Hemen zaude: Hasiera Albisteak bizi
Asteartean aurkeztu zen Euskal Herriko Unibertsitateko Master eta Doktoradutza Nazioarteko Ikasketetan

Asteartean aurkeztu zen Euskal Herriko Unibertsitateko Master eta Doktoradutza Nazioarteko Ikasketetan

2009/10/15

Joan den asteartean, urriaren 13an, Leioa-Erandioko Lan Harremanetarako Unibertsitate-Eskolako 'Roseton' Ekitaldi Aretoan aurkeztu zen Nazioarteko Ikasketen Master eta Doktoradutza. Masterrak kalitatearen aipua hartu zuen iazko ikasturtean eta bere baitan herrialde askotako ikasteak biltzen ditu, tartean Frantzia, Bielorrusia, Filipinak, Uganda, Afganistan, Argentina, Txile, Venezuela, Kolonbia eta Mexikokoak.

Gehiago Irakurri…

Ameriketan artzain ibili zirenek eta euren familiek elkarretaratzea egin zuten igandean Baigorrin (bideoa)

Ameriketan artzain ibili zirenek eta euren familiek elkarretaratzea egin zuten igandean Baigorrin (bideoa)

2009/10/09

Elkarretaratze polita egin zuten igandean Baigorrin, Estatu Batuetan ibili ziren berrehundik goiti personek, tartean gizon-emazteak eta familiak, eta haurrak ere. Izan ere, hiru 'amerikano' belaunaldi bildu ziren, gisa batez edo bestez Estatu Batuei lotuak, urtean behin urriaren lehenengo asteburuan normalean Nafarroa Behereko herri diferente batean egiten den bilkura eta festara. Pozik ziren antolatzaileak, eta euretako Henri Oçafrain bankarrak --urte andana bat San Frantziskon eginik orain Euskal Herrian bizi denak--, EuskalKultura.com-i esan dionez "gauza polita da ikustea hitzordu honek jende gehiago biltzen duela urterik urte, belaunaldi gazteak partikularzki".

Gehiago Irakurri…

San Frantziskoko Euskal Etxeak jendez mukurru egin zien harrera Bill Clinton eta John Garamendiri

San Frantziskoko Euskal Etxeak jendez mukurru egin zien harrera Bill Clinton eta John Garamendiri

2009/10/08

Laurehun bat pertsona bildu ziren San Frantziskoko Euskal Etxean Bill Clinton presidente ohiak Kongresuko aulki bat bereganatzeko lehian ari den John Garamendi Kaliforniako gobernadoreordeari sostengua emateko antolatutako ekitaldi politikora, joan den asteartean. Azaroaren 3ko hauteskunde horietarako hautagai nagusiena da Garamendi. Bi politikariak osasun zerbitzu unibertsala eta energia berriztagarrien gaiak aipatu zituzten, eta Clintonek gogora ekarri zuen duela 34 bat urte Euskal Herrian egon zela Hillaryrekin, herrirk herri eta festaz festa. bere hitzaldia bukatuta, aireportura abiatu zen, John eta Patti Garamendi eta euren seme-alaba eta bilobak Euskal Etxeko jatetxean afaltzen geratzen ziren bitartean.

Gehiago Irakurri…

1936ko erbesteari buruzko mahai inguru batekin bukatuko da bihar Donostian Exilioaren X. Kongresua

1936ko erbesteari buruzko mahai inguru batekin bukatuko da bihar Donostian Exilioaren X. Kongresua

2009/10/08

1936ko oroitzapenei buruzko mahai inguru batek markatuko du bihar Donostian, aste honetan zehar Amerika eta Europako 68 irakasle eta aditu partaide Bilbon eta Donostian 'Exilioa lehenengo pertsonan' lelopean garatu den Nazioarteko Kongresuaren amaiera. Hamaikabide elkarteak eta Deustuko Unibertsitateak antolaturik, urtero deitzen den kongresu honen hamargarren edizioak omenaldi berezia eskaini nahi izan dio aurten Federiko Alvarez (Donostia, 1927) idazle eta irakasleari, ohorezko makila bat emanez. Alvarez bera, Arantza Amezaga eta Ramon de la Sotarekin batera izango dira Jose Angel Ascunce moderatzaile izango duen mahai inguruko solaskide, bihar Gipuzkoako Foru Aldundiaren Jauregian, Jargiaren Aretoan, sarrera libre.

Gehiago Irakurri…

250. zenbakira iritsi da Alma Vasca, astero Tandil Argentinatik Jorge Gilabert-ek bidaltzen duen buletina

250. zenbakira iritsi da Alma Vasca, astero Tandil Argentinatik Jorge Gilabert-ek bidaltzen duen buletina

2009/10/07

Bihar iritsiko da bere 250. zenbakira Alma Vasca, Jorge Gilabert-ek Argentinako Tandil-dik astero eta internetez bidaltzen duen euskal buletina. Batean eta bestean Euskal Herriaz eta Argentina eta munduko Diasporaz egunkari eta komunikabideetan agertutako artikulu eta informazioen irakurketa eta selekzio lana egiten du Gilabert-ek, ondoren bere buletineta bildu eta astean behin banatzeko. Munduko 610 pertsonek jasotzen dute astero, lehenengo alea 2003ko abenduan banatu ondoren. "Laupabost ordu kentzen dizkit egunero, Euskal Herriko prentsa internetez irakurtzeak, EuskalKultura.com bezalako argitalpenak eta euskal etxetako berripaperak irakurtzeak eta lagunek bidalitako informazio taxutzeak", azaldu digu Jorge Gilabert-ek bere lanari buruz galdetu diogunean.

