You are here: Home CS-Tailerra CS-Tailerraren bloga Authors mlizarralde

Mikel Lizarralde

Zer diote Interneten zuri buruz?

by Mikel Lizarralde — last modified Feb 17, 2009 12:25 AM
Filed Under:

Zer gertatzen da irakurtzen ez duzun egunkari edo aldizkari batean aipatzen bazaituzte? Ba, inork ez badizu abisatzen, ez zarela konturatuko eta ez duzula jakingo zer dioten zuri buruz. Interneten arazo hau ondo konponduta dago.

Interneten norbaitek zuri buruz idatzi duen jakitea oso erraza da. Sartu Google Alerts webgunean eta eman izena bertako alerta zerbitzuan: jakin ezazu zer dioten zure enpresaz, zure produktuaz ... edota zutaz! Idatzi formularioan kontrolatu nahi dituzun terminoak eta zure eposta helbidea. Gainerakoa Google-ek egingo du (aukeratzun duzun maiztasunaren arabera emailak bidaliko dizkizu abixuekin).

Google Alerts

Garrantzitsua da jakitea Interneten zer esaten den zure enpresaren inguruan, gauza onak zein txarrak. Kritikak zentzuzkoak badira, badakigu zertan hobetu behar dugun, baina kritikak faltsuak badira, aukera ona daukagu desmuntatzeko. 

Badira beste hainbat webgune antzerako zerbitzua ematen dutenak, adibidez Blog Pulse edota Technorati, baina Google-ek ematen duen zerbitzua nahikoa izan daiteke hasteko.

Marketina egiten blogetan

by Mikel Lizarralde — last modified Feb 10, 2009 11:18 AM
Filed Under:

Blogak eta sare sozialak hedatzen ari dira eta ondorioz eragin handiagoa daukate merkatuan. Zenbait enpresa horretaz jabetu dira eta blogarien arreta bereganatu nahian dabiltza.

Duela aste pare bat jarraitzen dudan blog batean artikulu bat irakurri nuen esanaz sei ardo botila oparitzen zituela Toledoko Vihucas bodegak baldin eta norberaren blogean artikulu bat idazten bagenuen lotura eginez bodegaren webgunera (hauxe egiten zuten lehen bost pertsonei emango zieten ardo botila kaxa). Iritsi zaizkigu jada ardo botilak eta etxean probatu dugu; ez dudanez ardoaz ezer ulertzen ezin azalpen teknikorik eman, baina, ardoa, ona dago.

Vihucas ardoa

Enpresa horrek hainbat lotura edo link lortu ditu (hau ona da bilatzaileetan ondo kokatzeko) nahiko era merkean eta upategia ezagutzera eman du artikuluetako edozein irakurri dutenen artean.

Blogekin egiten den marketinaren ardatza horixe da, blogarien arreta lortzea beraien blogean enpresa aipatu dezaten. Baina aipamen hauek ez dituzte hutsaren truke egiten. Dirua garrantzitsua izan badaiteke ere, are eta garrantzitsuagoa da enpresak bere merkatuarekin hitz egiteko jarrera baikorra izatea.

Vihucas ardoa

Badira beste hainbat marketin adibide enpresak eta blogariak batzen dituena, adibidez Vodafone egiten ari den Ezinezko post-a (El post imposible).

Zenbaitentzat honek blogen funtsa urratzen du eta blogariek "beraien arima" saldu egiten dute. Hala ere, gogoan izan beharra dago blogari gehienak amateurrak direla eta kontuan izateak, garrantzitsu sentitzeak, asebetetzen dituela.

Facebook marketinerako nola erabili

by Mikel Lizarralde — last modified Feb 03, 2009 04:00 PM
Filed Under:

Sare sozial bat da Facebook, moda-modan dagoena. Bere abantailarik handiena, lortzen den "biralitatea", igorri nahi dugun mezua erraz eta merke zabaltzeko aukera. Nola erabil dezakete enpresa edota ekimen sozialek beraien alde?

