Hemen zaude: Hasiera Albisteak artikulua
Renoko Unibertsitateak epea zabaldu du 'Douglass Distinguished Scholar Award' beka/sarirako 2010-11an

Renoko Unibertsitateak epea zabaldu du 'Douglass Distinguished Scholar Award' beka/sarirako 2010-11an

Renon, Nevadako Unibertsitateko Euskal Ikasketa Zentroak (CBS) epea zabaldu du hautagaiak aurkez daitezen 2005etik hona urtero deitzen duen 'William A. Douglass Distinguished Scholar Award' delakorako. Oraingo deialdian 2010-11 ikasturteari dagokion beka/sari hau Euskal Ikasketen alorretako batean aditu edo espezialista den ikerlari edo akademiko bati zuzentzen zaio. Urtero aldatu ohi da aukeratutako alorra eta aurtengoan Euskal Historia ikergai duen pertsona baten bila dabil CBS. Ibilbide eta curriculum sendoa eta akademikoki innobatzailea beharko du izan. Hautagaiak aurkezteko epea 2010eko urtarrilaren 15ean bukatuko da.

Gehiago Irakurri…

Aitor Alava dantzari arabarrak bost urte daramatza Argentinan finkatuta, euskal dantza irakasle

Aitor Alava dantzari arabarrak bost urte daramatza Argentinan finkatuta, euskal dantza irakasle

2009/12/14

Euskal Herriko herriska batean, Arabako Zuhatzan, jaio zen Aitor Alava. Hamaika urterekin eta Aiara Dantza Taldean hasi zen bere lehenengo pausoak ematen euskal dantzen munduan. Oso jarduera txukuna zeraman jaioterrian, talde askorekin egin zuen dantza eta bere lekua hasia zen erdiesten. Baina berak askotan errepikatzen duenez, 'munduak bira asko ematen ditu' eta euskarak Marina, neska argentinar bat ezagutzera eraman zuen. Orain Aitor, Marina eta Maialen, bien alabatxoa, Buenos Airesen bizi dira; baina euskal kulturaren alde, batez ere euskal dantzen alde gogor lan eginez segitzen baitu arabarrak. Euskal etxe askorekin harremanetan, Euskal Echea Institutuan ari da eta bere taldea, 'Ekin Dantzari Taldea', sortu zuen iaz. 'Euskal Herriko zazpi herrialdeetako dantzak ikasiz gure herriko kultura eta nortasuna hobeto ezagutu daiteke', ziurtatzen du Argentinan jadanik bost urte eman dituen Aitorrek.

Gehiago Irakurri…

Salgai da 'Kalea', Kepa Junkerak Ameriketako hainbat kantari eta musikarirekin grabatu duen azken CDa

Salgai da 'Kalea', Kepa Junkerak Ameriketako hainbat kantari eta musikarirekin grabatu duen azken CDa

2009/12/14

'Etxea'ren ondotik, 'Kalea' etorri da. Bi hauek dira Kepa Junkeraren azken bi lanen izenburuak, ibak proiektu bereko parte, esan nahi baita munduko hainbat kultura eta herrialdetako kantari famatu euskaraz euskal kantu tradizionalak edo ezagunak kantatzen jartzea xede duen bere proiektu horretako parte. Plazaratu berria den 'Kalea'n, besteak beste Juanes, Pablo Milanés, Lila Downs, Lito Vitale, León Gieco edo Iván Lins bezalako izenak ipini ditu kantari, 23 orotara --82 euren musikariak zenbatuz--, 23 euskal kantu kantatzen. Elkarrizketa Txorierriko Aikor aldizkariari eskaini zion trikitilariak, eta interesgarria zelakoan hona egokitu dugu.

Gehiago Irakurri…

Lourdes Arrechea artista mexikarrak "Mutis-Mutandi... " erakusketa berria zabalduko du asteazkenean DFn

Lourdes Arrechea artista mexikarrak "Mutis-Mutandi... " erakusketa berria zabalduko du asteazkenean DFn

2009/12/14

Baztenen jatorria duen Lourdes Arrechea margolari mexikarrak erakusketa berria inauguratuko du heldu den asteazkenean, abenduak 16, México DFko Coyoacango 'Jesus Reyes Heroles' Kultura Etxean. 'Mutis-Mutanti...begirada batek mila hitzek baino gehiago dio' izenburupean, erakusketak hirurogei bat pieza biltzen ditu formato desberdinetan eginak, kolore ugaritasunik erabili gabe. Aste osoan bisitatu ahal izango da, datorren igandera arte, sarrera libre eta kitorik.

Gehiago Irakurri…

Hogei bat euskal sortzaile gazteren lanak ikusgai New Yorken asteartean zabalduko den erakusketan

Hogei bat euskal sortzaile gazteren lanak ikusgai New Yorken asteartean zabalduko den erakusketan

2009/12/11

Datorren asteartetik aurrera, hogei bat euskal artista gaztek euren lanak erakutsiko dituzte New Yorken 'Bilbao Arte-New Yorken' izenpean zabalduko den erakusketan. Artistak Bilbao Arte izeneko Bilboko udal zentruari lotuak dira eta erakunde horren hamargarren urteurrena ospatzeko emango dute hiri amerikarrerainoko jauzia. Erakusketa 2010eko otsailaren 9rarte luzatuko da Sagar Handiko 'Fundación Gabarrón-Carriage House Center'en eta zazpi ikusentzunezko obra, margolaritzako hiru, argazki alorreko sei eta teknologia berrietan oinarritutako beste bat erakutsiko ditu.

