Hemen zaude: Hasiera Albisteak artikulua
Arrakastaz ospatu dute Mar del Platan 'Harri Koskorra', ikastolen aldeko bertako haur eta helduen festa

Arrakastaz ospatu dute Mar del Platan 'Harri Koskorra', ikastolen aldeko bertako haur eta helduen festa

2009/10/19

Haur ikasle, ikasleen guraso, irakasle eta, oro har, euskararen lagun talde oso bat izan da Argentinako Mar del Platan 'Harri koskorra' izeneko ikastolen aldeko festa berriko partaide eta bultzatzaile joan den irailaren 26an. Urtean zehar Denak Bat Euskal Etxean euskara eta euskal kulturaz bustitako dantza, asti eta festa programa irudimentsuko parte direnek egun berezi batez gozatu ahal izan zuten antzerkia, joku eta jolasak, power point-ak, euskal kantuak, musika, bestelako sorpresak eta askaria ere osagai izan zituen arratsaldepasa batean, guztia auzolan gisa eratu eta gauzatua, Euskal Etxeko 'Artaburu' talde euskaltzalea antolatzaile.

Gehiago Irakurri…

Segitzen dute Cancun-eko Kultura Etxeko eta Tzolk'in Kultur eta Ekologi Etxeko Euskal Zinema Zikloek

Segitzen dute Cancun-eko Kultura Etxeko eta Tzolk'in Kultur eta Ekologi Etxeko Euskal Zinema Zikloek

2009/10/19

Gaur bertan egingo den emanaldia tarteko aurrera diraute Cancun hiri mexikarreko bi kultura etxetan urriaren amaieraraino eskaintzen ari diren Euskal Zinema Zikloek, astelehenetan Cancungo Kultura Etxean; eta ostiraletan, Tzolk'in Kultura eta Ekologia Etxearen egoitzan. Gaur astelehena, urriak 19, Kultura Etxeak Julio Medem zuzendari donostiarraren 'Behiak' filma emango du; datorren ostiralean, berriz, eta Tzolk'in Kultura Etxean, Nestor Basterretxea eta Fernando Larruquert-en 'Ama Lur' eskainiko da. Segidan, bi egoitza horietan eta hilabetea bukatu arte emango diren izenburu eta datak.

Gehiago Irakurri…

Euskal diaspora aztergai, asteartean hasiko da Arrasaten 'Euskal Herria Mugaz Gaindi' 2009 Mintegia

Euskal diaspora aztergai, asteartean hasiko da Arrasaten 'Euskal Herria Mugaz Gaindi' 2009 Mintegia

2009/10/16

Datorren asteartean hasiko da Gipuzkoako Arrasaten 'Euskal Herria Mugaz Gaindi' (EHMG) Nazioarteko Mintegiaren VI. edizioa. Urriaren 20, 21 eta 22an Arrasateko Kultura Etxea munduan euskal diaspora aztergai hartzen duten ikerlari eta ikaslarien biltoki bilakatuko da, gehienbat Euskal Herriko unibertsitate eta ikasketa guneetatik etorriak, baina baita Ameriketako zenbait herrialdeetatik ere, hala nola Argentina, Uruguai eta Txiletik. Euskal Herriko Unibertsitatea antolatzaile, bertatik adierazi da, bertan egon ezin dutenentzat, mintegi birtual bat ere egongo dela, eta EuskoSare.org-etik segitu ahal izango dela sarean.

