Errezetak

Errezetak

Estilo tradizionaleko angulak

Osagaiak:
250 gr. angula. Oliba olio birjina. Baratxuri ale 1. Pipermin puska 1.
Denboraldia:
Urte osoa
Jatorria:
euskadi.net
Zailtasuna:
baja

Prestaketa

Buztinezko ontzi txiki batean su bizitan oliba olio birjina, baratxuri ale bat eta pipermin puska bat jarri. Irakiten duenean gula kilo laurdena gehitzen zaio, eta etengabe egurrezko sardearekin nahasi behar dira. Tarte txiki batez irakin eta gero, ontzian berean zuzenean zerbitzatuko da. Jankide bakoitzeko kazola bana.

Bakailaoa Pil-Pil erara

Osagaiak:
Arantzarik gabeko 4 bakailao zati. 4 baratxuri ale. Oliba olio birjina. 4 pipermin lehor.
Denboraldia:
Urte osoa
Jatorria:
euskadi.net
Zailtasuna:
Media

Prestaketa

Bakailaoa bezperan uretan beratzen utzi behar da, eta gutxienez hiru aldiz urak aldatua izana behar du. Bakailaoa kazola batean ur askorekin egiten jartzen da, irakiten hasten den arte. Orduan sutik kendu eta bakailaoa kontuz ateratzen da, ura kendu eta trapu baten gainean uzteko gero..

Buztinezko kazolan txikitutako baratxuriak eta zerrendetan moztutako piperminaren parte bat olio askorekin xigortzen dira. Baratxuriak gorrituta daudenean atera egiten dira, eta ontzian bereiztutako bakailao xerrak azala gorantz dutela jarri. Su apalean etengabe mugitzen da kazola borobilean, bakailaoa egin zen ontziko ur pixka bat gehituta. Kazola mugitzen dugun heinean, saltsa loditzen joango da ukitu gelatinakara hartu arte. Une horretan platera zerbitzatzeko prest egongo da eta dekoratzeko, gorritutako baratxuria eta erabili gabeko pipermina jarriko zaizkio.

Marmitakoa

Osagaiak:
Hegaluze kg 1⁄2 . Patata kg.1. 2 tipul. 2 piper berde. 2 piper gorri. 2 lukainka-piper. 2 tomate. 2 baratxuri ale. Oliba olioa eta gatza.
Denboraldia:
Udara
Jatorria:
euskadi.net
Zailtasuna:
Media

Prestaketa

Birrindutako tipula eta baratxuria olio pixka batekin kazola batean beratzen jartzen dira. Biguna dagoenean txikitutako piperminak eta lukainka-piperren haragia gehitzen zaizkio. Beranduago moztu eta zuritutako tomateak gehitzen zaizkio.

Dena ondo beratuta dagoenean laukitan moztutako patata gehitzen zaio eta hegaluzearen hondarrak egostetik ateratako saldarekin edo urarekin estaltzen da. Irakiten jartzen da eta ondu. Egina dagoenean hegaluzea laukitan zatikatua eta ondua sartzen da, kazola estaltzen da eta tarte bat igaro ondoren sua itzali eta hamar minutuz jalkitzen utzi behar da, hegaluzea egiteaz amaitzeko.

Txangurro

Osagaiak:
Txangurru 1. Tipul goilarakadatxo 1. Tomate goilarakada 1. Porru goilarakada 1⁄2. Oliba olioa. Brandya. Ogi birrindua. Gurina. Gatza

Denboraldia:
Urte osoa
Jatorria:
euskadi.net
Zailtasuna:
Baja

Prestaketa

Txangurrua gatz uretan ordu laurdenez egosi, egosten hasten denetik zenbatzen hasita. Beste alde batetik tipula eta txikitutako porrua oliotan arin frijitzen jartzen dira. Egiten doazen heinean, zuritutako eta pusketan moztutako tomatea gehitzen zaio, eta desegin arte egiten utzi behar da, gutxi gora-behera ordu laurden.

Txangurrua ireki eta salda saltsako kazolara isurtzen da. Brandy txorrotada bat bota eta dena ondo nahasten da. Hanketatik eta gorputzetik haragia zati handitan ateratzen da (mailuarekin irekiz). Saltsarekin nahasten da eta tarte laburrez irakinarazten. Oskolera isurtzen da, eta gurin eta ogi birrindu pixka batez estalita, labean gainerretzen da.

