Hemen zaude: Hasiera Albisteak euskal etxeak
'Gogora ekarriz...' ekimena daroate La Platan, "egungo Euskal Etxera nola iritsi ginen ongi ezagut dezagun"

'Gogora ekarriz...' ekimena daroate La Platan, "egungo Euskal Etxera nola iritsi ginen ongi ezagut dezagun"

Joan den larunbatean, abenduaren 12an, Urte Hondarreko festaren testuinguruan gauzatu zen Argentinako La Platako Euzko Etxean "Gogora ekarriz: geure iraganeko pasadizo eta oroitzapenak" izeneko topaketa, lan-talde batek Erakundeko Historia Gordailus sortzeko bidean garatutako ekimena. Elkarretaratzeak 2010erako iragarri den ziklo baten hasiera adierazi zuen, helburua, "guztiek ongi jakin dezagun nola iritsi ahal izan den Euskal Etxea gaur egun dena izatera".

Gehiago Irakurri…

140 bat euskaltzalek Euskararen Eguna eta Urte Bukaera ospatu zuten Buenos Airesko Mexiko kaleko Euskaltegian

140 bat euskaltzalek Euskararen Eguna eta Urte Bukaera ospatu zuten Buenos Airesko Mexiko kaleko Euskaltegian

Buenos Airesko Euskaltzaleak erakundeak aurten inoiz baino ikasle gehiago izan ditu. Hori, besterik gabe, ospakizunerako oso arrazoi ona da. Horregatik ikasleak, irakasleak eta euskaltegiaren lagunak bildu ziren joan den abenduaren 5ean Mexiko kaleko euskal egoitzan eguna ospatu eta aldarrikatzeko. Izan ere, eta instituzioaren lehendakari Teresa de Zavaletak esan zuenez, 'Euskal Herrian gaur euskarak eta euskaldunak eraso asko jasaten ari dira, eta testuinguru honetan zaila da jai bat egitea. Hala ere, etxe honetan lan handia egiten dugu gure hizkuntzaren alde, gero eta gehiago gara eta hau da euskarari eusteko guk dugun modua'. San Frantzisko Xabier-en egunarekin batera, urte amaiera dator Hego Amerikan, beraz festa, ikasleek prestatutako esketxak, abestiak eta jolasak agertoki ezinhobea bihurtu ziren larunbat gauean.

Gehiago Irakurri…

Arrakasta handiarekin amaitu dira Bartzelonan Oteiza 101 eta 'Ez ahaztu' oroimen historikoaren inguruko zikloa

Arrakasta handiarekin amaitu dira Bartzelonan Oteiza 101 eta 'Ez ahaztu' oroimen historikoaren inguruko zikloa

Urte amaiera zinez lanpetua izan dute --izaten ari dira-- Bartzelonako Euskal Etxekoak. Euskal Herria Sona musika jaialdiari amaitzeko denborarik eman gabe, abendu hasieratik beste bi lerro jardun dituzte arrakasta handiz Bartzelonako Euskal Etxeko kideek: Jorge Oteizaren bizitza eta proiektua eta Oroimen historikoa. Horrekin batera, eta aste honetan Egunkariaren auzia hasi dela-eta, Bartzelona eta Kataluniako Egunkariaren aldeko batzordearekin bat, elkarretaratzeetan parte hartzera deitu dute kataluniar hiriburuko Euskal Etxekoek. Hala bildu ziren atzo bertan. Aste hondarrean, bestela, ostiralean, San Tomas eta Olentzero festa egingo dute, txistorra, umore ona eta gainerako festa osagai guztiekin.

Gehiago Irakurri…

Kantu euskaldun eta txiletarrak Santiagoko Euzko Etxeak antolatutako Musika bidezko Elkarrizketetan

Kantu euskaldun eta txiletarrak Santiagoko Euzko Etxeak antolatutako Musika bidezko Elkarrizketetan

2009/12/15

Santiagoko ‘Euzko Etxea’ Euskal Etxeak aurtengo lehenengo Musika-Tertuliak burutu zituen aurreko urrian. Euskal musikarekin hasiz (Hiru Damatxo kantu tradizionala abestu zen eta Itxaropen Gaztea dantza taldeak emanaldia eskaini zuen) eta kantu txiletarrei omenaldia eginez (Santiago 4 abesbatzaren ikuskizunarekin) ekitaldi arrakastatsua izan zen antolatzaileentzat zein gerturatu zirenentzat. Euzko Etxeko Berriketari albistaria medio eskuratu dugun informazioa eta argazkiak dira honakoak.

Gehiago Irakurri…

Jaurlaritzak 2009ko deialdian Euskal Etxeei emango dizkien diru laguntzen berri argitaratu du buletin ofizialak

Jaurlaritzak 2009ko deialdian Euskal Etxeei emango dizkien diru laguntzen berri argitaratu du buletin ofizialak

Eusko Jaurlaritzak, Euskal Etxeen deialdi orokorrean, ohiko gastuetarako eta jarduerak antolatzeko 1.097.310 euro banatuko ditu aurten munduko Euskal Etxeen artean, atzo Euskal Autonomia Erkidegoko buletin ofizialak (EHAAk) argitaratu zuenez. Atal horretan 65 dira aurtengoan dirulaguntzak jasoko dituzten munduko euskal elkarteak, horietarik 34 argentinarrak, 1 australiarra, Kanadakoak 2, Txilekoak 2, Kolonbiakoa 1, Espainiako Estatukoak 6, AEBetakoak 6, Frantziakoak 2, Italiakoa 1, Mexikokoa 1, Perukoa 1, Uruguaikoak 5 eta Venezuelakoak 2. Azpiegitura eta ekipamendurako, berriz, 39 izan dira euskal etxe onuradunak, hauen artean 429.395 euro banatuko direlarik.

