Hemen zaude: Hasiera Albisteak gizartea
Pete Cenarrusak bere memoriak aurkeztuko ditu bihar Boiseko Euskal Museoan: 'Bizkaia to Boise...'

Pete Cenarrusak bere memoriak aurkeztuko ditu bihar Boiseko Euskal Museoan: 'Bizkaia to Boise...'

2009/12/15

Idahoko estatu-idazkari ohi Pete Cenarrusa euskaltzale euskal-amerikar ezagunak bihar --92 urte betetzen dituen egun berean-- sinatuko ditu Boiseko Euskal Museo eta Kultura Institutuan bere bizitza osoko ibilbidea kontatzen duten memoriak, "Bizkaia to Boise: The Memoirs of Pete T. cenarrusa" izenburupean APko Quane Kenyon kazetariarekin batera plazaratu dituenak. Cenarrusak berak iragarri duenez, liburuaren sarrerak oro Idahoko eta AEBetako euskal ondarea ikertu, ezagutu eta zabaltzeko xedea duen 'Cenarrusa Foundation for the Basque Culture' erakundearentzat izango dira.

Gehiago Irakurri…

Paranáko 'Presencia Vasca' irratsaioa Elvira Kortajarena Ordezkariarekin solastuko da igande honetan

Paranáko 'Presencia Vasca' irratsaioa Elvira Kortajarena Ordezkariarekin solastuko da igande honetan

2009/10/10

Paraná hiriburu entrerriostarretik astero aireratzen den Presencia Vasca irratsaio euskal-argentinarrak Elvira Kortajarena, Eusko Jaurlaritzaren Argentinako Ordezkari berria elkarrizketatuko du igande honetako saioan, saioko zuzendari eta esatari den Federico Borras Alcain-en eskutik. Kortajarena, ia 14 urtez Madrilgo Parlamentu espainiarrean Gipuzkoako hautetsi gisa izan duen eserlekuari uko egin ondoren etorri da Argentinara. Eskarmentu politiko handiduna, ongizate sozialean aditua da eta Ibarretxeren gobernuak izendatu zuen Marieli Diaz de Mendibil-en ordea hartua du joan den hilabetean.

Gehiago Irakurri…

Ezteiak euskal erara Argentinan Mikel Olkoz eibartarra eta Vanesa Gerardi chacotarra ezkontide (irudiak)

Ezteiak euskal erara Argentinan Mikel Olkoz eibartarra eta Vanesa Gerardi chacotarra ezkontide (irudiak)

2009/10/09

Amodioak mugarik ez duela esanez idatzi digute Argentinako Chaco probintziatik, bertan joan den asteko ostiralean izan zen ezkontza baten berri emanez. Ezkontideak, Mikel Olkoz eibartarra eta Vanesa Gerardi chacotarra izan ziren, eta ezkontza "euskal moldekoa", dantzariak, arkoak, musika, aurreskua eta beste hainbat gauza 'euskal erara' egin baitziren. Apaiza ere --'aita Migel Angel'-- euskal jatorriduna omen zen eta ezkontza ondoko festetan ez ziren fandango eta arin-arinak batere faltatu. Eibartik senargaiaren familia bertaratu zen, eta zeremonia bukatu zenean, norbaitek "nobixuak zoriontsu izan daitezela" esan omen zuen. Chacoko 'Kotoiaren Lurra' euskal etxeko kideak bikotea eskortatu zuten egun osoan, haiei onena opatuz.

Gehiago Irakurri…

Chacoko 'Kotoiaren Lurra' Euskal Etxea Alkartasun Txokolatealdian partaide bihar, Haurraren Eguna kari

Chacoko 'Kotoiaren Lurra' Euskal Etxea Alkartasun Txokolatealdian partaide bihar, Haurraren Eguna kari

2009/08/14

Resistencia hiriburuan egoitza duen Chaco probintzia argentinarreko 'Kotoiaren Lurra' Euskal Etxeko kideak partaide izango dira bihar, Haurraren Eguna dela-eta, hiri horretako egoera behartsuko haurren zentru batean egingo den txokolatealdian. 'Alkartasun Txokolate Handia' (Gran Chocolate Solidario) sostengatu nahi dutenek badaukate horretarako aukera, euren astia zein bestelako laguntasuna eskaini nahi dutenek laguntza zinez ongi etorria izango baita.

Gehiago Irakurri…

Naguanaguako herriak, Venezuelan, hasi berriak ditu bere patroi Begoñako Amaren festak, Eusko Etxea partaide

Naguanaguako herriak, Venezuelan, hasi berriak ditu bere patroi Begoñako Amaren festak, Eusko Etxea partaide

2009/08/03

Askok ez dute jakingo Begoñako Amak Euskal Herritik haratago ere jarraitzaileak badituela, gehienbat euskal presentzia duten edo izan duten lekuetan Bizkaiko euskaldunek ereindakoa. Munduko leku horietako bat Venezuelako Naguanagua da, Valencian, Carabobo estatuan. Joan den asteburuyti hasita eta abuztuaren 16ra bitartean egingo dituzte Venezuelako hiri honetan Begoñako Amaren omenezko festak. Urtero bezala, Naguanaguan bertan egoitza duen Caraboboko Eusko Etxea partaide izango dute.

