Soziolinguistikaz berripaperaren 17. zenbakia /2007ko azaroa
Soziolinguistikaz berripapera word formatoan jaitsi nahi baduzu,
sakatu hemen
AGENDA
Kultura eta hiritartasuna mugaz gaindiko kooperazioan
Herrialde mugakideen arteko hirugarren mintegia abenduaren 13an Donostian eta 14an Baionan izango da. Topaketa honen gaia: Kultura eta hiritartasuna mugaz gaindiko kooperazioan. (www.interform-eu.org)
Informazio gehiago:
http://www.interform-eu.org/actualite.php
Herri-hizkeraren II. jardunaldia Ondarroan
Herri-hizkeraren II. jardunaldia antolatu dute Ondarroan, azaroaren 30erako, planteamendu honetatik helduta: herri-hizkeraren ekarpenak eta praktika onak. (www.sustatu.com)
Informazio gehiago: http://www.sustatu.com/1193836222?utm_source=newsletter&utm_medium=email
E2i: Euskara Elkarteak Ibilian
Hamargarren urteurrenaren aitzakiarekin, Euskara Elkarteen etorkizuna, oraina eta, batez ere, etorkizuna aztertu nahi du "Topaguneak":http://www.topagunea.org, Euskara Elkarteen Federazioak. Horretarako, "E2i: Euskara Elkarteak Ibilian":http://www.e2ibilian.org jardunaldiak antolatu ditu. Donostiako Miramon Teknologia Parkean izango dira, azaroaren 23an. (www.sustatu.com)
Informazio gehiago: http://www.sustatu.com/1193393246?utm_source=newsletter&utm_medium=email
Hizkuntza eta kultura topaketak Kanbon
2007ko azaroaren 7tik 10era, hamabigarren "Hizkuntza eta kultura topaketak" iragan dira Kanbon. Tokiko hizkuntza ezberdinen hitzordu nagusia da eta Eskualde, Estatu eta Europa mailako hizkuntza politikari zuzenduak dira. Euskal Kulturaren aldeko Herriarteko Sindikata, Euskal Kultur Erakundea, Euskararen Erakunde Publikoa eta Euskal Konfederazioa antolatzaile lanetan aritu dira.
Topaketa honetan besteak beste, Erramun Baxokek azken inkesta soziolinguistikoa eta Frantziako INSEE erakundeak Frantziar Estatuko hizkuntza gutxituen inguruan egindako azterketa aurkeztu zuen. Adierazi zuenez, erosio tasa –transmisioaren galera– handia da hizkuntza guztietan. Euskararen kasuan, adibidez, %58koa da. Bestalde, Ipar Euskal Herrian 62.773 lagunek ezagutzen eta erabiltzen dute euskara.
Informazio gehiago: http://www.eke.org/albisteak/1192525073
Hameko berbe ikisi gure d(og)u
Uribe Kostako bizkaiera lantzeko ikastaro aitzindaria. Teoria eta praktika uztartuta eskualdeko euskarak entzun eta praktikatuko dira. (www.sustatu.com)
Informazio gehiago: http://www.sustatu.com/1190917893?utm_source=newsletter&utm_medium=email
Koldo Mitxelena Katedraren II. Biltzarra
Urrian zehar, Koldo Mitxelena Katedraren II. Biltzarra izan da, Koldo Mitxelenaren heriotzaren 30. urteurrenarekin.
Biltzarrean bederatzi unibertsitate eta ikergunetako ikertzaileek parte hartu dute, Mitxelenak bereziki landu zituen ondoko bost iker-lerro hauen inguruan jarduteko:
1. Euskararen historiaurrea: konparaketa eta berreraiketa.
2. Euskararen historia eta filologia.
3. Dialektologia historikoa.
4. Linguistika sinkronikoa.
5. Lexikografia (sinkronikoa eta diakronikoa).
Informazio gehiago: http://www.sustatu.com/1191686503?utm_source=newsletter&utm_medium=email
Zer egin hizkuntza gutxituak biziraun dezaten ( David Crystal)
Unesco Etxeak eta Munduko Hizkuntza Ondareari buruzko Unesco katedrak (UPV-EHU) David Crystal idazle eta irakasleak eman duen “How to keep minority languages alive” (Zer egin hizkuntza gutxituak biziraun dezaten) hitzaldia antolatu zuen irailaren 24ean Bilbon. David Crystal, hizkuntzalaritza arloan aditua eta ezaguna da nazioartean. Bere lanaren eragina esparru honetan handia da, eta baita hizkuntzen galtze-arriskuaren aurrean egindako sentsibilizazioan ere.
