Hemen zaude: Hasiera Albisteak bizi
AEBetako prentsak artikulua eman du argitara Ysursa bi euskal anaiez, bata demokrata, errepublikanoa bestea

AEBetako prentsak artikulua eman du argitara Ysursa bi euskal anaiez, bata demokrata, errepublikanoa bestea

2009/11/30

'Idaho Statesman' eta AEBetako beste zenbait egunkarik Associated Press agentziako artikulu bat eman zuten argitara joan den ostiralean, John Miller-ek sinatua, bi anaiari buruz, Ben eta Bernard Ysursa, Boiseko (Idaho) euskal familia batean jaioak eta, nahiz eta bat, Ben, errepublikanoa eta Idahoko Estatu idazkaria izan eta bestea, Bernard, demokrata, Obamaren aldekoa eta abokatu ospetsua Illinoisen, biak beste ezeren gainetik lagunak izaten segitzen duten, euren arteko anaiarteko harreman onari eutsiz. Euskaratu egin dugu bi anaia haiei buruzko artikulua, Idahoko euskal komunitatean euskaldun ezaguna den Ramon Ysursaren seme baitira, eta baita ere Boiseko hoteletan lan egin eta bertan semeak segituko zuen euskal ostatu baten jane izan zen Benito Ysursa iurretatarraren eta haren emazte Asuncion-en bilobak. John Ysursa NABOko sustatzaile eta euskaltzale ezagunaren anaiak ere badira Ben eta Bernard Ysursa.

Gehiago Irakurri…

Venezuelako euskal kolektibitateak omenaldi berezia egingo die 1939ko belaunaldiko erbesteratuei

Venezuelako euskal kolektibitateak omenaldi berezia egingo die 1939ko belaunaldiko erbesteratuei

2009/11/27

Datorren asteburu hau zinez hunkigarri eta gogoangarria iragartzen da Caracasen. Bihar, larunbata, Eusko Etxean, eta igandean, Chacaon, 1939an frankismotik ihesean Venezuelako erbestera iristen hasi zen belaunaldiak omenaldi sentikor eta ongi irabazia hartuko du, gizon-emakume adoretsu haietatik bizirik gelditzen direnak jendaurrera ekarriz eta esker oneko txalo eta besarkada beroa emanez. Laguntzaile berezi izango dira Iruñetik propio etorritako Ortzadar taldeko dantzari gazteak. Izan ere, Eusko Etxea euskal kolektibitateko ordezkari izango da bertan; Ortzadar taldea, beti bihotzean atxikitako Euskal Herriaren ordezkari; eta Chacaoko alkatetza --antolatzaile baita-- gizarte venezuelarraren ordezkari.

Gehiago Irakurri…

Urtebete Obama presidente: solasean New Yorken Emilia Doyaga, Itziar Albisu eta Ray Yturrasperekin

Urtebete Obama presidente: solasean New Yorken Emilia Doyaga, Itziar Albisu eta Ray Yturrasperekin

2009/11/26

Deia egunkari bizkaitarrak elkarrizketa emana du argitara duela gutxi, New Yorkeko euskal gizataldeko kide ezagunak diren hiru euskal-amerikarrekin. Nork, Etxeorratzen Hiriko euskaldunen artean ez ditu-eta ezagutzen Emilia Doyaga, Itziar Albisu eta Ray Yturraspe? Esan dezagun, dena den, Emilia Doyaga Brooklynen jaiotako unibertsitate-irakasle erretiratua dela, ama bakiotarra eta aita berriztarra. Itziar Albisu, berriz, donostiarra da, aspaldi newyorkeratua, eta bertakoak ditu seme-alaba nerabeak, egun NYeko Eusko Etxeko lehendakari delarik; Ray Yturraspe, azkenik, Manhattanen jaio zen, gurasoak mundakarrak. Deiako Nuria Ferragutcasas kazetaria eurekin mintzo da euskal etxe newyorktarrean, Barack Obamak agintean 12 hilabete bete behar dituela-eta.

Gehiago Irakurri…

Chascomuseko Euskal Etxeak erdira jaitsi du Argentinako Udalekuan parte hartzeko kuota, 120 pesotan utziz

Chascomuseko Euskal Etxeak erdira jaitsi du Argentinako Udalekuan parte hartzeko kuota, 120 pesotan utziz

2009/11/24

Chascomuseko euskal etxe antolatzaileak atzo arratsaldean plazaratutako ohar batean aditzera ematen denez, Euskal Udalekuaren prezioa 120 pesotan ezartzea erabaki da, ez eta aurretik adierazitako 250 pesoak, erdia baino gehiagoko beherapena eginez beraz, jakinaren gainean egonik egoera ekonomiko latzak askoz aukera gehiago ematen ez duela eta zenbait gastu murriztu eta gero egokiagoa dela parte hartu nahi duten haur eta gaztetxoei partaidetza erraztea azkenean kuota aipatu 120 pesotan utzita. Interesatuek Maria Laura Egurenekin harremanetan ipini beharko dute, beti ere azaroaren 30a baino lehen. Udalekua urtarrilaren 4tik 9ra bitartean egingo da Buenos Aires probintziako Chascomusen, 12 eta 16 urteko haur eta gaztetxoei zuzenduta.

