Hemen zaude: Hasiera Albisteak gizartea
Oharra plazaratu dute Euskal Amerikar Diasporaren Eztabaida Guneko kideak, helburuak berretsiz

Oharra plazaratu dute Euskal Amerikar Diasporaren Eztabaida Guneko kideak, helburuak berretsiz

2009/06/02

Euskal Amerikar Diasporaren Eztabaidagunea sustatzen duten kideak oharra plazaratu dute euren ekimenak orain arte egin duen bidearen balantzea aditzera emanez: 'Betegarri' baina 'inola ere nahikoa' izatea iritzi diote euren lanari. Cesar Arrondo, Gloria Zuazu, Jose Domingo Ormaetxea, Mariana Fernandez Castelli eta Santiago Bereciartuak argiro adierazi dute 'gogoeta gune berriak sortzeko' euren xedea, 'talde abertzale soberanista gisa proposatutako tailerren bidez'.

Gehiago Irakurri…

Nafarroako Gobernuak akordioa sinatu du Peru-ko Piura-koarekin, elkarren arteko loturak sendotzeko

Nafarroako Gobernuak akordioa sinatu du Peru-ko Piura-koarekin, elkarren arteko loturak sendotzeko

2009/06/02

Nafarroako Gobernuko presidente Miguel Sanzek eta Peru-ko Piura Eskualde Gobernuko Cesar Trelles-ek lankidetza hitzarmen bat sinatu dute joan den astelehenean Iruñean, bi alde sinatzaileen intereseko diren jarduerak batera garatzeko eta, era horretan, dauzkaten lotura historiko, kultural eta ekonomikoak sendotzeko, Nafarroako Gobernuak ohar batean kaleratu duenez. Sinaketa, Piurako ordezkaritza batek, gobernuburua tarteko, Nafarroara egin duen bisitaldiaren barnean gauzatu da.

Gehiago Irakurri…

EuskalKultura.com-ek Arantzazu Amezagaren 'La txalupa de Radio Euzkadi' liburua zozketatuko du

EuskalKultura.com-ek Arantzazu Amezagaren 'La txalupa de Radio Euzkadi' liburua zozketatuko du

2009/06/02

EuskalKultura.com-ek Arantzazu Amezagaren 'La txalupa de Radio Euzkadi' liburua zozketatuko du bere irakurleen artean. Liburuak, frankismo garaian Venezuelatik Euzkadi Irratiak egiten zituen emanaldien historia egiten du, idazlea beraren eta bere senar izan zen Pello Irujoren ekimenarekiko ekarria errepasatuz. Zozketan parte hartu nahi dutenek, aski dute e-mail bat bidaltzea euren izena eta helbidea ipinita. Bestalde, aldaketa baten berri harpidedunentzat: gaurtik hasita, buletinaren bidalketa goizeko 6etara aurreratu da, Euskal Herriko ordua. Erabakia hartzerakoan, irakurleen iritzi eta iradokizunak hartu dira gehienbat kontuan.

Gehiago Irakurri…

Ehun bat jendek hartu zuen parte Donibane Garazin Euskal Argentina elkartearen 2009ko Biltzarrean

Ehun bat jendek hartu zuen parte Donibane Garazin Euskal Argentina elkartearen 2009ko Biltzarrean

2009/05/19

Arrakastaz egina du bere Urteko Biltzarra, usaian bezala Donibane Garaziko Herriko Etxean, Euskal Argentina elkarteak, esan nahi baita gehienbat Euskal Herrian eta Argentinan ahaideak dituzten presuna eta familiek osaturik bi herrion arteko lokarriak eta harremanak sakondu eta azkartzeko lan egiten duen Ipar Euskal Herriko elkarte honek. Elgarretaratzea martxoko ondarreko larunbatean egin zen, eta ondotik ahaidetasun bazkari bati ekin zitzaion Donapaleuko Mendy ostatuan. Monika Legartoren kronika Herria astekarian.

