Hemen zaude: Hasiera Albisteak argentinako euskal astea
Partaidetza ugaria eta euskal etxe aniztasuna Argentinako Euskal Asteko lehiaketen irabazleen artean (I)

Partaidetza ugaria eta euskal etxe aniztasuna Argentinako Euskal Asteko lehiaketen irabazleen artean (I)

Joan den igandean, Euskal Astearen amaiera bazkari herrikoian, euskararen inguruan antolatutako lehiaketetako sariak banatu ziren. Afixen lehiaketa, Gustavo Echandiak, Río Cuartoko Gure Ametsa Euskal Etxekoa bera, bereganatu zuen, eta beraz 2009an Argentinan euskara eskolak sustatzeko ertabiliko den afixa berea izango da. Idazkuntzari dagokionez, Bahía Blancako Rocio Basterra irakaslea eta Sergio Amundarain, Irma Biscaichipy, Lilian Elosegui, Elsa Jtten, Nerina Martínez eta Ignacio Mirant-Borde izan ziren irabazleak, Gral. Rodríguezeko Alicia Itcea-rekin batera. Haurren arloan, Mar del Platako Denak Bat Euskal Etxeko txikien euskara taldeak izan zen garaile. Euskal Asteko irudiaren diseinatzaileari, Ana María Raimondori ere, bere diru-saria eman zioten.

Gehiago Irakurri…

La Platako 2008ko Euskal Argentinar Aste Nazionalaren argazki kronika: laugarren eta azken partea (eta IV)

La Platako 2008ko Euskal Argentinar Aste Nazionalaren argazki kronika: laugarren eta azken partea (eta IV)

Segitzen dugu joan den igandean Argentinako La Plata hirian amaitu zen 2008ko Euskal Aste Nazionalaren argazki bidezko kronikarekin. Eguraldia lagun garatu ahal izan da Euskal Astea. Aurten antolatzaile izan den La Platako Euzko Etxeak aukeratutako leloa, hauxe izan da: 'Euzko Etxea, euskaldun ororen etxea', eta horretan saiatu dira bertako euskal elkartekoak, Javier Clua lehendakaria buru. Juzkuak aurreragorako utziko ditugu, ordea, orain argazki bidezko kronikaren tenorea baita: laugarren eta azken partea.

Gehiago Irakurri…

La Platako 2008ko Euskal Argentinar Aste Nazionalaren argazki kronika: hirugarren partea (III)

La Platako 2008ko Euskal Argentinar Aste Nazionalaren argazki kronika: hirugarren partea (III)

Bukatu berria da La Platan egin den Euskal Argentinar Aste Nazionala, baina egun hauetan bertan izandako jai erraldoiaren oihartzuna munduko euskal komunitatera zabaltzen ari da oraindik ere. Aurten ere jaiak Euskal Herritik Argentinara joandako lagunak bildu zituen, adibidez Eusko Jaurlaritzaren ordezkaritza, Ibarretxe lehendakaria buru zuelarik, edo Iparraldeko Euskal Argentina elkarteko kideak. Denek egin zuten bat Argentinako euskaldunekin, urtean zehar pausoz pauso, txingurriak bezala, euskal kulturaren alde egindako lanaren emaitza ezagutzera eman eta ospatzeko. Jarraian larunbatean La Platan egin ziren ekitaldien argazki erreportaia eskaintzen dizuegu.

Gehiago Irakurri…

La Platako 2008ko Euskal Argentinar Aste Nazionalaren irudi bidezko kronika: bigarren partea (II)

La Platako 2008ko Euskal Argentinar Aste Nazionalaren irudi bidezko kronika: bigarren partea (II)

Argentinako euskal etxe eta euskaldun askorentzat urteko hitzordu nagusi eta igurikatuena den Euskal Asteak dantzan jarri du bat baino gehiago azken egunotan La Plata hiriburu buenosairestarrean. Euskal Herritik etorritako eta Argentina bertako dantzari, musikari eta ordezkariak elkarretaratze honetako osagai nagusi dira, funtsean euskalgintzan eta euskal etxeen eta euskal kulturaren mugimenduan ari direnen arteko harremana, solasa eta trukea baitira urteroko ekimen honek eskaintzen duen ekarpenik baliotsuena. 2008ko La Platako Euskal Astearen argazki bidezko kronikaren bigarren partea, datozen lerrootan.

Gehiago Irakurri…

La Platako 2008ko Euskal Argentinar Aste Nazionalaren irudi bidezko kronika: lehenengo partea (I)

La Platako 2008ko Euskal Argentinar Aste Nazionalaren irudi bidezko kronika: lehenengo partea (I)

Asteburuan heldua da gailurrera 2008ko Argentinako Euskal Aste Nazionala, aurtengo edizioan La Platako Euzko Etxea antolatzaile Buenos Aires probintziako hiriburuan garatzen ari dena. Urriaren 31, ostirala, Ibarretxe lehendakariaren presentziak markatu du egunez, bera buru izanik goizean egindako ekitaldi politikoan eta arratsaldeko euskara diploma emate ekitaldian. Iluntze eta gau partean, berriz, Oskorriren kontzertua eta Aretxabaletako musikariena aipa daitezke. Hitzak baino, ordea, irudiak mintzatuko dira oraingoan hobekiago. Hona Euskal Astearen argazki kronikaren lehenengo zatia.

