dic ENE feb 7 2009 2010 2011 1 capturas 7 ene 10 - 7 ene 10

Cerrar Ayuda

HAUSNARTU - EUSKAL SOZIOLINGUISTIKA SARIAK

II. HAUSNARTU - EUSKAL SOZIOLINGUISTIKA 2009ko SARIAK

ERABAKITA

HAUSNARTU, EUSKAL SOZIOLINGUISTIKA SARIEN bigarren edizioa burutu da.

Lehiaketaren helburu nagusia euskal soziolinguistika teorikoaren eta metodologikoaren garapena eta berrikuntza da. Asmoa da euskal soziolinguistikarekin harreman zuzena duten ikerlarien lana bultzatzea, eta beste hainbat ikerlari ere euskal soziolinguistikaren eremura biltzea, modu horretan hizkuntzaren eta soziolinguistikaren inguruko ikerketen oinarri teorikoak zabaldu eta aberastuko baitira.

Aurkezturiko lanak saritzeko orduan epai-mahaiak deialdian ezarrita zeuden irizpideak kontuan hartu ditu, bereziki, euskal soziolinguistikarentzat berritzailea izatea, eta, neurri batean, euskal eremuan aplikagarria izatea.

Epai-mahaiaren bilera 2009ko abenduaren 18an izan zen, eta bertan parte hartu zuten honako kideek:

• Pello Jauregi, Pedagogiako irakaslea HUHEZI Fakultatea, Mondragon Unibertsitatea
• Iñaki Martinez de Luna, EHUko irakaslea, BAT Soziolinguistika aldizkariko argitalpen batzordea
• Estibalitz Alkorta, Gipuzkoako Foru Aldundiko Euskara Zuzendaria.
• Igor Calzada, Eusko Jaurlaritzako Hizkuntza Politikarako Koordinaziorako Zuzendaria

Hartutako erabakiaren arabera honako lanak saritu ziren:

• Lehen saria, 1.000 €.

  Argiak eta itzalak euskararen lurraldean. Euskararen etxean, gazi-gozo. Dabid Anaut

• Bigarren saria, 700 €.

  Teoria ekonomikoaren ekarpenak soziolinguistika alorrean. Jose M. Zendoia Sainz

• Hirugarren saria, 500 €.

  Hizkuntza-plangintzekiko errsistentziak organizazioetan. Urtzi Barrenetxea Iparragirre

Epaia-maiako kideen irtziz, Dabid Anauten Argiak eta itzalak euskararen lurraldean. Euskararen etxean, gazi-gozo lana behaketa zorrotzetik sortutakoa saiakera da, eta behaketa horretatik hipotesiak planteatzen dira, ideiak ematen. Soziolinguistika arloan normalean entzuten ez den ahots bat ageri da, ahots iradokitzailea.

Etnografian oinarrituriko lan honek beste ikerketarako abiapuntu ugari ere iradokitzen ditu. Gainera, idazkera oso landua baina aldi berean oso gertukoa du; zientzia gertuko egiten duela esan daiteke.

HAUSNARTU EUSKAL SOZIOLINGUISTIKA SARI-BANAKETA 2010eko otsailaren 26an burutuko da, Soziolinguistika Klusterrak antolatzen duen Euskal Soziolinguistika III. Jardunaldian.

2009ko DEIALDIA

2009ko SARIAK

 

II. HAUSNARTU - EUSKAL SOZIOLINGUISTIKA SARIAK

DEIALDIA

 

	Euskal soziolinguistika teoriko edota metodologikoaren inguruko lanak sarituko dira.
	Beste ezagutza-esparruetatik ere abia daitezke lanak: zuzenbide, soziologia, ekonomia, psikologia, historia, geografia, gizarte psikologia, antropologia edo beste adar zientifikoetatik abiatuz, euskal soziolinguistikaren eremura egokituak izan daitezke.

