Hemen zaude: Hasiera Albisteak bizi
Eusko Jaurlaritzak 'Lagun Onari' Saria emango die datorren igandean, urriak 25, Mexikoko Estatu Batuei

Eusko Jaurlaritzak 'Lagun Onari' Saria emango die datorren igandean, urriak 25, Mexikoko Estatu Batuei

2009/10/21

Eusko Jaurlaritzak 'Lagun Onari' Saria emango dio datorren igandean Mexikoko Errepublikari, euskaldunak abegikor errezibitzeagatik eta urte askotan, bereziki frankismo garaian, ateak zabalik edukitzeagatik Euskal Herritik ihesean edo bestela zihoazenei. Emate-ekitaldia Ajuria-Enean izango da, Gernikako Autonomi Estatuak egun horretan 30 urte betetzen dituela-eta Lopez Lehendakariak antolatutako hitzorduaren baitan.

Gehiago Irakurri…

Kanpo Ekintzetako berregituraketak AEBetako eta Mexikoko Euskadiko Ordezkaritzek bat egitea ekarriko du

Kanpo Ekintzetako berregituraketak AEBetako eta Mexikoko Euskadiko Ordezkaritzek bat egitea ekarriko du

2009/10/21

Guillermo Echenique Kanpo Harremanetarako idazkari nagusiak joan den astean Eusko Legebiltzarrean iragarritako Euskaiko Ordezkaritzen berregituraketak, AEBetako eta Mexikoko egungo Ordezkaritzek bat egitea ekarriko du, egoitza New Yorken, eta lan-esparrua Kanadara ere zabaldurik. Egungo Mexikoko Ordezkaritzak, beraz, bere izaera hori galdu eta New Yorkeko bulego zentralaren menpeko bulego tekniko gisa jarraituko du. Testuinguru honetan, Mexikoko egungo ordezkariak, Iñaki Ruizek, egunak zenbatuak dauzka karguan, aste gutxi batzuk onenean, berregituraketa gauzatu eta New Yorken egoitza izango duen ordezkari berria izendatu arte.

Gehiago Irakurri…

Emakumeentzako Pilota Txapelketak La Platan eta  Bahia Blancako Euskal Astean, aste honetan eta hurrengoan

Emakumeentzako Pilota Txapelketak La Platan eta Bahia Blancako Euskal Astean, aste honetan eta hurrengoan

2009/10/20

FEVAtik, 'Pilota Berria' programako arduradun den Agustin Asensio Ariñok gogora ekarri du datorren asteburuan, urriaren 23, 24 eta 25ean, Emakumezkoen Nazioarteko Pilota Goma Txapelketa jokatuko dela, Venezuela, Euskadi, Argentina, Australia, AEB eta Uruguaiko pilotariak partaide. Horren ondotik, astebete beranduago eta Bahia Blancan, 2009ko Argentinako Euskal Aste Nazionaleko [urriaren 26tik azaroaren lehenera Buenos Aires probintzia hegomendebaldeko kosta herri horretan] programaren barne, Emakumeentako Pilota Txapelketa berria egingo da, kasu honetan trinketean, urriaren 28tik 31era. Euskal Etxeetako kide eta lagun guztiak, eta oro har zaletu guztiak daude gonbidatuta, sarrera libre eta kitorik.

Gehiago Irakurri…

'Berriketari'ren azken aleak koruen bisitak eta Santiago, Valparaiso eta Concepciongo Euskal Zinea aipagai

'Berriketari'ren azken aleak koruen bisitak eta Santiago, Valparaiso eta Concepciongo Euskal Zinea aipagai

2009/10/20

Plazan da dagoeneko 'Berriketari' euskal-txiletar buletinaren 13. zenbakia, Ignacio Bastarrica eta Maria Angelica Carrasco senar-emazteak arduradun. Azken ale honek --urrian atera izanagatik abuztuko data daramana-- besteak beste biltzen du Punta Arenas-ko Estadio Español-eko Abesbatzak Santiagoko Euzko Etxera eginiko bisitaren berri, bertako Euskal Abesbatza eta 'Itxaropen Gaztea' dantza taldea anfitrioi; aipatzen du abuztu-iraileko Euskal Zine Zikloa, Santiagon, Valparaison eta Concepcion-en gauzatua; eta Vitrofusion izeneko erakusketa, Ana Mary Olazaran euskal-txiletar artista beiralariak prestatua, hori guztia argazki koloredun ugariz hornitua.

Gehiago Irakurri…

Eusko Ikasgaietako Graduondokoan parte hartzeko azkeneko beka osoak geratzen dira Diasporako ikasleentzat

Eusko Ikasgaietako Graduondokoan parte hartzeko azkeneko beka osoak geratzen dira Diasporako ikasleentzat

2009/10/20

Eusko Ikasgaietako Graduondokoa egiteko Eusko Ikaskuntzak Diasporako ikasleentzat bideratutako azkeneko bekak geratzen dira. Euskal kulturaren hainbat alderditan --historia, artea, geografia, etnografia...-- sakondu nahi dutenek aukera paregabea dute Asmoz fundazioak aurten hamargarren urtez eskaintzen duen online ikastaro honekin. Euskal kultura alorrean ezagupen orokor bat jaso eta horren graduondoko titulua Euskal Herriko Unibertsitateak eta Urrutiko Hezkuntzarako Unibertsitate Nazionalak emanik lortu nahi dutenek azkeneko aukera daukate aurtengoz. Epea ia ixtear, ikastaroaren prezioa %100ean ordaintzen duten beka batzuk geratzen dira Diasporatik ikastaroa egin nahi dutenentzat.

