Hemen zaude: Hasiera Albisteak berri gehiago
Andres de Urdaneta euskal itsasgizonari buruzko dokumentala aurkeztuko dute gaur Ordizian

Andres de Urdaneta euskal itsasgizonari buruzko dokumentala aurkeztuko dute gaur Ordizian

Andres de Urdaneta itsasgizonaren jaiotzaren 500. urteurrena betetzen den honetan, ekitaldi ugari egiten ari dira bere omenez Ordizia jaioterrian. Iragan ostegunean, esaterako, Mikel Urretabizkaiak zuzendutako 'Urdanetaren sekretua' dokumentala aurkeztu zuten proiektuan parte hartu duten udal arduradun, babesle eta lankideentzako emanaldi berezian. Gaur estreinaldi ofiziala egingo da herriko jendearentzako. Filmak ordubete irauten du, adituei eginiko elkarrizketak eta Urdanetaren bizitzako pasarteen eszenifikazioak uztartuz. Bertan jasotzen dira Andres de Urdanetak itsasoan bizi izan zituen ekintza gogoangarriak, Carlos V.a enperadorearekin eta haren seme Felipe II.a erregearekin izan zuen harreman estua, eta ordiziarrari historian lekua eman zion 'Tornaviaje' bidearen aurkikuntza, besteak beste.

Gehiago Irakurri…

Firefox 3 nabigatzailearen euskarazko bertsioa doan dago sarean; eguneko deskarga kopuruan errekorra lortu dute

Firefox 3 nabigatzailearen euskarazko bertsioa doan dago sarean; eguneko deskarga kopuruan errekorra lortu dute

Mozilla Fundazioak Firefox 3 doaneko nabigatzaile ofiziala merkaturatu zuen iragan ekainaren 17an. Interneteko tresna berriak euskarazko bertsioa ere badakar eta sortzaileek munduko Guinness errekorra lortzeko asmoarekin sareratu zuten, egun bakarreko software deskarga gehien lortu nahi zutelarik. Arduradunen webgunean aipatzen denez, marka berria finkatu dute, 24 ordutan mundu osoan zehar zortzi milioi deskarga baino gehiago lortu ostean. Momentu honetako kopurua 31.715.000 ingurukoa da orora eta Estatu Batuetan deskargatu dira programa gehien. Espainiar estatuan (Hego Euskal Herria barne) 915.000 deskarga egon dira. Frantzian (Iparraldea barne), berriz, 1.100.000 ingurukoa da kopurua.

Gehiago Irakurri…

Carlos Casares-ko Eskola Teknikoak fresatzeko makina bat jaso du Eusko Jaurlaritzak emanik

Carlos Casares-ko Eskola Teknikoak fresatzeko makina bat jaso du Eusko Jaurlaritzak emanik

Emate ekitaldia joan den ostiralean izan zen. Komunitate euskal-argentinarra bitartekari, Eusko Jaurlaritzak fresatzeko makina bat --lan-pieza baten azaletik metala kentzeko askotariko ahoak erabiltzen dituen tresna-- eman dio Carlos Casares herri argentinarreko Eskola Teknikoari. Dohaintza ekitaldian bertako arduradunek, zentroko ikasleek zein irakasleek eta Carlos Casares-ko Euskalduna euskal etxeko ordezkariek hartu zuten parte. Cesar Arrondo ikertzaileak egin zituen, ikasleei laguntza handia emango dien lan-tresna garrantzitsu honen ekimena eskertzeko hitzak.

Gehiago Irakurri…

Chacoko eta Villa Mercedeseko Euskal Etxeek desfileetan parte hartu zuten Argentinako Independentziaren Eguna ospatzeko

Chacoko eta Villa Mercedeseko Euskal Etxeek desfileetan parte hartu zuten Argentinako Independentziaren Eguna ospatzeko

Argentinak Uztailaren 9a (Independentziaren Eguna) ospatu zuen iragan asteazkenean. Chacoko Kotoiaren Lurra Euskal Etxeak eta San Luis probintziako Villa Mercedeseko Euskal Etxeak bakoitzak bere herrian egiten ziren desfileetan aprte hartu zuten, egun berezi hau ospatzeko. Resistenciako elkarteak bazkideekin eta antzerki taldeko kideekin batera egin zuen festa eta villamercedestarrek aldiz, 'Scout 998-Alfa y Omega' taldea alboan zutele parte hartu zuten probintziako eta herriko arduradunen aurrean egin zen ekitaldian.

Gehiago Irakurri…

Jon Bagues, Eresbileko zuzendaria: 'Euskal artxiboei buruzko hitzaldiek interes handia piztu dute Argentinako euskal etxeetan'

Jon Bagues, Eresbileko zuzendaria: 'Euskal artxiboei buruzko hitzaldiek interes handia piztu dute Argentinako euskal etxeetan'

Jon Bagues, Eresbil Musikaren Euskal Artxibo Nazionaleko zuzendari eta AIBM Musika Liburutegien Nazioarteko Elkarteko lehendakariordea, Argentinan aritu da azken aste hauetan ikastaroak, hitzaldiak eta bilerak eginez. La Platako Euzko Etxean eta Unibertsitate Nazionalean (UNLP) eta Buenos Aireseko Eusketxe Eusko Kultur Etxean euskal artxiboei buruz aritu da eta euskal elkarte horietako ikusleen artean gaiak sortu duen jakinminak asko harritu duela azpimarratu du hizlariak.