SARIAK	Lehen saria: 1.000 € Bigarren saria: 700 € Hirugarren saria: 500 €
LANAK BIDALTZEKO EPEA	2009ko AZAROAREN 15A

NORA	kluster@soziolinguistika.org hausnartu@soziolinguistika.org

 

 

OINARRIAK:

 

EDUKIA	Euskal soziolinguistika teoriko edota metodologikoaren garapena eta berrikuntza.
	Euskararen gaineko garapen teorikoak edota metodologikoak
	Euskaratik kanpo landutako garapenetik abiatuta gure hizkuntzaren egoera aztertzeko eta ulertzeko egokitzapenak
	Lan teorikoak - teorien aplikazioa - ikerketa aplikatuen ildo berriak.
	Aurretik argitaratu gabeak.
	Oinarri zientifiko sendoa izango dute.A
	Soziolinguistikatik, soziologiatik, hizkuntzalaritzatik antropologiatik, historiatik, abiatuta…
EGILEA	Bakarra edo lantalde bat aurkeztu ahal izango da.
FORMATOA	Word formatuan bidaliko dira eta irudiak ere izan ditzakete.
LUZERA	Lehiaketak ez dio lanaren luzerari mugarik jarri. Nolanahi ere, gehienez 30 000 karaktere (hutsunerik gabe) dituen laburpena leharaziko du egileak, jatorrizko lana muga hori baino luzeagoa bada.
EPAI-MAHAIA	Soziolinguistikan adituak biltzen dituen lantalde batek ebaluatuko ditu jasotako lanak. Epaimahaia osatuko duten kideak honako hauek izango dira: Eusko Jaurlaritzako Hizkuntza Politikarako Sailburuordetzako ordezkaria Gipuzkoako Foru Aldundiko ordezkaria BAT Soziolinguistika Aldizkariko ordezkaria Soziolinguistika Klusterreko kidea Euskal soziolinguistikan aditua den beste pertsona batek ordezka dezake aurreko mahaikideren bat, egoki ikusiz gero.
ZABALPENA	Lan hoberenak BAT aldizkariaren berariaz prestaturiko ale berezian argitaratuko dira.
DATUAK	Egile guztien izena eta bi deitura
	Helbide postala zein elektronikoa
	Telefono-zenbakia
	Lanbidea: Irakaslea, ikaslea, euskararen gaietan profesionala, euskaltzalea e.a.
	Lantokia, hala badagokio: Unibertsitatea, Fakultatea, e.a.

 

*Eusko Jaurlaritzako Hizkuntza Politikarako Sailburuordetzaren eta Gipuzkoako Foru Aldundiaren laguntzarekin buruturiko egitasmoa

Informazio gehiago:

Belen Uranga

Soziolinguistika Klusterra

 

 

 

2009ko OINARRIAK

 

 

 

 

2009ko HAUSNARTU - EUSKAL SOZIOLINGUISTIKA SARIAK

 

OINARRIAK

 

1. EDUKIA	Euskal soziolinguistika teoriko edota metodologikoaren garapena eta berrikuntza.
	Euskararen gaineko garapen teorikoak edota metodologikoak
	Euskaratik kanpo landutako garapenetik abiatuta gure hizkuntzaren egoera aztertzeko eta ulertzeko egokitzapenak
	Lan teorikoak - teorien aplikazioa - ikerketa aplikatuen ildo berriak.
	Aurretik argitaratu gabeak.
	Oinarri zientifiko sendoa izango dute.
	Soziolinguistikatik, soziologiatik, hizkuntzalaritzatik antropologiatik, historiatik, abiatuta…
2. EGILEA	Bakarra edo lantalde bat aurkeztu ahal izango da.
3. FORMATUA	Word formatuan bidaliko dira eta irudiak ere izan ditzakete.
4. LUZERA	Lehiaketak ez dio lanaren luzerari mugarik jarri. Nolanahi ere, gehienez 30.000 karaktere (hutsunerik gabe) dituen laburpena leharaziko du egileak, jatorrizko lana muga hori baino luzeagoa bada.
5. EPAI-MAHAIA	Soziolinguistikan adituak biltzen dituen lantalde batek ebaluatuko ditu jasotako lanak. Epaimahaia osatuko duten kideak honako hauek izango dira: Eusko Jaurlaritzako Hizkuntza Politikarako Sailburuordetzako ordezkaria Gipuzkoako Foru Aldundiko ordezkaria BAT Soziolinguistika Aldizkariko ordezkaria Soziolinguistika Klusterreko kidea Euskal soziolinguistikan aditua den beste pertsona batek ordezka dezake aurreko mahaikideren bat, egoki ikusiz gero.
6. SARIAK	Lehen saria: 1.000 € Bigarren saria: 700 € Hirugarren saria: 500 €
7. ZABALPENA	Lan hoberenak BAT aldizkariaren berariaz prestaturiko ale berezian argitaratuko dira.
8. EPEA	2009ko AZAROAREN 15a
9. NORA	hausnartu@soziolinguistika.org
10. DATUAK	Egile guztien izena eta bi deitura
	Helbide postala zein elektronikoa
	Telefono-zenbakia
	Lanbidea: Irakaslea, ikaslea, euskararen gaietan profesionala, euskaltzalea e.a.
	Lantokia, hala badagokio: Unibertsitatea, Fakultatea, e.a.

