Nabigazioa
Saioa hasi


Pasahitza ahaztuta?
Erabiltzaile berria?
 

Guztiak

[34:41]
1 2 3 4 5 [0]

Urriko hego-haizearekin batera bertsoak Iurretan

Bertsolariak

Amets Arzallus, Jon Maia, Andoni Egaña, Unai Iturriaga, Maialen Lujanbio, Miren Amuriza

Gaijartzailea

Maite Berriozabal

Ikusleak

380

Data

2010/10/02 22:00:00 GMT+2

Lekua

Iurretako Olaburu frontoia

Saioaren hasieran Maite Berriozabal gai-jartzaileak esan zuen moduan, harritzekoa izan zen Iurretako bertso-jaialdian entzuleak jertserik gabe ikustea. Garai honetan oso ohikoa ez den beroa zegoen larunbat gauean, eta kanpoko hego-haize eroa frontoi barruan ere nabari zen. Amets Arzallus, Andoni Egaña, Jon Maia, Unai Iturriaga, Maialen Lujanbio eta Miren Amuriza igo ziren oholtzara, gai-jartzailerakin batera. Batik bat umoretik izan zuen saioak eta entzuleak oso gustura egon ziren barre-algarekin barrenak hautsi beharrean; zentzu horretan, aipatzekoa lau gipuzkoarrek bizkaieraz osatu zuten bertsoaldia. Ia 400 bertsozale elkartu ziren Olaburu frontoian.

[26:29]
1 2 3 4 5 [0]

Herensugeari bertsotan

Bertsolariak

Maialen Lujanbio, Uxue Alberdi, Julio Soto, Aitor Sarriegi

Gaijartzailea

Aitor Mendiluze

Ikusleak

180

Data

2010/09/26 19:00:00 GMT+2

Lekua

Irurako San Migel plaza

Herensugea, horixe dago Irurako udaletxean zintzilik egun hauetan. Izan ere, herriko jaiak ari baitira ospatzen egun hauetan eta animalia hori baita irurarren ikurra. Azken urteetan ohiko bihurtu den moduan, aurten ere bertso-saioa izan dute herriko plazan. Bertso-saioa baino lehen herri-kirolak izan ziren plazan eta ikusmin handia eragin zuten Idoia Etxeberria harri-jasotzaile gazteak marka berria hartzen saiatu behar zuela-eta. Idoiak lortu zuen marka berria ezartzea eta bertsolariak ere ez ziren atzean geratu. Maialen Lujanbio, Uxue Alberdi, Julio Soto eta Aitor Sarriegi aritu ziren bertsotan, eta Aitor Mendiluze ohiko ez duen lekuan, gai-jartzaile lanetan. Saio polita osatu zuten eta hotz bazegoen ere, ilunabar atsegina pasa zuten han elkartu ziren 180 bat lagunek.

[17:35]
1 2 3 4 5 [1]

Odei Barroso garaile lehen kanporaketan

Bertsolariak

Bixente Hirigarai, Ximun Cazaubon, Joanes Etxebarria, Odei Barroso, Patxi Iriart, Ramuntxo Christy

Gaijartzailea

Txapelketako gai-jartzaile taldea

Gai-emaileak

Maritxu Lopepe

Lekua

Muskildiko Posonpesenea

Abian da Xiberoa, Lapurdi eta Baxenabarreko Bertsulari Xapelketa. Pasa den larunbatean jokatu zen lehen kanporaketa; giro bikaina izan zuten Muskildiko Posonpesenean. 145 bat lagun elkartu ziren eta ez zuten atsedenik hartu saio osoan sei bertsolariak txalotzen. Bixente Hirigarai, Ximun Cazaubon, Joanes Etxebarria, Odei Barroso, Patxi Iriart eta Ramuntxo Christy izan ziren lehen kanporaketa honetan eta esanda bezala, Odei Barroso izan zen garaile. Berarekin batera, bigarren sailkatu zen Patxi Iriartek ere finalerdietarako zuzeneko txartela lortu dute. Gainontzekoek beste kanporaketen zain geratu beharko dute. Hurrengo kanporaketa datorren larunbatean jokatuko da Aiherran. Han izango dira Miren Artetxe, Xumai Murua, Mattin Luku, Kristiñe Txoperena, Txomin Elosegi eta Gillen Hiribarren. Informazio gehiago nahi izanez gero, www.xilaba.net web-orrian duzue Xiberoa, Lapurdi eta Baxenabarreko Bertsulari Xapelketari buruzko informazio guztia.