Gehiago Irakurri…

Eako Poesia Egunek literaturaz eta musikaz koloreztatuko dute Bizkaiko kostaldeko herria asteburu honetan

Eako Poesia Egunek literaturaz eta musikaz koloreztatuko dute Bizkaiko kostaldeko herria asteburu honetan

Aurtengo Eako Poesia Egunen edizio berria hilaren 19an eta 20an egingo dira Bizkaiko kostaldeko herri horretan. 'Herrijari emon arnasa' elkarteak antolatutako kultur jardunaldiak Gabriel Aresti poetaren omenez egiten dira, mahai-inguru, olerki errezitaldi eta beste zenbait ekitaldiren bidez literatura kalera atera asmoz. Edizio honetan poesiari buruzko mahainguruak eta Salvador Puig Antichen omenezko filma eskainiko dira, beste zenbait gairen artean.

Gehiago Irakurri…

Seattle-go euskaldunek San Fermin bestak hiriko kaleetan zehar entzierroa eginez ospatu dituzte

Seattle-go euskaldunek San Fermin bestak hiriko kaleetan zehar entzierroa eginez ospatu dituzte

Erdi zezen eta erdi goitibera, horrelakoxeak ziren Seattle-go euskaldunek joan den uztailaren 7an hiri estatubatuarreko kaleetara atera zituzten zezenak, San Ferminetako entzierroa egiteko. Carolin eta Joseba Jiménez, Harvest Vine eta Txori Bar euskal jatetxeen jabeak, izan ziren jaiaren antolatzaileak eta lagun asko bildu ziren euren deialdira zuri eta gorriz jantzita besta alai honetan parte hartzeko. Ekimenean Puget Sound Blood Center izeneko zentroarentzako dirua bildu zuten.

Gehiago Irakurri…

Diasporan ere bere gastronomia zigilua jarri duen Juan Mari Arzak da 2008ko Euskal Herritar Unibertsala

Diasporan ere bere gastronomia zigilua jarri duen Juan Mari Arzak da 2008ko Euskal Herritar Unibertsala

Euskal Herrian eta Diasporan ere ospe handia duen Juan Mari Arzak sukaldariak jasoko du Eusko Jaurlaritzak eta Euskadiko Kutxak ematen duten Euskal Herritar Unibertsalaren saria. Hamasei hautagairen artean donostiarra izan da bozkatuena, besteak beste, bere lanaren bidez Euskal Herriari buruzko irudi positiboa eskaintzen duelako atzerrian. Horrela, donostiarra Ainhoa Arteta soprano tolosarra, Pedro Migel Etxenike zientzilaria eta Bilboko Guggenheim Museoa bezalako saridunen zerrendan sartu da. Dononstiako jatetxea zuzentzeaz gain, Mexikoko Tezka jatetxeetan bere zigilua jarri eta aholkulari gisa dabilen sukaldariak datorren urriaren 7an jasoko du saria Gasteizen.

Gehiago Irakurri…

Mikel Alonso irundarrak euskal eta mexikar sukaldaritza batzen ditu Mexiko DFko Biko jatetxean

Mikel Alonso irundarrak euskal eta mexikar sukaldaritza batzen ditu Mexiko DFko Biko jatetxean

Mikel Alonso sukaldari irundarrak hamar urte daramatza Mexikoko hiriburuan bizitzen. Hasiera batean sei hilabeteko egonaldia zena hamar urtez luzatu du, lurralde azteka bere etxea bihurtuz. DFn 'Biko' izeneko euskal sukaldaritza garaikideko jatetxea ireki zuen Bruno Oteiza sukaldari donostiarrarekin batera. Lokala bertako Euskal Etxeko egoitzatik gertu dago eta ohiko bezero asko euskal elkarteko lagunak dira. Irekieraren lehen urteurrena ospatu baino lehen, 'Restaurant' aldizkari britainiarraren munduko 100 jatetxerik onenen zerrendan sartu dute, 89. postuan. Noticias de Gipuzkoa egunkariak sukaldari gaztea elkarrizketatu du, jarraian itzuli eta laburtzen dugun artikuluan.

Gehiago Irakurri…

Latinamerikar historian marka utzi duten emakumeei buruzko literatur zikloa hasiko du etzi Hiru Erreka EEak

Latinamerikar historian marka utzi duten emakumeei buruzko literatur zikloa hasiko du etzi Hiru Erreka EEak

'Elaberrietan istorioak bizitzen dituzten historiako emakumeak' titulua daraman ziklo literarioa etzi hasiko da Tres Arroyoseko Hiru Erreka Euskal Etxean. Topaketak lau saio izango ditu eta bertan parte hartzen dutenek latinamerikar historiako garai latzetan garrantzia izan duten bost emakumeri buruz gehiago jakiteko aukera edukiko dute elaberrien bidez: Laura Esquivelen bere lanean jasotako 'Malinche'; Silvia Miguensen 'Manuela Saenz'; 'Camila O´Gorman' Marta Merkinen ikuspegitik eta Julia Alvarezek idatzitako 'Mirabal ahizpak'.

Gehiago Irakurri…