2008ko HAUSNARTU EUSKAL SOZIOLINGUISTIKA SARIAK

HAUSNARTU, EUSKAL SOZIOLINGUISTIKA SARIAK

Fermin Lazkano eta Jone Miren Hernandez sari jaso berriekin



 

HAUSNARTU, EUSKAL SOZIOLINGUISTIKA SARIAK banatu dira abenduaren 3an Euskararen Nazioarteko Eguna ospatuz, Martin Ugalde Kultur Parkean buruturiko ekitaldian. Bertan ziren Pello Jauregi irakaslea eta Estibaliz Alkorta Gipuzkoako Foru Aldundiko Euskara Zuzendaria epai-mahai kideak, eta Soziolinguistika Klusterreko zuzendari Aizpea Otaegi. Lehiaketa Soziolinguistika Klusterrak antolatu du Gipuzkoako Foru Aldundiaren laguntzarekin.

Lehiaketaren helburu nagusia euskal soziolinguistika teorikoaren eta metodologikoaren garapena eta berrikuntza da. Asmoa da euskal soziolinguistikarekin harreman zuzena duten ikerlarien lana bultzatzea, eta beste hainbat ikerlari ere euskal soziolinguistikaren eremura biltzea, modu horretan hizkuntzaren eta soziolinguistikaren inguruko ikerketen oinarri teorikoak zabaldu eta aberastuko baitira.

Aurkezturiko lanak saritzeko orduan epai-mahaiak deialdian ezarrita zeuden irizpideak kontuan hartu ditu, bereziki, euskal soziolinguistikarentzat berritzailea izatea, eta, neurri batean, euskal eremuan aplikagarria izatea.

Epai-mahaia osatu duten kideak Iñaki Martinez de Luna, EHUko irakaslea eta BAT Soziolinguistika aldizkariaren argitalpen batzordekoa, Pello Jauregi, EHUko irakaslea eta Estibaliz Alkorta, Gipuzkoako Foru Aldundiko Euskara Zuzendaria.

• Irizpide horiei jarraiki lehen saria hutsik uztea erabaki du epai-mahaiak bere iritziz, jasotako lanek alderdi oso interesgarriak dituzten arren ez baitute bete-betean erantzun soziolinguistikaren ikuspegitik ekarpen berritzaile izate eskakizunari. Hala ere, aurkezturiko lanen interesa azpimarratu nahi izan dute.
• Bigarren saria Erabilera ala ezagutza sustatzeko politikak? Erabilera neurketak oinarri, politikak erabakitzeko metodo bat izeneko lanari eman zaio. Lanaren egilea Fermin Lazkano izan da.
• Hirugarren saria Euskara birpentsatu beharra. Ekarpen batzuk antropologiatik, Jone M. Hernández-ek jaso du.
• Laugarren saria Eunate Irazabalek eginiko Emakumea eta euskal irakaskuntza lanari eman zaio, eta
• Bosgarren saria Castillo Suarez-en lanari eman zaio Nafarroako toki administrazioetako euskararen normalizazioan eragiteko oinarriak lanarengatik.

Saritutako lan guztiak BAT Soziolinguistika Aldizkariaren 69. zenbakian argitaratuko dira urtea amaitu baino lehen.