Gehiago Irakurri…

Ekitaldiz betetako ostiral batek eman dio hasiera asteburuan zehar garatuko den Argentinako Euskal Asteari

Ekitaldiz betetako ostiral batek eman dio hasiera asteburuan zehar garatuko den Argentinako Euskal Asteari

Aurreko egunetan berotze ariketak egin ostean, ekitaldiz betetako ostiralak eman dio hasiera bere gailurrean asteburuan zehar garatuko den Argentinako Euskal Asteari. Buenos Aires probintziako Diputatuen Ganberako egoitzak bildu du gaur goizean La Platan 'Elkarrizketa Politikorako Mahaia', Adolfo Perez Esquivel moderatzaile. Ibarretxe lehendakariaren hitzek amaiera ipini diote hitzordu horri, ondoren La Platan zein aldameneko Ensenada hirian kultur eta dantza ekitaldiak garatu direlarik. Arratsalderako beste zenbait ekitaldi daude aurreikusita, tartean euskara diplomen emanaldia eta Ibarretxeren hitzaldia euskal komunitateari Club Atenean, eguna Oskorriren kontzertu batekin eta afari & dantzaldi batekin amaitzeko. Bihar izango da egunik beteena, igandean dantzarien kale emanaldi erraldoi batek eta klausura bazkariak aurtengo ospakizunen amaiera markatuko dutela.

Gehiago Irakurri…

Argentinako Euskal Liburutegien X. Bilera larunbat honetan egingo da, La Platako Euskal Astean

Argentinako Euskal Liburutegien X. Bilera larunbat honetan egingo da, La Platako Euskal Astean

Argentinako Euskal Etxeen Liburutegien Sareak lan handia egin du azken hamar urteotan eta urteroko Bilerei esker liburutegiek harremanak indartu eta ekimen amankomunak jarri dituzte abian. Lankidetza hau 1998ean hasi zen, Mar del Platako Euskal Astean, eta emaitza oparoak izan ditu. 'Bagenekien ez zela erraza izango, baina oztopoei aurre egin genien eta gaur egun 20 liburutegitako ordezkariak biltzen gara. Datorren bilerarako 30 izatea espero dugu', azaldu dio EuskalKultura.com-i La Platako María Fernanda Astigarraga La Platako Euzko Etxea-ko liburuzainak. Hamarkada honetan taldeak ekimen asko sustatu ditu, horien artean FEVAk koordinatzen duen Argentinako Euskal Liburutegien Sarea. X. Bilera larunbatean egingo da, La Platako Euzko Etxea-ko Matxin Burdin Liburutegian.

Gehiago Irakurri…

Euskal Astea: La Plata Argentinako euskaldunen bilgarri urriaren 25etik azaroaren 2ra; programa eta mapak

Euskal Astea: La Plata Argentinako euskaldunen bilgarri urriaren 25etik azaroaren 2ra; programa eta mapak

Bere lehenengo urratsetan larunbat honetan hasiko da 2008ko Argentinako Euskal Aste Nazionala. La Plata Buenos Aires probintziako hiriburuan guztia prest dago milaka bisitari jasotzeko, asteburu nagusia datorren astekoa izango bada ere. Jendea Argentina osotik, inguruko herrialdeetatik eta Euskal Herritik ere etorriko da, tartean Ibarretxe Lehendakaria bera, ordezkaritza zabalago baten buru. Astebete pasexe iraungo duen elkarretaratze euskal argentinar nagusiko programa eguneratua eta La Platan orientzako euskal hitzorduetako mapa bildu dizkizugu artikulu honetara.

Gehiago Irakurri… [ Erantzun bat ]

La Platako Euzko Etxeak Euskal Asteko behin-behineko egitaraua argitaratu du

La Platako Euzko Etxeak Euskal Asteko behin-behineko egitaraua argitaratu du

Diasporako jai garrantzisuenetako bat da Argentinako Euskal Astea eta aurten ere milaka lagun elkartuko dira, bertakoak nahiz kanpokoak, euskal komunitatearen jai handi honetara. La Platan, aste horretan zehar --urriaren 26tik azaroaren 2a bitartean-- bilerak, ekintza politikoak, kulturalak eta ikuskizun ugari egingo dituzte. Hori guztia prestatzeko lan eskerga egin behar da eta horretan dabiltza Euzko Etxea-ko kideak azken hilabete hauetan. Azken uneko aldaketarik izan daitekeen arren, jaialdiaren antolatzaileek argitaratu dute dagoeneko behin-behineko argitaraua.

Gehiago Irakurri…

Mar del Platako lanak nagusi, Rosarioko Zazpiak Bat-ek Euskal Astearen baitan antolatutako lehiaketetan

Mar del Platako lanak nagusi, Rosarioko Zazpiak Bat-ek Euskal Astearen baitan antolatutako lehiaketetan

Mar del Platako Euskal Etxeko lan batek bereganatu zuen 2008. urteko kanpainan Argentinan euskara eskolak sustatzeko afixaren lehenengo saria. Euskal Etxe honek eraman zuen baita ere 'Gernika 70. Urteurrena-Gernika 70º aniversario' lehiaketako Irudi ataleko lehenengo saria, bere bi kategorietan. Modalitate honetan Llavallol-eko Euskal Echea Eskola eta Buenos Aireseko Laurak Bat Zentrua ere sarituak izan ziren. Sorkuntza literarioaren Modalitatean, berriz, lehenengo saria La Platako Euzko Etxearentzat izan zen eta arlo berean General Villegas eta Mar del Plata ere nabarmendu ziren.

Gehiago Irakurri…