Gehiago Irakurri…

Zuzeu.com, irakurleek sartutako eta eguneratutako edukiekin egiten den euskarazko web albistaria

Zuzeu.com, irakurleek sartutako eta eguneratutako edukiekin egiten den euskarazko web albistaria

2009/10/07

Zuzeu.com irakurleek egiten eta etengabe berritzen duten euskarazko albistari digitala da. Gaztea adinez zein planteamenduz, edozein aldizkari digitalak dituen atalez gain, sekzioka antolatuta dago, erabiltzaileek edozein gaiez idatzi ahal izan dezaten. Bi erredakzio birtual dauzka barnean lanean: 'Begiraleak', kazetari eta idazleak partaide, eta 'Zuzeulariak', erabiltzaileek osatutako taldea.

Gehiago Irakurri…

Cesar Arrondok parte hartu duen euskal ekitaldiak aztertu ditu: 200dik gora 2001. urtetik hona

Cesar Arrondok parte hartu duen euskal ekitaldiak aztertu ditu: 200dik gora 2001. urtetik hona

2009/10/06

Cesar Arrondo pertsona ezaguna da Argentina osoko hamaika euskal etxe eta gizataldetan, beste hainbeste euskal gairi buruzko hitzaldi eta tailerrak eman baititu eta ematen ibiltzen baita, kultura, gizarte eta politika arloko bere euskal engaiamenduak bultzatuta. Egunotan, atzerabegirako bat egin du UNLPko irakasle denak eta azken urteotan gauzatu dituen euskal zeinuko ekitaldiak zenbatzeari ekin dio, eta berrehundik gora atera zaizkio, "Euskal Herriarekin eta bere buruari buruz erabakitzeko duen eskubideak bultzatuta" eginak, adierazi du.

Gehiago Irakurri…

Bill Clinton John Garamendiren kanpaina lagun arituko da gaur San Frantziskoko Euskal Etxean

Bill Clinton John Garamendiren kanpaina lagun arituko da gaur San Frantziskoko Euskal Etxean

2009/10/06

Bill Clinton Estatu Batuetako presidente ohia John Garamendiren aldeko kanpainaren barruan arituko da gaur arratsaldean San Frantziskoko 'Basque Cultural Center'en, gaur egun Kaliforniako gobernadoreordea den politikari euskalduna Estatu Batuetako Kongresuko aulki bat lortzeko egiten ari den programaren barne. Ekitaldi publikoa gaur eguerdiko ordubi t'erdietan egingo da South San Frantziskoko Euskal Etxean (Basque Cultural Center, 599 Railroad Avenue). Jakina denez, Garamendik irailaren 1eko primarioak irabazi zituen, baina erabateko gehiengoa lortu gabe. Orain, hautagai demokratak azaroaren 3an izango diren bozetan eserlekua bereganatzea espero du, besteak beste Clinton kanpainako lagun duela. Hitzordua, gaur Basque Cultural Center-en.

Gehiago Irakurri…

EuskalKultura.com-ek deitutako argazki lehiaketak zabalik segitzen du: Aurkeztu itzatzu zeuk egin argazkiak

EuskalKultura.com-ek deitutako argazki lehiaketak zabalik segitzen du: Aurkeztu itzatzu zeuk egin argazkiak

2009/10/05

EuskalKultura.com-ek argazki lehiaketa baterako deia zabaldu zuen joan den uztailean, Diasporarekin edo euskal kulturarekin zerikusia duten gaiez, tartean Euskal Herrian bertan ateratako argazkiak, baina hobetsiz Euskal Herritik kanpo biziarazten den euskal kulturarekin eta Diasporan euskaldunek garatutako ekimenekin zerikusia daukaten gaiak. Hiru sari banatuko dira, irabazleetako bakoitzari Xamar-en 'Euskara Jendea' liburuaren ale bana; parte hartutako gainerako guztien artean liburu beraren beste hiru ale zozketatuko dira, Pamiela argitaletxearen politesia. Originalak bidaltzeko epea abenduaren 1ean Euskal Herriko gaueko 12etan ipini da.

Gehiago Irakurri…

Lopez lehendakariaren aurreneko bidaia ofiziala Europara, harrera ekitaldia eginez Bruselako euskaldunei

Lopez lehendakariaren aurreneko bidaia ofiziala Europara, harrera ekitaldia eginez Bruselako euskaldunei

2009/10/02

Patxi Lopez lehendakariak lehenengo bidaia ofiziala egingo du Europara datorren astelehenean, Bruselara, eta Eskualdeetako Komitearen osoko bilkuran parte hartuko du --euskal presidente batek hala egingo duen lehen aldia izango da--, Durao Barroso Europar Batzordeko presidentearekin eta Joaquin Almunia Europar Komisario bilbotarrarekin bilduko da, eta euskal enpresari talde batekin bilera pribatu bat egingo du, eguna Euskadiko Ordezkaritzan Bruselan bizi den euskal gizataldeari harrera ekitaldi bat eginez amaituko duelarik, euskal europarlamentariak eta bestelako gonbidatu batzuk ere bertan. López lehendakariak Kanpo Harremanetarako Idazkari Nagusi Guillermo Echenique izango du laguntzaile; idazkari nagusiak asteartean, hilaren 6an, Bruselan egingo diren zenbait bileretan parte hartuko du, lehendakaria gabe.

Gehiago Irakurri…