akatsak / iradokizunak inprimatu
Desiderium
Izenburua:
Desiderium
Sinadura:
Xabier Gantzarain
Urkizaren iruzkina:
Egilea(k):
Gantzarain, Xabier

Argitalpena:
Susa.
Urtea:
1994
Argitalpenaren urtea:
Alea:
32.zk.
Orrialdea:
41

Xabier Ganzarain

 

Desiderium

 

 Taberna ilun bat Desiderium argi baxua mahai asko

 musika xuabea kolore leunak leihorik ez kamarera

 bat beltzarana bezerorik ez kafea egiteko makina

 dorre musikala sony zigarro baten kea atmosferan

 hedatzen winston sabairaino gutxienez hiru koadro

 van gogh beste bat munch argi amatatuen argitasun

 biluzia hormetan ausaz aurki daitekeen jack

 daniels botila erraldoia txokoan mutu ixilik

 arbuiatutako idazle baten liburu zahar bat

 mostradore gainean dena geldi hilik haizeak

 konkistatu gabeko paraje hauetan atea ireki

 da bi pertsona bata zaharra gizonezkoa buru

 soila dotore exekutibo itxurarekin euritan

 ere eguzkitako betaurrekoak darabiltzana

 inozoa dirudi inozoa da ura eskatu du

 taburete altu batean eseri da eta neskari

 begira dago izterretara so bestea gaztea

 da hogei bat gutxigorabebera ile luzea

 darama blai eginda dago baina gustora

 dagoela dirudi irribarrea du ezpainetan

 winston bat izeki du kea zuzen doa gora

 argipean laino hori baten itxura hartuz

 gau beltzean betikoa eskatu du jack

 daniels munchen oihuari so geratu da

 geldi mutu zaharrak erdeinatu

 egiten du muuuuuuuuuuuunch

 kamarerak musika aldatu jane's addiction gazteak

 tragoxka bat egin dio pizgarriari zaharrak maletina

 ireki eta egunkaria atera du el correo de Desiderium

 eta titularrak irakurtzen hasi da ura edan du gero

 bigarren orrian gelditu da kultura hutsik

 zuriz daude orriak kulturostean kirolak

 eta telebista gazteak liburu bat atera

 du eta irakurtzen hasi da beste trago bat

 Duke, asked Lala, you want me to call you Duke or

 Daddy? either way, sweetie, just what you want

 Why is there hair on a coconut? oh, Christ, I dunno,

 Why is there hair on my balls? azken zati hau

 ozenki irakurri zuen musika baino ozenago winston

 berri bat piztu zuen

 Bukowski gustatzen al zaik?

 bai, baina hobea duk van gogh

 van gogh margolaria huen eta bukowski idazlea

 horregatik esan diat bada, ez zaidalako gustatzen

 patatak zuritzea

 Baina zertara zetozek patatak kulturaren esparrura?

 kultura patata bat delako, ernemuinak hazi baino lehen

 erre eta irensten dugun patata

 ez haiz ariko niri adarra jotzen, ezta?

 barka jauna, zerbait esan didazu? gorra naiz

 zaharrak tiro bota zion musika ixildu egin zen

 argiak amatatu

 

 (orain publikoak txalo egin beharko luke)

 

 zaharra zeharo erotu zen gaztearekin, horregatik

 eraman zuten Desideriumeko eroetxe gotorrenera. Han,

 bere eskutitz batean irakurri nuenez, asko irakurtzen zuen,

 adikto bihurtu arte, izan ere, belarria moztu ziotenetik ez

 zuen ondo entzuten eta beraz ez zitzaion irakurtzea beste

 erremediorik geratzen. Horrela kausitu omen zuen

 orain bemen doakizuen poema ezdeus hau. On egin!

 

                     ┬źDesiderium┬╗.

                     inoiz kausituko ez

                     duzuen paradisua da

                     desiderium

                     inork emango ez

                     dizuen muxua da

                     desiderium

                     inon pausatuko ez

                     den bihotza da

                     desiderium

                     galduak zarete

                     desiderium

 

 


akatsak / iradokizunak inprimatu