A B C D E F G H I J K L M N O P R S T U V Z


armiarma

C

 

BIRIGARRO ERRALDOIAK
      (1994)

POESIA FIKZIOA DA
(BAITA ZERA ERE)

      (2001)

BASQUIAT
      (2001)

  literaturaren zubitegia  

 

 


Hasierako orrialdera

 

 

ERRESUMARIK ZABALENA

        Harkaitz Cano, 1994

 

 

Bizitza da erresumarik zabalena

diote oroiminean leize bat irekiz

zaldien begietako hiztegiek

Bizitza da erresumarik zabalena

erromes oro galdurik bere menditarteetan

 

nola galdurik itsasoaren bularretara ekia

nola galdurik agonia zure hitzen kariari

 

Bizitza da erresumarik zabalena

udazkenaren hondar abandonatuetan

gezurraren sonata gosetiak

bere melodia erorkor eta luzeaz

arima hilkorren zingirak arakatzean ere

gregorianozko murru higatuetan

armiarma gotikoak dabiltzanean ere

alabastroak iragazitako argitan

bizitza da erresumarik zabalena

 

Bizitza da erresumarik zabalena

hosto bakoitza erredura bat gehiago ezpainetan

orratz bat tenk jaioberrien bihotzetan

eskalez mozorroturik mozkorturik zekalez

sekula zoriontsu izan ez direnen

espaloiaren alde hartan

Bizitza da erresumarik zabalena

baina niri ez dit deusik erakutsi

soilik isilik jarraitzen gibeletik

denboraren zakur herrenari

 

Bizitza da erresumarik zabalena

eta nik

nik besoak baino ezin zabaldu

 

© Harkaitz Cano    

anonimoak

 

mendeak
15
16
17
18
19
20
21

 

poemen
aurkibide
alfabetikoa