Hemen zaude: Hasiera Albisteak berri gehiago
Miamiko Euskal Etxeak webgunea sortu du elkartearen jardueren berri emateko eta bazkideak batzeko

Miamiko Euskal Etxeak webgunea sortu du elkartearen jardueren berri emateko eta bazkideak batzeko

Azken urteetan munduko euskal etxe asko internet erabiltzen hasi dira euren jarduerak eta elkarteei buruzko informazioa webguneen bidez aditzera emateko. Talde horretara gehitu den azkenetakoa Miamiko Euskal Etxea izan da. Elkarteak, Txoko-Alaiko egoitza ordaintzeko arazoak zirela-eta, bertako euskal komunitatearen azken berriei buruz informatzeko eta bazkideen arteko harremana mantentzeko web orrialdea sortu du. Tresna 'Dnewmedia' enpresak diseinatu du eta egilea euskal jatorria duen elkarteko bazkide ohia da.

Gehiago Irakurri…

'Cocinar a ciegas' liburuak itsuek mikrouhinean egin ditzaketen 100 errezeta erraz eta azkar biltzen ditu

'Cocinar a ciegas' liburuak itsuek mikrouhinean egin ditzaketen 100 errezeta erraz eta azkar biltzen ditu

Leioako Ostalaritza Eskolako ikasketa zuzendari Jose Angel Iturbek egin du 'Cocinar a ciegas' liburua, Bizkaiko ONCEren (Espainiar Itsuen Erakunde Nazionala) babesarekin. Liburuaren helburua pertsona itsuei sukaldaritzan aritzeko aukera eskaintzea da. Helburu horrekin, labe tradizionalak eta lapikoak bezalako tresnak alde batera utzita, mikrouhina bihurtzen da erremintarik garrantzitsuena. Liburua braille sisteman, paperezko edizioan eta liburu-CDan eskuratu daiteke. Pertsona itsuek, sukaldaritzan ezagutza gutxi dutenek zein denboraz larri dabiltzanek marmitakoa eta beste ehun plater era erraz eta azkarrean prestatzen ikasiko dute liburu honekin.

Gehiago Irakurri…

Iruñeko Aizaga Abesbatzak Erroman abestuko du uztailaren 3tik 7ra; San Fermin bertan ospatuko dute

Iruñeko Aizaga Abesbatzak Erroman abestuko du uztailaren 3tik 7ra; San Fermin bertan ospatuko dute

Nafar hiriburuko Aizaga Ganbera Abesbatza Erroman izango da uztailaren 3tik 7ra, italiar hiriburuan lau kontzertu eskaintzeko. Lehen emanaldiak datorren ostiral eta larunbatean izango dira, 'I Castelli Incanti' Nazioarteko Jaialdiaren bigarren edizioan. Hurrengo egunean taldekideek jaialdiaren itxiera ekitaldian parte hartuko dute, hainbat herrialdetatik etorritako taldeekin batera kontzertua eskainiz. San Fermin egunean, uztailaren 7an, abesbatzak Vatikanoko San Pedroko mezan kantatuko du eta gauean kantariak Iruñeko patroiaren eguna Erromako euskaldunekin afari bat eginez ospatuko dute.

Gehiago Irakurri…

Jose Alcayaga euskal-amerikarrak munduan zehar abizen bera duten 200 lagun inguru bildu ditu interneten

Jose Alcayaga euskal-amerikarrak munduan zehar abizen bera duten 200 lagun inguru bildu ditu interneten

Jose Alcayaga gazte Euskal Herrian euskara ikasten aritu da azken hilabetean, USAC (University Studies Abroad Consortium) ikasle truke programaren bidez. Donostian eman dituen aste hauetan lehen aldiz euskal senitartekoak aurkitu ahal izan ditu, Baionan eta Zaldibian. Gipuzkoar herrian bizi den Mari Sol Alcayaga lehengusina, gainera, Hondarribian jatorria duen abizenari buruzko liburu batean lanean dabil. Josek senitarteko berriak bere interneteko posta zerrendara gehitu ditu: 'Alcayaga' abizena duten 200 lagun ingururen bilgunea, Txile, Argentina, Estatu Batuak eta Filipinetako senitartekoekin.

Gehiago Irakurri…

Angel Conema argazkilariak bere lanak erakutsi zituen Eusko Aterpea EEko 'Palabras Mayores' zikloko topaketan

Angel Conema argazkilariak bere lanak erakutsi zituen Eusko Aterpea EEko 'Palabras Mayores' zikloko topaketan

General Rodriguezeko Eusko Aterpeak abian duen 'Palabras Mayores' zikloak topaketa berria eskaini zuen hilaren 14ean eta Angel Conema argazkilaria izan zen mintzaldiaren protagonista. Topaketa hauek herriko pertsona adinduei euren bizitza eta lan esperientzia azaltzeko aukera ematen diete. Bere mintzaldian Conemak 50 urteko ibilbide profesionaleko etapa ezberdinetan ateratako argazkiak aurkeztu zituen: paisaiak, emaztegaiak, airez ateratako herriko argazkiak...

