Hemen zaude: Hasiera Albisteak berri gehiago
Mexikoko Euskal Etxeko kideek San Fermin jaia aurreratu eta larunbatean egin zuten euren 'entzierro' berezia

Mexikoko Euskal Etxeko kideek San Fermin jaia aurreratu eta larunbatean egin zuten euren 'entzierro' berezia

Mexikoko Euskal Etxeak egun batzuk aurreratu zuen Iruñeko San Fermin jaiaren ospakizuna. Atzo eman zitzaion hasiera Nafarroako hiriburuan txupinazo tradizionalaren bidez, baina euskal-mexikar elkarteak Juan Jose Arrieta nafarrak eta bere laguntzaileek prestatutako bazkari batekin ospatu zuten festa larunbatean. Partaide gehienek arropa zuria eta zapi gorriarekin girotu zuten topaketa, eta besteak beste, zezen puzgarria eta txaranga bati esker, Sanferminak era atsegin eta alaian ospatu ahal izan zituzten.

Gehiago Irakurri…

Gastronomia menuak eta kartak euskaratzeko itzultzaile automatikoa interneten eskuragarri

Gastronomia menuak eta kartak euskaratzeko itzultzaile automatikoa interneten eskuragarri

Donostiako Euskararen Udal Patronatuak taberna, jatetxe zein edozein etxetako menuak eta kartak gaztelaniatik euskaratzeko tresna informatikoa sortu du. Gaur egun interneten dagoen era honetako lehen itzultzailea da hau eta nahiz eta ostalari eta merkatari euskaldunentzat sortua izan, edozeinek erabil dezakeela azaltzen dute sortzaileek. Guztira sistemak 1.057 termino biltzen ditu. Diasporako euskaldunek ere euren afari, bazkari, picnic eta euskal tabernetako menuak euskaratzeko erabiliko dute tresna hau, zalantzarik gabe.

Gehiago Irakurri…

Iruñeko festaren txupinazo eta 'Gora San Fermin!' oihu tradizionalen oihartzuna Diasporaraino iritsiko da

Iruñeko festaren txupinazo eta 'Gora San Fermin!' oihu tradizionalen oihartzuna Diasporaraino iritsiko da

Iruñeko San Fermin jaien hasierarako bi egun besterik falta ez direla, Diasporako euskal komunitate asko ere festaren azken xehetasunak prestatzen dabiltza. Igandean nafar hiriburuan bilduko diren milaka lagunek 'Gora San Fermin!' oihukatuko dute eta astebetez santuaren omenez egiten diren entzierro, kontzertu eta kaleko giro apartaz gozatu ahal izango dute. Euskal Herritik kanpo ere jaiak bizitzeko modua egongo da, internet bidez entzierroak ikusteko aukera baitago eta euskal etxeetako kideek gainera euren San Fermin jai, bazkari eta hainbat kasuetan 'entzierro' propioak ere antolatu dituzte. Ordu gutxi falta dira, badatoz Sanferminak!

Gehiago Irakurri…

Rafael Kutz izango da Kolonbia eta Venezuelako Euskadiko ordezkaritza elkartuaren buru; egoitza Bogotan

Rafael Kutz izango da Kolonbia eta Venezuelako Euskadiko ordezkaritza elkartuaren buru; egoitza Bogotan

Orain arte Venezuelako Euskadiko ordezkaria izan den Rafael Kutz donostiarrak bere gain hartuko du Kolonbia eta Venezuelako ordezkaritza elkartu berria, Koldo Atxutegi Jaurlaritzako Kanpo Harremanetarako aholkulariak EuskalKultura.com-i adierazi dionez. Funtzionamendu arrazoiak direla eta ordezkaritza berriak Bogotan izango du egoitza eta bi herrialdeetako euskal komunitateen eta Euskal Herriaren artean lotura lana egingo du. Era berean amerikar herrialdeetako enpresa eta kultur eta gizarte elkarteak euskal agintari eta gizarte eragileekin harremanetan jarriko ditu. Ordezkaritza 2009 hasierarako martxan egongo da.

Gehiago Irakurri…

Iparraldeko Euskal Etxeak hitzaldi batekin eta Sorgin Afariarekin ospatu zuen San Juan gaua

Iparraldeko Euskal Etxeak hitzaldi batekin eta Sorgin Afariarekin ospatu zuen San Juan gaua

Juan Carlos Ibarrola bazkideak eman zuen sorgin euskaldunei eta San Juan suari buruzko hitzaldiarekin hasi zituen Buenos Aireseko Iparraldeko Euskal Etxea gau magiko honen ospakizunak. Ekintzeekin jarraituz, joan den larunbat gauean, berrogei bat lagun elkartu ziren Sorgin Afarian. Urtero egiten den jai honetan ez zen girorik falta, mozorroak, dantzak, Akerraren irudiak eta denen artean egindako sutzarrari esker. María Elena Etcheverry, Cristina Cordara eta Mercedes Ariztegi jaiaren une nagusien protagonistak izan ziren.