Gehiago Irakurri…

AEBetako Euskadiko Ordezkaritzak 'Euskal News' bere buletinaren lehendabiziko zenbakia plazaratu du

AEBetako Euskadiko Ordezkaritzak 'Euskal News' bere buletinaren lehendabiziko zenbakia plazaratu du

2009/07/10

Eusko Jaurlaritzak Estatu Batuetan daukan Ordezkaritzak plazaratu berria du bere informazio buletina izango den 'Euskal News'-en lehenengo zenbakia. Dohaniko harpidetza daukan argitalpena da eta estatubatuarrentzat interesgarriak izan daitezkeen arlo ekonomiko eta kulturaleko albisteak biltzea dauka xede, Euskadiren irudia suspertzeko eta berari buruzko ezagutza bultzatzeko. Lehenengo aleak lau orrialde dauzka, koloretan, eta honako albisteak biltzen ditu, besteak beste: AEBetako Empresbask-en sorrera pausoak, hainbat euskal enpresen presentzia Estatu Batuetako azoketan, elkarrizketa bat Ana eta Idoia Uribarri bibolinjole euskaldunekin New Yorkeko Carnegie Hall-ean jo ondoren, eta NABOren 30. Komentzio eta jaialdia Nevadako Renon bi asteren buruan.

Gehiago Irakurri…

Jose Maria Basagoiti, Mexikoko euskal kultura eta herentziaren babesle handienetako bat hil da atzo

Jose Maria Basagoiti, Mexikoko euskal kultura eta herentziaren babesle handienetako bat hil da atzo

2009/07/02

Berria atzo egun hondarrean iritsi zitzaigun Mexikotik, bertatik eta internetez Jaione Arrieta Galarraga euskal mexikar aktiboak kudeatzen duen VascosMexico posta zerrendaren bidez. Getxon jaioa, Jose Maria Basagoitiren bizitza Mexikorekin zinez lotua garatu da, gazterik iritsi baitzen bertara, XIX. mende erdialdean bere aitona Antonio Basagoitik ipinitako bideari jarraiki. Ekonomian pertsona esanguratsua izatearekin batera, Mexikoko euskal presentzia eta komunitatearen alde egindako lanagatik nabarmendu zen.

Gehiago Irakurri…

Hernan Luis Sorhuet biologo eta idazle euskal-uruguaitarrak haur liburua aurkeztu du klima aldaketaz

Hernan Luis Sorhuet biologo eta idazle euskal-uruguaitarrak haur liburua aurkeztu du klima aldaketaz

2009/06/23

Hernan Luis Sorhuet uruguaitarra da, Hazparne herri lapurtarrean jatorria duen familia batean sortua. Euskal kulturarekiko harremanari eutsi dio eta Montevideoko 'Euskal Erria' Euskal Etxeko kide da, eta urtetan aritu izan da bertako zuzendaritzako kide. Biologia irakasle eta El País Montevideoko egunkariko kazetari, haurrentzako liburuen egile ere bada Sorhuet. 2007. urtean bere familiari buruzko 'Sorhouet' liburua argitaratu zuen, bertan azaltzen zuela bere familiak Hazparnetik Uruguairaino ibilitako bidea. Orain, 'El clima cambió. ¿Hacia dónde vamos?' liburua aurkeztu du, klima aldaketari buruz haurrentzat egindako lana.

Gehiago Irakurri…

Zirrara eragin du Caracasen eta Venezuelako Euskal Komunitatean Andoni Goitiaren erailketak

Zirrara eragin du Caracasen eta Venezuelako Euskal Komunitatean Andoni Goitiaren erailketak

2009/06/12

Kolpe berria jasan du Caracas eta Venezuelako euskal komunitateak azken orduotan gertatutako Andoni Goitia Badiolaren erailketarekin. Eusko Etxeko bazkide eta euskal-venezuelar familia ezagun bateko kide, 57 urte zeuzkan Andoni Goitia hiriburu venezuelarreko El Marques barrutian erasotu zuten bere auzoko baten etxera sartzen ari ziren ezezagun batzuk, ustezko lapurrak, lehenengo informazio oraindik erabat baieztatugabeak diotenez. Andoni Goitia ezkondua zegoen, Kattalin Leizaolarekin, eta 23 urteko Anderren eta 19 urteko Araiaren aita zen. Gisa honetako bigarren gertaera da euskal komunitatean azkeneko sei-zazpi hilabeteetan, joan den azaro hondarrean Iñaki Amenabar euskalduna ere lapur batzuk hil baitzuten bere autoa ebatsi nahi zutela. Gauzak nola, Iñaki Amenabarren lehengusu politikoa zen Andoni Goitia.

Gehiago Irakurri…