Hemen zaude: Hasiera Albisteak artikulua
Eusko Jaurlaritzak bi beka deitu ditu Kanpo Harremanetan eta Euskal Gizataldeen arloan espezializatzeko

Eusko Jaurlaritzak bi beka deitu ditu Kanpo Harremanetan eta Euskal Gizataldeen arloan espezializatzeko

2009/11/16

Eusko Jaurlaritzak "Kanpo Harremanetan eta Kanpoko Euskal Gizatalde eta Etxeen eremuan espezializatzeko" bi beka deitu ditu. Legez parte hartzeko aukera daukaten herritarrekin batera, euskal etxeetako kideak ere aurkez daitezke deialdira, eskatutakoa betez geroz. Bekak Jaurlaritzako Kanpo Harremanetarako bulegoetan aritzeko dira eta 15.900 euroko diru hornidura daukate, bakoitzak. Eskabideak gauzatzeko epea abenduaren 10ean bukatuko da.

Gehiago Irakurri…

Bahia Blancako Euskal Argentinar Aste Nazionala 2009: ekitaldietako argazki erreportaia (I)

Bahia Blancako Euskal Argentinar Aste Nazionala 2009: ekitaldietako argazki erreportaia (I)

Egin berria da urriaren 26tik, astelehena, azaroaren lehena, igandea, bitartean --gailurra asteburuan--, Bahia Blancan, Buenos Aires probintzian, 2009ko Euskal Argentinar Aste Nazionala. Herrialde osoko hainbat euskal etxe eta euskal gizataldetako kideak bildu dira, Chaco eta Misionestik Patagoniako Santa Cruzeraino, urteko euskal ekintzen artean guztien bilgarri izatearren antolatua den deialdi garrantzitsu honetan. Hona 2009ko Euskal Argentinar Aste Nazionaleko argazki eta bideo kronikaren lehenengo partea. Datozen egunotan segituko dugu materialaren gainerakoa argitaratzen.

Gehiago Irakurri…

Buenos Airesko Euskal Echea Institutuak 'Etxetik etxera' lelopean ospatu zuen ikasturte amaiera

Buenos Airesko Euskal Echea Institutuak 'Etxetik etxera' lelopean ospatu zuen ikasturte amaiera

2009/11/13

Buenos Airesko Euskal Echea Institutuko ikasleek euskara eta euskal kulturari buruzko tailer batean hartzen dute parte urtean zehar. Proiektuak jadanik bost urte ditu eta ume eta gazteen aurrerapenak, ezagutza eta engaiamenduari dagokionez, gero eta nabariagoak dira. 'Etxetik etxera' leloarekin baserriaren garrantzia azpimarratu nahi izan zuten ikasturte amaierako jaiaren antolatzaileek, eta baita ere, aldi berean, inoiz Euskal Herritik, etxetik, joan behar izan bazuten ere, Argentina etxe bihurtu zela euskaldun askorentzat. Bostehun inguru ikaslek ikurriñaren kolore eta dantzekin alaitasunez bete zuten eskolako Jai Alai jolastokia, Arrecifesetik propio etorritako Ugarritzak Taldeak eta Buenos Airesko Ekin Dantzari Taldeak lagunduta.

Gehiago Irakurri…

Euskal Herrian barrena birtualki bidaiatzea posible da 'Google Street View' interneteko tresnarekin

Euskal Herrian barrena birtualki bidaiatzea posible da 'Google Street View' interneteko tresnarekin

2009/11/12

Interneteko bilatzaileetan geroz eta erreminta berritzaileagoak eskaintzen dira gure bilaketen emaitzak ahalik eta zehatzenak izan daitezen, eta duela urte batzuetatik hona mapak 'online' kontsultatzeko aukera daukagun arren, orain birtualki eta irudi errealekin kale eta errepideetatik bidaiatzeko sistema ere gure eskura dago 'Google Street View' tresnarekin. Euskal Herriko ibilbide ugari etxetik mugitu gabe bisita ditzakegu, nahiz eta oraindik euskal geografiako hainbat eremu gehitzeko dauden. 'Google Street View'-rekin, klik egin eta gustoko dugun herriko kaleetatik paseotxo bat eman dezakegu, etxeko zapatilak kendu gabe.

Gehiago Irakurri…

Kultur lehiaketa eta urteurren afaria Lapridako 'Lagunen Etxea' Euskal Etxearen 20. urtebetetzea ospatzeko

Kultur lehiaketa eta urteurren afaria Lapridako 'Lagunen Etxea' Euskal Etxearen 20. urtebetetzea ospatzeko

Bi hamarkada daramatzate Lapridako euskaldunek Euskal Herriko kultura zabaltzen Buenos Aires hiriburutik ia 500 kilometrora dagoen hiri honetan. Urtean zehar, hitzaldiak, topaketak, dantzaldiak, kultur lehiaketak… mota askotako ekimenak antolatzen dituzte 'Lagunen Etxea'-koek euskaldunen historia eta ohiturak hedatzen. Aurreko urteetan bezala, aurten ere kultur lehiaketa batean parte hartzeko gonbitea luzatzen dute euskal etxeko kideek, Eusko Txokoa liburutegien arduradunekin batera. Horretaz gain, urtemuga berezi hau ospatzeko, esker emate elizkizuna eta afari berezi bat egingo dute azaroaren 28an.