Gehiago Irakurri…

Sei euskal etxe berri ofizialdu ziren atzo Argentina, Alemania, Brasil, Frantzia, AEB eta Japonian

Sei euskal etxe berri ofizialdu ziren atzo Argentina, Alemania, Brasil, Frantzia, AEB eta Japonian

Euskal Autonomia Erkidegoko Administrazioari dagokionez, albiste eguna izan zen atzokoa Diaspora gaietan, batetik buletin ofizialak Euskal Etxeei eman beharreko 2009ko dirulaguntzen berri ekarri baitzuen eta atzo, baita ere, Jaurlaritzako Gobernu Kontseiluak sei euskal etxe berriren onarpena sinatu baitzuen, horietarik bi orain arte euskal etxeen mapan agertzen ez ziren herrialdetan, hala nola Alemania (Berlin) eta Japonian (Tokyo). Gainerako laurak Argentinan (Buenos Aires), Frantzian (Paue), Brasilen (Itapevi) eta Estatu Batuetan (Santa Fe) onartu ziren.

Gehiago Irakurri…

Brasilgo Sao Pauloko Eusko Alkartasuna Euskal Etxeak 50 urte ospatu ditu joan den asteburuan

Brasilgo Sao Pauloko Eusko Alkartasuna Euskal Etxeak 50 urte ospatu ditu joan den asteburuan

Brasilgo Sao Pauloko Eusko Alkartasuna Euskal Etxeak festa eta elkarretaratzea izan du joan den asteburuan, euskaldunek, azken 50 urteotan euskal etxearen egoitza izan den 'Gernika Kutuna' izeneko etxea eta jabegoa erosi zuteneko 50. urteurrena ospatu baitute. Ekitaldiak euskal etxea sortu zuten 56 bazkideak gogoratu zituen eta baita 'urrezko diploma' eman ere horietarik gelditzen diren eta bertaratu ziren seientzat. Bertan hazten den Gernikako Arbolaren kimuaren azpian Gernikako Arbola eta Agur Jaunak kantatu ziren, Euskal Herriarekiko eta munduko euskal komunitateekiko senidetasun lokarri.

Gehiago Irakurri…

Corpus Christiko Eusko Etxeak, Misiones probintzia argentinarrean, Olga Leiciaga berretsi du lehendakari

Corpus Christiko Eusko Etxeak, Misiones probintzia argentinarrean, Olga Leiciaga berretsi du lehendakari

2009/12/09

Ohiko Biltzar Orokorra egin du, Argentina iparraldean, Misiones probintziako Corpus Christin, bertako Eusko Etxeak. Elkarteko araudiak zioenari jarraiki, hauteskundeak egin dira bere baitan eta ondorioz Zuzendaritza Batzordea berritu da. Emaitzei dagokienez, Olga Rosa Leiciaga berrautatu dute agintealdi berri batean lehendakari lanetan segi dezan. Berarekin batera hautatu dira batzordekide: Ana Maria Macchi Echagüe, lehendakariorde; Carmen Delia Miranda, diruzain; Ramona Glady Ferragut, diruzainorde; Carlos Alberto Galarza, idazkari; eta Carlos Miguel Leyrias, idazkariorde, beste zenbaiten artean.

Gehiago Irakurri…

Mar del Platako Artaburu Euskara Elkarteak eratutako Euskararen Astea datorren larunbatean bukatuko da

Mar del Platako Artaburu Euskara Elkarteak eratutako Euskararen Astea datorren larunbatean bukatuko da

2009/12/07

Urtero sasoin honetan bezala, Mar del Platako 'Artaburu Euskaltzale Elkartea' euskararen inguruko egitarau batez ari da bukatzen urtea, joan den ostegunean --Euskararen Egunean-- hasirik, datorren larunbatean --abenduak 12--bukatzeko, beti ere Mar del Platako 'Denak Bat' Euskal Etxearen baitan. Ekitaldien artean, lore-eskaintza Gernikako Arbolaren aurrean, Kaperotxipi margolariari buruzko hitzaldia, liburu erakusketa bat, 'Kutsidazu bidea, Ixabel'en emanaldia eta Urte Azkeneko Afaria eta haur eta gaztetxoentzako mitologia tailerrak eta antzezpen bat, Herensugeaz, eta txokolatealdia.

Gehiago Irakurri…

'Ibai Txori' Euskal Etxeko dantzariek musika eta dantzak atera dituzte Concepción del Uruguayko kaleetara

'Ibai Txori' Euskal Etxeko dantzariek musika eta dantzak atera dituzte Concepción del Uruguayko kaleetara

Concepción del Uruguay-n, Entre Ríos probintzia argentinarrean, 'Ibai Txori' Euskal Etxeko euskaldunak ere urteko azken ekintzak burutzen dabiltza. Joan den azaroaren 28an, eta eguraldi txarragatik astebete atzeratu ondoren, hiru eta hamabi urte arteko neska-mutilek osatutako bertako dantza taldea herriko oinezkoen kalera atera da urtean zehar ikasitakoa euren komunitateari erakustera. Erantzun ezin hobea jaso dute dantzari gazteek zein beren zuzendari Oscar Ardaiz Albak ere. 'Euskal Herriarekiko daukagun sentimenduari eutsi eta plazaratzeko sortu dugu dantza tailerra, eta gure euskal kultura ezagutarazteko, jakina', azaldu dio Lucia Arcelus euskal etxeko lehendakariak EuskalKultura.com-i.

Gehiago Irakurri…