Hemen zaude: Hasiera CS-Tailerra CS-Tailerraren bloga

CS-Tailerraren bloga

Buletin baten lehen eguna

by Gari Araolaza — azken aldaketa 2008/10/01 00:00
Etiketak:

Zure webgunerako albiste buletin bat jarri behar duzula eta zer egin lehenengo egunean, audientziarik gabe?

Buletina martxan jartzeko unean tentazio handia izaten da, hor nonbaitetik e-posta helbide mordoa bildu eta hain interesgarria den zerbitzu eder honetara harpidetzeko.

Eutsi tentazioari!

Benetan. Hobe da jendea banaka-banaka izena ematen joatea. Beraien kabuz izena eman duten 100 pertsonaz osatutako buletin zerrenda batek urrea balio du, benetan! Horiek dira zure erabiltzaile baliotsuenak!

Aldiz, baimenik gabe harpidetu ditugun 2000 erabiltzailez osatutako buletin zerrendak ez du asko balio. Ez dakigu 2000 pertsona horietatik zenbatek bidaltzen gaituen spam karpetara, zenbatek letxe txarrez hartzen dituen gure mezuak (publizitate negatiboa). Azken finean, ez dakigu 5, 10 edo 100 erabiltzailek diren balio dutenak.

Gainera, aizu!  Hori spama edo zabor-posta da!

CodeSyntax usability lab

by Gari Araolaza — azken aldaketa 2008/09/24 00:00
Etiketak:

Erabiltzaile testak egiteko toki egokia prestatu dugu bulego berrian.

Erabiltzaile testak

Webguneak egiterakoan garrantzitsua da erabiltzaileekin frogatzea. Web garatzaileok batzutan dauzkagun aurreiritziek ez digute errealitatea ikusten uzten, eta oker egon gaitezkeela onartu behar dugu.

Horretarako erabiltzaile testak egiten dira. Erabiltzaile test batean, webgunea ezagutzen ez duen erabiltzaile ahalik errepresentatiboena hartu eta gure produktuaren aurrean jartzen dugu. Webgunea orokorrean ebaluatzeko balio digu, ulertzen duen zer den, zertarako den, zer egin daitekeen, nola nabigatu eta informazioa aurkitu eta abar. Bestetik, aplikazio bereziak martxan jarri baditugu, horiek aztertzeko ere balio digu: izenemate bat, erosketa bat edo akzio konplexuren bat.

Erabiltzaile bat hartu eta gidari batekin batera lan horiek egiten jartzen dugu. Bitartean, beste gela batetik bere jokaera eta sentsazioak behatzen ditugu.

Usability lab edo erabilgarritasun laborategia


Argazkiak.org | CodeSyntax usability lab © cc-by-sa: garaolaza

CodeSyntax-en bulego berrian horretarako gune bat prestatu dugu. Funtsean bi gela dira, espiatzeko ispilu batez banatuta. Audio aldetik ere prestatu behar dugu, alde bateko komentarioak bestean entzun daitezen. Oraindik ez gara erabiltzen hasi, baina hiru lagun jarri ditugu argazkirako plantak egiten. Hor dauzkazue Lur, Mikel eta Kere.