akatsak / iradokizunak inprimatu
Belaunguna
Izenburua:
Belaunguna
Sinadura:
Martin Ugarte
Urkizaren iruzkina:
Egilea(k):
Ugarte Azurmendi, Martin

Argitalpena:
Olerti.
Urtea:
1984
Argitalpenaren urtea:
Alea:
1983
Orrialdea:
186-188

Belaunguna

 

Martin Ugarte

 

               I

 

 Illunaren

 inguru-uztai itxituran,

 barneko utsaren

 zutabe irudipen goiengoak,

 ezkotasun izpi baten etekia bailitzan

 ttantto txiker

 nabaria.

 

         Uneoro izpika

 egitura pizten;

 pizten da borobiltasuna artzen

 arnas-beta bakoitzean.

 Zabaltzen...

 Loditzen...

 Mugira bitxiaz kizi-pikorkien

 aria...

 

         Bai ote dun,

 ez ote dun;

 punpuillu aizez betearen azalean,

 sentiera

 aurpegia.

 

         Loditasun inguruguna parpaillean

                                                 bizi-ñabar,

 bapaiñu lurriñaz lurreratze kabuz,

 egoera xinplea

 luzabide doa;

 argizari txorten

 azken ttantto ildora.

 Bare ezik, motel etenaz

 jalgi da itokin

 gidaria.

 

         Jalgi...

 Luondo gordiñaren mantupe beltzera.

 Ama-lur otzaren

 errai garden,

 da antsiz ebakira...

 

               II

 

 Bulartarte oparoak

 lur-etena emariz,

 arresi otz itxituran

 argi-ñabar egarriz...

 

         Ur-negar xinplea errotuaz,

 iturri min-miña

 zirikil biren

 biurrera.

 

         Azten-azten,

 bitxiz jazten;

 aopeko borborioz,

 ezti usai giliberaz,

 zori-bete egoetan

 itxas-mami

 urdiñera.

 

         Onats abian irmo

 bizi-ari itxasgora,

 txuri-urdin maindirea

 koxka-moxkak

 aparrera...

 

         Luzean larri,

 lodian sakon,

 zearrean baikor;

 begipeko zabalera.

 

         Ba'du eztirik,

 ba'du gazirik;

 bai-eta zurrunbillo naastuek

 indarrik.

 Asarrez lur-magalak

 zirdinduko ditu,

 arri-mokorrak urratuko,

 ta orrue txistuaz,

 zinzurra gordinduko duen arren,

 beti ere begi-bete,

 beti ere;

 gilibera...!

 

                     III

 

 Zapelaitzaren

 ega-zapla zaratatsu ondorio,

 lamiaren soiñeko mendel luzea

 begipetik sartalderantza,

 lin-oial txuria

 erdoi-moltso arre-illun naastuan.

 Onen dilindura orraziak,

 argi-bete zabaldia

 lauso-lausotzen daramala,

 oskarbi urre-markatsa

 arrats-gunak gain-azpi

 itzuliaz.

 

         Lausotzen;

 zillar-bizi aparretan

 itxas-magal txuri-urdin txaltaria,

 argi-begi zearrean

 ganduaren zapiak

 estaliaz.

 

         Zeru-lur nasaien

 ezpain-tarte irikia ere,

 uin-landar itxuaz,

 baikor elkargana bilduaz.

 Eta mintz biren ezkoa

 gorri-more beltz,

 apur-apurka marrazten daramaio

 argiguna tarte medarra itxiaz.

 

         Zillar-parpaildura dirdaitsua

 bare-bare illari otzea,

 arras

 itzaliaz...

 

         ...Belaunguna neurtua;

 jakiñeko jo-muga itxuan,

 geroaren egarazka ariñari

 leiatilla

 irikiaz...!

 

 


akatsak / iradokizunak inprimatu