Facebook aukera ona da zure marka ezagutzera emateko, baina ez pasa Spamaren mugarik, bestela, onuraren ordez, kaltea besterik ez duzu lortuko. Gure enpresa, produktu, zerbitzu edota ekimena Facebook-en ezagutzera emateko ondorengo doako aukerak dauzkagu:

1. Norberaren profila

Gehien kontrolatzen den gunea norberaren profila da, adibidez, gure webgunera lotura jarriz edota guk nahi dugun informazioa erakutsiz. Norberaren profil orritik jende asko pasatzen da.

Zenbait erabiltzaileren estrategia talde askotara gehitzea izaten da, pertsona askoren laguna egin (bezero, lagun, hornitzaile, ezagun, ...). Horrela trafiko ugari lortzen dute beraien profil orrirako. Baina kontuz, ez pasa Spamaren mugarik.

Zuk ez baduzu zure marka aipatzen... ez du inork aipatuko!

2. Taldeak (Groups)

Marketin birala egiteko erarik sinpleena. Markaren inguruan komunitate bat sortzeko aukera ematen digu.Eduki interesgarria ematen badiogu taldeko partaide bati, marketin birala martxan jarriko da eta bere lagunei esango die taldera gehitzeko, eta horrela taldea handitzen joango da.Zein talderen parte zaren zure profil orrian agertzen denez, trafiko handia sortzen da hauetatik taldeetara.

Taldeen arazoak:

- Taldea handitzen doan heinean arazoak egoten dira erabiltzaileei mezuak bidaltzeko (Facebook hau konpontzen ari omen da, 1000-1500 partaidetik aurrera gertatzen omen da arazo hori).

- Taldea ezaguna bilakatzen bada, spammerren jomuga bilakatu daiteke.

- Taldeei ezin zaie aplikaziorik gehitu. Horretarako Facebook Pages-ak daude.

3. Orriak (Pages)

2007ko azaroan atera zuen Facebook-ek Pages. Taldeen aldean badituzte zenbait ezberdintasun.

- Gehiago pertsonalizatu daitezke. HTML-a edota Flash-a gehitu, aplikazioak gehitu, ...

- Erabiltzaileen profil orrietan deigarriagoak dira.

- Ez dago mugarik erabiltzaileei mezuak bidaltzerako orduan.

- Taldearen zale direnek ezin diete beraien lagunei gonbidapenik bidali orrira etortzeko. Norberak ikus behar du lagunaren profil orrian edota mini-feed-ean orri horren fan-a zarela eta eskuz gehitu behar zara. Biralitatea apur bat galtzen da.

- Facebook jarraipena egiten ari da sortu diren orriak baimena daukaten jendeak eginak izatean.

4. Hitzorduak (Events)

Events orriaren erabilpena ekitaldien inguruan antolatuta dago: hitzaldi bat, jardunaldi bat edota ikastaro bat iragartzeaz gain, marka batek erabil lezake produktu berri baten kaleratzea dela eta, edota enpresan egin behar den aldaketa esanguratsu bat iragartzeko.

Events-ek, marketin birala egiteaz gain, bezero eta erabiltzaileekin erlazioa sortzeko balio du. Gainera argazkiak, bideoak eta halako gauzak gehitu daitezke.

Bestalde, Events-en bitartez erraza izan daiteke ekitaldira doan jendearekin erlazioa mantentzea, doazenen zerrenda edukitzea, izena eman dutenak ikusteko aukera, ...

5. Oharrak eta argazkiak (Notes and Photos)

Argazkiak eta blogetako post-ak Facebookera eramaten eta lagunei erakustea ahalbideratzen digu.

Markari buruz hitzegiteko balio dezake, baina kotuz, eduki interesgarria eman behar da eta ez da spamik egin behar.

Argazkietan, garrantzitsua da jendea etiketatzea, horrela, mezu bat jasoko dutelako esanez argazki batean daudela. Pertsona jakin baten arreta geureganatu nahi badugu sistema baliagarria da.

6. Mezuak (Messages)

Emailaren parekidea dela esan daiteke. Erabiltzaile batek beste bati zuzenean bidaltzen dion mezua. Baina ez dauzka emailaren oinarrizko funtzionalitateak (bilaketa, sailkatzea, filtratzea edota Gmail-en moduan izarrak jartzea garrantzia emateko).

Nahiz eta Facebooken ezin den ikusi lagunak ez direnen profilik, badago aukera mezuak bidaltzeko. Sistema ona izan daiteke jende interesgarriarekin lehen harremana izateko.