[01:05:18]
1 2 3 4 5 [1]

Ileorde, traje eta txapelekin bertsotan

Bertsolariak

Ainhoa Agirreazaldegi, Iñaki Gurrutxaga, Arkaitz Oiartzabal "Xamoa", Beñat Gaztelumendi

Gaijartzailea

Egoitz Aizpuru

Ikusleak

90

Data

2010/09/18 23:00:00 GMT+2

Lekua

Alegiako Kalebehera auzoa

Bertso-saio musikatua egin zuten larunbatean Alegiako Kalebehera auzoan. Nahikoa traste jarri zituzten soinean eta nola ez, bertsoa ahoan. Ainhoa Agirreazaldegi, Iñaki Gurrutxaga, Beñat Gaztelumendi eta Arkaitz Oiartzabal “Xamoa” aritu ziren bertsotan eta saioa musikatua zenez, beste bi lagun izan zituzten ondoan gitarrarekin. Gai-jartzaile lanetan Egoitz Aizpuru aritu zen. Saio polita atera zen eta bideoetan entzun daitekeenez, publikoak ere hartu zuen parte oihu, txistu eta txaloekin.

[27:44]
1 2 3 4 5 [0]

Bertsoak Lezoko Baserritar egunean

Bertsolariak

Sebastian Lizaso, Andoni Egaña, Julio Soto, Miren Amuriza

Gaijartzailea

Jon Zaldua

Ikusleak

175

Data

2010/09/15 20:00:00 GMT+2

Lekua

Lezoko plaza

Esan ohi da bertsoa betidanik egon izan dela lotuta baserri-giroarekin; horrela izan ala ez, Lezon behintzat bertsoak garrantzia handia hartzen du jaietako Baserritar egunean. Pasa den asteazkenean izan zen Baserritar eguna Lezon; eguerdian bertsolariekin bazkaldu zuten baserritarrek eta iluntzean bertso-saioa entzuteko aukera izan zuten plazan. Aurten Sebastian Lizaso, Andoni Egaña, Julio Soto eta Miren Amuriza aritu dira bertsotan eta Jon Zaldua gai-jartzen. Baserriko gaiak, baserri-giroan.

[31:46]
1 2 3 4 5 [0]

Bermeon arraunarekin batera bertsoa protagonista

Bertsolariak

Miren Amuriza, Estitxu Arozena, Amets Arzallus, Igor Elortza

Gaijartzailea

Bernardo Mandaluniz

Ikusleak

280

Data

2010/09/12 22:00:00 GMT+2

Lekua

Bermeoko frontoia

Zalantzarik gabe pasa den igandean arrauna eta arraunlariak izan ziren protagonista Bermeon, Urdaibaik Kontxako bandera irabazi zuen eta; baina horrek ez zuen bertsoa umezurtz utzi. Arraunlariei egin beharreko ongi-etorria egin ondoren, 300 bat lagun gerturatu ziren herriko pilotalekura bertsoak entzutera. Miren Amuriza, Estitxu Arozena, Igor Elortza eta Amets Arzallus aritu ziren bertsotan, Bernardo Mandalunizen gidaritzapean.

[56:50]
1 2 3 4 5 [0]

Urteroko hitzordua Alkizako frontoian

Bertsolariak

Amets Arzallus, Anjel Mari Peñagarikano, Andoni Egaña, Maialen Lujanbio, Beñat Gaztelumendi, Sebastian Lizaso

Gaijartzailea

Amaia Agirre

Ikusleak

275

Data

2010/09/11 23:00:00 GMT+2

Lekua

Alkizako frontoia

Bertsozale asko elkartzen da urtero Alkizako jaietako bertso-saioan eta aurten ere ia 300 lagun gerturatu ziren herriko frontoira.. Amets Arzallus, Anjel Mari Peñagarikano, Andoni Egaña, Maialen Lujanbio, Beñat Gaztelumendi eta Sebastian Lizaso igo ziren oholtzara Amaia Agirre gai-jartzailearekin batera. Saio polita osatu zuten bertsolariek, Umoretik izan zuen asko, nahikoa barre egin zuten bertsozaleek Anjel Marik eta Andonik Habanera doinuan egin zuten saioan. Hala ere, tartean izan zen ileak tente jartzeko moduko bertsoaldiren bat ere, Maialenek eta Ametsek aitona-biloben paperean heriotzari buruz osatu zutena esaterako.

