Hemen zaude: Hasiera Albisteak abisua
AEBetan, Boiseko 'Idaho Statesman' egunkariak editoriala eta gogoeta dedikatzen dio Egunkariaren aferari

AEBetan, Boiseko 'Idaho Statesman' egunkariak editoriala eta gogoeta dedikatzen dio Egunkariaren aferari

2009/12/17

Atzo orrialdeotan argitara emandako albiste batean, Egunkariaren auziak Estatu Batuetako Idaho estatuko prentsaren arreta merezi izan duela aipatzen genuen, bertan egunkari nagusia den Idaho Statesman aipatuz. Euskal Komunitate zabala duen Idahon, eta bertako hiriburu Boisen, euskaldun batzuk pertsonalki ezagutzen zuten auzipetutakoetako bat, Martxelo Otamendi, eta epaiketaren hasten zela-eta protestatu nahi izan dute, "gehiegikeria", "hizkuntza eta kultura bati egindako erasoa" eta "adierazpen askatasuna urratzea" bezalako hitzak erabiliz. Egun bat geroago, Idaho Statesman-ek Egunkaria auziari eskaini dio editoriala, adierazpen askatasunaren zinezko garrantzia aipatuz, Egunkaria auziaren harira.

Gehiago Irakurri…

Egunkariaren kasua AEBetako Idahora iritsi da eta oihartzuna dauka bertako euskaldunen artean eta prentsan

Egunkariaren kasua AEBetako Idahora iritsi da eta oihartzuna dauka bertako euskaldunen artean eta prentsan

2009/12/16

Idahoko prentsak, eta bertako egunkari nagusia den 'The Idaho Statesman'ek, arreta ipini dio astearte honetan Madrilen Egunkariaren aurka hasia den epaiketari. Izan ere, Egunkariako zuzendaria, Martxelo Otamendi, ibilia da Boisen eta lagunak ere baditu bertan. Aldietako batean, euskal jatorrikoa den Dave Bieter Boiseko alkatearen etxean egin zuen lo. Gure irakurleentzat interesa izan dezakeelakoan, hona ekarri dugu egunkari iparamerikarrak atzo argitara eman zuen artikulua.

Gehiago Irakurri…

Kantu euskaldun eta txiletarrak Santiagoko Euzko Etxeak antolatutako Musika bidezko Elkarrizketetan

Kantu euskaldun eta txiletarrak Santiagoko Euzko Etxeak antolatutako Musika bidezko Elkarrizketetan

2009/12/15

Santiagoko ‘Euzko Etxea’ Euskal Etxeak aurtengo lehenengo Musika-Tertuliak burutu zituen aurreko urrian. Euskal musikarekin hasiz (Hiru Damatxo kantu tradizionala abestu zen eta Itxaropen Gaztea dantza taldeak emanaldia eskaini zuen) eta kantu txiletarrei omenaldia eginez (Santiago 4 abesbatzaren ikuskizunarekin) ekitaldi arrakastatsua izan zen antolatzaileentzat zein gerturatu zirenentzat. Euzko Etxeko Berriketari albistaria medio eskuratu dugun informazioa eta argazkiak dira honakoak.

Gehiago Irakurri…

Eusko Jaurlaritzak argitaratutako liburu, disko, DVD eta argitalpenak internetez eros daitezke

Eusko Jaurlaritzak argitaratutako liburu, disko, DVD eta argitalpenak internetez eros daitezke

Eusko Jaurlaritzako Argitalpen Zerbitzu Nagusiak online bidezko salmenta sistemaren webgune berria aurkeztu du. Argitalpen katalogoa sarean ipintzearekin pertsona interesatuek, munduko edozein tokitatik eska dezakete informazioa Jaurlaritzak argitaratutako izenburuez. Nahi den liburua aurkitu edo edozein bilaketa egiteko, aski da horretarako ezarri den webgunera jo eta bertan adierazten diren jarraipideei jaramon egitea. Katalogoak bost atal nagusitako produktuak eskaintzen ditu: Kartografia (330 produktu), Soinu-materiala (43 izenburu), Bideo eta DVDak (363 DVD), Liburuak (7080) eta Aldizkariak (333 sarrera).

Gehiago Irakurri…

France 3 telebistak "Euskaldun hitza, Emigrazio istorioak" dokumentala emango du gaur arratsaldez

France 3 telebistak "Euskaldun hitza, Emigrazio istorioak" dokumentala emango du gaur arratsaldez

Euskal Herrian zein Ameriketan grabatu den dokumentalak euskaldunen emigrazioa, eta zehatzago Hazparnekoena (Lapurdi) hartzen ditu aintzat, Beñat Çuburu-Ithorotzek eginiko lanak oinarri. Gaur arratsaldeko 3:55etan pantailaratuko du France 3 Akitaniak. Jatorriz «Parole de Basque, Histoires d’Immigration» izena duen filma honek 52 minutu dauzka eta berau grabatzeko Frantziako telebista kate publiko honetako ekipo bat Ameriketako zenbait herritan ibili zen iaz, immigranteekin eta euren ondorengoekin solastuz eta itsasoz haraindiko euskal historiaren lekukotasunak bilduz. Enrique Colina izan du lanak zuzendari; France 3 Akitaniaren babespean egin da; egileak, Rubí Scrive Alquiler eta Libia Hernández Matos; Jean-François Hautin, ekoizle.