Informazio gehiago: http://www.unescoeh.org/base/berriak.php?hizk=eu&id_atala=1&id_azpiatala=1&zer=orokorrean&nor=263
EKIMENAK ETA KANPAINAK:
Esperientziak sistematizatzen: enpresetako euskara-planak
Egindako lanetik etengabe ikasteko asmoarekin, esperientzien sistematizaziorako egitasmo batean hartu du parte Elhuyar Aholkularitzak Euskal Herriko, Valentziako, Costa Ricako eta Kolonbiako beste erakunde batzuekin batera. Egitasmo honek "Euskara Planak: nondik gatoz, non gaude eta nora goaz" argitalpena ekarri du. (www.sustatu.com)
Informazio gehiago: http://www.sustatu.com/1192623716?utm_source=newsletter&utm_medium=email
Hizkuntza normalizazioa eta motibazioa: jardunaldiaren zuzeneko jarraipena
Emun-ek bere X. urteurrena ospatu du urrian zehar eta Hizkuntza normalizazioa eta motibazioa jardunaldi teknikoa egin du Arantzazuko Gandiaga Topagunean. Jardunaldi horren zuzeneko jarraipena Lantalan webgunean aurkituko duzu. (www.sustatu.com)
Informazio gehiago: http://www.emun.com
412 enpresak adierazi dute Lanhitz egitasmoan parte hartzeko interesa
Lan munduan euskararen erabilera areagotzeko helburuarekin Eusko Jaurlaritza Lanhitz programaren bitartez 1.646 enpresarekin jarri da harremanetan eta horietatik 412k Lanhitz programan parte hartzeko interesa azaldu dute. (www.erabili.com)
Informazio gehiago: http://www.erabili.com/zer_berri/berriak/1191995441
TELP-eko adituak Hizneteko ikasturte hasierako aurkezpen ekitaldian
Hiznet ikastaro hasierako aurkezpen ekitaldian Ferran Suay, Valentziako Unibertsitateko Psikologia Fakultateko irakaslea, izan zen gonbidatu berezi gisa. (www.sustatu.com)
Informazio gehiago: http://www.sustatu.com/1190793585?utm_source=newsletter&utm_medium=ema
'Pixka bat es mucho' kanpainak euskaraz hitz egitera bultzatu nahi ditu herritarrak
Patxi Baztarrika Hizkuntza Politikarako sailburuordeak Pixka bat es mucho kanpaina aurkeztu zuen Donostian. Euskara ezagutu arren, hitz egitera ausartzen ez diren herritarrek urrats hori eman dezaten lortzea da kanpainaren helburua. Horretarako Ukan izeneko birusaren laguntza izango dute kanpainaren sustatzaileek. Hainbat komunikabide eta ekitaldi publikotan izango da Ukan, euskararen erabilera "kutsatzeko". (www.argia.com)
Informazio gehiago: http://www.pixkabatesmucho.net
Sakelakoek ere euskaraz egiteko konpromisoak
Eusko Jaurlaritzak -Kultura Saileko Hizkuntza Politikarako Sailburuordetzaren bitartez- eta telefonia operadore nahiz fabrikatzaile nagusiek lankidetzarako bi hitzarmen marko sinatu zituzten 07-10-16-an Bilboko Euskalduna Jauregian egindako ekitaldian. Hitzarmen hauen helburua telefonia mugikorraren arloan euskararen erabilerari ateak luze-zabal irekitzea da. (www.erabili.com)
Informazio gehiago: ://www.erabili.com/zer_berri/berriak/1192543096
Osasun arloan euskara osatzeko lankidetza hitzarmena
Helduen Alfabetatze eta berreuskalduntzerako Erakundeak (HABE) eta Matia Gerontologia Institutuak (INGEMA) Osatuz proiektua zabaltzeko lankidetza hitzarmena sinatu dute. (www.erabili.com)
Informazio gehiago: http://www.erabili.com/zer_berri/berriak/1191392259
40 milioi euro inbertituko dira Justizia arloko funtzionarioek euskara ikas dezaten
Joseba Azkarraga Eusko Jaurlaritzako Justizia sailburuak jakinarazi duenez, Justizia Administrazioko langileen erdia inguru gai da euskaraz lan egiteko. Kopuru hori hamar urte barru %60-65ekoa izatea nahi dutela gaineratu du, eta hori lortzeko euskalduntze plana jarriko dutela abian. Justizia arloko funtzionarioen euskalduntze prozesurako 40 milioi euro bideratuko dituzte. (www.argia.com)
IKERKETAK ETA AZTERKETA LANAK:
Inkesta soziolinguistikoek eremuen hizkuntza banaketa gezurtatzen dute
Ikerlari baten azterlanak frogatu du Nafarroa ia osoan euskara berreskuratzen ari dela.
