Hemen zaude: Hasiera Albisteak bizi
Xalbatx lapurtarrak etzi hasiko du San Miguelen, Argentinako euskal etxeetan egingo duen kontzertu bira

Xalbatx lapurtarrak etzi hasiko du San Miguelen, Argentinako euskal etxeetan egingo duen kontzertu bira

2009/11/04

Diasporari begira pentsatutako proiektu bat sustatzera bidaiatu zen lehendabizikoz Argentinara 'Xabaltx' goitizenarekin ezaguna den Pantxoa Bergara. Iaz izan zen eta MMX taldearekin, esan nahi baita Maialen Errotabehere eta Mixu Mixelena lagunekin. Zenbait euskal etxetan kantatu zuen, baita iazko Euskal Astean ere, La Platan. Urtebete eta gero, esperientzia errepikatzeko asmoz itzuliko da abeslari lapurtarra bihartik aurrera Rio de la Platako agertokietara. Oraingoan banakako ikuskizuna prestatu du --tartean Cymeus bere bosgarren diskoko abestiak ere joko ditu-- eta San Miguelen, Buenos Airesen, Gral. Rodriguezen, Arrecifesen eta San Nicolasen aurkeztuko da.

Gehiago Irakurri…

Las Floresko Udalak Raquel Rotaeche euskal argentinarra saritu du Adineko Pertsonen Nazioarteko Egunean

Las Floresko Udalak Raquel Rotaeche euskal argentinarra saritu du Adineko Pertsonen Nazioarteko Egunean

2009/11/04

Diasporako hainbat lekutan gertatzen den bezala, Las Floresen ere badaude edadeko pertsona batzuk azken mendeko gertakizun askoren lekuko izan direnak eta hau da Raquel Rotaecheren kasua. Laurogeita hamazazpi urteko emakume hau magisteritza eta pintura munduko ikurra da bere komunitatean, eta barnetik bizi izan ditu herriko baita herrialdeko historia; hori dela eta Adineko Pertsonen Nazioarteko Egunean, 'Loretako Euskaldunak' EEak proposaturik, Las Floresko Udaletxeak saritu egin du jarduera handiko beste herritar batzuekin batera. Omenaldia urriaren 23an izan da, Udaletxeko Areto Gorrian, eta saritu bakoitzak domina eta diploma jaso ditu.

Gehiago Irakurri…

Gerlako haur euskaldunen istorioak, bihar Ingalaterrako Carshaltonen zabalduko den erakusketako ardatz

Gerlako haur euskaldunen istorioak, bihar Ingalaterrako Carshaltonen zabalduko den erakusketako ardatz

2009/11/02

Ingalaterrako Carshalton herrian, 1936ko gerlatik ihes egin behar izan zuten haur euskaldunen istorioak aurkeztuko dira bihar herriko Sutton liburutegian egingo den erakusketa batean. Erbesteratutako haurrek arazo eta ezbeharrei aurre nola egin zieten azalduko da erakustaldian. Horrez gain, Southamptongo portura iritsi eta Carshaltonen bizimodua nolakoa izan zen ere berrikusiko da.

Gehiago Irakurri…

Fang Xiao irakaslearen 'Gizarte klase berriak Txinan' hitzaldiaz bukatuko dira gaur EuskadiAsia jardunaldiak

Fang Xiao irakaslearen 'Gizarte klase berriak Txinan' hitzaldiaz bukatuko dira gaur EuskadiAsia jardunaldiak

2009/10/30

Gaur azken eguna, Ekialdearen Ikerketarako Euskal Elkarteak bultzatutako III. Kultur Jardunaldiei dagokienez. Astearte, asteazken eta ostegunean, gai ugari jorratu dira hizlari ezberdinen eskutik. Gaur, lehenik, Errepublika Txinatarraren historia aztertuko da, eta ondoren Fang Xiao-k Txinako klase sozial ezberdinen inguruko hitzaldian, aurtengo EuskadiAsia jardunaldiak itxiko ditu.

Gehiago Irakurri…

'Zine Vasco' jaialdia Caracasera itzuliko da astelehenetik aurrera azaroan zehar, izenburu berriez josita

'Zine Vasco' jaialdia Caracasera itzuliko da astelehenetik aurrera azaroan zehar, izenburu berriez josita

2009/10/30

Iazko edizio arrakastatsuaren ondoren, film luze eta laburmetraia berriak aurkeztuko ditu 'Zine Vasco' zinema jaialdiak Venezuelako hiriburuan. Ikus-entzunezko hauek, Chacao-ko Kultur Zentroan eta Paseo Trasnocho Cultural zinemetan proiektatuko dira azaroan zehar, datorren astelehenetik hasita eta hilaren 25era arte. Filme bakoitzaren xehetasunak eta programaren berri zehatz segi daiteke ZineVasco.com webgunean.