Gehiago Irakurri…

UPV-EHUko errektoreak Filipinetako lehendakariaren Merezimenduaren domina jaso zuen atzo

UPV-EHUko errektoreak Filipinetako lehendakariaren Merezimenduaren domina jaso zuen atzo

UPV-EHUko errektore Juan Ignacio Pérez Iglesiasek Filipinetako lehendakariaren Merezimenduaren domina Kultura eta Hezkuntzaren alorrean jaso zuen atzo, Euskadi eta Filipinen arteko harreman akademikoak sustatzen egindako lanarengatik. Domina Filipinetako Merkataritza eta Industriako ministro orde Thomas Aquinok jarri zion, Gloria Macapagal lehendakaria ordezkatuz, UPV/EHUko Errektoregoan egin zen eklitaldian.

Gehiago Irakurri…

Ekitaldi ugari Chascomuseko euskal etxean ekainean zehar: plastiko bilketa, liburu dohaintza kanpaina...

Ekitaldi ugari Chascomuseko euskal etxean ekainean zehar: plastiko bilketa, liburu dohaintza kanpaina...

Chascomuseko Zingirako Euskaldunakeko kideak ekitaldi eta berri onez beteriko hilabetea izaten ari dira. Elkarteak hil honetan zehar burutzen ari den zenbait jardueren berri ere eman du, horien artean plastikoen bilketa, Herri Eskolako 45. zenbakiko haurrentzako liburuen dohantza eta Maria Delia Errecartek gidatzen duen ehungintza klaseak. Bestalde, Jorge Etcheparek eta Cesar Martinezek osatutako muslari bikote chascomustarrek Rosarion egin zen Mus Txapelketa Nazionalean parte hartu zuten eta nahiz eta irabazi ez, lehenengo porstuan gelditu zen La Platako Bikoteari partida bat irabazi zioten, muslari ohorean jokoan.

Gehiago Irakurri…

Santiagoko Euzko Etxeak 'Berriketari' aldizkari digitala sortu du Txileko euskal komunitatearen berri emateko

Santiagoko Euzko Etxeak 'Berriketari' aldizkari digitala sortu du Txileko euskal komunitatearen berri emateko

'Berriketari' aldizkari digital berria Txileko euskal komunitatearen arteko arteko harremana estutu eta Euzko Etxeak egiten dituen jarduerei buruz informatzeko helburuarekin sortu da, arduradunek azaltzen dutenez. Argitalpenaren lehen zenbakiak atal eta artikulu ugari dakartza, horien artean 'Oroimenaren Txokoa' izenekoa. Bertan irakurleek eta elkarteko lagunek antzinako argazkiak bidal ditzakete, 'aspaldiko garaiak gogoratzeko'. Buletinak Euskal Etxeko beste zenbait jardueren berri ematen du, besteak beste, Aberri Egunaren ospakizuna eta pilota eta mus txapelketei buruzko informazioa.

Gehiago Irakurri…

La Platako Euzko Etxeak Bakearen Lorategi eraberrituaren inaugurazioan parte hartu zuen euskal stand bat aurkeztuz

La Platako Euzko Etxeak Bakearen Lorategi eraberrituaren inaugurazioan parte hartu zuen euskal stand bat aurkeztuz

La Platako Euskal Etxeak Bakearen Lorategiaren inaugurazioan parte hartu zuten, azken hilabeteotan egin dituzten eraberritze lanak bukatu ostean. Argentinar herriko Basoaren Pasealekuan dago parke adierazgarri hau eta bertan hiriko kolektibitateen irudi diren zuhaitzak landatu dituzte. Euzko Etxeak, noski, Gernikako Arbolaren kimua du ikur bezala. Inaugurazio ekitaldian hiriko agintariak eta kolektibitateen ordezkariek parte hartu zuten eta Euzko Etxeako kideek stand bat aurkeztu zuten euskal plater tradizional eta Euskal Herriari buruzko informazioarekin.

Gehiago Irakurri…

Euskariaren Argentina eta Uruguaiko koordinatzaileek Diasporaren ahotsa entzunarazi dute Euskal Herrian

Euskariaren Argentina eta Uruguaiko koordinatzaileek Diasporaren ahotsa entzunarazi dute Euskal Herrian

Santiago Bereciartúa eta José Domingo Ormaetxea, Euskaria Fundazioaren Argentina eta Uruguaiko ordezkariak, Euskal Herrian dira egunotan, elkarteak gonbidatuta, hainbat ekimenetan Diasporaren ikuspuntua emateko. Euskaria Fundazioa 1986ean jaio zen elkarte independientea da eta bere asmoa biolentzia-eza aktiboa eta desobedientzia zibilaren markoan Euskal Herriarentzako Autodeterminazio Eskubidea eskatzen du, irtenbide demokratiko eta baketsu bezala. Euskariak Euskal Herriko indar abertzale eta euskaltzale guztien arteko lankidetza sustatu nahi du, Diaspora ere asmo horretara gehituz.

Gehiago Irakurri…