Hemen zaude: Hasiera Albisteak abisua
Urtebete Obama presidente: solasean New Yorken Emilia Doyaga, Itziar Albisu eta Ray Yturrasperekin

Urtebete Obama presidente: solasean New Yorken Emilia Doyaga, Itziar Albisu eta Ray Yturrasperekin

2009/11/26

Deia egunkari bizkaitarrak elkarrizketa emana du argitara duela gutxi, New Yorkeko euskal gizataldeko kide ezagunak diren hiru euskal-amerikarrekin. Nork, Etxeorratzen Hiriko euskaldunen artean ez ditu-eta ezagutzen Emilia Doyaga, Itziar Albisu eta Ray Yturraspe? Esan dezagun, dena den, Emilia Doyaga Brooklynen jaiotako unibertsitate-irakasle erretiratua dela, ama bakiotarra eta aita berriztarra. Itziar Albisu, berriz, donostiarra da, aspaldi newyorkeratua, eta bertakoak ditu seme-alaba nerabeak, egun NYeko Eusko Etxeko lehendakari delarik; Ray Yturraspe, azkenik, Manhattanen jaio zen, gurasoak mundakarrak. Deiako Nuria Ferragutcasas kazetaria eurekin mintzo da euskal etxe newyorktarrean, Barack Obamak agintean 12 hilabete bete behar dituela-eta.

Gehiago Irakurri…

Francisco Avizanda nafarraren estreineko filmeak itxiko du Caracasen 'Zine Vasco'ren bigarren edizioa

Francisco Avizanda nafarraren estreineko filmeak itxiko du Caracasen 'Zine Vasco'ren bigarren edizioa

2009/11/25

'Hoy no se fía, mañana sí' du izena Francisco Avizanda (Izaba, 1955) nafarraren lehenengo luzemetraiak eta horixe izango da hilabete honetan zehar Venezuelako hiriburuan antolatu den 'Zine Vasco' euskal zine erakustaldiaren bigarren edizioa itxiko duen izenburua. Antolatzaileen esanetan, bigarren edizioak bete ditu helburuak, xedea "zazpigarren arte deitua den honetan euskal gauzak (Euskadiko, Nafarroako zein Iparraldeko, diote) islatzen dituzten ekoiztetxe, zuzendari, gidoilari, aktore, leku eta gaien ikuspegia ematea" baita. Gaur arratsaldeko emanaldia arratsaldeko zortzi t'erdietan izango da, Trasnocho Cultural-ean.

Gehiago Irakurri…

New York Times-ek Eder Montero, NYeko 'Txikito' jatetxeko chefa, aditu aipatzen du gaur artikulu batean

New York Times-ek Eder Montero, NYeko 'Txikito' jatetxeko chefa, aditu aipatzen du gaur artikulu batean

2009/11/25

New York Times egunkariak aditu gisa aipatzen du Eder Montero euskal sukaldaria gaurko alean patata tortilari buruz argitara eman duen artikulu batean. Gastronomia alorrean ere erreferentzia den egunkariak Elaine Louie kazetariaren patata omeletari buruzko artikulua kaleratzen du, eta bertan aditu gisa islatzen du New Yorken 'Txikito' jatetxeko sukaldari eta ugazaba den euskal chef honen iritzia tortila on bat nola egin behar den azaltzerakoan.

Gehiago Irakurri…

Nafarroara itzulitako Sandalio Monreal etorkina Nafarroaren Eguneko TV spot-eko protagonista

Nafarroara itzulitako Sandalio Monreal etorkina Nafarroaren Eguneko TV spot-eko protagonista

2009/11/24

Nafarroako Gobernuak 2009ko Nafarroaren Eguneko egitaraua aurkeztu zuen atzo Iruñean. Aurtengoan Gobernuaren web atariaren barnean Abenduaren 3ko ospakizunaz zabaldutako webgune berezitua da nobedade, egun horretako berri eta jakingarriak bildurik eta baita ere karia horretara propio egindako telebista spot-a, bere bizitza ia osoa Argentinan eman duen Sandalio Suberviola emigrante Nafarroara berriz itzulia protagonista. Nafarroako Ereserkiaren orkestra bertsioa ere badakar webguneak, MP3an.

Gehiago Irakurri…

Viedma eta Patagonesko 'Beti Aurrera Aberri Etxea' euskal elkarteak bere 13. urteurrena ospatu zuen atzo

Viedma eta Patagonesko 'Beti Aurrera Aberri Etxea' euskal elkarteak bere 13. urteurrena ospatu zuen atzo

2009/11/23

Viedma eta Carmen de Patagones herri argentinarretako bazkideak biltzen dituen 'Beti Aurrera Aberri Etxea' delako euskal elkarteak bere 13. urteurreneko festa egin zuen atzo Rio Negro Probintziako Banketxeko langileen partzuergoaren Laket Gunean, bere bazkide eta lagunetako ehun bat pertsona bertara bildurik. Elkarretaratzeak zahar, gazte eta haurrak ere batu zituen eta guztientzat garatu ziren ekimenak. Musika, dantza, kantua, kirolak, joko eta jolasak ez ziren batere falta izan, ezta ere alaitasuna, bizitasuna eta umore on eskuzabal eta guztiekin partekatua.