Gehiago Irakurri…

Berriozarko 'Txori Zuri' taldeko dantzari nafarrak Ibizako Sant Rafel-eko Jai Nagusiko partaide gonbidatu

Berriozarko 'Txori Zuri' taldeko dantzari nafarrak Ibizako Sant Rafel-eko Jai Nagusiko partaide gonbidatu

2009/10/29

Berriozarko Txori Zuri Dantza Taldea partaide aritu da joan den asteburuan Ibizako Sant Rafel-ek ospatu ditu Jai Nagusietan, bertako dantza taldeko lagunek gonbidatuta. Talde nafarrak 26 dantzari eta 13 musikari ekarri zituen bertara eta protagonismo berezia izan zuen, bertakoek eskatuta eurekin atera zenean prozesioan kalerik kale Ibizako apezpikuak emandako meza nagusiaren ondotik. Horren ostean euskal dantza erakustaldi bat eskaini zuen, Sant Rafeleko lagun anfitrioekin oholtza partaide.

Gehiago Irakurri…

Bihar hasiko da Bartzelonan 'Euskal Herria Sona' euskal musika jaialdiaren XII. edizioa

Bihar hasiko da Bartzelonan 'Euskal Herria Sona' euskal musika jaialdiaren XII. edizioa

2009/10/29

Bartzelonako Euskal Etxeak bihar ostirala emango dio hasiera 'Euskal Herria Sona' euskal musika jaialdiaren edizio berri bati. Hilabete osoan zehar, abenduaren 5a bitartean, Patxi eta Konpainia, Iñaki Plaza & Ion Garmendia, Hegokoak, Rafa Rueda, Maddi Oihenart, Aristizabal & Barandiaran, Korrontzi, Ruper Ordorika, Arramazka eta Gatibu taldeen kontzertuek inguratuko ituzte euskal erritmoak Bartzelonako kaleetara. Horrez gain, txalaparta, kantu eta dantza ikastaroez edota trikipoteoaz gozatzeko aukera izango da aurten hamabigarren ediziora iritsi den jaialdian.

Gehiago Irakurri…

Arrakasta handiz amaitu da Bartzelonan oroimen historikoaren inguruko zikloaren lehenengo zatia

Arrakasta handiz amaitu da Bartzelonan oroimen historikoaren inguruko zikloaren lehenengo zatia

2009/10/27

Arrakasta handiz amaitu da Bartzelonan, bertako Euskal Etxean antolaturik, oroimen historikoaren inguruko zikloaren lehenengo saioa, 'Ez ahaztu / No oblidem' izenaz ezagutzen dena. Aurtengoan bi astetan banatu da zikloa, horietarik lehenengoa urrian izan delarik eta bigarrena, ostera, abendurako iragarririk.

Gehiago Irakurri…

Guillermo Echenique: "Gobernuak Euskal Etxeekin lankide izan eta euren lana areagotzeko jarrera dauka"

Guillermo Echenique: "Gobernuak Euskal Etxeekin lankide izan eta euren lana areagotzeko jarrera dauka"

2009/10/26

Lau hilabete pasexe daramatza karguan Guillermo Echenique Jaurlaritzako Kanpo Ekintza idazkari nagusiak. Denbora honetan, NABOren Biltzar Nagusian partaide izan eta Estatu Batuetako euskal etxeak bisitatu ditu, eta Lopez Lehendakaria ere lagundu izan du Bruselara egindako bidaian. Urriaren 14an, Echeniquek bere ardurapeko sailaren lerro nagusiak aurkeztu zituen Eusko Legebiltzarrean, eginkizun dituela, besteak beste, munduan dauden Euskadiren Ordezkaritzak eta munduko euskal etxeak. Echenique EuskalKultura.com-ekin solastu zen joan den asteartean, segidan argitaratu dugun elkarrizketa emanez.

Gehiago Irakurri…

Hiru egunen ondotik gaur arratsaldez bukatuko da Arrasaten EHMG 2009 Diasporari buruzko Mintegia

Hiru egunen ondotik gaur arratsaldez bukatuko da Arrasaten EHMG 2009 Diasporari buruzko Mintegia

2009/10/22

Euskaltzaindiaren izenean mintzatuko diren Jose Luis Lizundia eta Mikel Gorrotxategiren solasekin, Diasporan hain interes bizia pizten duen deituren gaiari buruz gainera --esanahiak, aldaerak eta aldaketak Ameriketako bidean-- hasiko da gaur goizean Arrasaten Diasporari buruzko 2009ko 'Euskal Herrria Mugaz Gaindi' Mintegiko hirugarren eta azken eguna. Topaketa asteartean inauguratu zen, bertako zein Ameriketako ikerlariak partaide eta egun horretan berean jaso zuen Julian Celaya Jaurlaritzako Kanpoko Euskal Gizataldeekiko zuzendariaren bisita. Hiru egunotan, partaidetza fisikoez gain bideokonferentzia bidezkoak ere bildu dituen elkarretaratze honek amaiera ekitaldia gaur arratsaldeko bost t'erdietan izango du, Arrasateko Kultur Etxean.

Gehiago Irakurri…