Sarbide proba
- GOI MAILAKO SARRERA PROBA
- PROBAREN PRESTAKETA
- PLAZAK GORDETZEA
- 2010EKO DEIALDIA: EPEAK
- 2010EKO DEIALDIA: EMAITZAK
- 2009KO DEIALDIA: EMAITZAK
Erdi mailako sarrera proba
Derrigorrezko Bigarren Hezkuntzako (DBH) graduatu titulua ez baduzu edo beste ikasketa edo titulazio baliokideren bat ez baduzu, eta Erdi-mailako Heziketa Zikloa egin nahi baduzu, sarrera-proben bitartez sartu ahal izango zara ikasketa horietara:
Sarrera-probako edukiak
| Probaren zatiak | Oinarrizko gaitasunak | Erreferentziazko gaiak |
|---|---|---|
| 1. Soziolinguistika |
|
|
| 2. Matematika |
|
|
| 3. Zientifiko-teknikoa |
|
|
Sarrera-probarako salbuespenak
Begira iezaiozu ondoren gaineratu den taulari, eta egiaztatu ezazu sarrera-probako zatiren batez libre gera zaitezkeen.
| Libre geratzeko arrazoia |
Libre dagoen zatia |
|---|---|
| Unibertsitatera sartzeko 25 urtetik gorakoentzako proba gainditu izana |
Zati guztiak |
| Goi-mailako Lanbide Heziketan sartzeko proba gainditu izana |
Zati guztiak |
| Hasierako Lanbide Kualifikazioko Programa bateko nahitaezko moduluak gainditu izana |
Zientifiko-teknikoa |
| Erdi mailako titulu bateko gaitasun unitatearekin loturiko bi modulu gainditu dituztenek |
Zientifiko-teknikoa |
| Probak ospatzerakoan Lan Hastapeneko 2.mailan matrikulatuta egon eta kurtsoa gainditu dutenek (salbuespen hau, 2008. eta 2009an bakarrik) |
Zientifiko-teknikoa |
| Profesionaltasun-egiaztagiria edukitzea |
Zientifiko-teknikoa |
| Gutxienez lanaldi osoko urtebeteko lan-esperientzia edo lanaldi horren baliokidea egiaztatzea |
Zientifiko-teknikoa |
| Helduen Hezkuntzako edo Hasierako Lanbide Kualifikazioko Programa bateko Komunikazio atala eta Gizarte atala gaindituta izatea (modulu boluntarioa) |
Soziolinguistika |
| Helduen Hezkuntzako edo Hasierako Lanbide Kualifikazioko Programa bateko atal Zientifiko-Teknologikoa gaindituta izatea (modulu boluntarioa) |
Matematika eta zientifiko-teknikoa |
Erdi-mailako zikloa gainditu ondoren, eta sarrera-proba baten bitartez, Goi-mailako Heziketa Zikloetara sar zaitezke (begiratu Goi Mailako Heziketa Zikoan sartzeko baldintzak Proba bidezko sarreraren bidez).
Goi mailako sarrera proba
Batxilergo titulua ez baduzu edo beste ikasketa edo titulazio baliokideren bat ez baduzu, eta Goi-mailako Heziketa Zikloa egin nahi baduzu, sarrera-proben bitartez sartu ahal izango zara ikasketa horietara:
- Gutxienez 19 urte izan beharko dituzu proba egiten den urtean, edo
- 18 urte beteta izan edo proba egiten den urte naturalean bete eta Lanbide-arlo bereko —edo arau bidez ezarritako kideko lanbide-arloetako— erdi-mailako teknikari titulua eduki beharko duzu, eta
- urtero deitzen den proba gainditu beharko duzu.
Probaren helburua da Batxilergoaren helburuei dagokienez zure heldutasuna egiaztatzea eta Goi-mailako Heziketa Zikloari dagokion lanbide-arloan dituzun gaitasunak egiaztatzea.
