Hemen zaude: Hasiera Albisteak bizi
Jaurlaritzak 207.854 euroko diru laguntza banatuko du 5 herrialdetako 85 larritasun kasuren artean

Jaurlaritzak 207.854 euroko diru laguntza banatuko du 5 herrialdetako 85 larritasun kasuren artean

2009/12/29

Eusko Jaurlaritzak atzo eman zuen argitara Agerkari Ofizialean (EHAA) 'atzerrian dauden euskal gizataldeetako partaideak diren eta egoera larrian eta asistentzia faltan dauden pertsonei laguntzeko' 2009ko deialdiko emaitzak. Guztira 85 pertsona edo familia izango dira orotara 207.843 euroko kopurua banatuko duen programa honetako onuradunak, 26 euskal etxe eta bost herrialdetakoak, hala nola Argentina, Txile , Mexiko, Uruguai eta Venezuela.

Gehiago Irakurri…

'Beraiek egin zuten' liburua: Jose C. Paz herriko euskal historia Alvarez Vazquez lantegia medio kontatuta

'Beraiek egin zuten' liburua: Jose C. Paz herriko euskal historia Alvarez Vazquez lantegia medio kontatuta

2009/12/28

Abenduaren 19an aurkeztu da Jose C. Paz-eko Toki Eder Euskal Etxean 'Ellos lo hicieron' (Beraiek egin zuten) liburua. Maria del Pilar Uribeondo y Ruiz idazleak Jose C. Paz-en urtetan funtzionatu zuen Alvarez Vazquez lantegi eta langileen historia kontatzen du liburu honetan. 'Galiziako gizon batek Urbin, Basaurin, eraiki zuen bere lehenengo lantegia eta ekimentsua zenez, beste bi Ameriketan, Montevideon eta Argentinako Jose C. Paz-en. Makina bat euskaldun etorri ziren lantegi honetan lanera; hori dela eta gaur egun euskal jatorria duen jende ugari dago Jose C. Paz hirian, baita San Miguelen eta inguruko beste herri batzuetan ere', azaldu dio liburuaren egileak EuskalKultura.com-i. Oraingoz, 400 aleko tirada egin da eta FEVAk baimena eskatu dio Uribeondo andreari datorren urtean Buenos Airesko Liburu Azokan aurkezteko.

Gehiago Irakurri…

Datorren otsailaren 6an euskal immigrazioari buruzko erakusketa zabalduko da Ellis Island-en (AEB)

Datorren otsailaren 6an euskal immigrazioari buruzko erakusketa zabalduko da Ellis Island-en (AEB)

2009/12/23

New York hiriaren aurrean dagoen uhartetxo bat da Ellis Island, baina 1892tik 1954ra AEBetara bertatik sartu ziren 12 milioi emigrante europarrentzat, bizimodu berri baterako sarrera eta hastapena izan zen [edo 'amerikar ametsa' lortzeko ate itxia beste hainbatentzat, lur amestua ia ikutu arren, eriak eta beste hainbat atzera bota baitzituzten]. Gainerako emigranteentzat bezala, urte horietan New Yorketik legepean emigratu eta estatubaturatu ziren euskaldunentzat ere, euren historiako parte da. Izan ere, bertan gordetzen dira egun euskal-amerikar diren hainbaten aita-ama, aiton-amona edo aurrekoen datuak, noiz sartu eta nondik heldu ziren. Gaur turisten lekua den Ellis Island-en emigrazioaren historiaren euskal zatia islatzen duen erakusketa zabalduko du Boiseko Euskal Museoak, Jaurlaritzarekin lankidetzan, datorren otsailaren 9an, hiru hilabetez, 300.000 bisitari espero dituztela.

Gehiago Irakurri…

Buenos Airesko Denak-Bat Kultur Elkarteak Gabon Kontzertu batez amaituko du trinkoa izan den urtea

Buenos Airesko Denak-Bat Kultur Elkarteak Gabon Kontzertu batez amaituko du trinkoa izan den urtea

2009/12/18

Oso trinkoa eta emaitza artistiko politez betetako urtea amaituko du datorren igandean Buenos Airesko Denak-Bat Kultur Elkarteak. Amaitu ere, kontzertu batekin amaituko du, Ntra. Sra. de Valle delako Parrokian, duela 70 urte Luis Mallea aitaren eskutik Lagun Onak Abesbatzaren sorreraren lekuko izan zen parrokia; aita Francisco Madina bildu zuena, hortxe emango du Eguberri Kontzertua, Denak-Bat Kamerataren eta Domusaindu Abesbatzaren urtealdiari azkena ipiniz. Rodolfo Arizaga, Arcangelo Corelli eta Antonio Vivaldiren obrak eskainiko dituzte.

Gehiago Irakurri…

Txileko Nafar Etxeko dantzariek San Frantzisko Xabier egunean ospatu zuen euren 5. urteurrena

Txileko Nafar Etxeko dantzariek San Frantzisko Xabier egunean ospatu zuen euren 5. urteurrena

2009/12/18

Txileko Nafar Etxeko Dantza Taldeak abenduaren 3a, San Frantzisko Xabier eguna eta Nafarroako Eguna, aukeratu zuen sortu zenetik 5 urte igaro direla ospatzeko. Ospakizuna Santiagoko Estadio Españolean egindako elizkizun batekin hasi zen, José Goyena apaiz tafallarraren eskutik, predikuan San Frantzisko Xabierren urtetako atzerriko lana goraipatuz. Meza bukatzean, Nafar Etxeko Musika eta Dantza taldeek emanaldia eskaini zuten eguna ohoratuz parte hartzen ari zirenentzat.