Gehiago Irakurri…

Santa Feko Gure Etxeak Urrundik-eko lagunak gonbidatu zituen Santa Feko Gizataldeen Azokan parte hartzera

Santa Feko Gure Etxeak Urrundik-eko lagunak gonbidatu zituen Santa Feko Gizataldeen Azokan parte hartzera

2009/11/20

Hiriaren 436. urteurrenaren ospakizunen barnean gauzatu da aurten Santa Feko Gizataldeen Azoka. Topaketa, Belgrano Tren Geltokian, berreskuratu berria den aretoan, egin da, inaugurazio ekitaldiak hamar mila bat pertsona bildu dituela, antolatzaileen arabera. Hamabi kolektibitatek hartu zuten parte jai berezi honetan bakoitzak bere musika, dantzak eta janari tipikoak erakutsiz. Santa Feko alkate Mario Barletta eta Kultur Idazkari Damián Rodríguez Kees izan dira ekitaldiko buru eta Udal Bandak eta Abesbatzak jarri diote musika. Azokako XVI. edizio honetan Santa Feko euskaldunek Paranako Urrundik Euskal Etxeko dantzariak gonbidatu dituzte jaialdian parte hartzera.

Gehiago Irakurri…

Durangoko 44. Liburu Azokak, aurten abenduaren 4tik 8ra, Katalunia izango du herrialde gonbidatu

Durangoko 44. Liburu Azokak, aurten abenduaren 4tik 8ra, Katalunia izango du herrialde gonbidatu

2009/11/19

Ikastoletako lehen andereñoek jasoko dute aurtengo Argizaiola saria, eta kultura katalana izango da, berriz, 2009ko edizio honetako kultura gonbidatua. Erakusleei dagokienez, 156 parte-hartzaile bilduko ditu Azokak. Parte-hartzaile kopurua igo den arren, iaz adina erakusmahai izango dira: 292. Liburu berriak, aurten 308 izango dira, iazko 345ak baino 37 gutxiago, beraz. Diskoak, iaz baino bost disko gehiago: 69. Eta aurten leku berezia izango dute kultura katalanak eta bere emaitzek, euskal kulturarekiko eta euskaldunekiko harremana estutu nahiean. Abenduaren 4ean, ostirala, hasi eta 8raino, asteartea, luzatuko da. Iaz baino egun bat gehiago. Garikoitz Goikoetxeak sinatzen du artikulua Berrian.

Gehiago Irakurri…

Euskaltzaindiak 'Etorkinak eta euskara' aztertuko du bihar Bilbon antolatu dituen jardunaldietan

Euskaltzaindiak 'Etorkinak eta euskara' aztertuko du bihar Bilbon antolatu dituen jardunaldietan

2009/11/19

Euskal Akademiaren XIV. Jagon Jardunaldiak egingo dira bihar ostirala Plaza Barriko egoitzan, "Etorkinak eta euskara" gaia ikusmira ezberdin askotatik aztertuz. Joaquim Dolz, Genevako Unibertsitateko irakaslea bertara gerturatuko da gaian sakontzen duen 'hitzaldi mamitsua' eskaintzeko asmoz. Sustapen Batzordeak antolatu dituen jardunaldi hauetan, Unesco Etxea eta Deustuko Unibertsitateko Euskal Gaien Institutua laguntzaile izan ditu Euskaltzaindiak.

Gehiago Irakurri…

Rodrigo Gartzia, Azkue Fundazioa: "Kontaktuan gaude Diasporan bizi diren euskaldun eta bizkaitarrekin"

Rodrigo Gartzia, Azkue Fundazioa: "Kontaktuan gaude Diasporan bizi diren euskaldun eta bizkaitarrekin"

2009/11/18

Jende gazteari zuzenduz eta teknologia berriak modu ireki, parte-hartzaile eta bizian erabiliz, interneten euskararen presentzia indartzea da Azkue Fundazioaren xedea. Bizkaiko Foru Aldundiaren euskara arloko proiektu garrantzitsua da. Zuzendari duen Rodrigo Gartzia Azurmendik, Diasporako euskaldunak ere kontuan hartu dituztela eta proiektuak beraiekin lotzeko aukera aztertu duela adierazi dio Euskalkultura.com-i. Azkue Fundazioa azaroaren 4ean aurkeztu zen ofizialki, Euskaldunako foyer-ean.

Gehiago Irakurri…

Buenos Aireseko Eusketxek bi bidaia zozketatzen ditu Euskal Herrira: lagundu, agian bidaiatzeko

Buenos Aireseko Eusketxek bi bidaia zozketatzen ditu Euskal Herrira: lagundu, agian bidaiatzeko

2009/11/17

Euskal Herria ezagutzea gustatuko litzaizuke? Buenos Airesko 'Eusketxe' Eusko Kultur Etxeak aurten ere 200 bonu salduko dituela adierazi du, bildutako diruarekin programatutako ekitaldiei eta Etxeko mantenimenduari eutsi ahal izateko. Bono hauetako bakoitzarekin, Euskal Herrira egingo diren bi bidaien zozketan parte hartzen da, edo nahi izanez gero joan-etorriak balioko lukeen ordainaren zozketan. Laguntzeko modu bikaina, sari bikain bat eskuratzeko aukerarekin, gainera.

Gehiago Irakurri…