Gehiago Irakurri…

Euskaltzale argentinarrek eta bisitan zeuden europarrek bat egin zuten Buenos Airesko Herri Urrats ospatzen

Euskaltzale argentinarrek eta bisitan zeuden europarrek bat egin zuten Buenos Airesko Herri Urrats ospatzen

2009/05/12

Buenos Airesko euskaldunek urtero ospatzen dute Herri Urratsen euren bertsioa, hiriko Iparraldeko Euskal Etxearen eskutik. Aurtengoan, Udalbide/Udalbiltzako Zuzendaritza Batzordeko kide Ramuntxo Camblong, eta Xamar eta Jose Angel Irigarai idazleak bertan. Argentinara egin duten itzuliaren azkeneko egunean zeuden eta Diasporako jendearekin egoteko aukera dezente izan ondoren, Diasporako festa euskaltzale bat bizitzeko aukera izan zuten. Baita loriatu ere. Etxeko kideak eta, oro har, euskara eta euskal kulturaren inguruan mugitzen den jende multzoa gerturatu zen hiriburuko Moreno kalera, euskarazko jokoetan, dantzetan eta afari batean parte hartzeko. [IKUS ARGAZKI ERREPORTAJEA]

Gehiago Irakurri…

Argentinako Eusko Alderdi Jeltzalearen lurraldez kanpoko batzarrak bloga plazaratu du

Argentinako Eusko Alderdi Jeltzalearen lurraldez kanpoko batzarrak bloga plazaratu du

2009/05/06

Argentinako Eusko Alderdi Jeltzaleak bloga estreinatu du. Alderdiari dagozkion informazio eta iruzkinak dira bertako elikagai behinena. Blogaren lehenengo sarrera, EAJ-PNVren mendeurrenaren aldarrikapena da, bigarrenak Sabino Aranaren biografia azaltzen du, hirugarrenak 2009ko Aberri Eguneko agiria biltzen, 'Euskadi gure aberri bakarra' izenpean, laugarrenak alderdiaren historia argentinarra aipatzen du (1911), eta ondokoek Europako Legebiltzarrerako hauteskundeak, Gernikako bonbardaketaren 72. urteurrena eta, azkenak, Iñaki Aguirre, orain arte Jaurlaritzako Kanpo Ekintzako idazkari nagusia izan denaren despedida. Albo batean, Argentina Buru Batzarreko kide direnen izenak ere jasotzen ditu.

Gehiago Irakurri…

Estatu Batuetan artzain ibili ondoren sorterriratu ziren 'amerikanoek' urteroko bilkura egin dute Sunbillan

Estatu Batuetan artzain ibili ondoren sorterriratu ziren 'amerikanoek' urteroko bilkura egin dute Sunbillan

2009/05/04

Sunbillako Ulibeltzak elkartea izan da maiatzaren lehenean, Ameriketan artzain ibili ziren herritarren biltokia. Hogeita hamar 'amerikano' bildu dira urtero bezala maiatzaren lehenean Estatu Batuetako mendebaldean pasa zituzten urteetako pasadizo eta bizipenen kontu kontari. Eguna elkartean bertan eginiko 'amerikar' moduko gosari batekin hasi zen, mendiko ibilbideak eta bazkaria eta afaria ere bildu zituen egun osoko egitarauan. Aurtengoan, Jesus Goldaraz apezaren hutsunea nabaritu zen, azkeneko urte luzeetan urtero parte hartutakoa baitzen Sunbillako ospakizun honetan. Aurtengoan hogeita hirugarren urtea bete du.

Gehiago Irakurri…

Alta Gracia hiria izan da Argentinako Barrandeguy familiak bere V. topaketa egiteko hautatutako tokia

Alta Gracia hiria izan da Argentinako Barrandeguy familiak bere V. topaketa egiteko hautatutako tokia

2009/04/29

Lehenengo lau bileretara, XIX. mende hasieran Urruña herri lapurtarrean jaio ziren Ignacio Barrandeguy eta Bernarda Urruspuru senar-emazteen ondorengo argentinar guztiak izan ziren deituak. Are gehiago, Txile eta Uruguaitik ere bidaiatu zen lagun bat baino gehiago ahaideekin elkartzera. Aurtengo bostgarren elkarretaratze honek, ordea, helburu apalagoa izan du eta lerroetako bat bildu du soilik: Jose Barrandeguyren bilobena. Guztien buru, 92 urterekin, María Elena Barrandeguy, bizirik gelditzen den Jose-ren alaba bakarra. Nola lotzen den arbolarekin? Maria Elena, Joseren alaba; Jose, Martinen semea; Martin, Pedroren semea; eta Pedro, Urruñan gelditu ziren Ignacio eta Bernardarena. Jaia Cordoba probintziako Alta Gracia hirian izan zen, Estancia los Molles-en hain zuzen.

Gehiago Irakurri…