Euskararen egoera Nafarroako gizarteak berak uste duen baino hobea da gaur egun, haur eta gazteen eskolatze kopuruek erakusten dutelako adin horietakoen euskalduntzeak aise gainditzen duela aurreko belaunaldiena. Eta, ia inguru guztietan, datuak hobetu egingo direlako datozen urteetan. Hori ondorioztatu du Miquel Gros i Llados ikerlariak, La recuperación del euskara en Navarra (Euskararen berreskuratzea Nafarroan) izeneko azterlanaren bidez.
(www.berria.info)
Informazio gehiago: http://www.argia.com/albistea.php?id=29693
Nafarroan 20.000 ikasle baino gehiago ariko dira D ereduan
Nafarroako Gobernuak emandako datuen arabera, 90.403 gaztek ikasiko dute 2007-2008 ikasturtean Nafarroako ikastetxeetan. Horietatik 2.083k (%23,6) hautatu dute D eredua. Ehuneko horrek puntu batez egin du behera, baina haur hezkuntzan adibidez, kopuruak gora egin du. Ikasleen %28 matrikulatu dira euskarazko ereduan. Oro har, G eredua da nagusi (%56,1). (www.argia.com) Informazio gehiago: http://www.sustatu.com/1184150362
Lanbide Heziketako hiru irakasletatik bat erdaraz
Hizkuntz Eskubideen Behatokiak Euskal Autonomi Erkidegoan onartu berri den lan deialdiaren azterketa egin du. Deialdi horretan 614 lanpostu eskaintzen dira Derrigorrezko Bigarren Hezkuntzan, Lanbide Heziketan eta Hizkuntza Eskolan. Lan deialdi horrek izango dituen ondorioak nabarmendu dituzte Behatokiko arduradunek: “Lanbide Heziketako hiru irakasletatik batek ez du klaseak euskaraz emateko gaitasunik izan behar”. (www.sustatu.com)
Informazio gehiago: http://www.sustatu.com/1192694621?utm_source=newsletter&utm_medium=email
SOZIOLINGUISTIKA KLUSTERRA
BAT soziolinguistika aldizkaria
Hurrengo zenbakia (64):
Dosierra: - Euskal Herriko V. Euskararen kale neurketa
Azken zenbakia (63): Dosierra:
- - Euskararen erabilera eskola-orduz kanpo
erabilera, Kontxesi Berriotxoa.
Helena baraibar, Kristina Boan .
Oihana Lujanbio .
diagnosia eta balorazioa, Patri Arburua, Anabel Armendariz.
indartu, Mikel Egibar, Aitor Esnaola.
Jauregi.
begiratuta, Estepan Plazaola.
Jaime Altuna.
Harremanetarako: kluster@soziolinguistika.org
Kale Erabileraren Neurketa: BAT aldizkari monografikoaren
eta emaitzen aurkezpena
Azaroaren 30ean V. Kale Neurketaren emaitzak kaleratuko ditugu. Ikerketa honek
17 urteko ibilbidea du dagoeneko, eta euskararen erabilera du aztergai. Euskal
Herri mailako datuak izango ditugu, lurraldez lurralde eta hainbat aldagaien
arabera. “Zenbat erabiltzen da euskara kalean?”, galdera horixe da, bere horretan,
hemen aurkezten den ikerketa motibatu duena. Galdera horri erantzun nahiak
eraman gintuen kale-erabilera neurtzen hastera, eta halaber ekarri gaitu,
neurraldiz neurraldi, honako honetara.
Euskararen Normalizazio Kasu Aurreratuak
Lehen bi "Euskararen Normalizazio Kasu Aurreratuak" abenduan izango dira kalean.