Gehiago Irakurri…

Kirmen Uribe idazle eta poeta ondarroarrari eman diote 2009ko Espainiako Narratiba Saria

Kirmen Uribe idazle eta poeta ondarroarrari eman diote 2009ko Espainiako Narratiba Saria

2009/10/15

Iaz euskaraz argitara eman zuen 'Bilbao-New York-Bilbao' eleberriarengatik eman diote Kirmen Uribe idazle euskaldunari Espainiako Narratiba Saria. Espainiako Kultura Ministerioak banatzen duen Sari hau hamabi laguneko epaimahai batek erabakitzen du eta Espainiako estatuko hizkuntza ofizialetako edozeinetan idatzitako liburuak izan daitezke hautagai. Egilea harritu egin atzo saria eman ziotela jakindakoan, baina esan zuen oso momentu onean datorkiola, nobelaren gaztelaniazko argitaldaririk gabe baitzebilen eta sariak bultzada berria ekarriko omen dio 'Bilbao-New York-Bilbao'ri.

Gehiago Irakurri…

Argazki mostrak eta Mikel Ezkerroren hitzaldi bat Trenque Lauquen-en, Immigrantearen Eguna ospatzeko

Argazki mostrak eta Mikel Ezkerroren hitzaldi bat Trenque Lauquen-en, Immigrantearen Eguna ospatzeko

Eusko Jaurlaritza eta Argentinako Euskal Erakundeen Federazioaren (FEVA) lankidetza medio abiarazi dira iaz Argentinan 'Euskal Herriko Baserriak' eta 'Soinu-tresnak Euskal Herri Musikan' erakusketak. Geroztik, erakusketok euskal etxez euskal etxe ibili dira, bisitatu dituzten herri guztietan Euskal Herriko koloreak eta soinuak utziz. Baita Trenque Lauquen-en ere. Buenos Aires probintziako hiri honetan, Immigrantearen egunean --irailaren 4an-- inauguratu zen erakustaldia, hilabete oso bat bertako taberna batean egoteko. Ekimenari amaiera emateko bertako Euskal Sustraiak Euskal Etxekoek Mikel Ezkerroren hitzaldi bat antolatu zuten urriaren 3an.

Gehiago Irakurri…

Alemanian dira Harkaitz Cano, Miren Agur Meabe eta Karmele Jaio, euren liburuak alemanez aurkezteko

Alemanian dira Harkaitz Cano, Miren Agur Meabe eta Karmele Jaio, euren liburuak alemanez aurkezteko

2009/10/14

Egitarau betea izango dute bihar Frankfurten Harkaitz Cano, Karmele Jaio eta Miren Agur Meabe euskal idazleek, goizez mahai inguru batean parte hartzen, atzo hasi zen Liburu Azokaren baitan, eta arratsaldez, Azokako programatik kanpo, argitaletxe alemanek euskal lanak alemanez argitaratzen daramaten ildoko bi izenburu aurkezten, Goethe Unibertsitatean, Euskal Ikaskuntzen Alemaniako Etxea tarteko. Karmele Jaioren 'Mutters Hände' (jatorriz 'Amaren eskuak') eta Harkaitz Canoren 'Pasaia Blues' (izen berekoa euskaraz ere) dira irakurle alemanek zuzenean euren hizkuntzan irakurri ditzaketen aipatu bi azken liburuak eta egileen ahotsek azaldutako aurkezpenean bihar ezagutu ahal izango dituztenak.

Gehiago Irakurri…

'Badago ala ez dago?' obra irakurriko dute gaur, euskaraz, Buenos Airesko Nazioarteko Antzerki Jaialdian

'Badago ala ez dago?' obra irakurriko dute gaur, euskaraz, Buenos Airesko Nazioarteko Antzerki Jaialdian

2009/10/13

Yolanda Arrietaren 'Badago ala ez dago?' obra --"patua/halabeharra eta sorginak osagai dituen komedia dinamikoa"-- irakurriko du gaur Buenos Airesko VII. Nazioarteko Antzerki Jaialdiaren baitan bertako Laurak Bat Euskal Etxeko talde batek 'Babel, la biblioteca' zikloan. Ziklo honetan hogei bat antzerki-lan irakurriko dira euren jatorrizko hizkuntzetan, ezezagunak edo 'urrunak' diren hizkuntzak eta kulturak ezagutarazteko asmoarekin. Obraren egilea, Yolanda Arrieta Malaxetxebarria, Argentina eta AEBetako diasporan ahaideak dituen euskalduna, pozik azaldu zaio EuskalKultura.com-i 1992ko Euskadi Antzerki Saria lortu zuen lan hau Buenos Airesen aukeztuko dutela jakitean. Emanaldia, gaur, arratsaldeko zazpietan, sarrera doan.