Gehiago Irakurri…

Erosketak egiten internetez: Sareak euskal produktu eskaintza zabala eskaintzen du gabonetan oparitzeko

Erosketak egiten internetez: Sareak euskal produktu eskaintza zabala eskaintzen du gabonetan oparitzeko

Gabonak gainean dira, Olentzeroren etorrera ere bai, eta mundu osoko euskaldunek lan ugari izango dute lagun eta senitartekoentzat opariak bilatzen. Interneteko merkatua zabala da eta Euskal Herri barruan eta kanpoan bizi direnek badute non hauta euskal kutsuko opariak erosi nahi badituzte. Webgune zerrenda beste bat izan zitekeen --asko egin baitaitezke-- baina bat egiten hasi eta hau atera zaigu. Hona, opariak egiteko langintza batzuetan zail horretan lagundu nahian, online dauden denda horietako batzuk bilduz osatu dugun zerrenda.

Gehiago Irakurri…

Jaurlaritzak 2009ko deialdian Euskal Etxeei emango dizkien diru laguntzen berri argitaratu du buletin ofizialak

Jaurlaritzak 2009ko deialdian Euskal Etxeei emango dizkien diru laguntzen berri argitaratu du buletin ofizialak

Eusko Jaurlaritzak, Euskal Etxeen deialdi orokorrean, ohiko gastuetarako eta jarduerak antolatzeko 1.097.310 euro banatuko ditu aurten munduko Euskal Etxeen artean, atzo Euskal Autonomia Erkidegoko buletin ofizialak (EHAAk) argitaratu zuenez. Atal horretan 65 dira aurtengoan dirulaguntzak jasoko dituzten munduko euskal elkarteak, horietarik 34 argentinarrak, 1 australiarra, Kanadakoak 2, Txilekoak 2, Kolonbiakoa 1, Espainiako Estatukoak 6, AEBetakoak 6, Frantziakoak 2, Italiakoa 1, Mexikokoa 1, Perukoa 1, Uruguaikoak 5 eta Venezuelakoak 2. Azpiegitura eta ekipamendurako, berriz, 39 izan dira euskal etxe onuradunak, hauen artean 429.395 euro banatuko direlarik.

Gehiago Irakurri…

Sei euskal etxe berri ofizialdu ziren atzo Argentina, Alemania, Brasil, Frantzia, AEB eta Japonian

Sei euskal etxe berri ofizialdu ziren atzo Argentina, Alemania, Brasil, Frantzia, AEB eta Japonian

Euskal Autonomia Erkidegoko Administrazioari dagokionez, albiste eguna izan zen atzokoa Diaspora gaietan, batetik buletin ofizialak Euskal Etxeei eman beharreko 2009ko dirulaguntzen berri ekarri baitzuen eta atzo, baita ere, Jaurlaritzako Gobernu Kontseiluak sei euskal etxe berriren onarpena sinatu baitzuen, horietarik bi orain arte euskal etxeen mapan agertzen ez ziren herrialdetan, hala nola Alemania (Berlin) eta Japonian (Tokyo). Gainerako laurak Argentinan (Buenos Aires), Frantzian (Paue), Brasilen (Itapevi) eta Estatu Batuetan (Santa Fe) onartu ziren.

Gehiago Irakurri…

'Basque Culinary  Center'en lehen harria jarri zuten atzo Donostian, munduan erreferentzia izatea helburu

'Basque Culinary Center'en lehen harria jarri zuten atzo Donostian, munduan erreferentzia izatea helburu

2009/12/10

Abian dira Basque Culinary Center (BCC) eraikitzeko lanak. Donostian egongo da eraikina, Miramongo parkean, eta lehenengo harria jarri zuten atzo Isabel Zelaa Eusko Jaurlaritzako Hezkuntza sailburuak, Cristina Garmendia Espainiako Gobernuko Zientzia eta Berrikuntza ministroak, Josu Zabala Mondragon Unibertsitateko errektoreak, Markel Olano Gipuzkoako ahaldun nagusiak eta Odon Elorza Donostiako alkateak, hainbat sukaldariz inguratuta. Kronika Berria egunkariari dagokio.

Gehiago Irakurri…

Brasilgo Sao Pauloko Eusko Alkartasuna Euskal Etxeak 50 urte ospatu ditu joan den asteburuan

Brasilgo Sao Pauloko Eusko Alkartasuna Euskal Etxeak 50 urte ospatu ditu joan den asteburuan

Brasilgo Sao Pauloko Eusko Alkartasuna Euskal Etxeak festa eta elkarretaratzea izan du joan den asteburuan, euskaldunek, azken 50 urteotan euskal etxearen egoitza izan den 'Gernika Kutuna' izeneko etxea eta jabegoa erosi zuteneko 50. urteurrena ospatu baitute. Ekitaldiak euskal etxea sortu zuten 56 bazkideak gogoratu zituen eta baita 'urrezko diploma' eman ere horietarik gelditzen diren eta bertaratu ziren seientzat. Bertan hazten den Gernikako Arbolaren kimuaren azpian Gernikako Arbola eta Agur Jaunak kantatu ziren, Euskal Herriarekiko eta munduko euskal komunitateekiko senidetasun lokarri.

Gehiago Irakurri…