Beraien aurkezpen ekitaldia abenduaren 14an izango da, Andoaingo Martin Ugalde
Kultur Parkean. "Euskararen Normalizazio Kasu Aurreratuak" proiektua labur
azalduz: Ezagutzaren Clusterrak egindako "Kudeaketa Aurreratuko Enpresak"
koadernoak eredu hartu eta soziolinguistika arlora egokitu ditugu. Beraz,
kudeaketan eredugarri diren kasuak aztertu ordez, euskararen normalizazioan
eredugarri direnak hartu ditugu kontuan gurean. Aurten landu ditugunak ELAY
eta EIKA enpresak dira. Argitalpen laburrak dira (10 bat orri, gehi gaztelania
eta frantseserako itzulpenak) eta irakurterrazak izateko asmoarekin egin dira
Informazio gehiago: oihana@soziolinguistika.org
Soziolinguistika klusterreko bazkideen berripapera
argitaratu da
Soziolinguistika Klusterraren bazkideentzako berripaperaren lehen zenbakia
argitaratu da. Berripaper elektroniko honen bidez SL Klusterraren barne-komunikazioa
sendotu nahi dugu, soziolinguistikaren inguruko berri eta jakingarri interesgarrienak
bazkideen eskura jarriz.
ARGITALPENAK:
Hizkuntzaren iraultza (David Crystal)
Obra honek egungo hizkuntz panorama funtsean aldatu duten hiru joera nagusiak
biltzen ditu: ingelesaren agerpena hizkuntz global gisa, desagertzear dauden
hizkuntzek bizi duten krisia eta interneten eragina hizkuntzaren erabilera
berrietan.
Informazio gehiago:
http://www.erein.com/liburuak/libHizkuntzareniraultza.htm
Recuperación del euskera en Navarra : un estudio
sociolingüístico sobre la evolución del euskera en el último cuarto del siglo
XX
Lan honek, euskarak Nafarroan izan duen bilakaera positiboa erakutsi, eta
izan dezakeen bilakaera irudikatzen du. Horretarako azken lau populazio erroldak
(1986tik 2001 arte) oinarri gisa hartzen ditu. Eboluzioa hobeto azaltzeko,
irizpide geografiko eta historikoak ardatz harturik, Nafarroaren eskualdeen
azterketa bat proposatzen du, dauden berrogeita lauen ikerketa zehatza eginez.
Lana, azken ondorio batzuekin osatzen da; besteak beste eskualde desberdinetan,
euskararen desagerpenaren garaia eta hizkuntzaren berreskuratze maila uztartuz
eta berreskuratzea desagerpenaren norabide beretik doala azalduz; alegia,
berreskuratzea biztanle gehien dituen guneetan eta gizarteko sektore eskolatuetatik
hasi dela. Ondorio nagusi gisa, Nafarroako hizkuntza eremuen sailkapenaren
aldaketa proposatzen da, 21. mende hasierako euskararen egoera aintzat hartuko
lukeen sailkapen berri bat. (www.euskaltzaindia.net)
Informazio gehiago: http://www.euskaltzaindia.net/argitalpen_katalogoa/index.asp?izenburua=Recuperaci%F3n+del+Euskera+en+Navarra
'Mintza' euskarazko astekari berria kaleratuko du
'Le Journal du Pays Basque'k
Urriaren 25etik aurrera Mintza astekaria banatuko du Le Journal du Pays Basque
egunkariak Ipar Euskal Herriko hiru probintzietan. Bere osotasunean euskaraz
kaleratuko da eta zortzi orri izango ditu hasiera batean behintzat. Le Journalek
sei urte betetzen dituen unean euskararekiko zuen zorra kitatu nahi izan du
Mintzaren proiektuarekin. (www.argia.com)
Informazio gehiago: http://www.argia.com/albistea.php?id=29657
SECOND LANGUAGE LEXICAL PROCESSES
Ikuspegi Linguistiko eta Psikolinguistiko aplikatutik abiatutako liburu hau
Zsolt Lengyel (Pannoniako Unibertsitatea) eta Judit Navracsics-ek idatzi dute
eta Pannoniako Unibertsitateak argitaratu du. Liburuak, orokorrean Europa
zentralean eginiko froga enpirikoetan oinarritutako bigarren hizkuntzen prozesamendu
lexikalen ikerkuntzak barneratzen ditu. Liburua bigarren hizkuntza ikasten
ari diren ikasleentzat oso baliagarria izan daiteke, liburu honek perspektibak
zabaldu eta ikuspuntu berriak emango dizkielako.