Gehiago Irakurri…

Nafarroara itzulitako Sandalio Monreal etorkina Nafarroaren Eguneko TV spot-eko protagonista

Nafarroara itzulitako Sandalio Monreal etorkina Nafarroaren Eguneko TV spot-eko protagonista

2009/11/24

Nafarroako Gobernuak 2009ko Nafarroaren Eguneko egitaraua aurkeztu zuen atzo Iruñean. Aurtengoan Gobernuaren web atariaren barnean Abenduaren 3ko ospakizunaz zabaldutako webgune berezitua da nobedade, egun horretako berri eta jakingarriak bildurik eta baita ere karia horretara propio egindako telebista spot-a, bere bizitza ia osoa Argentinan eman duen Sandalio Suberviola emigrante Nafarroara berriz itzulia protagonista. Nafarroako Ereserkiaren orkestra bertsioa ere badakar webguneak, MP3an.

Gehiago Irakurri…

Azaroaren 30era arte dago zabalik 12-16 urteko gazteentzako Chascomuseko Euskal Udalekurako epea

Azaroaren 30era arte dago zabalik 12-16 urteko gazteentzako Chascomuseko Euskal Udalekurako epea

2009/11/20

Chascomusen, bertako Euskal Etxeak antolatuta urtarrilaren 4etik 10era egingo den Euskal Udalekuan parte hartu nahi duten euskal etxeetako 12-16 urte arteko gazteek azaroaren 30era arte eman dezakete izena. Partaideetako bakoitzak 120 peso ordaindu beharko ditu orotara, eta izena emateko unean 50 pesoko seinalea utzi. Chascomuseko 'Zingirako Euskaldunak' Euskal Etxea da ekimeneko antolatzaile, Gipuzkoako Foru Aldundia lankide eta laguntzaile Chascomuseko Pilota Kluba eta Arraun Elkartea. Interesatuek Maria Laura Egurenekin kontaktatu beharko dute, mailez edo telefonoz, artikulu honetan aurrerago adierazten diren helbide eta zenbakietan.

Gehiago Irakurri…

Durangoko 44. Liburu Azokak, aurten abenduaren 4tik 8ra, Katalunia izango du herrialde gonbidatu

Durangoko 44. Liburu Azokak, aurten abenduaren 4tik 8ra, Katalunia izango du herrialde gonbidatu

2009/11/19

Ikastoletako lehen andereñoek jasoko dute aurtengo Argizaiola saria, eta kultura katalana izango da, berriz, 2009ko edizio honetako kultura gonbidatua. Erakusleei dagokienez, 156 parte-hartzaile bilduko ditu Azokak. Parte-hartzaile kopurua igo den arren, iaz adina erakusmahai izango dira: 292. Liburu berriak, aurten 308 izango dira, iazko 345ak baino 37 gutxiago, beraz. Diskoak, iaz baino bost disko gehiago: 69. Eta aurten leku berezia izango dute kultura katalanak eta bere emaitzek, euskal kulturarekiko eta euskaldunekiko harremana estutu nahiean. Abenduaren 4ean, ostirala, hasi eta 8raino, asteartea, luzatuko da. Iaz baino egun bat gehiago. Garikoitz Goikoetxeak sinatzen du artikulua Berrian.

Gehiago Irakurri…

Euskaltzaindiak 'Etorkinak eta euskara' aztertuko du bihar Bilbon antolatu dituen jardunaldietan

Euskaltzaindiak 'Etorkinak eta euskara' aztertuko du bihar Bilbon antolatu dituen jardunaldietan

2009/11/19

Euskal Akademiaren XIV. Jagon Jardunaldiak egingo dira bihar ostirala Plaza Barriko egoitzan, "Etorkinak eta euskara" gaia ikusmira ezberdin askotatik aztertuz. Joaquim Dolz, Genevako Unibertsitateko irakaslea bertara gerturatuko da gaian sakontzen duen 'hitzaldi mamitsua' eskaintzeko asmoz. Sustapen Batzordeak antolatu dituen jardunaldi hauetan, Unesco Etxea eta Deustuko Unibertsitateko Euskal Gaien Institutua laguntzaile izan ditu Euskaltzaindiak.

Gehiago Irakurri…

Rodrigo Gartzia, Azkue Fundazioa: "Kontaktuan gaude Diasporan bizi diren euskaldun eta bizkaitarrekin"

Rodrigo Gartzia, Azkue Fundazioa: "Kontaktuan gaude Diasporan bizi diren euskaldun eta bizkaitarrekin"

2009/11/18

Jende gazteari zuzenduz eta teknologia berriak modu ireki, parte-hartzaile eta bizian erabiliz, interneten euskararen presentzia indartzea da Azkue Fundazioaren xedea. Bizkaiko Foru Aldundiaren euskara arloko proiektu garrantzitsua da. Zuzendari duen Rodrigo Gartzia Azurmendik, Diasporako euskaldunak ere kontuan hartu dituztela eta proiektuak beraiekin lotzeko aukera aztertu duela adierazi dio Euskalkultura.com-i. Azkue Fundazioa azaroaren 4ean aurkeztu zen ofizialki, Euskaldunako foyer-ean.

Gehiago Irakurri…

Eusko Jaurlaritzak bi beka deitu ditu Kanpo Harremanetan eta Euskal Gizataldeen arloan espezializatzeko

Eusko Jaurlaritzak bi beka deitu ditu Kanpo Harremanetan eta Euskal Gizataldeen arloan espezializatzeko

2009/11/16

Eusko Jaurlaritzak "Kanpo Harremanetan eta Kanpoko Euskal Gizatalde eta Etxeen eremuan espezializatzeko" bi beka deitu ditu. Legez parte hartzeko aukera daukaten herritarrekin batera, euskal etxeetako kideak ere aurkez daitezke deialdira, eskatutakoa betez geroz. Bekak Jaurlaritzako Kanpo Harremanetarako bulegoetan aritzeko dira eta 15.900 euroko diru hornidura daukate, bakoitzak. Eskabideak gauzatzeko epea abenduaren 10ean bukatuko da.

Gehiago Irakurri…