Sarrera-probako edukiak
Lanbide-arlo bereko zikloetara sartzeko aukera emango dizuten hainbat aukera eskaintzen dira proban. Hori dela eta, zuk egin nahi duzun ziklora sartzeko berariazko zatiaren probara aurkeztu beharko duzu.
| Probaren zatiak | Oinarrizko gaitasunak | Erreferentziazko gaiak |
|---|---|---|
| 1. Zati komuna |
|
|
| 2. Berariazko zatia |
|
Eranskinean* proposatzen diren hiru gaietako bi aukeratu beharko duzu. |
Eranskina
Goi mailako Heziketa zikloetara sartzeko probaren berariazko zatirako erreferentziazko gaiak eta Lanbide Arloak.
| AUKERAK LANBIDE-ARLOA | BATXILERGOKO ERREFERENTZIAZKO GAIAK |
|---|---|
| A AUKERA • Administrazioa eta kudeaketa • Merkataritza eta marketina • Ostalaritza eta turismoa • Kultur eta Gizarte Zerbitzuak • Irudia eta soinua (ikus-entzunezkoen produkzioa)) |
A aukerako gaiak • Enpresaren ekonomia • Atzerriko hizkuntza • Filosofia eta herritarrak |
| B AUKERA • Informatika eta komunikazioak • Eraikuntza eta obra zibila • Fabrikazio mekanikoa • Instalazioa eta mantentzea • Elektrizitatea eta elektronika • Zura, altzariak eta kortxoa • Itsasoko eta arrantzako jarduerak (akuikultura-hazkuntzako zikloa izan ezik) • Arte grafikoak • Garraioa eta ibilgailuen mantentzea • Ehungintza, jantzigintza eta larrugintza (larru-zurraketa eta ehuna hobetzeko prozesuak izan ezik) • Irudia eta soinua (ikus-entzunezkoen produkzioa izan ezik) • Energia eta ura • Erauzketa-industriak • Beira eta zeramika |
B aukerako gaiak • Marrazketa teknikoa • Industria-teknologia • Fisika |
| C AUKERA • Kimika • Gorputz- eta kirol-ekintzak • Itsasoko eta arrantzako jarduerak (akuikultura-hazkuntza) • Nekazaritza • Elikagaien industriak • Osasuna • Irudi pertsonala • Segurtasuna eta ingurumena • Ehungintza, jantzigintza eta larrugintza (larru-zurraketa eta ehuna hobetzeko prozesuak) |
C aukerako gaiak • Lur- eta ingurumen-zientziak • Kimika • Biologia
|
Sarrera-probarako salbuespenak
Begira iezaiozu ondoren gaineratu den taulari, eta egiaztatu ezazu sarrera-probako zatiren batez libre gera zaitezkeen.
| Libre geratzeko arrazoia |
Libre dagoen zatia |
|---|---|
| Unibertsitatera sartzeko 25 urtetik gorakoentzako proba gainditu izana |
Zati komuna eta berariazko zatia |
| Hautatutako aukerarekin lotzen den teknikari titulua edukitzea |
Berariazko zatia |
| Hautatutako aukerarekin lotzen den profesionaltasun-egiaztagiria edukitzea, biko edo gehiagoko gaitasun-maila |
Berariazko zatia |
| Hautatutako aukerarekin lotzen den urtebeteko lan-esperientzia egiaztatzea |
Berariazko zatia |
| Goi-mailako titulu bateko gaitasun unitatearekin loturiko bi modulu gaindituta edukitzea |
Berariazko zatia |
Aukeretako baten sarrera-proba gainditu baduzu, beste aukeretako edozeinen zati komunaz libre egongo zara.
Goi-mailako zikloa gainditu ondoren, beste ikasketa batzuk aukera ditzakezu:
• Goi-mailako beste Heziketa-ziklo batzuk.
• Aukeratutako lanbideari lotutako unibertsitate-ikasketak.
• Sarrera-probaren bidez, gainontzeko unibertsitate-irakaskuntzetara.
Probaren prestaketa
| IKASTETXEA | ZATI OROKORRA | A AUKERA | B AUKERA | C AUKERA |
|---|---|---|---|---|
| Uni Eibar-Ermua BHI |
X |
X |
X |
X |
| Armeria Eskola GLHBI |
X |
|
X |
|
| Mutrikuko BHI |
X |
X |
||
| Easo Politeknikoa GLHBI |
X |
|
X |
X |
|
X |
X |
|||
| Meka GLHBI |
X |
X |
X |
X |
| Miguel Altuna GLHBI |
X |
|||
| Usurbil GLHBI |
X |
|||
| Tolosaldea GLHBI |
X |
|||
| Bidasoa GLHBI |
X |
|||
| Hernani BHI |
X |
|||
| Don Bosco GLHBI |
X |
|||
| Aretxabaleta GLHBI |
X |
* Probaren prestaketarako matrikula epea Irailean da.