[33:52]
1 2 3 4 5 [1]

San Gregorioko bertsoak kamioi gainean

Bertsolariak

Iban Urdangarin, Julio Soto, Amaia Agirre, Iñaki Gurrutxaga, Iratxe Ibarra, Unai Muñoa

Gaijartzailea

Inazio Usarralde

Ikusleak

90

Data

2010/09/03 23:00:00 GMT+2

Lekua

Ataungo San Gregorio auzoko frontoia

Askori ari zaizkie bukatzen orain udako oporrak, baina uda osoan atsedenik hartu ez dutenak bertsolariak izan dira. Pasa den asteburuan ere izan ziren bertso-saioak Euskal Herriko hainbat txokotan, horietako bat Ataungo San Gregorio auzoan. Unai Muñoa, Iratxe Ibarra, Iñaki Gurrutxaga, Amaia Agirre, Julio Soto eta Iban Urdangarin aritu ziren bertsotan kamioi gainean; bai kamioi gainean bai, hori jarri zuten oholtza moduan. Inazio Usarraldek gidatu zuen saioa 90 bat bertsozaleren aurrean.

[01:34:31]
1 2 3 4 5 [0]

Aitzol Barandiaran Lizardi Sariko garaile

Bertsolariak

Manu Goiogana, Xumai Murua, Jone Uria, Ane Labaka, Asier Azpiroz, Aitzol Barandiaran

Gai-emaileak

Felix Zubia

Ikusleak

300

Data

2010/09/03 22:00:00 GMT+2

Lekua

Zarautzeko Zinema frontoia

Lizardi sariketako finala, Zarautzeko euskal astearen barruko ekintza, aurreko ostiralean hilak 3an ospatu zen Zarautzeko Zinema frontoian. Hainbat kanporaketa egon eta gero seikote honek osatu zuen finala: Manu Goiogana Irundarra, Xumai Murua Azkainekoa, Jone Uria algortarra, Ane Labaka Lasartekoa, Asier Azpiroz zubietarra eta Aitzol Barandiaran ataundarrak. Bost lan puntuagarri osatu behar izan zituzten bertsolariak: lehenik eta behin 3 bertso zortziko txikian, beste 3 zortziko handian, bi puntuei erantzun bakoitzak, hamarreko txikian beste hiruna bertso eta lan puntuagarriekin amaitzeko kartzelako lanean hiru bertso. Nabarmentzekoa izan zen finalean zehar sei bertsoariak erakutsi zuten maila. Azkenean, Aitzol Barandiaranek eraman zuen txapela eta Jone Uria gelditu zen bigarren. Saio txukun eta bizia izan zen Ataundarrarena, baina beste boston lana ere ez zen atzean gelditu. Basarri bertso-paperen lehiaketako irabazlea ere bertan erabaki zen. Saria Aitor Albistur oreretarrak eraman zuen "Kabuletik" izena zuen lanarekin. Bigarren postua berriz, Unai Agirre Hernaniarrak eskuratu zuen, "Txakurrak hankautsik" lanarekin.

[20:04]
1 2 3 4 5 [0]

Bilbo egunero bertsotan

Bertsolariak

Odei Barroso, Manex Agirre, Julio Soto, Beñat Gaztelumendi

Gaijartzailea

Irati Erkizia

Ikusleak

310

Data

2010/08/27 13:00:00 GMT+2

Lekua

Bilboko Santiago plaza

Bilboko Aste Nagusian egunero izan dute bertsoak entzuteko aukera. Santutxuko Bertso Eskolak antolatu ditu saioak eta Santiago plaza izan da bertso-gune nagusia. Hemen ikusgai duzuena hilaren 27ko saioa da, han ziren Beñat Gaztelumendi, Julio Soto, Manex Agirre eta Odei Barroso. Gai-emaile lanetan Irati Erkizia aritu zen.

RSS Feed
Contribute!
contribute with your material
Azken komentarioak
4-Festetan beti kanpora Elortza [Josu, 2010/09/15]
Arkaitz eta Alaia mainontzin Oroimenaren alde [Josi, 2010/05/05]
Jon Maia Bertso Egunean Jon Maia [Anonimo, 2009/12/07]
Lazkao Txikik ispiluari botatakoak Iru ixkinak [Zirilo, 2009/11/02]
Aita egokiaren bila aitzol barandiaran [bertsozalea, 2009/10/24]
Kartzelakoan Ibon Ajuria bikainak [bertsozalea, 2009/10/16]
Eneko Lazkoz: "Pena da puntu bakarrean hiru bertsolari geratu eta ni hirugarrena izatea" Epaileak [Anonimo, 2009/02/26]
Egoitz Gorosterrazu eta Garazi Taberna zortziko txikian egaña [andoni, 2008/11/28]
Muskizko kanporaketa. 8 H. Petuya eta Salaberria Mikel Petuyaz [begoña gomez, 2008/11/01]
Luhusoa Kartzela Odei aupa odei! [Hunki, 2008/10/29]
 

Hemen zaude: Hasiera
Plonerekin eginda