Gehiago Irakurri…

'Arturo Campion' Zentroak 'Guregandik' urtekariaren 4. zenbakia aurkeztuko du bihar Resistencia hirian

'Arturo Campion' Zentroak 'Guregandik' urtekariaren 4. zenbakia aurkeztuko du bihar Resistencia hirian

Argentinako Lapridan egoitza duen Arturo Campion Ikasketa Zentroak 'Guregandik' urtekariaren laugarren zenbakia aurkeztuko du bihar. Cesar Arrondo irakasleak aurkeztuko du ale berria, El Chaco probintziako Resistencia hirian egingo den ekitaldian. Hizlariak ale berriko artikuluei buruzko zehaztasunak emango ditu eta aurkezpena ondoren 'Gernika: La huella humana' dokumentala eskainiko da. Filme honek 1936ko apirilaren 26an Bizkaiko herriak pariatu zuen bonbardaketaren testigantzak jasotzen ditu.

Gehiago Irakurri…

Cañuelaseko Euskal Etxeak sutzar batekin izpiritu gaiztoak uxatu zituen San Juango Gau magikoan

Cañuelaseko Euskal Etxeak sutzar batekin izpiritu gaiztoak uxatu zituen San Juango Gau magikoan

Mundu osoko euskal etxe askok egin duten era berean, Cañuelaseko Denak Bat-eko kide eta lagunek San Juan Gaua festa ospatu zuten iragan larunbatean. Jaiak neguari harrera egiten dio Hego Hemisferioan (udari Ipar Hemisferioan) eta urteroko tradizioa jarraituz sorginez mozorrotutako gazteek desfile bat egin zuten hiriko kaleetan zehar. Gauean, partaideek panpin erraldoi bat erre zuten eta elkarteko dantzariek Euskal Herriko dantzak eta kantak eskaini zituzten sutzarraren inguruan.

Gehiago Irakurri… [ Erantzun bat ]

Kirmen Uribek poesia eta musika errezitaldia eskainiko du bihar Madrilgo CaixaForum aretoan

Kirmen Uribek poesia eta musika errezitaldia eskainiko du bihar Madrilgo CaixaForum aretoan

Kirmen Uribe idazleak poesia errezitaldia eskainiko du bihar Madrilgo 'CaixaForum' zentroan, Mikel Urdangarin, Rafa Rueda eta Bingen Mendizabal euskal musikariekin batera. Ondarroarra espainiar hiriburuan aritu zen otsailean, hain zuzen ere, gizarte eta kultur zentro berri horren inaugurazio ekitaldian parte hartzeko. Ekimenean hiru poema irakurri zituen, euskaraz eta gazteleraz, eta txalo zaparrada polita jaso zuen. Lau euskal artistek beste erakustaldi bat egingo dute hilaren 23an Bartzelonan (Katalunia).

Gehiago Irakurri…

Chivilcoyko Beti Aurrera EEak panpin erraldoi baten erretzearekin ospatu zuen San Juan Gaua

Chivilcoyko Beti Aurrera EEak panpin erraldoi baten erretzearekin ospatu zuen San Juan Gaua

Chivilcoyko Beti Aurrera Euskal Etxeak San Juan Gauaren magia ospatu eta neguko Solstizioari harrera (Ipar Hemisferioan udako Solstizioa da) egin zion. Plaza Nagusian hasi eta Guernica Plazan eta euskal elkartean amaitzen zen ibilaldi batekin hasiera eman zitzaion jardunaldiari. Bidean dantzariek euskal dantzak eskaini zituzten eta kamioneta batetik euskal musika zabaldu zuten hiritar guztiei ekitaldian parte hartzeko gonbidapena luzatuz. Euskal Etxeko aretoan zenbait ikuskizun antolatu ondoren, partaideek 'San Juango Euskalduna' --bertako euskal komunitateko lagunek egindako panpin erraldoia-- sutzarretan erre zuten.

Gehiago Irakurri…

Euskal eta andaluziar kulturak nahasten dituen 'Ipar-Sur' aperitiboak irabazi zuen Mexikoko EEko lehen 'Pintxo Eguna'

Euskal eta andaluziar kulturak nahasten dituen 'Ipar-Sur' aperitiboak irabazi zuen Mexikoko EEko lehen 'Pintxo Eguna'

Mexikoko Euskal Etxeak lehen 'Pintxo Eguna' ospatu zuen iragan larunbatean eta elkarteko kideek antolatutako lehiaketan Trinidad de la Ordenek eta Mari Carmen Arrecheak osatutako bikotea izan zen irabazle. 'Ipar-Sur' izeneko pintxoa aurkeztu zuten, euskal eta andaluziar kulturak nahasten zituen mokautxoa. Bigarren saria Arantxa eta Miguel Larregui anai-arrebek egindako 'Hogazita' pintxoak jaso zuen, eta hirugarren tokia Jorge Robles eta Luis Miguel Zugarramurdiren 'Fusion' pintxoarentzat izan zen.

Gehiago Irakurri…