Gehiago Irakurri…

Elvira Kortajarena, Euskadiko ordezkaria: 'Bideokonferentziaz izango dugu Patxi Lopez Bahia Blancan'

Elvira Kortajarena, Euskadiko ordezkaria: 'Bideokonferentziaz izango dugu Patxi Lopez Bahia Blancan'

2009/10/19

Estreinatu berria Argentinako Euskadiko Ordezkaritzako buru legez, Elvira Kortajarenak baiezkoa eman zion Federico Borras Alcainek Paraná-tik astero gidatzen duen 'Presencia Vasca' irratsaioak solasteko eginiko gonbiteari. Besteak beste, datorren astean Bahia Blancako Euskal Astean izango dela baieztatu, eta Lopez Lehendakaria ere --kasu honetan bideokonferentziaz-- bertaratuko dela esan zuen. Teknologia berriak ahalbidetuko duten presentzia horretaz gain, fisikoki, Kortajarenaz gain, Kanpoko Euskal Komunitateekiko Harremanetarako Zuzendaritzako ordezkaritza bat ere iragarri zuen Euskal Astean, Julian Celaya zuzendaria, eta Andoni Martin teknikaria partaide.

Gehiago Irakurri…

Arrakastaz ospatu dute Mar del Platan 'Harri Koskorra', ikastolen aldeko bertako haur eta helduen festa

Arrakastaz ospatu dute Mar del Platan 'Harri Koskorra', ikastolen aldeko bertako haur eta helduen festa

2009/10/19

Haur ikasle, ikasleen guraso, irakasle eta, oro har, euskararen lagun talde oso bat izan da Argentinako Mar del Platan 'Harri koskorra' izeneko ikastolen aldeko festa berriko partaide eta bultzatzaile joan den irailaren 26an. Urtean zehar Denak Bat Euskal Etxean euskara eta euskal kulturaz bustitako dantza, asti eta festa programa irudimentsuko parte direnek egun berezi batez gozatu ahal izan zuten antzerkia, joku eta jolasak, power point-ak, euskal kantuak, musika, bestelako sorpresak eta askaria ere osagai izan zituen arratsaldepasa batean, guztia auzolan gisa eratu eta gauzatua, Euskal Etxeko 'Artaburu' talde euskaltzalea antolatzaile.

Gehiago Irakurri…

Segitzen dute Cancun-eko Kultura Etxeko eta Tzolk'in Kultur eta Ekologi Etxeko Euskal Zinema Zikloek

Segitzen dute Cancun-eko Kultura Etxeko eta Tzolk'in Kultur eta Ekologi Etxeko Euskal Zinema Zikloek

2009/10/19

Gaur bertan egingo den emanaldia tarteko aurrera diraute Cancun hiri mexikarreko bi kultura etxetan urriaren amaieraraino eskaintzen ari diren Euskal Zinema Zikloek, astelehenetan Cancungo Kultura Etxean; eta ostiraletan, Tzolk'in Kultura eta Ekologia Etxearen egoitzan. Gaur astelehena, urriak 19, Kultura Etxeak Julio Medem zuzendari donostiarraren 'Behiak' filma emango du; datorren ostiralean, berriz, eta Tzolk'in Kultura Etxean, Nestor Basterretxea eta Fernando Larruquert-en 'Ama Lur' eskainiko da. Segidan, bi egoitza horietan eta hilabetea bukatu arte emango diren izenburu eta datak.

Gehiago Irakurri…

Nerea Gonzalez euskal ordezkaria hautatu dute Concordian Immigranteen Azokako Printzesa

Nerea Gonzalez euskal ordezkaria hautatu dute Concordian Immigranteen Azokako Printzesa

2009/10/18

Euskal Gizataldeko ordezkaria, Nerea Gonzalez Ovcharenko, printzesa hautatu dute joan den asteburuan Argentinako Entre Rios probintziako Concordia herrian egin den Immigrantearen Erregin Probintzialaren Lehiaketan. Erreginaren makila Gizatalde Frantseseko Daiana Ayelén Arletaz Ferreyra ordezkariak bereganatu du, eta berarekin batera hautatu dituzte Nerea Gonzalez, lehenengo printzesa, eta bigarren printzesa, berriz, Siriar-Libanoar Gizataldeko ordezkaria, Guadalupe Solange Pietrantueno Krunfli. Nerea Gonzalezek 17 urte dauzka, bosgarren maila ari da ikasten Concordiako Aingeruetako Amaren Eskolan eta Psikologia nahi du ikasi.

Gehiago Irakurri…

Euskal diaspora aztergai, asteartean hasiko da Arrasaten 'Euskal Herria Mugaz Gaindi' 2009 Mintegia

Euskal diaspora aztergai, asteartean hasiko da Arrasaten 'Euskal Herria Mugaz Gaindi' 2009 Mintegia

2009/10/16

Datorren asteartean hasiko da Gipuzkoako Arrasaten 'Euskal Herria Mugaz Gaindi' (EHMG) Nazioarteko Mintegiaren VI. edizioa. Urriaren 20, 21 eta 22an Arrasateko Kultura Etxea munduan euskal diaspora aztergai hartzen duten ikerlari eta ikaslarien biltoki bilakatuko da, gehienbat Euskal Herriko unibertsitate eta ikasketa guneetatik etorriak, baina baita Ameriketako zenbait herrialdeetatik ere, hala nola Argentina, Uruguai eta Txiletik. Euskal Herriko Unibertsitatea antolatzaile, bertatik adierazi da, bertan egon ezin dutenentzat, mintegi birtual bat ere egongo dela, eta EuskoSare.org-etik segitu ahal izango dela sarean.

Gehiago Irakurri…