Nafarroako euskal dantzarien eguna egingo da bihar Leitzan

2010-09-10

Nafarroako euskal dantzarien eguna Leitzan egingo da aurten. Bihar, arratsaldeko 17:00etatik 18:00ra bitartean, parte hartuko duten hamabi taldeak herriko hainbat gunetan ariko dira dantzan. Ondoren kalejira egingo dute eta 19:00ak aldera plazan bilduko dira. Ekitaldi nagusia amaitu ostean afaria izango da, eta dantzari egunari erromeriak emango dio amaiera.

  • Iruzkina idatzi
  • Lagun bati bidali
11itzulpen

Eduardo Chillidaren biografia plazaratu du Txertoak

2010-09-10

Chillida

Txertoa argitaletxeak lau pertsona ezagunen biografiak plazaratu ditu Nor da? bildumaren baitan. Eduardo Chillida, Simon Bolivar, William Shakespeare eta Francisco Goya dira bederatzi eta hamabi urte bitarteko gaztetxoei zuzendurik dauden liburuetako protagonistak.

  • Iruzkina idatzi
  • Lagun bati bidali
Gasteizko udala

Joseba Tapiak 'Eta tira tunba' diskoa aurkeztuko du datorren astean

2010-09-10

Joseba Tapiak datorren asteazkenean aurkeztuko du Eta tira tunba diskoa, Donostiako Arbelaitz jatetxean, goizeko 11:00etan. Bigarren Gerra Karlistako koplak bildu ditu Tapiak disko berrian. Bere webgunean kanta guztien hitzak irakurri eta horietako bi entzuteko aukera duzue jada.

  • Iruzkina idatzi
  • Lagun bati bidali

Topaguneak 70.000 euro jasoko ditu mintzapraktikarako

2010-09-10

Eusko Jaurlaritzako Hizkuntza Politikarako Sailburuordetzak eta Topagunea Euskara Elkarteen Federazioak hitzarmena sinatu zuten atzo mintzapraktika programak diruz laguntzeko. 3.405 mintzalagun eta 64 egitasmoren artean 70.000 euro banatuko ditu Jaurlaritzak.

  • Iruzkina idatzi
  • Lagun bati bidali

Gaur irekiko ditu ateak Marga Altolagirreren laborategiak

2010-09-10

Marga Altolagirre aktorearen arte eszenikoen laborategia Donostian dago, Elosegi hiribidean. Gaur inauguratuko dute, 19:00etan. Haren helburua da "arte eszenikoen irakaskuntzaren inguruan Donostialdean eta Euskal Herri mailan dagoen hutsunea betetzea". Antzerki eskolatik harago doa, edukiak sortu eta erakusteko asmoa baitu abiatzear den egitasmoak. Klaseak datorren astelehenean hasiko dira, izena emateko epea hilaren bukaera arte luzatuko den arren. Laborategiaren webgunean informazio gehiago eskura dezakezue.

  • Iruzkina idatzi
  • Lagun bati bidali

'Panpin batzuk gara, jendeak eraginda'

Garazi Kamio, Igartza bekaren irabazlea| 2010-09-10

"Ipuin bilduma bat egin nahi dut. Gerizpeko panpinak ipini diot izenburu. Hasi nintzen proiektua etxean idazten eta esan nuen nere artean: jo, gure bizitzan zehar antzezlan bat ikasten ari gara denbora guztian; bai gurasoen aldetik bai etxekoen aldetik, eta bizi garen auzo-herriaren aldetik... Baina halako batean pentsatzen duzu: bidegurutze honetara iritsi naiz eta momentu honetan ez dakit zer egin. Azken batean horixe adierazten du izenburuak: panpin batzuk garela, jendearen gerizpean bizi garela, jendearen eraginen pean. Ipuin horietan, jendeak dituen beldurrak kontatzen dira, bizitzako galdera ikurrak".

  • Iruzkina idatzi
  • Lagun bati bidali

Deusto Argitalpenak, Jaurlaritzaren eta talde italiar baten esku

2010-09-10

Deusto Argitalpenak Planeta de Agostini taldearen esku zegoen gaur arte. Orain, Lediberg talde italiarrak erosi du, Eusko Jaurlaritzaren menpe dagoen Spri taldearen babesarekin. Jaurlaritzak kapitalaren %35 eskuratu du, eta Deusto Argitalpenak taldeko zuzendaritzak %10. Spri-ko ordezkariek adierazi dutenez, enpresaren eta Euskal Herriaren arteko lotura indartu nahi izan dute.

  • Iruzkina idatzi
  • Lagun bati bidali

Karlos Zurutuza Afganistandik zuzenean

2010-09-10

Karlos Zurutuza kazetaria (Donostia, 1971) hilabetez egongo da Afganistanen, hauteskundeak aitzakia hartuta, bertako biztanleen eguneroko bizitzaren berri emateko. Egunez-egun, ARGIA.com-en plazaratuko ditu bere kronikak, Afganistandik webgune berezian. Kurdistanen (Iran, Irak, Siria eta Turkian), Balutxistanen (Pakistan eta Iranen), Kaukasoko herrialdeetan (Georgia, Armenia, Azerbaian, Abkhazia, Hego Osetia eta Nagorno Karabagh) eta Balkanetan lan egindakoa da Zurutuza.

ARGIA.com-en bidaia horietako batzuen berri eman digu kazetari donostiarrak: Kurdistan, Europako gatazka izoztuak eta Flandes.

  • Iruzkina idatzi
  • Lagun bati bidali
Aurreko egunetako albisteak
Afganistandik Bloga

Azken artikuluak

Aldizkarian

Sartu aldizkarian

Erantzunak

Larrun
"Eredu ekonomikoari bira eman ahal zaio?"
Denda
Argiaren urteurreneko Zumetaren lamina
Argiaren urteurreneko Zumetaren lamina
Salneurria: 160€
Jarraitu ARGIA
       
FacebookFacebook TwitterTwitter
   
RSSRSS-a BuletinaBuletina
   
Argia.com

© 2008 ARGIA.com - Komunikazio Biziagoa
Industrialdea, 15 · 20160 Lasarte-Oria (Gipuzkoa)
Tlf: 943 371 545 - 943 373 403

Laguntzaileak

Gipuzkoa Eusko Jaurlaritza Bizkaiko Foru Aldundia