Informazio gehiago: http://www.multilingual-matters.com/multi/results.asp?hl=&sf1=keyword%2Cfulltext&st1=SECOND+LANGUAGE+LEXICAL+PROCESSES&sort=sort_date%2Fd%2Cvx_isbn&q=&criteria=SECOND+LANGUAGE+LEXICAL+PROCESSES&bntG.x=14&bntG.y=5&searchType=onthissite
 
BESTELAKOAK
Top ten (soziolinguistika)
Ricardo Gomezen Euskal Filologiarako 10 web gune interesgarrienak mezuari
jarraipena emanez eta horrelakorik balego, euskal soziolinguista batek galdu
ezin dituen 10 webguneen zerrenda egin du Txerra Rodriguezek Garaigoikoa blogean,
zerrenda guztiz subjektiboa, ohikoa denez. Aipatzen den zerrendan dago Soziolinguistika
klusterraren webgunea ere.
Informazio gehiago: http://www.sustatu.com/1191418296
ItzulBaita euskal itzulpengintzaren erreferentzia
zentroa sortu du EIZIE-k
Euskal Itzultzaile, Zuzentzaile eta Interpreteen Elkarteak (EIZIE) ItzulBaita
proiektua aurkeztu du. Euskal Itzulpengintzaren Erreferentzia Zentroa izango
denaren abiapuntua da ItzulBaita. Oraingoz EIZIEren babesean garatzen ari
da eta itzulpengintzaren inguruko ekimenak diseinatu, eragin, kudeatu eta
gizarteratzea du helburu. Irungo Udalaren laguntzaz sortu dute eta bertan
izango du egoitza.
Informazio gehiago: http://www.argia.com/albistea.php?id=29530
Jaurlaritzaren curriculumari babesa agertu dio Ikastolen
Konfederazioak
Euskal Herriko Ikastolen Konfederazioaren ustez, Eusko Jaurlaritzako Hezkuntza
Sailak aurkeztutako curriculuma "norabide onean eginiko urratsa" da, eta "ez
du talka egiten" Konfederazioa beste eragile batzuekin prestatzen ari den
curriculumarekin. Dena den, alde negatiborik ere ikusten dute: "Sarreran Euskal
Herriari buruzko zehaztapena egiteak irakaskuntza prozesuaren baitako zenbait
zalantzari argia egiten diola baloratzen badugu ere, zehaztapen hau indar
arautzaile zuzenik gabe geratzen da, artikulutegian azaltzen ez delako". Hala,
etorkizunera begira oinarrizkoa litzateke "Hezkuntza Administrazioan ere mugaz
gaindiko proiektuak" lantzea. Halaber, Konfederazioak gogorarazi du Euskal
Herri osorako curriculuma sortzeke dagoela oraindik: "Hori da gure hautua,
curriculum ofiziala alboratu gabe".
Informazio gehiago:
http://www.argia.com/albistea.php?id=29558
Mintzapraktika.org martxan
Topaguneak, AEK-k , Eusko Jaurlaritzak eta Bizkaiko Foru Aldundiak mintzapraktika
egitasmo bateratuak aurkeztu dituzte Bilbon. Mintzapraktika egitasmoen zabalkundea
elkarlanean egiteaz gain, aurrerantzean mintzapraktika taldeentzako erreferente
eta plataforma bilakatu nahi duen webgunea ere aurkeztu dute. (www.sustatu.com)
Informazio gehiago: http://www.mintzapraktika.org
Elebila, euskarazko emaitzak
Zenbat bider gogaitu zaitu Internet bilatzaile batean zerbait xerkatu eta
euskarazko emaitzarik ez aurkitzeak? Ba hori konpontzeko asmoarekin sortu
du Elekak elebila internet bilatzailea, Elhuyar Fundazioaren I+G sailak garatutako
teknologia oinarritzat hartuta. (www.sustatu.com)
Informazio gehiago: http://www.sustatu.com/1192437793?utm_source=newsletter&utm_medium=email
Euskararen Aholku Batzordeak 59 kide izango ditu
Eusko Jaurlaritzako Hizkuntza Politikarako Sailburuordetzaren menpe dagoen
Euskararen Aholku Batzordeak lehen baino hamar kide gehiago izango ditu aurrerantzean.