Gehiago Irakurri…

Villa Mercedesko EEak Gernikako Arbolaren Gunea inauguratuko du igandean hiriko San Martin plazan

Villa Mercedesko EEak Gernikako Arbolaren Gunea inauguratuko du igandean hiriko San Martin plazan

2009/12/18

Villa Mercedesko Euskal Etxeak antolaturik, Gernikako Arbolaren Monumentua deitu izan dutena inauguratuko da datorren igandean hiri puntano honetako San Martin plazan. Egiazki, forjazko burdinez eginiko itxitura artistiko bat inauguratuko da, 2006an Ordiziako Udaleko ordezkariak hemen egon zirenean oparitutako Gernikako Arbolaren kimuaren inguruan ezarri dena, hura zaindu eta babestuagoa egon dadin. Inaugurazio ekitaldean, EEari atxikitako Camerata de la Luna abesbatza arituko da kantari, Ariel Ramirez-en Meza Criolloa kantatuz, besteak beste. Euskal dantzariak ere arituko dira, eta baita perkusio talde bat ere.

Gehiago Irakurri…

Egunkariaren kasua AEBetako Idahora iritsi da eta oihartzuna dauka bertako euskaldunen artean eta prentsan

Egunkariaren kasua AEBetako Idahora iritsi da eta oihartzuna dauka bertako euskaldunen artean eta prentsan

2009/12/16

Idahoko prentsak, eta bertako egunkari nagusia den 'The Idaho Statesman'ek, arreta ipini dio astearte honetan Madrilen Egunkariaren aurka hasia den epaiketari. Izan ere, Egunkariako zuzendaria, Martxelo Otamendi, ibilia da Boisen eta lagunak ere baditu bertan. Aldietako batean, euskal jatorrikoa den Dave Bieter Boiseko alkatearen etxean egin zuen lo. Gure irakurleentzat interesa izan dezakeelakoan, hona ekarri dugu egunkari iparamerikarrak atzo argitara eman zuen artikulua.

Gehiago Irakurri…

Aitor Alava dantzari arabarrak bost urte daramatza Argentinan finkatuta, euskal dantza irakasle

Aitor Alava dantzari arabarrak bost urte daramatza Argentinan finkatuta, euskal dantza irakasle

2009/12/14

Euskal Herriko herriska batean, Arabako Zuhatzan, jaio zen Aitor Alava. Hamaika urterekin eta Aiara Dantza Taldean hasi zen bere lehenengo pausoak ematen euskal dantzen munduan. Oso jarduera txukuna zeraman jaioterrian, talde askorekin egin zuen dantza eta bere lekua hasia zen erdiesten. Baina berak askotan errepikatzen duenez, 'munduak bira asko ematen ditu' eta euskarak Marina, neska argentinar bat ezagutzera eraman zuen. Orain Aitor, Marina eta Maialen, bien alabatxoa, Buenos Airesen bizi dira; baina euskal kulturaren alde, batez ere euskal dantzen alde gogor lan eginez segitzen baitu arabarrak. Euskal etxe askorekin harremanetan, Euskal Echea Institutuan ari da eta bere taldea, 'Ekin Dantzari Taldea', sortu zuen iaz. 'Euskal Herriko zazpi herrialdeetako dantzak ikasiz gure herriko kultura eta nortasuna hobeto ezagutu daiteke', ziurtatzen du Argentinan jadanik bost urte eman dituen Aitorrek.

Gehiago Irakurri…

'Basque Culinary  Center'en lehen harria jarri zuten atzo Donostian, munduan erreferentzia izatea helburu

'Basque Culinary Center'en lehen harria jarri zuten atzo Donostian, munduan erreferentzia izatea helburu

2009/12/10

Abian dira Basque Culinary Center (BCC) eraikitzeko lanak. Donostian egongo da eraikina, Miramongo parkean, eta lehenengo harria jarri zuten atzo Isabel Zelaa Eusko Jaurlaritzako Hezkuntza sailburuak, Cristina Garmendia Espainiako Gobernuko Zientzia eta Berrikuntza ministroak, Josu Zabala Mondragon Unibertsitateko errektoreak, Markel Olano Gipuzkoako ahaldun nagusiak eta Odon Elorza Donostiako alkateak, hainbat sukaldariz inguratuta. Kronika Berria egunkariari dagokio.

Gehiago Irakurri…

Arantzazuko Ama Birjina jargiratu dute Argentinako Ayacuchon, bertako Euskal Odola Euskal Etxean

Arantzazuko Ama Birjina jargiratu dute Argentinako Ayacuchon, bertako Euskal Odola Euskal Etxean

2009/12/10

Arantzazuko Ama, Gipuzkoako zaindaria eta historian zehar Ameriketako hainbat lekuekin lotura zuzena izan duen Ama Birjina, joan den asteartean jargiratu dute Argentinako Ayacucho herriko Euskal Odola Euskal Etxearen egoitzaren baitan. Isidro Legarreta eta Mari Carmen Dindart senar-emazteek iazko ekainean Euskal Herritik ekarritako Arantzazuko Andra Mariaren irudiak toki hautua lortu du, Julio Ibarra zurgin ayacuchotarrak eginik, aurrerantzean kokaleku egokian egon dadin, euren eguneroko euskal jarduna garatzen duten Euskal Etxeko kideen artean.

Gehiago Irakurri…