Gehiago Irakurri…

Realeko zaletu talde batek peña realzale berria abiatu du La Platan, 'Argentinako Realzaleak' izenpean

Realeko zaletu talde batek peña realzale berria abiatu du La Platan, 'Argentinako Realzaleak' izenpean

2009/12/11

Argentinako euskal gizataldeko kide talde batek lehenengo urratsa eman du aste honetan La Plata Buenos Aires probintziako hiriburuan, Donostiako Reala futbol taldearen lehenengo peña argentinarra osatzeko. Peña berria ekipoa bere mendeurrena ospatzen ari den urtearen baitan sortu da eta 'Argentinako Realzaleak' hartu du izentzat. Hasi berria izanik ere plazan da dagoeneko eta berezko lekua sortu du Facebook-en, dagoeneko ehun bat lagun bilduz. Ofizialtasuna eta lege nortasuna eman arteko lehenengo fasean Cesar Arrondo hautatu dute sortzaileek koordinatzaile.

Gehiago Irakurri…

Segitzen dute Rosarioko Nafarroako Etxean, Funeseko instalazioetan, nafar dantzarien kirol Olinpiadek

Segitzen dute Rosarioko Nafarroako Etxean, Funeseko instalazioetan, nafar dantzarien kirol Olinpiadek

2009/12/11

Segitzen dute Argentinan, Rosarioko Nafarroako Etxeak ondoko Funes herrian daukan 'Aupa Navarra' izeneko instalazioetan, Argentina eta Txileko Nafarroako Etxeetako Dantzarien Kirol Olinpiadek. Programa asteazkenean hasi zen eta datorren igandean, abenduaren 13an, bukatuko da, Alberto Catalan Nafar Gobernuko Hezkuntza eta Erakundeekiko Harremanetarako kontseilaria eta Gobernuaren eleduna bertan egonik egingo den bazkari eta sari-emate ekitaldiarekin.

Gehiago Irakurri…

Arantzazuko Ama Birjina jargiratu dute Argentinako Ayacuchon, bertako Euskal Odola Euskal Etxean

Arantzazuko Ama Birjina jargiratu dute Argentinako Ayacuchon, bertako Euskal Odola Euskal Etxean

2009/12/10

Arantzazuko Ama, Gipuzkoako zaindaria eta historian zehar Ameriketako hainbat lekuekin lotura zuzena izan duen Ama Birjina, joan den asteartean jargiratu dute Argentinako Ayacucho herriko Euskal Odola Euskal Etxearen egoitzaren baitan. Isidro Legarreta eta Mari Carmen Dindart senar-emazteek iazko ekainean Euskal Herritik ekarritako Arantzazuko Andra Mariaren irudiak toki hautua lortu du, Julio Ibarra zurgin ayacuchotarrak eginik, aurrerantzean kokaleku egokian egon dadin, euren eguneroko euskal jarduna garatzen duten Euskal Etxeko kideen artean.

Gehiago Irakurri…

Corpus Christiko Eusko Etxeak, Misiones probintzia argentinarrean, Olga Leiciaga berretsi du lehendakari

Corpus Christiko Eusko Etxeak, Misiones probintzia argentinarrean, Olga Leiciaga berretsi du lehendakari

2009/12/09

Ohiko Biltzar Orokorra egin du, Argentina iparraldean, Misiones probintziako Corpus Christin, bertako Eusko Etxeak. Elkarteko araudiak zioenari jarraiki, hauteskundeak egin dira bere baitan eta ondorioz Zuzendaritza Batzordea berritu da. Emaitzei dagokienez, Olga Rosa Leiciaga berrautatu dute agintealdi berri batean lehendakari lanetan segi dezan. Berarekin batera hautatu dira batzordekide: Ana Maria Macchi Echagüe, lehendakariorde; Carmen Delia Miranda, diruzain; Ramona Glady Ferragut, diruzainorde; Carlos Alberto Galarza, idazkari; eta Carlos Miguel Leyrias, idazkariorde, beste zenbaiten artean.

Gehiago Irakurri…

Mar del Platako Artaburu Euskara Elkarteak eratutako Euskararen Astea datorren larunbatean bukatuko da

Mar del Platako Artaburu Euskara Elkarteak eratutako Euskararen Astea datorren larunbatean bukatuko da

2009/12/07

Urtero sasoin honetan bezala, Mar del Platako 'Artaburu Euskaltzale Elkartea' euskararen inguruko egitarau batez ari da bukatzen urtea, joan den ostegunean --Euskararen Egunean-- hasirik, datorren larunbatean --abenduak 12--bukatzeko, beti ere Mar del Platako 'Denak Bat' Euskal Etxearen baitan. Ekitaldien artean, lore-eskaintza Gernikako Arbolaren aurrean, Kaperotxipi margolariari buruzko hitzaldia, liburu erakusketa bat, 'Kutsidazu bidea, Ixabel'en emanaldia eta Urte Azkeneko Afaria eta haur eta gaztetxoentzako mitologia tailerrak eta antzezpen bat, Herensugeaz, eta txokolatealdia.

Gehiago Irakurri…