Plazak gordetzea
Sarrera-probatik datozen ikasleei heziketa-zikloko plaza guztien %25 gordeko zaizkio. Plaza horiek guztiak ezin badira bete probatik datozen ikasleekin, soberan direnak zuzeneko sarrerakoei gehituko zaizkie.
2010eko deialdia
*Epeak
Izen ematea
2010eko maiatzaren 10etik 18ra Euskal Autonomia Erkidegoan heziketa-zikloak ematen dituen ikastetxe batean. Matrikula egitean, sarrera-proba egiteko azterketa-eskubideak ordaindu beharko dira. Tasen ordainketaren azken eguna maiatzaren 21a izango da.
Salbuespenen behin-behineko ebazpena eta proba egiteko onartu eta baztertutako lagunen zerrenda 2010eko maiatzaren 31n argitaratuko dira IEFPS Easo GLHBI (Felipe IV ibilbidea, 1, Donostia).
Salbuespenen ebazpenari eta onartu eta baztertutako lagunen zerrendari erreklamazioak jartzeko epea ekainaren 7a arte (12:00ak arte) luzatuko da.
Heziketa zikloetarako sarbide probak egiteko izena emanda duen ikasleren bat erdi mailako ziklo bat edo hasierako lanbide kualifikazioko programa bat egiten ari bada, behin-behineko ebazpenean eskatu dizkioten salbuespenei buruzko dokumentuak aurkeztu ahal izango ditu ekainaren 7a arte (12:00ak arte).
Ekainaren 10eko 12:00etan argitaratuko dira proba egiteko onartu eta baztertutako lagunen eta salbuespenen behin betiko zerrenda.
Probak
2010eko ekainak 17 eta 18 Bilbao Exhibition Centre, Euskadi etorbidea z/g. Ansio, Barakaldo. Pabilioiak zehazteke daude.
Erdi mailako sarrera proba
- Soziolinguistika eta matematika: Ekainaren 17a: 16:00
- Zientifiko teknikoa: Ekainaren 18a: 16:00
Goi mailako sarrera proba
- Zati komuna: Ekainaren 17a: 16:00
- Zati espezifikoa: Ekainaren 18a: 16:00
Proben emaitzak
2010eko ekainaren 28ko 12:00etan argitaratuko dira IEFPS Easo GLHBI ikastetxean (Felipe IV ibilbidea, 1, Donostia).
Une horretatik hasi eta ekainaren 29ko 12:00ak arte zabalik egongo da erreklamazioak egiteko epea probaren emaitzak argitaratu diren ikastetxean.
Erreklamazioen gaineko ebazpena 2010eko ekainaren 30eko 11:00tan argitaratuko da probaren emaitzak argitaratu diren ikastetxeko iragarki-taulan.
Proba guztiak gainditu dituzten ikasleek egiaztagiriak eskura ditzakete 2010eko ekainaren 28tik aurrera, emaitzak argitaratu dituen ikastetxeko idazkaritzan. Proben zatiren bat bakarrik gainditu dutenek, berriz, ekainaren 30etik aurrera eskuratu ahal izango dituzte gainditutako zatiaren edo zatien egiaztagiriak.
* Emaitzak
Onartuen, ez onartuen eta salbuespenen ebazpenaren behin-behineko zerrendak
Kalifikazioen behin-behineko zerrenda
Erdi mailako sarbide proba
Goi mailako sarbide proba
Kalifikazioen erreklamazioen ebazpena
Erdi mailako sarbide proba
Goi mailako sarbide proba
2009ko deialdia
* Emaitzak
Onartuen, ez onartuen eta salbuespenen ebazpenaren behin-betiko zerrendak
Kalifikazioen behin-behineko zerrenda
Kalifikazioen erreklamazioen ebazpena