Hori bai, mezu asko bidaltzen baditugu, spam-a dela pentsa dezake Facebook-ek eta kontua itxi diezaguke.

7. Azoka (Marketplace)

Iragarki klasifikatuak jartzean datza. Zerbait saldu edota erosteko, lana eskaintzen duzulako, ...

Norbera partaide den edozein saretan jarri daitezke iragarkiak. Baina sare bat baino gehiagotan jarri nahi izanez gero dolar bat ordaindu beharra dago.

Iragarki asko (gehiegi) jartzen badituzu (ordaindu gabekoak), Facebook-en sistemak pentsa dezake spamerra zarela eta zure kontua itxi.

8. Elkarbanatu / Idatzitako artikuluak (Share / Posted Items)

Aplikazio honen bitartez zure taldea, orria, hitzordua, argazkia edota aplikazioa eman dezakezu ezagutzera bi eratara:

- Izaera propioa (edo leku propioa) emanaz norberaren profileko argitaratutako gauzen atalean.

- Lagunei zuzenean mezu moduan bidaltzen.

Zure profilean jartzen baduzu zenbait klik lortzeko aukera daukazu, hala ere, efektiboagoa da zuzenean mezu bat bidaltzea lagunei, klik ratio handiagoa lortzeko aukera dago.

9. Sareak (Networks)

Taldeen orriaren tankerakoa da bertako partaideentzako. Unibertsitateko sarea, lanekoa edota sare geografikoa adibide ugarienak dira. Sareek ondorengoa eskaini diezaiekete beren partaideei:

- Hitzorduak, posteatutako gauzak, iragarkiak (marketplace), ... deskubritzeko beste era bat.

- Edozeinek idazteko diskusio foroak eta hormak (wall).

Spam-a egiteko leku ezagunenak dira. Horregatik, sare batean mezu bat jartzean, mezu hori spam moduan ikusia izan daiteke, nahiz eta ez izan.

10. Mini Feed eta News Feed-a

Erabiltzaile batek hurrengo zerrendako edozer gauza egiten duenean, bere mini Feed-era gehitzen du Facebook-ek: talde batetara gehitu, ekitaldi batetara joan, orri edota talderen baten zale bilakatu, argazkia batean etiketatua izan, ... Hauxe mini Feed-ean agertzen da eta gure lagunek ikus dezakete. Horrek biralitatea dakar.

Erabiltzaile bakoitzaren Mini Feed-a bakoitzaren profilean agertzen da, eta zure lagun guztien mini Feed-ak zure haserako orrian agertzen zaizkizu "Azken berriak" gisa eta News Feed izena daukate.

Erabiltzaile baten mini Feed-a bere lagun askok ikusi dezakete, beraz era aproposa da marketin birala egiteko.

Iturria: Facebook Marketing Bible (ingelesez)

Merkatuak elkarrizketak dira

by Mikel Lizarralde — last modified Dec 05, 2008 01:45 PM
Filed Under:

Esaldi hori da Cluetrain Manifestuaren 95 tesietan lehena eta entzutetsuena. Manifestu honek defendatzen duenez Interneten eta "benetako munduan" gertatzen diren enpresa transakzioak pertsonen artean egiten dira.

Astearte honetan irakurri ahal izan genuen Microsiervos blogean Cluetrain Manifestuaren liburua zentimo batean salgai jarria zuela Deusto argitaletxeak (jada 20 eurotan dago). Bi aldiz pentsatu gabe, Garik erosi egin zuen.

Gaur jaso dugu bulegoan liburua. Internetekin lotura txikiena duen edonork ezagutu beharko luke Cluetrain Manifestuak diona. Hemen irakur daitezke ingelesez 95 printzipio edo tesiak (eta hemen gazteleraz).

Cluetrain Manifesto

Guztietan lehena sarritan errepikatzen dugu zenbaitzuk: Merkatuak elkarrizketak dira. Interneten ere bai. Enpresen atzean pertsonak daude, eta pertsonek hitzegin egiten duten beraien artean. Internetek elkarrizketa hau beste era batean burutzea suposatzen du, adibidez email bidez, baina elkarrizketa hori egin egin behar da. Edozein webgune, denda online edota sare-sozialen atzean pertsonak daude.