Orotara 59 lagunek osatuko dute: EAEko erakundeetako 14 ordezkarik; euskara,
komunikabide, irakaskuntza eta kultur arloko 40 eragilek; eta Eusko Legebiltzarrak
proposatutako 5 lagunek. Euskararen Aholku Batzordeko buru berria Juan Jose
Ibarretxe Eusko Jaurlaritzako lehendakaria izango da. Donostiako Miramongo
teknologia parkean aurkeztu zituzten batzordeko kide berriak. Ibarretxek bertan
adierazi zuenez, Eusko Legebiltzarrak duela 25 urte onartutako Euskararen
Erabilpena Normalizatzeko Legeak euskara indarberritzeko "berebiziko garrantzia"
izan du. Aurrera begira, erronkarik handiena euskararen erabilera sustatzea
dela esan zuen: "Erabilera da hizkuntzaren osasun egoera erakusteko neurgailurik
aproposena". (www.argia.com)
Joan Mari Torrealdai eta Lourdes Oñederra proposatu
dituzte euskaltzain oso izateko
Joan Mari Torrealdai eta Lourdes Oñederra euskaltzain urgazleak proposatu
dira euskaltzain oso izateko, 29. eta 30. zenbaki-hutsarteak betetzeko. Proposamenak
Euskaltzaindiak Donostian 2007-10-26an eginiko osoko bilkuran egin dituzte.
(www.erabili.com)
Informazio gehiago:http://www.erabili.com/zer_berri/berriak/1193649780
Andoni Sagarna euskaltzain osoak sarrera-hitzaldia
egin du Donostian
Andoni Sagarna euskaltzainaren sarrera ekitaldia ospatu zuen Euskaltzaindiak
2007-10-26an, Donostian, Miramongo Parke Teknologikoan. Ekitaldiaren amaieran,
Andres Urrutia euskaltzainburuak euskaltzain osoa dela adierazten duen diploma
eta 26. zenbakia duen domina eman zizkion Sagarnari. (www.erabili.com)
Informazio gehiago:
http://www.erabili.com/zer_berri/berriak/1193647225
Uhinen hizkuntza eta Ttan Ttakun irratia
Donostiako irrati euskaldun libre bakarra da "Ttan Ttakun":http://www.ttanttakun.com/
FMko 106.8an entzungai. Bloga dute sarean, eta bertako programa batek ere
bai, Uhinen hizkuntzak.Ordutegia du, larunbatero 18:30etatik 19:30etara, eta
euskararen urratsak eta euskarak pairatu behar dituenak izan ohi dituzte hizpide.
(www.sustatu.com)
Informazio gehiago:
http://www.sustatu.com/1191454964?utm_source=newsletter&utm_medium=email
Bergaraldeko hiztegia sarean
Juan Martin Elexpuru idazleak duela bi urte argitaratu zuen Bergaraldeko hiztegia,
Interneten jarri dute edozeinek erabiltzeko moduan. Bilaketak egiteko hainbat
aukera eskaintzen ditu, eta norberak bere ekarpenak ere egin ditzake.(www.sustatu.com)
Informazio gehiago:
http://www.sustatu.com/1190270608?utm_source=newsletter&utm_medium=email
The Wall Street Journal'-entzat euskararen aldeko
politikak "inkisidoreak" dira
The Wall Street Journal egunkari estatubatuarrak euskararen inguruko artikulu
polemikoa kaleratu zuen, Basque Inquisition: How Do You Say Shepherd in Euskera?
(Euskal inkisizioa: Nola esango zenuke 'abeltzaina' euskaraz?) izenburupean.
Titular horren azalpenak erreportajearen mamia zer-nolakoa den argitzen du:
"Euskara ez da oso praktikoa gaur egungo bizitzarako. 'abeltzain' esateko
hamar hitz daude, zaindu ohi diren animaliak bezain beste: artzain, astazain,
behizain... Aldiz, termino modernoagoak gazteleratik hartu behar izan dituzte,
euskarazko sustrai linguistikorik ez dutelako: aireportu, zientzia, demokrazia,
independentzia...". Keith Johnson kazetariaren hitzetan, euskal instituzioak
euskara "bizitza publikoko bazter guztietan inposatzen ari dira". Hala, "euskararen
erregimen zorrotza nagusitzen ari da". Besteak beste, Joseba Arregi EAJko
Kultura sailburu ohiaren adierazpenak jaso ditu Jonhsonek. Haren ustez, euskararen
aldeko politikak "urrunegi" iristen ari dira. - AEKren Aizu! aldizkariak Keith
Johnson elkarrizketatu zuen urrian, erreportajea osatzeko AEKren Bilboko bulegoa
eta Lizardi euskaltegia bisitatu baitzituen kazetariak. Elkarrizketan esandakoen
eta idatzi zuen artikuluaren artean bada alderik...
Informazio gehiago:
http://www.argia.com/albistea.php?id=29824