Albisteak
Ahotsak-eko lekukoak omendu zituzten Berastegin
Mai. 20, 2011, 2:41 p.m. ¦
Berastegiko Udalak eta Badihardugu Euskara Elkarteak Berastegiko ahotsak proiektuan parte hartu zuten lekuko guztiak omendu zituzten igandean, maiatzak 15, urtero San Isidro egunez egiten den bazkarian.
Ahozko ondarea batu, katalogatu eta hedatzeari buruzko ikastaroa emango dugu UEUrekin
Mai. 12, 2011, 10:35 a.m. ¦
UEUk aurtengo udarako prestatu duen ikastaro sortaren baitan, "Euskal Herriko Ahozko Ondarea: bilketa, katalogazioa eta hedapena" izenburutzat duen ikastaroa emango du Badihardugu Euskara Elkarteak. Testigantzak nola jaso, katalogatu eta hedatu azalduko da bertan.
Nafarroa Behereko lehenengo bideoak sarean
Mai. 10, 2011, 8:48 a.m. ¦
Poliki-poliki bagabiltza Euskal Herriko txoko gehientsuenetako lekukotasunak biltzen. Nafarroa Behereko zenbait herritako testigantzak jasoak genituen eta orain horiek ere sarean entzungai ipintzen hasi gara. Lehenengo bideoak Xelextin Saroiberri urepeldarrarenak dira.
"Euskara gaixo" dokumentala, Osakidetzako hizkuntza urraketak salatzeko
Mai. 6, 2011, 9:37 a.m. ¦
Hizkuntza Eskubideen Behatokiak dokumentala kaleratu du, Kepa Elortza oñatiarraren testigantza oinarri hartuta, Osakidetzan hizkuntza eskubideen "etengabeko urraketa" salatu eta "urjentziazko neurriak" eskatzeko.
Gernikako bonbardaketaren 74. urteurrena
Api. 26, 2011, 8:58 a.m. ¦
1937ko apirilaren 26an erre zuten Gernika-Lumoko herria Francoren aliatuak ziren Alemaniako "Kondor" Legioko hegazkinek. Ehundaka herritar hil ziren arratsalderako laurak aldera hasi ziren erasoetan. Bertatik bertara egun hori bizi izan zuten hainbat eta hainbat lekuko ditugu elkarrizketatuta. Beraien omenez hona hemen horietako hainbat lekukotasun.
Wichita hizkuntzako azken lekukoa
Api. 19, 2011, 12:32 p.m. ¦
Al Jazeera telebista-kateak Wichita hizkuntza (Oklahoma, AEB) hitz egiten duen azken lekukoa elkarrizketatu du, Doris McLemore. Bera da Ameriketako hizkuntza hori hitz egiten duen azkenengo pertsona. "Gizon zuriak gure hizkuntzak suntsitu nahi izan zituen".
Ahotsak Hamaika Telebistan
Api. 15, 2011, 2:33 p.m. ¦
Duela pare bat aste Eibarren izan genituen Hamaika Telebistakoak. Ahotsaken inguruan solasean aritu ginen beraiekin. Hemen duzue emaitza.
Ahotsak proiektuan parte hartu duten arrasatearrek omenaldia jaso zuten Kulturaten
Api. 15, 2011, 2:31 p.m. ¦
Duela pare bat egun aurkeztu genuen Arrasateko Ahotsak proiektua Kulturateko areto nagusian. Udaleko ordezkariek eta Badihardugu elkarteak horrelaxe eskertu nahi izan zieten beraien ekarpena azken urteetako grabazioetan parte hartu duten arrasatearrei.
80 urte Eibarren II. Errepublika aldarrikatu zela
Api. 14, 2011, 9:54 p.m. ¦
1931ko apirilaren 14an aldarrikatu zen Espainiako estatuan II. Errepublika. Aldaketa politiko ikaragarria suposatzen zuen gertakariak eta pozez zoratzen utzi zuen ezkerreko eta ikuspegi aurrerakoiko jendea. Eibar izan zen estatu osoan Errepublika aldarrikatu zuen lehen herria. Hona hemen nola bizi izan zuten egun hura bai herrian bertan, bai inguruko beste lekuetan ere.
Donostiako Ahotsak aurkezpena
Api. 12, 2011, 6:11 p.m. ¦
Joan zen astean ekitaldi ederra izan genuen Donostiako Udaletxean. Azken 2 urteotan Donostian elkarrizketatu ditugun lekukorik gehienak Areto Nagusian bildu genituen, proiektuan parte hartzea eskertzeko eta bakoitzari bere DVDa eta diploma emateko. Bide batez, orain arte egindako lana ere aurkeztu genuen. Donostiako Euskara Patronatuaren eta Badihardugu Euskara elkartearen arteko lankidetza-hitzarmenari esker, 2009tik hona 135 donostiar elkarrizketatu dira Donostiako Ahotsak proiektuan. Hona hemen zenbait datu, ekitaldiko argazkiak eta Donostiako proiektuaren aurkezpen-bideoa.