Gure ustez Interneten arrakasta edukitzeko jarrera jakin bat eduki behar da, erabiltzaile eta bezeroekin solasteko jarrera. Marketina, oinarrian, horixe da, bezeroarekin hitzegin, jakin ea zer nahi duen, eta erarik egokienean, horixe eskaini.

Nora doa bisitarien arreta webguneetan

by Mikel Lizarralde — last modified Nov 21, 2008 03:56 PM
Filed Under:

Eye tracking-az jardun izan dugu lehenago. Ikerketa hauek erabiltzaileek arreta non jartzen duten aztertzen dute. Errepasatu ondorengo puntu hauek, garrantzitsuak dira eta webguneen diseinua eta eduki sorkuntzarako.

Gordetako loturak errepasatuz Seth Godin-en artikulu interesgarria aurkitu dut, webguneen erabiltzaileek arreta non jartzen duten jakiteko egindako ikerketen ondorioak dira. Hona hemen labur-labur:

  • Testuek irudiek baino arreta gehiago bereganatzen dute. Kontrakoa dirudien arren, testuak gehiago erakartzen ditu erabiltzaileak.
  • Lehen bistadizoa goiko ezkerreko izkinara doa. Horretara ohitu gaituzte orain arteko webgune eta ordenagailuko programek.
  • Begirada goiko ezkerreko partean hasi eta beherantz eta eskubirantz doa. F izkiaren formako bidea egiten.
  • Erabiltzaileek banner iragarkiei ez diete kasurik egiten.
  • Letra tipo eta formatu arraro edo xelebreei ez diete kasurik egiten.
  • Kopuruak zenbaki moduan erakutsi.
  • Letra tamaina webgunea nola begiratzen den baldintzatzen du. Letra tamaina txikiak testuan arreta gehiago jartzera behartzen du erabiltzailea; tamaina handiak, aldiz, webgunea eskaneatzera animatzen gaitu.
  • Erabiltzaileek bigarren mailako tituluetan arreta jartzen dute baldin eta interesgarriak badira. Tituluetan komenigarria da hitz-gakoak aipatzea, batetik, erabiltzaileak erakartzeko, eta bestetik, bilatzaileetan hobeto posizionatzeko.
  • Erabiltzaileek webguneen zati gutxi eskaneatzen dituzte.
  • Parrafo laburrek luzeek baino emaitza hobeak lortzen dituzte.
  • Zutabe bakarreko formatuak emaitza hobeak lortzen ditu hainbat zutabe dituenak baino.
  • Goikaldeko ezker partean dauden iragarkiek jasotzen dute arreta gehien.
  • Eduki garrantzitsuenaren ondoan dauden iragarkiak gehiago ikuste dira.
  • Testu hutsezko iragarkietan beste iragarkiek baino arreta gehiago lortzen dute.
  • Irudiak geroz eta tamainu handiagoa, orduan eta arreta gehiago bereganatzen du.
  • Argazkietan aurpegiak argi agertzen badira, emaitza hobeak lortzen dira. Argazkiek benetako jendea erakusten badute eta ez modeluak, emaitza hobeak.
  • Izenburuek, titularrek, erabiltzaileen begirada erakartzen dute.
  • Erabiltzaileek denbora asko pasatzen dute menu eta botoiei begira, horregatik funtsezkoa da hauek ondo diseinatzea.
  • Zerrendek erabiltzaileen arretari eusten diote. Parrafoak banatzeko eta edukia estrukturatzeko balio du, baita testua eskaneatzeko errazagoa egiteko ere.
  • Testu bloke handiek arreta uxatu egiten dute. Ez du axola zein ondo idatziak dauden eta edukia zein interesgarria den. Parrafo handiak banatu egin behar dira beste txikiago batzuetan eta zerrendetan.
  • Testuaren formatuak arreta bereganatzen laguntzen du. Negritazko letrek edota italikoek, eskaneatzeko prozesua errazten dute, baina neurrian erabili behar dira, beharrezkoak direnean.
  • Gune hutsak edo zuriak izatea ona da.
  • Nabigazio tresnak webgunearen goiakaldean badaude gehiago erabiltzen dira.