Hemen zaude: Hasiera Albisteak artikulua
Real Uniongo ordezkaritza batek Murtziako Euskal Etxea bisitatu du bertakoek gonbidatuta

Real Uniongo ordezkaritza batek Murtziako Euskal Etxea bisitatu du bertakoek gonbidatuta

2009/11/24

Irungo Real Union futbol taldeko ordezkaritza batek, Ricardo Garcia presientea buru, Murtziako Euskal Etxea bisitatu du joan den asteburuan, talde irundarrak partida Murtzian jokatu behar zuela-eta Euskal Etxe murtziarrak eginiko gonbidapenari erantzunez. Azkenean Real Murcia ekipoaren kontra Nueva Condomina estadioan jokatutako partidaren emaitzei dagokienez ondorioak oso euskaldunen aldekoak izan ez baziren ere, aipatu bi elkarteak harreman polita hasi dute eta Unai Sanchez Euskal Etxeko lehendakariak, irundarra berau, harro erakuts dezake Euskal Etxeko paretean Real Uniongo jokalari guztien sinadura daraman elastiko dedikatua.

Gehiago Irakurri…

Iazko arrakastaren ondotik, otsailaren 1etik 12ra egingo da Buenos Airesen bertako 'Udako Euskal Unibertsitatea'

Iazko arrakastaren ondotik, otsailaren 1etik 12ra egingo da Buenos Airesen bertako 'Udako Euskal Unibertsitatea'

2009/11/23

Argentinako 'Udako Euskal Unibertsitatea'ren antolatzaileek gonbitea luzatzen diete ikasle ohiei eta oro har parte hartu nahi dutenei 2010eko Ikastaroaren programaren aurkezpenera. Iazko lehenengo esperientziaren ondotik, aurtengo edizioa otsaileko lehenengo bi astez luzatuko da eta aurrekoak bezala, Euskal Herriko historian eta kulturan zehar paseatzea du helburu. Aurkezpena bihar asteartez egingo da eta horrekin batera 2009ko edizioko ikasleek egindako idazlanak ere aurkeztuko dira, guztiak liburu batera bilduta. Ekitaldia arratsaldeko sei t'erdietan izango da, Euskal Echea Institutuaren egoitzan, Buenos Aires hiriburuko Sarandi 735 helbidean.

Gehiago Irakurri…

Zuzendaritza berritu du Montevideoko Haize Hegoa Euskal Etxeak: Maite Bengoa, lehendakari berria

Zuzendaritza berritu du Montevideoko Haize Hegoa Euskal Etxeak: Maite Bengoa, lehendakari berria

Zuzendaritza Batzordea berritu du Uruguain, bertako hiriburuko Haize Hegoa Euskal Etxeak, izan ere Euskal Etxea izatearekin batera bere burua 'Euskal Kultura Uruguain Sustatzeko eta Ikertzeko Etxea' legez definitzen duen euskal elkarteak. Orain arte lehendakari izan den Enrique Poittevin Gilmet-ek, Maite Bengoa Tejeriari pasatu dio lekukoa, bertako kideek zegokion bilkuran Zuzendaritza berritzeko hauteskundeak egin ostean. Zorionak Maite Bengoa euskaltzale atxiki eta ezagunari, eta ongi irabazitako zorionak baita ere kargua uzten dutenei, elkartean lana lekuz aldatu baizik ez dutela egingo pentsa baitaiteke, euren eskarmentua, lan eskuzabal eta nekaezina eta euskal engaiamendua zinez ezaguna baita.

Gehiago Irakurri…

Azaroaren 30era arte dago zabalik 12-16 urteko gazteentzako Chascomuseko Euskal Udalekurako epea

Azaroaren 30era arte dago zabalik 12-16 urteko gazteentzako Chascomuseko Euskal Udalekurako epea

2009/11/20

Chascomusen, bertako Euskal Etxeak antolatuta urtarrilaren 4etik 10era egingo den Euskal Udalekuan parte hartu nahi duten euskal etxeetako 12-16 urte arteko gazteek azaroaren 30era arte eman dezakete izena. Partaideetako bakoitzak 120 peso ordaindu beharko ditu orotara, eta izena emateko unean 50 pesoko seinalea utzi. Chascomuseko 'Zingirako Euskaldunak' Euskal Etxea da ekimeneko antolatzaile, Gipuzkoako Foru Aldundia lankide eta laguntzaile Chascomuseko Pilota Kluba eta Arraun Elkartea. Interesatuek Maria Laura Egurenekin kontaktatu beharko dute, mailez edo telefonoz, artikulu honetan aurrerago adierazten diren helbide eta zenbakietan.

Gehiago Irakurri…

Txileko Santiago eta Viñako Euskal Etxeek Julian Celaya Gizataldeekiko Zuzendariaren bisita jaso zuten

Txileko Santiago eta Viñako Euskal Etxeek Julian Celaya Gizataldeekiko Zuzendariaren bisita jaso zuten

Hego Ameriketako puntara Argentinako Euskal Asteko ekitaldietan parte hartzera ekarri zuen bidaia berean inguratu zen Txilera Julian Celaya Eusko Jaurlaritzako Euskal Gizataldeekiko Zuzendaria. Ekimen argentinarraren aste berean lehenxeago, Andeen Mendebaldeko magaleko herrialde honetan ofizialki onetsita dauden bi euskal etxeak bisitatu zituen, Santiago hiriburuan eta Viña-Valparaison.

