Albisteak
Software Librea eta enpresa jardunaldian
Deustuko Unibertsitateko ESIDE Ingenieritza Fakultatearen menpean dagoen ONTE bulegotik (Oficina de Nuevas Tecnologías y Educación) Software Librea eta enpresa-ri buruzko jardunaldia ( sl2007.deusto.es ) prestatu zuten eta parte hartzera gonbidatu gintuzten. Gurekin batera IBM, Sun, Novell, RedHat/Jboss, Telefónica I+D, ESLE eta Irontec enpresetako ordezkariek hartu zuten parte software libre komunitateak enpresarekiko duen hartu emana eta esperientzia kontatzeko.
Mondragon.edu unibertsitate webgune onena
Zope teknologia eta Plone CMS - Content Management System (Edukiak Kudeatzeko Sistema) - ezagunarekin CodeSyntaxek garatu duen mondragon.edu Mondragon Unibertsitateko web ataria, estatu espainoleko 73 unibertsitateen artean webgune onena izendatu dute usalo.es atarian.
Europako software libreko saria PloneGov ekimenari
Euskal partaidetza duen PloneGov Software Libreko ekimenak Epaimahiaren Lutece d'Or Sari Nagusia jaso du aste honetan ospatu den Paris Capital du Libre -n. Zope eta Plone teknologietan oinarrituta dagoen ekimen honetan Belgika, Frantzia, Suitza, Holanda, Argentina edo Euskal e-government proiektuak parte hartzen dute.
Flossquality.eu: software librearen kalitateari buruzko ataria
ZEA Partners Zope eta Plone enpresen sarearen bitartez CodeSyntaxek partaide den hiru ikerketa proiektu europear batu egin dira www.flossquality.eu , Open source quality research, ataria kaleratzeko.
Web 2.0 Informatikari Euskaldunen Bilkuran
Web 2.0 lemapean UEUk eta Enpresa Digitalak antolatutako Informatikari Euskaldunen Bilkuran hartu dute parte CodeSyntaxeko kideak. Aurkezpenak eta materiala UEU-ko Unibertsitatea.net atarian.
Zope 3 North Carolinan
CodeSyntaxeko Mikel Larreategi eta Nando Quintana AEBetako North Carolinan egin den camp 5 , Zope eta Plone garatzaileentzat egin den ZOPE 3 mintegi aurreratuan hartu dute parte. Antolatzaileek camp 5 mintegiko tokiak kokatzeko Tagzania erabili zuten .
Nire begietatik eta Subesferas DUko blog lehiaketaren irabazleak
Nire begietatik euskarazko atalean eta Subesferas gaztelerazko atalean izan dira CodeSyntaxen babesarekin ESIDE Words astearen barnean antolatu diren blog lehiaketaren irabazleak. Nire begietatik Nahikari Ayo getxoztarraren bloga da eta Subesferas lyra, etox eta alatar ezizena erabiltzen duten gazteen proiektu kolektiboa da. Zorionak guztioi!!
CodeSyntax, ZEA eta Software Librea Europan
Europar Komisioak IKT sektorean Software Librea - Free/Libre or Open Source Software (FLOSS)- delakoaren eragin ekonomiari buruzko txostena argitaratu du. Txostenean CodeSyntaxek parte hartzen duen ZOPE / PLONE garatzaileen Zea Partners (lehen Zope Europe Association) elkartea ekosistema ekonomikoan eredu berritzaile moduan aipatzen da.
Webgune berriak sarean
Urte berriarekin batera, Codesyntaxek egindako beste 6 webgune daude sarean, Plone, Udalweb eta Korpoweb plataformak erabiliz sortutakoak.
Software Librea: Morfeo Proiektuaren aurkezpena Zamudion
Azaroaren 27an, Zamudion dagoen ESI (Europako Software Institutua) erakundearen Auditorioan (204 eraikina), goizeko 9:30etatik 13:00etara, Morfeo proiektua (Middleware Oriented Research For Enterprises and Organizations) aurkeztuko da. CodeSyntax-ek parte hartuko du, partaide garen Zope Europe Association - ZEA Partners esperientzia aurkeztuz.
