Hemen zaude: Hasiera Albisteak abisua
A. Martinena, V. Lascurain eta Carmen Maldonado Villegasko Kontaketa Txundigarrien Lehiaketan irabazle

A. Martinena, V. Lascurain eta Carmen Maldonado Villegasko Kontaketa Txundigarrien Lehiaketan irabazle

2009/12/04

Alberto Martinena (Venado Tuerto-koa), eta Maria del Carmen Maldonado y Valeria Lascurrain (General Villegasekoak) izan dira General Villegasko 'Villegasko Euskaldunak' Euskal Etxeak deitutako 'Kontaketa Txundigarrien Literatur Lehiaketa'n irabazle atera direnak. Sariak emateko ekitaldia gaur ostirala, abenduaren 4ean, iluntzeko zortzietatik aurrera egingo da Euskal Etxean. Ekitaldi berean Kimuak saileko lau laburmetraia eskainiko dira, Telmo Esnaol, Anartz Zuazua, Oriana Alcaine eta Alejandra Márquez, eta Nacho Vigalondorenak.

Gehiago Irakurri…

Eusko Ikaskuntzak deitzen duen ENE (Euskararen Nazioarteko Eguna) Saria, NABOrentzat 2009ko edizioan

Eusko Ikaskuntzak deitzen duen ENE (Euskararen Nazioarteko Eguna) Saria, NABOrentzat 2009ko edizioan

2009/12/03

Eusko Ikaskuntzak 2006tik hona urtero deitu duen ENE (Euskararen Nazioarteko Eguna) izeneko saria, NABO (North American Basque Organizations - Ipar Ameriketako Euskal Erakundeak) Estatu Batuak eta Kanadako euskal etxeak biltzen dituen elkarteari egokitu zaio aurten, 2009ko edizioan. Saria urtero ematen du ezagutzera Eusko Ikaskuntzak Abenduaren 3an, Euskararen Nazioarteko Egunean, eta berau errezibitzeko ospearekin batera, ENE izeneko Nestor Basterretxearen estatuatxoa ere badakar. Zorionak, beraz, NABOko lagunei.

Gehiago Irakurri…

Datorren asteleheneraino luzatu da Chascomusen urtarrilean egingo den Udalekuan izena emateko epea

Datorren asteleheneraino luzatu da Chascomusen urtarrilean egingo den Udalekuan izena emateko epea

2009/12/02

Datorren asteleheneraino, abenduaren 7raino, luzatu dute antolatzaileek izena emateko epea. Aukera bakarra da --orain arte lehena-- Argentinan euskal udaleku batean parte hartzeko, antolatzaile eta begiraleak Euskal Herritik etorriak batzuk eta beste batzuk argentinarrak izanik. Udalekuak ohiko kanpamentuetako ezaugarriak dauzka, baina euskal gaien inguruan antolatuta dago, haur eta gaztetxoek batetik ongi pasatu, baina bestetik euskal kulturarekiko ezagutza zabal dezaten. Gaztetxoek 12-16 urte bitartekoak behar dute izan. Udaleku egunak urtarrilaren 4tik 9ra arte dira. Kuota, berriz, 120 pesokoa.

Gehiago Irakurri…

Caracasen 1939an erbesteratutako belaunaldiari asteburuan eginiko Omenaldiaren argazki kronika

Caracasen 1939an erbesteratutako belaunaldiari asteburuan eginiko Omenaldiaren argazki kronika

2009/12/02

Maitasuna, emozioa, etxekotasuna izan dira joan den asteburuan Caracasen, bertara 1939an errefuxiatu iristen hasi zen belaunalditik bizirik geratzen direnei egin zitzaien omenaldiak bildutako osagaiak. Orduan iritsi eta, gogor lan eginez, leku propioa eraiki zuten bertan komunitate batentzat, euskal komunitatearentzat, eta euren seme-alaba eta ondorengoen aurrerabidea prestatu zuten, Euskadi txiki bat sortuz, eta Eusko Etxearekin batera beste egiturak eta baliabideak sortuz, jende eta lotura mundu bat sortuz, familia handi baten antzera. Denborarekin, askok atzera egingo zuten Euskadira, beste batzuk, garai onenak joanda ere, bertan segitzen dute EEa aitzinarazi nahian. Joan den asteburukoa, ongi merezitako eta esker oneko omenaldia izan da, "kuraia, lana, ausardia eta abertzaletasuna" ezaugarri izan zituen "belaunaldi gehienbat euskaldun fededun" harentzat.

Gehiago Irakurri…

Euskadik eta Akitaniak akordioa sinatu dute Bordelen 'euroeskualde' bat sortzeko, 'Nafarroari zabalik'

Euskadik eta Akitaniak akordioa sinatu dute Bordelen 'euroeskualde' bat sortzeko, 'Nafarroari zabalik'

2009/12/01

Alain Rousset Akitaniako presidenteak eta Patxi Lopez Eusko Jaurlaritzako Lehendakariak akordioa sinatu zuten atzo Aquitaniako hiriburuan, Bordelen, poza eta baikortasuna nagusi izan ziren giro batean, aurrerapauso garrantzitsua ematen ari zeneko mezua izan baitzen han-hemenka transmititu nahi izan zuten irudia: 'euroeskualdea ari da sortzen'. Giro baikor horren barnean kokatu zen Bordeleko Eskual Etxeko abesbatzak kantuz egin zuen ekarpena eta baita ere aipatu bi buruzagiek euskal kantu alorrean agertu zuten 'ezagutza', besteak beste Txoriak txori eta Boga-boga bezalako kantuetan bat egin baitzuten abesbatzarekin. Batzuentzat atzokoa ez zen folklorekeria baizik, beste batzuentzat, urrats handia eman zen.