Gehiago Irakurri… [ Erantzun bat ]

Tandileko prentsa Cecilia Cenoz Gure Etxeako lehendakariarekin solastu da Euskal Etxearen 60. urteurrenaz

Tandileko prentsa Cecilia Cenoz Gure Etxeako lehendakariarekin solastu da Euskal Etxearen 60. urteurrenaz

Buenos Aires probintzia argentinarreko Tandil herrian, bertako Gure Etxea Euskal Etxea bere 60. urteurrena ospatzen ari dela-eta, bertako 'El Eco de Tandil' egunkariak euskal elkarteko Cecilia Cenoz lehendakaria elkarrizketatu du 'Euskal Etxeak 60 urte bete ditu eta interes orokorreko hainbat ekitaldirekin ospatuko du' izenburupeko artikuluan. Cenoz gazteak aurtengo maiatzan hartu zuen erakundea gobernatzeko erronka, belaunaldi aldaketa ekarriz kargu horretan euskal etxeari. Zazpi urte dira bazkidetu zela eta horietarik bost urte daramatza euskara irakasle.

Gehiago Irakurri…

Txileko Santiagoko Euzko Etxeak 'Mikel Deuna'ren eguna ospatu zuen dantza artean Euzko Enparantzan

Txileko Santiagoko Euzko Etxeak 'Mikel Deuna'ren eguna ospatu zuen dantza artean Euzko Enparantzan

Santiagoko Euzko Etxeak eta Txileko hiriburuko euskal gizataldeak ohi bezala ospatu dute aurten ere bertako euskal egutegian egun handia den 'Mikel Deuna' (hala deitu ohi zaio hemen San Migeli), ospatu ere hiriburuko Cerro San Cristobal izeneko muinora igoz eta hor bereko elizan euskal kantuz hornitutako meza entzun, eta ondoren bertan, Gernikako Arbolaren kimu bat buru duen 'Euzko Enparantzan', ohoratze-ekitaldia eginez, hiriko Euskal Abesbatza eta 'Itxaropen Gaztea' dantzari taldea partaide. Santiagoko Berriketari aldizkarikoek pasatu dizkigute datuak.

Gehiago Irakurri…

Xabaltx abeslariak 'Cymeus' bere bosgarren diskoa aurkeztu du Argentinako zenbait agertokitan

Xabaltx abeslariak 'Cymeus' bere bosgarren diskoa aurkeztu du Argentinako zenbait agertokitan

2009/11/18

'Cymeus' du izena kantari lapurtarraren azken diskoak, 'Cymeus' hitzak Cymru (Gales) eta Euskal Herria izenak batzen dituelako. Izan ere, kantariak Irlandan bizi izandako esperientziak kontatzen ditu bertan. Lan atera berria aurkeztera Argentinara etorrita, Xabaltxek, bakarrik bere gitarra eta hitzekin, malenkoniaz bete zituen aretoak Mixu Mixelena lagun zenduari kanta bat eskainitakoan. Alabaina goibeltasuna desagertzen zen, publikoa euskal abesti tradizionalak kantari ipintzerakoan, hala nola 'Hegoak' edo 'Eperrak', aretoak eta kantariak bat eginik. San Miguel, Buenos Aires, Gral. Rodriguez, Arrecifes eta San Nicolasen presentatu da Xabaltx eta herriotako bakoitzean lagunekin partekatu du beti agertokia.

Gehiago Irakurri…

Bahia Blancako Euskal Argentinar Aste Nazionala 2009: ekitaldietako argazki eta bideo erreportaia (II)

Bahia Blancako Euskal Argentinar Aste Nazionala 2009: ekitaldietako argazki eta bideo erreportaia (II)

2009ko Euskal Argentinar Aste Nazionalari buruzko argazki eta bideo kronika edo erreportajearen bigarren zatia. Urriaren 26tik azaroaren 1a bitartean egin da Buenos Aires probintziako hegomendebalde kostan dagoen Bahia Blanca hirian, bertako Union Vasca Euskal Etxeak bere 110. urteurrena ospatzen zuen urte berean. Larunbatean eginiko ekitaldiei dagozkie irudiok. Hona bigarren zati hau.

Gehiago Irakurri…

Saladilloko 'Itxaropen' Euskal Etxeak herriko Udaletxearekin batera Jolasen Eguna antolatu zuen

Saladilloko 'Itxaropen' Euskal Etxeak herriko Udaletxearekin batera Jolasen Eguna antolatu zuen

Udaberri bete-betean, Saladilloko euskaldunak kaleetara atera ziren eta herriko komunitate osoa jolasteko ekintza batean parte hartzera gonbidatu zuten. Udaletxeko lankide antolatutako ekitaldi honetan, herri kirolak ez ezik, mota askotako ikuskizunak ere ikusi ahal izan ziren Nuestra Señora del Carmen Parkean, tartean estatua bizidunak, magoak eta murgak. Hitzordua joan den azaroaren 8an izan zen, arratsaldeko 4etatik aurrera, eta antolatzaileak poz-pozik daude deialdiak arrakasta handia izan zuelako. 'Duela urte batzuk udaberriaren eguna ospatzeko piknika antolatu genuen', azaldu zuen Hector Altamira euskal etxeko lehendakariak; 'aurten, berriz, euskal kulturaren beste alde batzuk ere erakutsi nahi genituen'.

Gehiago Irakurri…