Euskera Batua-Bizkaiera bihurgailu automatikoa aurkeztu dabe
Api. 6, 2011, 2:11 p.m. ¦
Gaur aurkeztu dan sistemea Eleka Ingeniaritza Linguistikoak garatu dau eta Bizkaiko Foru Aldundiaren Azkue Fundazinoagaz batera jarri dau proiektua martxan. Holan, tresna barri horri esker, euskera batuan dagozan testuak bizkaierara aldatu ahal izango dira eta alderantziz. Oraindik Beta fasean dago egitasmoa, hau da, frogak eta hobekuntzak egiten jarraitzen dabe, baina Bilbon gaur egindako aurkezpenean aurreratu dabenez, maiatzean danon eskura egongo da bihurgailua.
Burdinola Elkartearekin hitzarmena
Api. 3, 2011, 11:32 a.m. ¦
Ostiral arratsaldean bildu ziren Legazpin Burdinola Elkarteko eta Badihardugu Elkarteko zenbait kide. Helburua, bikoitza: batetik elkarte bien arteko lankidetza hitzarmena izenpetzea; bestetik, Aitor Azpiazuk azken urteotan Legazpin egindako hainbat grabazio Ahotsak.com webgunerako jasotzea.
Durangoko Bonbardaketa
Api. 1, 2011, 1:36 p.m. ¦
1937ko martxoaren 31n armada faxistako hegazkin italiar eta alemaniarrek Durango bonbardatu zuten eta 336 hildako eragin. Herminio Urizar elorrioarra Durangon bizi zen sasoi hartan familiarekin, eta goiz hartan bizi izandakoa kontatu zigun.
Zornotzako hainbat grabazio zahar
Api. 1, 2011, 12:38 p.m. ¦
Zornotzako 88 grabazio zahar jaso ditugu eta jadanik gure webgunean daude katalogatuta. 1988. urtean eta 2007-2008 urte bitartean bertako aditz-erak eta toponimia jasotzeko egindako grabaketak dira.
"Elorrioko Ahotsak" proiektuko emaitzen aurkezpena
Api. 1, 2011, 11:45 a.m. ¦
Martxoaren 30ean, eguastenez, aurkeztu ziren herriko udaletxean "Elorrioko Ahotsak" proiektuaren lehen emaitzak. Udaleko eta Badiharduguko ordezkariek gidatu zuten ekitaldian 50 lagunetik gora izan ziren, hiztun, senide eta bestelako herritarren artean.
Eibarko udalarekin hitzarmena Badihardugu Elkarteak
Api. 1, 2011, 10:55 a.m. ¦
Atzo arratsaldean ekitaldi jendetsua izan zen Eibarko udaletxean. Udalak herriko elkarteekin hitzartu dituen hitzarmenak izenpetu ziren, kultura, kirol, euskara eta jaien arloan. Tartean Badihardugu Elkartea eta Ahotsak.com proiektua.
Komunikaldiak 2011: egile eskubideak
Mar. 24, 2011, 10:01 a.m. ¦
Atzo, Martxoak 23, Komunikaldiak 2011 jardunaldiak ospatu ziren Eskoriatzako HUHEZI fakultatean. Aurtengoa 6. edizioa izan zen eta egile eskubideak izan zituen hizketagai. Zenbait adituk eta euskal kulturgintzako alor desberdinetako ordezkariek hartu zuten parte bertan.
"Ari-arika, ezpainetan hika"
Mar. 23, 2011, 1:07 p.m. ¦
Zumaiako Udalak hitanoaren erabilera sustatu nahian, unitate didaktikoak prestatu ditu, LHko eta DBHko gaztetxoak hitanora hurbil daitezen.
4000 grabazio datu-basean
Mar. 16, 2011, 9:04 a.m. ¦
Ahotsak.com datu-base eta artxibategian 4000. grabaziora heldu gara. Mañarian egindako azkenengo elkarrizketarekin iritsi gara zenbaki borobil horretara. Eskerrik asko guztioi!
"Lehengo aztiri" liburua aurkeztu da Legazpin
Mar. 7, 2011, 9:23 a.m. ¦
Atzo igandea, martxoak 6, aurkeztu zen Legazpin Burdinola elkartearen azken liburua: Lehengo Aztiri. Aitor Azpiazu eta Jose Luis Ugarte ikerlarien lana da.