Gehiago Irakurri…

Saladilloko 'Itxaropen' Euskal Etxeak bere bazkide eta lagunak bildu zituen elkartearen 11. urtemuga ospatzeko

Saladilloko 'Itxaropen' Euskal Etxeak bere bazkide eta lagunak bildu zituen elkartearen 11. urtemuga ospatzeko

Zegokion data A gripea dela-eta hartutako neurriengatik atzeratu ondoren, joan den larunbatean ospatu zuen Saladillo 'Itxaropen' Euskal Etxeak bere 11. urtemuga eta, ohi bezala, bere bazkide eta lagunak bazkari eta elkarretaratze batera gonbidatuz egin zuen. Ohiturari jarraituz baita ere, bazkariko mahaiburukoa --postre edo deserta-- berezia izan zen, eta hizki jangarrietan idatzirik zeukan lagunak otordu horretara biltzeko efemeridea. Elkartearen izenean, Hector Altamira EEko lehendakari berria mintzatu zen, bildutakoei euren presentzia eskertuz eta epe labur eta ertainerako planak azalduz.

Gehiago Irakurri…

Ezteiak euskal erara Argentinan Mikel Olkoz eibartarra eta Vanesa Gerardi chacotarra ezkontide (irudiak)

Ezteiak euskal erara Argentinan Mikel Olkoz eibartarra eta Vanesa Gerardi chacotarra ezkontide (irudiak)

2009/10/09

Amodioak mugarik ez duela esanez idatzi digute Argentinako Chaco probintziatik, bertan joan den asteko ostiralean izan zen ezkontza baten berri emanez. Ezkontideak, Mikel Olkoz eibartarra eta Vanesa Gerardi chacotarra izan ziren, eta ezkontza "euskal moldekoa", dantzariak, arkoak, musika, aurreskua eta beste hainbat gauza 'euskal erara' egin baitziren. Apaiza ere --'aita Migel Angel'-- euskal jatorriduna omen zen eta ezkontza ondoko festetan ez ziren fandango eta arin-arinak batere faltatu. Eibartik senargaiaren familia bertaratu zen, eta zeremonia bukatu zenean, norbaitek "nobixuak zoriontsu izan daitezela" esan omen zuen. Chacoko 'Kotoiaren Lurra' euskal etxeko kideak bikotea eskortatu zuten egun osoan, haiei onena opatuz.

Gehiago Irakurri…

Ameriketan artzain ibili zirenek eta euren familiek elkarretaratzea egin zuten igandean Baigorrin (bideoa)

Ameriketan artzain ibili zirenek eta euren familiek elkarretaratzea egin zuten igandean Baigorrin (bideoa)

2009/10/09

Elkarretaratze polita egin zuten igandean Baigorrin, Estatu Batuetan ibili ziren berrehundik goiti personek, tartean gizon-emazteak eta familiak, eta haurrak ere. Izan ere, hiru 'amerikano' belaunaldi bildu ziren, gisa batez edo bestez Estatu Batuei lotuak, urtean behin urriaren lehenengo asteburuan normalean Nafarroa Behereko herri diferente batean egiten den bilkura eta festara. Pozik ziren antolatzaileak, eta euretako Henri Oçafrain bankarrak --urte andana bat San Frantziskon eginik orain Euskal Herrian bizi denak--, EuskalKultura.com-i esan dionez "gauza polita da ikustea hitzordu honek jende gehiago biltzen duela urterik urte, belaunaldi gazteak partikularzki".

Gehiago Irakurri…