago, haur eta gaztetxoek batetik ongi pasatu, baina bestetik euskal kulturarekiko ezagutza zabal dezaten. Gaztetxoek 12-16 urte bitartekoak behar dute izan. Udaleku egunak urtarrilaren 4tik 9ra arte dira. Kuota, berriz, 120 pesokoa.

Gehiago Irakurri…

Caracasen 1939an erbesteratutako belaunaldiari asteburuan eginiko Omenaldiaren argazki kronika

Caracasen 1939an erbesteratutako belaunaldiari asteburuan eginiko Omenaldiaren argazki kronika

2009/12/02

Maitasuna, emozioa, etxekotasuna izan dira joan den asteburuan Caracasen, bertara 1939an errefuxiatu iristen hasi zen belaunalditik bizirik geratzen direnei egin zitzaien omenaldiak bildutako osagaiak. Orduan iritsi eta, gogor lan eginez, leku propioa eraiki zuten bertan komunitate batentzat, euskal komunitatearentzat, eta euren seme-alaba eta ondorengoen aurrerabidea prestatu zuten, Euskadi txiki bat sortuz, eta Eusko Etxearekin batera beste egiturak eta baliabideak sortuz, jende eta lotura mundu bat sortuz, familia handi baten antzera. Denborarekin, askok atzera egingo zuten Euskadira, beste batzuk, garai onenak joanda ere, bertan segitzen dute EEa aitzinarazi nahian. Joan den asteburukoa, ongi merezitako eta esker oneko omenaldia izan da, "kuraia, lana, ausardia eta abertzaletasuna" ezaugarri izan zituen "belaunaldi gehienbat euskaldun fededun" harentzat.

Gehiago Irakurri…

Euskadik eta Akitaniak akordioa sinatu dute Bordelen 'euroeskualde' bat sortzeko, 'Nafarroari zabalik'

Euskadik eta Akitaniak akordioa sinatu dute Bordelen 'euroeskualde' bat sortzeko, 'Nafarroari zabalik'

2009/12/01

Alain Rousset Akitaniako presidenteak eta Patxi Lopez Eusko Jaurlaritzako Lehendakariak akordioa sinatu zuten atzo Aquitaniako hiriburuan, Bordelen, poza eta baikortasuna nagusi izan ziren giro batean, aurrerapauso garrantzitsua ematen ari zeneko mezua izan baitzen han-hemenka transmititu nahi izan zuten irudia: 'euroeskualdea ari da sortzen'. Giro baikor horren barnean kokatu zen Bordeleko Eskual Etxeko abesbatzak kantuz egin zuen ekarpena eta baita ere aipatu bi buruzagiek euskal kantu alorrean agertu zuten 'ezagutza', besteak beste Txoriak txori eta Boga-boga bezalako kantuetan bat egin baitzuten abesbatzarekin. Batzuentzat atzokoa ez zen folklorekeria baizik, beste batzuentzat, urrats handia eman zen.

Gehiago Irakurri…

Villa Mariako Euskal Etxeak, Argentinan, bere 53. Euskal Kultur Asteari ekin dio: gaur, kultura tailerra

Villa Mariako Euskal Etxeak, Argentinan, bere 53. Euskal Kultur Asteari ekin dio: gaur, kultura tailerra

2009/11/30

Hasi berria da Villa Marian, Cordona probintzia argentinarrean, bertako euskal elkarteak antolatzen duen 53. Euskal Kultur Astea. Atzo ekin zitzaion ekimenari, izan ere, hildako bazkide eta lagunei eskainitako ekitaldiekin, tartean lore-sorta Gernika Plazatxoan eta meza, Denak Bat bertako euskal abesbatzak edertua. Gaur, euskal kultura eta identitate tailer bat egingo da, Marta Vijande Esnaola zuzendari. Datozen egunetan, berriz, haurrentzako ekitaldiak, dantzak, mus eta truko partidak, interes orokorreko hitzaldi bat eta pare bat afari eta festa elkarretaratze iragarri dira. Programa larunbatean bukatuko da, afari eta festa herrikoi batez Euzko Etxea-ko Euskal Herria Aretoan. Sarrerak salgai euskal egoitzan bertan, Lisandro de la Torre 33 helbidean.

Gehiago Irakurri…

Abenduaren 10era arte luzatu da EuskalKultura.com-ek deitutako argazki lehiaketara aurkezteko apea

Abenduaren 10era arte luzatu da EuskalKultura.com-ek deitutako argazki lehiaketara aurkezteko apea

2009/11/30

EuskalKultura.com-ek abenduaren 10era arte luzatuko du --10 egunez beraz-- euskal gaiaz deitua duen argazki lehiaketarako lanak aurkezteko epea. Jakina denez, lehiaketa honetara Diasporarekin eta euskal gaiekin zerikusia daukaten argazki originalak aurkez daitezke, Euskal Herrian zein Diasporan atereak. Hiru sari banatuko dira, bakoitzari Xamar-en 'Euskara Jendea' (Pamiela argitaletxea)liburuaren ale banatuko zaiola. Gainerako partaideen artean, liburu beraren beste hiru ale zozketatuko dira. Animatu eta parte har ezazu!

Gehiago Irakurri… [ Erantzun bat ]