Gehiago Irakurri…

Diasporako euskaldunek 2009ko Bertsolari Txapelketa Nagusia segitu ahal izango dute internetez

Diasporako euskaldunek 2009ko Bertsolari Txapelketa Nagusia segitu ahal izango dute internetez

2009/11/10

Euskal Herritik kanpo bizi diren bertsozaleek, jadanik ez dute aitzakiarik gure herrian egiten diren bertso txapelketa eta bestelako ekitaldiak ez jarraitzeko. Bertsozale Elkarteak interneten hainbat egitasmo jarri ditu abian kanpoan bizi diren euskaldunek bertsolaritzaz gozatzeko aukera izan dezaten. 2009ko Bertsolari Txapelketa Nagusiko bideo, argazki, sailkapen zerrenda edota bestelako albisteak interneten daude Diasporako euskaldunen eskura, bertsolaritzaren mundutik xehetasun bat bera ere gal ez dezaten.

Gehiago Irakurri…

General Rodriguezeko Eusko Aterpea EEko 'Hitz nagusiak' zikloak segitzen du auzokideei hitza ematen

General Rodriguezeko Eusko Aterpea EEko 'Hitz nagusiak' zikloak segitzen du auzokideei hitza ematen

Historiaren lekuko direnak, komunitatearen zerbitzuan dabiltzanak, herriari bere ekarpena egin diotenak… Hauek guztiek beren lekua dute Eusko Aterpeak antolatutako 'Hitz nagusiak' erreportaje zikloan. Euskal etxeko kideen eskutik laster lau urte beteko dituen ekimen honek hasierako arrakastarekin jarraitzen du auzokideei merezitako omenaldia egiten. Azkenekoan, Alfredo Juan Malatini eta Juana Rodriguezi. Biak interes handiko pasadizoak kontatzeko aukera izan zuten euskal etxeko egoitzan joan den urriaren 10ean, eta saio guztietan egiten den bezala, elkarrizketak grabatu eta digitalizatu zituzten guztion eskura jarri ahal izateko. Esan dezagun, bestetik, Eusko Aterpeak 10 ospatu dituela atzo.

Gehiago Irakurri…

Gastronomia, musika, kultura eta kirol ekitaldiak, Tandileko Gure Etxea EEaren 60. urteurrena ospatzeko

Gastronomia, musika, kultura eta kirol ekitaldiak, Tandileko Gure Etxea EEaren 60. urteurrena ospatzeko

Gaurtik aurrera eta hilabete batez, hamaika ekintza antolatu dira Tandilen, bertako 'Gure Etxea' Euskal Etxearen 60. urteurrena ospatzeko. Ekitaldiekin bat egin nahi dutenek, mus eta pala txapelketa, hitzaldi eta ikastaroak eta bestelako bazkari, afari eta irtenaldietaz gozatzeko aukera izango dute. Musika eta kultura alorreko hitzorduak ere ez dira faltako, eta Euskararen Eguna ere urtero abenduaren 3an denez, toki berezia egingo zaio urteurreneko ospakizunetan.

Gehiago Irakurri…

John Garamendi kaliforniarrak Kongresuko eserlekua lortu eta zin eginik dagoeneko karguratu da

John Garamendi kaliforniarrak Kongresuko eserlekua lortu eta zin eginik dagoeneko karguratu da

2009/11/06

John Garamendi Estatu Batuetako kongresukide da dagoeneko. Asteartean hautatua izan eta ez du batere denborarik galdu, asteazkenean Washingtona bidaiatu eta ostegun goizean zin egin baitu bere kargu berria, Kaliforniako gobernadoreorde izateari utzita. Politikari euskal amerikarrak gizarte segurantza alorrean gogotsu lan egiteko asmoa duela, eta Obama presidentearen osasun planari baiezkoa emateko irrikitan dagoela berretsi du. Bitartean, Schwarzenegger gobernadoreak Garamendik utzitako gobernadoreordetza 2010eko ohiko hauteskundeetaraino betetzea ala ez erabaki beharko du.

Gehiago Irakurri…

Victoriako 'Haritz' Euskal Etxearen standak 4. saria jaso zuen bertako 2009ko Nekazaritza Erakusketan

Victoriako 'Haritz' Euskal Etxearen standak 4. saria jaso zuen bertako 2009ko Nekazaritza Erakusketan

Duela bi urte eskas Victoria herriko euskaldunek 'Haritz' Euskal Etxearen oinarriak ezarri zituzten Parana ibai ondoko hiri honetan. 2007ko irailean, eta lehen ekitaldi bezala, jaio berria zen euskal etxeko kideek plaka bat ipini eta haritz bat landatu zuten herriko Immigranteen Enparantzan. Bi urte pasatu dira eta epe honetan Victoriako euskaldunek hamaika ekintza antolatu eta hamaika ekintzetan hartu dute parte. Eguneroko lan horren ahalegina fruituak ematen hasi dela bistan dago: euskal komunitateak altxatutako standak 4. saria jaso zuen urrian 2tik 4ra arte ospatu zen Nekazaritza Erakusketan.

Gehiago Irakurri…