Bacalao a la vizcaína

Osagaiak:
Hezurrik gabeko 6 bakailao puska. 12 lukainka-piper. 2 tipul. 2 ogi xigortu xerra. 6 tomate gorri. Gatza eta azukrea.

Denboraldia:
Urte osoa
Jatorria:
euskadi.net
Zailtasuna:
Media

Prestaketa

Bakailaoa aurreko egunetik beratzen utzi da eta ura hiru aldiz aldatu zaio tarte horretan. Piperrek ere beratzen egon behar zuten gutxienez 5 ordu lehenagotik. Bakailaoa ur askoko kazola batean egiten jartzen da, ura irakiten hasi baino pixkatxo bat lehenago. Irakitean sutik kendu eta bakailaoa kontuz ateratzen da.

Bizkaitar saltsa prestatzeko baratxuri aleak olio askorekin gorritu behar dira, eta gero zerrendetan moztutako tipulak gehitu behar zaizkio ondo egina geratu arte. Ogi frijitua gehitzen zaio saltsa loditzeko. Gero lukainka-piperren, laukitan moztu eta zuritutako tomateen, eta azukre pixka baten txanda da. Su geldoan egosi eta prest dagoenean irabiagailutik pasatzen da.

Azkenik, buztinezko kazolan bakailao xerrak azala gorantz dutela jartzen dira bizkaitar saltsa oinarriaren gainean eta saltsa kantitate handiagoz estaltzen dira. Irakin eta gero, prest izango da.

Hegaluzea tomatearekin

Osagaiak:
Hegaluzea: 750 gr. Tomateak: kg.1. Baratxuri ale 1. 2 tipul. Oliba olioa.
Denboraldia:
Udara
Jatorria:
euskadi.net
Zailtasuna:
Baja

Prestaketa

Buztinezko kazola batean bi tipul eta baratxuri ale bat arin frijitu behar dira. Prest dagoenean hegaluze xerrak gehitzen zaizkio (lagun bakoitzeko). Hegaluze kazola sutik kendu eta tomate zuritu eta laukitan zatikatua gehitzen zaio. Ondu eta azukre pixka bat gehitzen zaio. Irabiagailutik pasatzen da saltsa fina lortu arte. Hau kazolara botako da, gainean hegaluzea jarriko zaio, eta jarraian irakinaldi bat eman.

Legatza koxkero erara

Osagaiak:
4 hegaluze xerra. Arrain salda. Oliba olioa. Tipul 1. 5 baratxuri ale. 150 gr ilar. 150 gr. Txirla. 2 arrautza gogor. 4 zainzuri. Perrexila
Denboraldia:
Urte osoa
Jatorria:
euskadi.net
Zailtasuna:

Prestaketa

Buztin kazola batean, baratxuria eta tipula oliba oliotan su ertainean frijitzen dira. Legatza gehitzen zaio. Egiten den bitartean, kazola borobilean mugitzen da saltsa loditzen joan arte. Arrain salda pixka bat gehituko diogu, aurretik legatzaren hondakinekin egindakoa; txirlak, ilarrak eta perrexila ugari botako zaio.

Legatza egina dagoenean, moztutako arrautza gogorrek eta zainzuriek lagunduta zerbitzatuko da..

Txipiroiak bere tintan

Osagaiak:
Txipiroi txiki kg. 1. 2 tinta poltsa. Tipul 1. 2 tomate. Ardo zuria. Irina. Ogi birrindua. Gatza. Oliba olioa.

Denboraldia:
Urte osoa
Jatorria:
euskadi.net
Zailtasuna:
Baja

Prestaketa

Behin txipiroiak garbitu eta gero, garroak gorputzean sartu, irinetan pasa eta frijitu egiten dira. Zartagi batean txikitutako tipula eta tomatea jartzen da. Minutu batzuren ondoren irin pixka bat eta ogi birrindu pixka bat gehitzen zaio gorritu arte. Ur pixka bat eta ardo zuri kopatxo bat gehitzen zaio. Kontzentratzeko irakiten utzi eta gero irabiagailutik igarotzen da.

Saltsa hau tintarekin nahasten da, aurretik ur pixka batetik pasata. Buztinezko kazola batean jarritako txipiroien gainera isurtzen da, eta saltsa loditu arte su geldoan jarri.


Udalarrantz - Red de municipios pesqueros del País Vasco