Gehiago Irakurri…

Posadas-ko 'Euskal Jatorri' Euskal Etxeak, Misiones-en, haurrentzako futbol txapelketa antolatu du

Posadas-ko 'Euskal Jatorri' Euskal Etxeak, Misiones-en, haurrentzako futbol txapelketa antolatu du

2009/12/01

Haurrentzako futbol txapelketa bat egin da joan den asteko asteazken eta ostegunean --azaroaren 25 eta 26an-- Misiones probintzia argentinarreko Posadas-en, mutilen artekoa, eta eskola horretako 783 eta 835 zenbakidun eskoletako ikasleen artean. Azterketak medio, 675 zenbakidun eskolakoek ez zuten parte hartu ahal izan. Norgehiagoka bertako Euskal Jatorri Euskal Etxeak-en babespean antolatu zen, euskal elkarte honen helburuen artean kirol mota guztiak sustatzea baitago, euskal etxekoek esanik. Pilotak eta garaikurrak Euskal Etxearen doaitza izan ziren.

Gehiago Irakurri…

AEBetako prentsak artikulua eman du argitara Ysursa bi euskal anaiez, bata demokrata, errepublikanoa bestea

AEBetako prentsak artikulua eman du argitara Ysursa bi euskal anaiez, bata demokrata, errepublikanoa bestea

2009/11/30

'Idaho Statesman' eta AEBetako beste zenbait egunkarik Associated Press agentziako artikulu bat eman zuten argitara joan den ostiralean, John Miller-ek sinatua, bi anaiari buruz, Ben eta Bernard Ysursa, Boiseko (Idaho) euskal familia batean jaioak eta, nahiz eta bat, Ben, errepublikanoa eta Idahoko Estatu idazkaria izan eta bestea, Bernard, demokrata, Obamaren aldekoa eta abokatu ospetsua Illinoisen, biak beste ezeren gainetik lagunak izaten segitzen duten, euren arteko anaiarteko harreman onari eutsiz. Euskaratu egin dugu bi anaia haiei buruzko artikulua, Idahoko euskal komunitatean euskaldun ezaguna den Ramon Ysursaren seme baitira, eta baita ere Boiseko hoteletan lan egin eta bertan semeak segituko zuen euskal ostatu baten jane izan zen Benito Ysursa iurretatarraren eta haren emazte Asuncion-en bilobak. John Ysursa NABOko sustatzaile eta euskaltzale ezagunaren anaiak ere badira Ben eta Bernard Ysursa.

Gehiago Irakurri…

Euskal eta argentinar laburmetraia sorta bat emango du Buenos Airesen Laurak Bat-ek bihartik hasita

Euskal eta argentinar laburmetraia sorta bat emango du Buenos Airesen Laurak Bat-ek bihartik hasita

2009/11/27

Euskal Herrian eta Argentinan filmatu eta ekoiztutako hainbat laburmetraien proiekzioa antolatu du Laurak Bat Euskal Etxeak Buenos Airesen larunbat honetarako eta hurrengorako. Zinemagintza independentea bermatzea eta zabaltzea helburu duen egitasmo honetan, Kimuak saileko zenbait laburmetraia eta Argentinako zinemagile gazte eta berriztatzaileen lanez gozatzeko aukera izango da. Hitzordua, bihar eta datorren asteko larunbatean, Laurak Bat-eko Sebastian Amorrortu Aretoan, sarrera libre eta doainik.

Gehiago Irakurri…

Hitzaldi batekin Nueva Granadako euskal historia gai hartuta bukatuko da Antioquiako urteurren egitaraua

Hitzaldi batekin Nueva Granadako euskal historia gai hartuta bukatuko da Antioquiako urteurren egitaraua

2009/11/26

Hil honen 14an Antioquiako Euskal Gaien Ikasguneak (Centro de Estudios Vascos de Antioquia) bere sorreraren lehenengo bost urteak ospatzeko antolatutako elkarretaratzearen ondotik, hurrengo hitzorduak bihar ostirala, azaroaren 27an, eta bihar zortzi, abenduaren 4ean, izango dira, bi egunotan euskal zinema eta laburmetraiak erakutsiko direlarik, musika eta gastronomia osagaiak ere izango dituen dei batean. Azkenik, datorren asteko larunbatean, abenduaren 5ean, Ikasgunea sortu zuen John Alejandro Ricaurte historialariak hitzaldia eskainiko du, Nueva Granadako Erregeorderriaren Independentzia prozesuan euskaldunek izan zuten partaidetzaz, honekin amaiera ipiniz bosgarren urteurreneko ekitaldiei.

Gehiago Irakurri…